Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 29 Mars 2013 ~ (16 Jamad’ul Awwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Sa semaine là bane Chrétiens, ki li à Maurice et dans le monde pé célébrer Pâques. Pâques (connue couma “Easter” en anglais) c’est ene jour ki honoré par la kazi-totalité de bane chrétiens azordi jour et li marque zot la résurrection de Jésus-Christ (Hazrat Issa (as)). Bane Chrétiens croire ki Jésus (as) fine ressuscité de parmi bane morts trois jours et trois nuits après ki fine crucifié li. Sa fête là implique souvent ene service à l’église au lever du soleil, ene fête qui inclure bane tels l’habitudes et symboles couma “Jambon de Pâques”, dizéfs décorés et bane histoires lors bane lapins. Bane savants chrétiens ki libre dans zot pensées, plusieurs fois avec beaucoup de tracas fine souvent remette en question tous sa bane activités inapproprié là. Kifer bane lapins? Pourquoi pas ene ti lichien ou bane les autres z’animaux? Bane lapins pas ponne dizéfs, kifer pas bane z’oranges ou bane z’oignons etc., parski zot aussi rouler. Kifer sa bane tels symboles là zot tellement ancrés dans bane traditions de Pâques? Et ki zot à faire avec la résurrection de Jésus? Bane ki content la vérité apprane pose bane questions, et ena de nombreux questions ki bizin posé au sujet de la fête Pâques. Eski li vraiment jour kot Jésus (as) fine ressuscité de parmi bane morts? Kot tous sa bane coutumes étranges sorti, bane tels coutumes ki pas ena nannié à faire avec la “résurrection” du Messie Mozaïque – Hazrat Isa (as)? Pâques et bane symboles de Pâques mérite ki nous donne ene explication lors là et ki nous faire ene analyse systématique de sa fête religieuse là. Premier kitchose ki nous bizin comprend c’est ki bane pratiquants chrétiens pas ti le seul ki fine célébré ene fête ki appelle “Pâques ou Easter (en anglais)”. Fine laisse beaucoup z’enfants croire ki le lapin de Pâques li apporte so part de bane dizéfs de Pâques et sa rituel ki l’homme fine inventé là li pratiqué dans plusieurs de bane pays occidental, en particulier dans bane États-Unis d’Amérique. L’histoire derrière lapin de Pâques li défier toute logique, et raison kan ene telle religion ki prétend ki fine établi par Dieu, le Sage et la Source de toute sagesse alle adopté sa pratique là. Bane lapins, dizéfs, bane cadeaux de Pâques, bane poussins jaunes et doux dans bane chapeaux de jardinage, tous sa bane symboles là zot trouve zot racines dans bane cultures païens (idolatre). Sa bane inventions là fine ajouté dans célébration de Pâques séparément de la tradition chrétienne afin pou honore le jour kot Jésus-Christ fine ressuscité de parmi les morts. Cela amène nous l’attention donc vers fête Pâques en li-même. Ki été Pâques? Pareil couma pou fête populaire de Noël, la fête de Pâques li sorti également de sources païens. “Ishtar” qui prononcé comme “Easter en anglais/et Pâques en français”, ti ene jour ki ti commémore la résurrection d’ene de bane divinité païens ki zot ti pé appelle “Tammouz”, ki ti soi-disant le fils unique d’ene bondié femme, ene déesse de la lune et garçon de dieu-soleil de l’ancien civilisation (de Babylone). Bane zistoires rapporté ki Ishtar ti bondié (femelle) de l’amour et de la fertilité et ki so l’amour pour Tammouz fine amène li (Tammouz) vers l’enfer. Et Tammouz ti le garçon du dieu-soleil, et le dieu-soleil ti Nemrod. Après le déluge, le prophète Nuh (as) ti gagne ene arrière petit-fils rempli de talent, mais aussi ki ti rempli avec l’esprit satanique, et sa arrière ti-garçon là ti appelle Nemrod (Genèse 10: 6-10) ki fine grandement rébeller contre Allah. La Bible dire ki li ti “ene missié fort”. Tradition de bane Juifs indique ki Nemrod ti ene tyran “ki fine faire tout le peuple rebeller contre Allah.” Li évident d’après l’histoire ki Nemrod ti non seulement ene leader politique, mais aussi le prêtre principal d’ene forme d’adoration occulte (satanique). De ce fait, Nemrod fine faire construire et organise bane grands la villes. La Bible décrire ki sa bane la villes là ti Babel, Assur, Ninive et Kalah (Genèse 10:10-12). Sa ti bane grand la villes kot bane actions bien pervers et immorales ti pé passer là-dans. Sa bane actions là ti tellement pervers ki au-delà de l’imagination de l’homme. Kan Nemrod fine finalement mort, sa religion bien drôle ki li fine institué dans babilone là, et kot li ti ena ene place bien haute là-dans fine continué exister. Et c’est so madame, la reine Sémiramis ki fine fer en sorte ki sa reste coumsa. Alors après so la mort, madame fine transforme so missié décédé en ene dieu, le dieu-soleil. Dans plusieurs cultures, li fine alors plus tard connu sous le nom de Baal, grand source de vie, le dieu du feu, Baalim, Bel, Moloch, etc. Et quand madame là fine donne naissance à ene garçon, li fine déclaré ki sa bébé là, “Tammouz” li ti la réincarnation de Nemrod, et li fine dire ki li fine né sans l’intervention d’ene z’homme. De ce fait, li fine être connue comme ene maman vierge, sans ki li réellement ene vierge. Quran mentionne l’adoration de sa fausse bondié ki zot appelle Baal, en sa bane mots là: “En vérité, Elias (Élie) ti parmi bane messagers, Kan li fine dire so peuple: “Eski zot pas pou peur Allah ? Eski zot fer appel à Baal et délaisse le meilleur de bane créateurs – Allah, zot Seigneur et le Seigneur de zot premiers ancêtres.” (As-Swaffat 37: 124-127) Le Prophète Elie (Hazrat Elias (as)) ti vine beaucoup plus tard après le Prophète Hazrat Ibrahim (as), et c’était la seconde venue d’Elie ki bane Juifs ti pé attane, mais c’est Yahya (Jean-Baptiste) et Isa (Jésus) ki fine fer zot l’apparition en tant ki la seconde venue d’Elie et le Messie l’héritier de David, respectivement. Et c’était Nemrod, ki ti le plus grand ennemi de Hazrat Ibrahim (as), le Prophète et Camarade d’Allah. C’est Nemrod ki fine essaye brûle li vif, avant ki Allah vine à so l’aide, en commandant à sa difé là: “Ô difé, vine fraîcheur et sécurité pour Ibrahim.” (21: 70) Voici quelques sources ki fine cause à propos de la fête de Pâques/Easter: “Le nom Pâques (Easter) capave tiré de Eostre, ene déesse tectonique de printemps, ou de fête tectonique de printemps ki appele Eastur.” (Le World Book Encyclopaedia; vol. VI, page 25). Le révérend Alexander Hislop en traçant l’adoration d’ene (dieu femelle) déesse-Maman et de son garçon-dieu fine écrire dans so livre “Les Deux Babylones”, dans pages 20 et 21: “L’origine de sa maman ki si populairement vénérée, ena bane raisons de croire ki li ti Sémiramis, ki ti adoré par bane Babyloniens, et (par bane dimounes de) bane les autres pays de l’Est sous le nom de Rhéa, Grand Déesse-Maman. Certains fêtes ti pé célébré en connexion avec le seul garçon-dieu ki sa maman vierge là fine gagner... Fête Astarté ou Ishtar, la reine de bane les ciels et déesse vierge du printemps et de la fertilité, ti pé observé le premier dimanche après pleine lune juste après “l’équinoxe de printemps”. L’équinoxe de printemps dans sa l’époque là ti pé arrivé, quand soleil dans so révolution elliptique, pendant so passage lors l’équateur, li prend la forme d’ene la croix dans (léciel, dans) constellation du Bélier ou de ‘l’Agneau’. Alors fine prend sa comme ene victoire de sa dieu-soleil là, kot la reine vierge fine réussi sauve so fils unique, qui fine sacrifié so la vie à la puissance de bane ténèbres afin pou sauve l’humanité et (dans sa façon là) fine envoye li au ciel pou occupe de so bane croyants. En conséquence, li fine vine “Bélier” ou “l’Agneau” de bane les ciels. Sa l’événement là li célébré avec bane petits pains avec bane la croix bien encré lors là; sa di pain rond là représente le soleil et la croix li représente sa signe magique ki le soleil fine faire, ki fine sauve le sauveur de l’emprisonnement par bane forces du mal”. Le nom de Pâques (Easter) dans certains langues vine de l’hébreu “Pessah”. Bane espagnols appelle Pâques, “Pascua”. Bane Italiens appellent Pâques, “Pasqua” et bane Français, “Pâques”. De nombreuses coutumes liées à période de Pâques vine de bane fêtes païens du printemps. Bane les autres vine de la célébration de Pâque (ki en anglais nous appelle “Passover”). (Le World Book Encyclopaedia; Vol. VI p.26). La victoire du dieu-soleil ti donc tout naturellement attribué à l’influence (signe) Bélier (l’agneau de bane les ciels). L’Agneau li fine alors vine le symbole du sauveur grandissant et so passage de l’enfer ziska bane hauteurs de bane les ciels. (Pagan and Christian Creed, p.39) Dans “The Golden Bough”, p.348-356, Frazer fine écrire lors garçon firigien de dieu, ki fine né d’ene vierge, et ki fine saigné à mort crucifié par pendaison d’ene pié sapin. So disang fine renouvelé fertilité de la terre et alors fine redonne la vie à l’humanité. Li fine aussi ressuscité de parmi bane morts. Frazer dit: “En célébrant so la mort et so résurrection, so z’image ti pé fixé à ene sapin coupé dans ene forme de la croix le 24 Mars et sa jour là ti pé appelle sa “Le Jour du Sang” parski jour-là sa divinité là fine saigné à mort. Z’image là ti ensuite déposé dans ene sépulcre (ene tombe bien large), quand ti ena ploré et l’observance de deuil. Mais avec la nuit, sa situation là changer kot tristesse disparaite et la joie vini. Zot fine trouve tombe là vide le lendemain matin, le 25 Mars, quand fête de la résurrection fine célébrée. Sa bane rituels là ti pé inclure ene baptême de sang et ene repas ki ti ene rite sacré”. La foi chrétienne soutenir ki dimanche ti le jour kot le Christ fine ressuscité de parmi bane morts, et ki so résurrection li la raison même de l’observance de Pâques. Mais, pour ajoute encore à sa situation difficile là, bane Écrits sacré pas supporte en aucaine cas l’affirmation selon quoi la résurrection du Christ fine ena lieu le dimanche. Bane rites de Pâques fine commence avec Carême, 40 jours au cours de quoi le jeûne de bane fidèles li fondé lors bane restrictions ki zot impose lors zot-mêmes comme ene signe de jeûne. L’origine et la signification de Carême fine étouffées dans l’obscurité. D’après le “Catholic Encyclopaedic Dictionary”: “L’origine de la saison pénitentiel du Carême li reste incertain, so longueur fine varié dans bane différents l’époques, mais le principe d’ene jeûne de quarante jours (En Latin appelle sa Quadragésime, en Italie, Quaresima, et en Français, Carême) fine être reconnue depuis le quatrième siècle.” Hoeh, dans “The Plain Truth”, 1983 fine dire: “Le Carême fine être observé 2000 ans avant la naissance du Christ. La source du mot Carême(en anglais : Lent) vine du mot “Lencten” qui signifie le “printemps” de l’année ; le carême ti pé célébré avec la venue du printemps. De nos jours, li fine changé en l’hiver. La Bible pas dire nannié lors le Carême. Li pas fine commencé avec le Christ. Aucaine de bane apôtres fine célébrée sa, pas même Paul ou Pierre.” Environ 100 ans après la mort dernier de bane 12 apôtres, ena la mention du Carême et de Pâques dans ene lettre ki fine écrire par Irénée, l’évêque de la Gaule (la France couma nous conné azordi jour) à l’évêque de Rome, ki mentionne bane controverses en sa bane mots là. Li dire : “Parski la controverse li pas seulement au sujet du jour (Pâques/Easter), mais aussi lors la manière même de sa jeûne là, parski certains penser ki zot bizin garde carême ene sel jour, les autres, deux, et bane les autres encore plisse (jours), et ena certains 40 jours.” Pa fine ena nannié de certain ou définie au sujet de Pâques ou de Carême à ce moment-là. Jésus et so bane disciples pas fine abordé sa sujet là parski aucaine d’entre zot pas ti pé pratique li, et bane générations à venir fine reste dans l’obscurité et sans guide quant à sa sujet là, kot alors zot fine suivre bane l’idées de zot propre l’esprit, même si l’observance de sa bane coutumes là ti originaire de bien longtemps, bien avant la naissance de Jésus. Et l’évêque Irénée fine par ailleurs observé ki so l’observance li pas daté d’azordi jour, mais bien avant, au temps de nous bane ancêtres. Li probable ki zot pas suive exactement sa bane coutumes là, mais zot fine servi sa pou forme zot propre coutume, pour zot zenfants, et zot fine fabrique sa d’après sa zot propre l’esprit, zot désires fine concevoir. (Eusèbe: Histoire de l’Église; livre 5, chapitre 24). Au sujet de bane dizéfs de Pâques, alors bane dizéfs, étant ene de bane différents fantézies ki bane païens et ki plus tard bane chrétiens fine ajoutées à la fête de Pâques, représente ene nouveau la vie qui retourne à la nature au moment de Pâques. La coutume pou échange bane dizéfs ti commencé dans l’Égypte Ancien et bane Persans ti ena souvent l’habitude pou peinne bane dizéfs dans bane couleurs du printemps et pou donne sa à zot bane camarades comme cadeaux. Bane persans ti croire ki la terre fine éclos par ene dizéf géant! Sa li nek ene parmi tous bane croyances de la Trinité et de la résurrection de lécorps (ki li pour bane chtétiens zot croyances, ki li pour bane païens aussi). Bane premiers Chrétiens de la Mésopotamie (l’Iraq) ti bane premiers à servi bane dizéf colorés pou Pâques. Bane les autres sources indiquer ki bane dizéfs Pâques ti probablement originaire de l’Allemagne. Par exemple, fine écrire dans “The World Book Encyclopaedia”: “Sa croyance là vine probablement de l’Allemagne. Ene légende raconter ki ene madame pauvre ti peinne bane dizéfs pendant période famine, et fine cachiette zot dans ene nid comme ene cadeau de Pâques pour so bane z’enfants. Zis au moment quand bane z’enfants fine découvert sa nid là, ene gros lapin fine sauvé allé. Alors sa zistoire là fine répanne partout ki c’est sa lapin là ki ti amène sa bane dizéfs Pâques là.” Sa montrer clairement ki Carême (de bane Chrétiens) pas fine ordonné par Dieu, mais plutôt li fine rentre dans l’Église à travers bane coutumes païens et bane désirs de plusieurs de bane dimounes de bane générations futures ki ti envie ajoute bane attractions de fausse adoration de bane dieux et inclure sa dans ene fête de zot propre fabrication, ki zot fine appelle Pâques/Easter, en mémoire de sa fête païen là, et beaucoup plus tard, sa fête là fine vine tellement partie complet du christianisme, ki tellement bane dimounes fine observe pendant plusieurs siècles ki alors bane nouvo générations fine reste ignorants de so bane véritables origines, ki sa fête là li tout sauf divinement ordonné ou observées par sois Jésus, so bane disciples ou même bane anciens prophètes d’Allah. Ki Allah (twa) illumine lékaires de tous bane chrétiens dans le monde entier afin ki zot arrête reste aveuglé par le mélange de bane traditions païens ki l’Église fine laisse rentre dans  le christianisme, afin pou christianize bane païens, mais au lieu de christianize bane païens, zot fine en fait paganize bane chrétiens, et fine permette alors pou fer rentre dans le christianisme tout saki ena de plus détestable dans lizié du Vrai Dieu Tout-Puissant et de tous So bane prophètes. Ki la lumière de la vérité vine manifeste (claire) pou zot, et pour toute l’humanité, parski l’Islam fine ouvert bane la portes de la lumière divine qui montre la véracité de tous bane prophètes de Dieu (Allah) et celui de la proclamation de croyances et de bane l’enseignements purs ki vine de Dieu (Allah). Insha-Allah, Ameen.