بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

29 Novembre 2013 ~

(25 Muharram 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

L’Islam li ene mot ki implique l’idée de soumission et d’obéissance. Ene l’autre signification littérale du mot Islam c’est la paix. Par conséquent la salutation en Islam c’est la paix, c’est-à-dire « As-Salam ».

 

Le prophète d’Allah Hazrat Muhammad (saws) fine dire: « Salutation (Assalam-u-alaikum) fine envoyée par Allah comme ene bien pour bane dimounes, donc propage li (le Salam) autant que possible parmi zot. »

 

Saluer selon précepte Islamique li ene devoir sacré pou sak musulman. Sak musulman li ena ene obligation envers so frère/s, c’est pou envoye la paix lors li.

 

Assalam-u-alaikum (la paix et le salut d’Allah lors zot) li pas ene simple formule de paix mais li ena aussi ene sentiment de bonheur suprême ki faire ressentir so présence de plus en plus, c’est ene invocation profond de nous part pour souhaite salut, protection et la paix de nous frère. Ena là-dans aussi l’idée de garantir à nous frère ki li pou être protégé de kit du tort de nous part.

 

Hazrat Abu Huraira (ra) fine rapporté ki le Messager d’Allah (saws) fine dire: « « Zot pas pou rentre dans Paradis tanque ki zot pas ena la foi et zot pas pou ena la foi tanque ki zot pas content les z’uns les autres. Eski mo guide zot vers ene telle kitchose ki si zot fer li zot pou gagne l’amour entre zot ? Répanne la paix (le Salam) entre zot. ». (Bukhari)

 

Salutation (Assalam-u-alaikum) selon formule Islamique ena ene si grand l’effet ki même bane mauvais l’intentions ki bane dimounes ena envers nous pou disparaitre. Le prophète d’Allah (saws) fine dire concernant sa: « Kan zot passe près avec bane dimounes ki pencher vers le mal, salué zot, zot méchanceté et zot la haine envers ou pou teigne. » (Bukhari).

 

Sa faire mal au cœur parfois pou trouver ki ena dimounes ki pas réponne à Salam de zot frère musulman. Eski faire le Salam et rendre le Salam de kikaine li pas ene devoir sacré pour sak musulman?

 

Alors, couma sa bane dimounes ki pas faire et réponde Salaam ozé faire sa, kan le Quran exigé pou fer et réponne Salaam dans bane phrases bien précis et claires. Eski zot juge les autres avant réponde?

 

« Kan dimounes faire ou ene Salaam, soit faire zot ene pli zoli Salaam, ou bien retourne zot ene Salaam pareil. Allah surement prend compte de tout kitchose. » (An-Nisa 4: 87)

 

Alors ene conseil à bane ki pas ozé réponde à salaam de zot bane frères. Le Salam ouvert la porte de la réconciliation. Bane relations ki fine casser, bane disputes ki fine gagner pou vite régler par l’acte de fer Salaam.

 

« Li pas licite (halal) pour ene musulman pou casse relations avec so frère pendant plisse ki trois jours, de sorte ki, kan zot rencontrer, le meilleur parmi les deux c’est celui ki saluer le premier. » (Bukhari)

 

Salutation dans l’Islam diminuer vantardise et l’orgueil, et tous les deux pas ena zot place dans l’Islam. Et pou détruire zot, ena ena pou pratique le Salam aussi souvent ki possible. Le prophète (saws) fine dire : « Celui ki saluer le premier li exempté de l’orgueil (c’est-à-dire, ki l’orgueil pas capave touche li). » (Bukhari)

 

Sak musulman li le frère d’ene l’autre musulman. Li doit li bane obligations kot ene là-dans ena l’obligation pou fer li Salam. Le prophète (saws) fine dire : « Sak musulman ena six devoirs vis-à-vis so frère.

 

1. Rende li visite kan li tombe malade.

2. Toujours souhaite li du bien en so présence aussi bien ki en so l’absence.

3. Aide li dans bane moments difficiles.

4. Dire li « Assalam-u-alaikum » kan joinde li.

5. Réponde li « Ki Allah envoie So miséricorde lors toi » kan li éternuer. 

6. Assister à so Janaza. » (Bukhari)

 

Premier l’ordre qu’Allah fine donne Hazrat Adam (as) c’est pou apprende le Salam selon bane préceptes Islamiques. Hazrat Abu Huraira (ra) fine rapporté ki le Saint Prophète (saws) fine dire : « Kan Allah fine crée Adam (as) Li fine dire li: Alle saluer sa groupe de bane anges là et écoute zot salutation parski sa pou to salutation et celui de to bane descendants. » (Bukhari)

 

Selon sa Hadith là, tout bane les autres formes de salutation (excepté Assalam-u-alaikum) zot seulement bane inventions de l’homme parski seulement salutation selon bane l’enseignements de Dieu fine existé depuis la création de l’homme. C’est pour sa raison là ki nous constaté ki tout bane les formes de salutations pas conformé à tout bane circonstances de la vie de l’homme. Pour montrer sa, mo cite ene sél l’exemple ; nous pas capave souhaite « bonjour » à ene dimoune ki pé souffert atrocement. Mais par conséquent nous capave envoye la paix et le salut d’Allah en so faveur, dans n’importe ki situation li été, ki li dans malheur ou dans bonheur.

 

Le Quran affirmé ki bane anges (farishta) pou saluer bane bons serviteurs d’Allah avec le mot : paix (Salam) avant ki sa bane là pou franchi bane la portes paradis.

 

« Bane ki fine suive chemin zot Maitre pou dirigé en groupes vers Paradis. Kan zot arriver, bane la portes pou déza ouvert et so bane gardiens pou dire zot : ‘La paix lors zot tout. Ou ti fer bon, alors rentrer pou toujours. » (Az-Zumar 39: 74)

 

Le Quran montrer nous ki bane anges ki vine tire l’âme de bane bons serviteurs d’Allah aussi pou dire: « La paix lors ou ».

 

« Bane ki pé faire bon kan bane anges tire zot la vie en disant : ‘la paix lor ou. Rentre dan paradis à cause de ce ki ou pé fer.’ » (An-Nahl 16: 33).

 

Le Quran dire nous ki Allah aussi pou saluer bane habitants paradis par formule Assalam-u-alaikum (La paix lors zot).

 

« Et ene Maître très miséricordieux pou dire zot ‘Salaam’. » (Yasin 36: 59).

 

 

Supplication (Du’a)

 

O mo Maitre, mo Rab, mo cherche refuge auprès de Toi dans l’épreuve de la vie et de la mort. O mo Rab, mo demande Toi pou confirme moi dans l’obéissance à To volonté et pou garde moi dans le droit chemin. Mo suppliyé Toi pou fer moi reconnaissant pour To bane bienfaits et pou fer ki mo l’adoration pou Toi li agréable à Toi – ki To content avec mo bane Ibaadat. Mo suppliyé Toi pou accorde moi le bien et pou préserve moi du mal ki To connais (dans To toute connaissance). Mo demande toi pardon pour mo bane fautes ki To connais (mo fine commette). Mo Rab, pardonne-moi le mal ki mo fine commette, le bien ki mo pas fine fer, séki mo fine cachiette et séki mo fer ouvertement. To conne sa mieux ki moi, Toi ki rende proche et ki éloigné, Toi en dehors de ki, pas ena aucaine dieu. (Amine).

Écoute le Khutba Jummah du Khalifatullah Munir A. Azim en intégralité (Audio)