Text Box: بسم الله الرحمن الرحيم Khutba Eid-ul-Fitr HADHRAT AMIR’UL MUMINEEN MUHYI-UD-DIN Munir Ahmad Azim 09 Août 2013 (01 Shawwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Eid-ul-Fitr Moubarak à tous mo bane chers frères et sœurs et zenfants musulmans dans le monde entier et à Maurice aussi. Comme le Khalifatullah de sa l’époque là, mo bien content pou souhaite zot tout, au nom de la Jamaat Ul Sahih Al Islam, ene très bon Eid-ul-Fitr ki fine vine clôture le mois de Ramadhan, le mois ki nous fine garde Roza pour Allah, pour gagne Li tousél comme nous récompense. Mo bane chers frères et sœurs, reste toujours fidèles à la Religion d’Allah (l’Islam) ; zot fine observe sa jeûne (Roza) là en vue d’ene purification et d’ene renouvellement spirituel. C’est en famille ki ou fine vivre sa temps fort de Ramadhan là. Nous bizin transmette à sa jeune génération ki pé léver azordi jour là bane valeurs religieuses et morales. Sakaine parmi nous bizin ena ene haute estime pour la famille. Nous bizin croire sincèrement ki la famille li cellule fondamentale de la société, là kot nous vive l’amour et la vie, le respect et l’accueil des autres et nous transmette li à bane les autres. Faudé comprend combien nous valeurs morales, spirituelles et religieuses zot passe par ene dure épreuve par le progrès rapide et continu de bane technologies de l’information et de la communication, ki fine déclenche ene véritable révolution culturelle. A travers bane multiples inter-connexions ki fine vine possibles lor le « web », la communication de l’information fine ouvert lor l’infini. Li fine vine alors, de plus en plus difficile pour bane jeunes pou trouver bane repères solides. La famille li le lieu indispensable pour la proposition de bane valeurs spirituelles et morales comme repères afin pou oriente la vie d’ene z’homme et d’ene femme dans nous société moderne. Aussi, ensemble, nous invité pou favorise la stabilité de l’institution familiale. A travers la famille, nous capave aide nous bane jeunes pou gagne bane valeurs couma pou accueille les autres et respect zot, et donne zot Tarbiyyat lors la justice et la vérité, et la solidarité envers bane plus faible couma l’Islam fine prêché. Nous bizin rappelle ki l’état spirituel ki pli élevé et ki ene dimoune capave atteindre dans sa lémonde là c’est celui kot li trouve tout so réconfort dans Allah, et kot tout so satisfaction, tous so contentement et plaisir zot centrés dans Allah. Voilà l’état ki nous appelle la vie céleste, la vie spirituelle. C’est de sa manière là ki l’homme jouir de la vie céleste dans sa le monde là même, et li gagne sa, en récompense de so sincérité, de so pureté d’âme et de so loyauté parfait. Bane les autres dimounes attane pou conne le paradis dans la vie future, mais vrai serviteur d’Allah li rentre dans le paradis dans so la vie lor la terre même. Kan li arrive à sa l’étape là, li alle rende compte ki bane actes d’adoration ki fine prescrire pour li ti en fait servi pou nourri so l’âme et ki so la vie spirituelle grandement dépende de sa, et ki pou gagne paradis, li pas zis nécessaire pou quitte sa le monde là avant. Au contraire, li alle réalisé ki capave gagne paradis dans sa la vie lor la terre même avant tout. Tout bane réprimande et précaution ki li ti pé fer contre li-même concernant so bane actions ki li fine fer dans le passé, bane tels actions rempli de péché, bane tel péchés ki pas ti arrive efficacement éveille en li le désir pour la vertu et pou gagne dégoût pour so bane mauvais passions, et pou donne ene force certaine pour attache li à la vertu, alors lerlà tout sa bane réprobation, réprimande ki li ti faire avec li-mê là pou transformer, par sa nouveau conscience là, ki fer li alle plus de l’avant avec bane actes d’adoration ki li fer avec ene telle force, et sa la force de bane bonté ki li faire là, li ouvrt so chemin vers le début de développement de l’âme apaisée (Nafsé Mutmaina). Kan li arrive à sa l’étape là, sa dimoune là li vine prêt pou conne le succès total. Bane traits visible de so moi (nafs) effacer et ene di vent révigorant souffler lor so l’âme, de sorte ki c’est avec regret ki li rappelle de so bane manquements ki li ti ena dans le passé. A ce moment là, la nature et bane l’habitudes complètement transformé, et sa vrai serviteur d’Allah là li éloigne li-même considérablement de sa condition ki li ti été avant là. Li vine ene être purifié, et Allah inscrire dans so lécœur l’amour pour la droiture, et Allah Li-même retire tout bane malpropreté péchés de li. Bane forces de la vérité pénétré dans citadelle de so lécœur, et la droiture infiltré et installe li dans tout bane coins de so nature, et la vérité prédominé, et mensonge rende patente et prend la fuite. La main d’Allah li lor so cœur, et c’est dans l’ombre d’Allah ki li faire sak pas. Allah (swt) fine fer allusion à tout sa dans sa bane versets là : « Mais Allah fine faire ou content la foi, et fine embellir li dans ou lécoeur. Li fine faire ou détester l’infidélité, le mauvais penchant et la désobéissance. C’est coumsa, bane ki bien dirigé. C’est ene grâce et ene faveur de Allah. Allah conne tout et Li sage. » (49: 8-9) « Li (Allah) fine marque la foi dans zot lécoeur, et raffermi zot avec ene souffle de Li-même. » (58: 23). Tout séki fine décrire appartenir à condition spirituelle ki fine vivre par ene kikaine ki fine réussi arrive à troisième étape – personne pas capave jouir vrai discernement, si li pas arrive à sa l’étape là. Le fait ki Allah inscrire de So propre la Main la foi dans zot lécœur et aide zot à travers le Ruh-il-Qoudouss signifie ki li impossible pou conne vrai droiture et la pureté d’âme à moins ki Allah aide nous. A l’étape de l’âme ki dégoûte le vice, condition de sa dimoune là li telle ki li repentir de temps à autre, mais kante-même sa, arriver ki de temps en temps li continuer glisser, et souvent, li tombe dans désespoir croyant ki so cas désespéré et pas pou capave fer nannié. Li vivre sa situation là pendant quelques temps, et kan l’heure approprié approché, ene la lumière ki contenir la puissance divine dessane lor li. Avec l’arrivée de sa lumière là, li subir ene transformation extraordinaire, et li ressenti la présence d’ene la main invisible ki soutenir li et li découvert ene lémonde extraordinairement satisfaisant. A ce moment précis, li réalisé ki Allah existé et so lizié rempli d’ene la lumière ki zamais auparavant li ti conné. Couma pou trouve sa chemin là et gagne sa lumière là? Zot bizin garde à l’esprit ki pou sak l’effet ena ene cause. Péna la fumée sans difé. Pour gagne kit connaissance, ena ene méthode bien spécifique ki nous appelle le droit chemin. Zamais nous pas pou capave accomplir kitchose lor sa la terre là si nous pas conforme nous strictement à bane règlements imposé par la nature. La loi de la nature enseigne nous ki pour accomplir quoique ce soit, ene chemin bien précis fine prescrire, et nous pas pou capave atteindre le but seulement en empruntant sa chemin là. Si par exemple, nous assizé dans ene la chambre kot faire noir partout, alors le droit chemin à suivre pour faire la lumière rentre dans la chambre c’est pou ouvert la fenêtre ki faire face avec soleil. Kan nous faire sa, la lumière pénétrer tous de suite dans la chambre pour éclaire li. Pareillement, li clair ki pou gagne l’amour et la grâce d’Allah, kit la fenêtre bizin exister, et bizin existé ene méthode précis à suivre pou vivre vraie spiritualité. Ainsi donc, li nous devoir pou cherche le droit chemin ki conduire à la spiritualité, tout comme nous adopter ene méthode particulier pour gagne le succès dans tous nous bane z’affaires. Sa chemin là li pas celui ki nous cherche pou rencontre Allah en faisant usage de la raison, ou en suivant bane méthodes ki nous même nous improvizé. Bane la portes ki pou capave être ouvertes seulement par So la Mains puissants pas pou ouvert par nous raisonnement logique ou nous propre philosophie. Nous pas pou capave trouve Allah l’Éternel, Toujours-Vivant, ki existé par Li-même par le moyen de nous propres moyens. Le seul droit chemin ki existé pour accomplir sa l’objectif là c’est ki dans ene premier temps, nous pou bizin sacrifier nous la vie et consacrer tous nous bane facultés pour la cause de Allah, et ensuite nous occupé dans supplié Allah vivement pour ki Li accorde nous sa rencontre là avec Li, et de ce fait trouve Allah à travers Allah Li-même. C’est ene sujet très vaste. Pour aujourd’hui, mo arrête ici même et Insha-Allah, ki Allah donne moi le Tawfiq dans ene l’autre Khutba pou continué lor le même sujet. Encore ene fois, mo souhaite à tous mo bane frères, sœurs et zenfants musulmans, ene Eid Moubarak. Mo transmette zot l’amitié de bane membres du Jamaat Ul