بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

01 Août 2014 ~

(04 Shawwal 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

وَ اتَّقُوۡا فِتۡنَۃً لَّا تُصِیۡبَنَّ الَّذِیۡنَ ظَلَمُوۡا مِنۡکُمۡ خَآصَّۃً ۚ وَ اعۡلَمُوۡۤا  اَنَّ اللّٰہَ  شَدِیۡدُ  الۡعِقَابِ ۝

Wattaqu fitnatal-laa tusiibannal-laziina zalamuu minkum khaas sah: wa’-lamuuu ‘annal-laaha shadiidul-‘iqaab.

 

« Et gagne frayeur ça calamité ki pour frappe bane dimounes ki fine faire du tort (et aussi bane les autres dimounes) parmi zot. Et connait ki Allah (Li) sévère en punition. » (8 : 25)

 

L’homme bizin comprend ça très bien, du moment éna naissance, pou bizin goûte la mort comme dans Quran Shariff Allah (swt) fine dire ki chaque la vie éna pour goûte la mort : « Et Nous, (Nous) mettre zot à l’épreuve par le mal et le bien pour tester zotte. Et c’est vers Allah éna pour retourner », et Hadice aussi fine faire nous conne ça kot Hazrat Anas (ra) fine rapporté ki Hazrat Mohammad (saw) fine dire: « Ene l’époque pour arriver kot bane ki pratique Deen pour pareille couma bane ki ena la braise dans zot la main. » (Tirmidhi).

 

Séki pé faire comprend ki beaucoup pour trouve ça difficile pour pratique Deen couma li bien difficile pour prend la braise dans la main. Et nous bien-aimé prophète (saw) fine informe so Ummat aussi ki avant Qiyamat pour éna beaucoup fitnas. Banne fitnas là zot pour comme marée noir kot bane croyants pas pour trouve chemin pour sorti. Comme marée noir effrayant et faire peur, bane fitnas là aussi pour effrayants et pour dangereux et kot pour éna aussi ki beaucoup pour perdi la foi et pas pour pratique Deen ditout, kot le matin ena pour éna Iman (la foi), mais la cause so l’avantage personnelle, ou sous domination bane zalims (tyrants), ou sous l’influence d’ene infidèle, ça croyant là pour perdi so Iman dans l’après-midi, et ça bane ki zot Iman faible, pour trouve ça bien difficile pour reste ferme dans Deen-é-Islam.

 

Bane dimounes pas prend conte séki Halal ou Haram, et ça aussi dans Bukhari Shareef Hazrat Mohammad (saw) fine bien précisé lors sujet ki bane musulmans pas pour casse la tête qui kitchose Halal ou Haram et aussi li (saw) fine dire dans Mishkât ki après tous bane Faraz (bane actes obligatoires), li très nécessaire pour bane musulmans cherche mangé Halal et Nabi Karim (saw) fine faire bien comprend ki si pendant 40 jours continuellement ène dimoune mange séki Halal sans ki li mélange ène kitchose Haram là-dans, Allah (swt) rempli so le cœur avec Noor (la lumière) et dans le cœur là pour éna ene la source de bienfait et d’intelligence. Allah (swt) aussi fine faire nous comprend ça dans Quran Shareef, dans Surah Al-Baqara kot Allah dire: « O bane dimounes! Mange séki Halal et pure lors la terre et pas suivre Shaïtan so pas parcequi li ouvertement ène l’ennemi pour zot. Certainement li pour donne zot l’ordre pour faire bane choses mauvais et honteux, et dire à propos Allah séki ou pas conné. » (2 : 169-170)

 

Hazrat Ibn Abbas (ra) fine dire, li ti lire ça bane versé là devant Nabi Karim (saw) – 2: 169-170 – Hazrat Sa’ad bin Abi Waqqas (ra) fine débouté et fine dire : « Ya Rassulullah (saw) demande duah ki Allah faire Qabool tous duah ki mo demander. Huzoor (saw) fine répondre : « O Sa’ad ! Prend nourriture Halal, à ce moment là tous to duah pour Qabool. Par celui dans la main de Qui mo la vie été (c’est-à-dire, Allah Ta’ala), si quelqu’un mettre ène bouché Haram dans so ventre, pendant 40 jours so duah pas Qabool ! »

 

Et Nabi Kareem (saw) aussi fine dire : Ena beaucoup dimounes ki zot nourriture et zot vêtement Haram et à chaque moment zot lève la main zot demande duah. Comment eski zot duah pou Qabool ? Ena aussi ki faire sacrifice financer, faire sadaqua et khairaat (donation) avec l’argent Haram, li pareille couma celui ki pé lave linge impure avec l’urine; par conséquent linge là vine pli impure. Allah (swt) content bane ki cherche séki Halal, rentre la caze fatigué le soir, alors avant li dormi Allah (swt) content li. Ene de bane signes de Qiyamat, rapporté par Hazrat Huzaifa (ra) kot li dire ki Hazrat Muhammad (saw) fine dire : « Qiyamat pas pour arriver tant ki zot pas pour assassine zot Imam (Ameer-ul-Momeneen) et faire la guerre entre zot-même avec l’épée (dans ça l’époque là pourvoir pour dans la main banne mauvais dimounes). (Tirmidhi)

 

Ça signe de Qiyamat ki éna dans ça hadith là fine arrivé dans l’époque de bane Kalifa-é-Rashiddeen kot l’histoire de l’Islam témoin ki pour la première fois quelques musulmans égyptiens réactionnaires ti faire  Ameer-ul-Momeneen Hazrat uthman (ra) Shaheed (assassiné) en l’an 35 (Hijri). Après ça en l’an 40 (Hijri) Abdul Rahman bin Muljim ti faire Ameer-ul-Momeneen Hazrat Ali (ra) Shaheed avec so l’épée. Et puis, le 10 Muharram de l’an 61 (hijri) ena banne musulmans, soldat de Yazeed, ti faire Hazrat Imam Hussein (ra) Shaheed dans Maidan-e-Karbala. Ça aussi pour bane signes de Qiyamat kot Hazrat Abu Huraira (ra) fine rapporté ki Rassoulloullah (saw) fine dire : Par Allah, dans ki pourvoir mo la vie été, ça le monde là pas pour fini tant ki dimoune ki pé retourner depuis (visite) ène Qabr pas dire : Hélas ! ti pou pli bon ki si c’est moi ki ti dans ça Qabr là ça, et ça dimoune là pou dans beaucoup de difficultés, et li pas pou ena Deen (Muslim). Ça aussi Hazrat Muhammad (saw) fine dire (rapporté par Hazrat Abu Huraira) ki Qiyamat pas pou arriver tant ki pas pou ena l’argent en abondance – dans ça l’époque là pou ena tellement l’argent ki kan ene dimoune pou tire Zakaat li pas pou trouve personne pou accepter ça. (Muslim, Mishkat).

 

Qiyamat pas pou vini tant ki zot pas pou ena beaucoup d’argent, et dimounes riche pou chagrin et pou dire : « Hélas ! Si ti gagne kikaine pour accepter nous Sadaqua (Bukhari, Muslim). Et Hazrat Muhammad (saw) fine annonce 6 signes Qiyamat et ene parmi c’est ki pour ena tellement l’argent ki si donne quelqu’un 100 dinars (pièces en or), li pou en colère parski ça pour trop peu. (Bukhari).

 

Et ou trouvé même azordi couma li difficile kan ou tire Sadaqua, l’heure kot Qiyamat pé approcher, pour ena défiguration visage, enfoncement terrain et la pluie de roches. Dans le Ummat même Hazrat Muhammad (saw) fine fini dire ki dimounes pou consomme beaucoup l’alcol (Sharab), ena pour écoute tellement la musique et bane chanteuses chanter ki zot pour reste absorber dedans, et tous ça là pour arrivé kot dans le Ummat, beaucoup pou rentre dans ça bane vice ki péna so tourne-à-vice là.

 

Ki Allah préserve nous de bane afflictions de bane derniers jours, et faire nous goûte à So plaisir et pour faire en sorte ki sak action ki nous faire, nous faire li avec la crainte d’Allah dans nous lé cœur. Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)