بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

04 Juillet 2014 ~

(06 Ramadhan 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant la Réunion et bane les autres z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ ۝

Yaaa-‘ayyu-hallaziina ‘aamanuu kutiba ‘alay-kumus-Siyaamu kamaa kutiba ‘alal lazina min qablikum la-‘alla-kum tatta-quun.

« Ô bane croyants ! Roza (Sawm) fine prescrire pou zot couma li ti prescrire pou bane avant zot, afin ki zot atteindre la piété. » (Al-Baqara 2: 184).

 

وَ مَا خَلَقۡتُ الۡجِنَّ وَ الۡاِنۡسَ  اِلَّا لِیَعۡبُدُوۡنِ ۝

Wa maa khalaqtul-Jinna wal-‘insa ‘illaa liya’-buduun.

 « Mo fine créer Jinns et Dimounes ziss pou ki zot adore moi. » (Az-Zariyaat 51: 57).

 

Mois Ramadhan li encore ene fois par la grâce d’Allah devant nous la porte. C’est ene mois ki tant attendu par bane croyants parski li renferme beaucoup bénéfices et vertus. Durant le mois de Shabaan, bane Khutba Jummah zot souvent axé lor valeur de sa grand mois là. Ena dire ki Ramadhan li ene mois d’adoration (Ibaadat). En vérité, bizin plutôt dire ki c’est ene mois pour augmente nous bane actes d’adoration (Ibaadat) parski nous fine créé avec le but pou adore Allah (swt). « Mo fine créer Jinns et Dimounes ziss pou ki zot adore moi. » (Az-Zariyaat 51: 57).

 

En plisse de bane vertus de sa mois béni là, li important ki nous conne l’objectif de bane actes d’adorations ki présent durant sa mois là. Dans Quran, Allah (swt) défini clairement le but de Roza pendant mois Ramadhan. « Ô bane croyants ! Roza (Sawm) fine prescrire pou zot couma li ti prescrire pou bane avant zot, afin ki zot atteindre la piété. » (Al-Baqara 2: 184).

 

Généralement le mot taqwa traduire par ‘crainte d’Allah’ ou par la ‘piété’. Le mot taqwa li dérivé du mot ‘waqaa’ ki signifie ‘protége soi-même’.

 

Fine rapporté ki ene fois Hazrat Umar ibn al-Khattab (ra) fine interroge Hazrat Ubbay ibn Ka’b (ra) au sujet de la piété « taqwa » - Ki été taqwa? Ubbay (ra) fine demande li: « Eski to fine déza prend ene chemin rempli avec pikan ? » Umar (ra) fine réponne « Oui ». Ubbay (ra) fine demande li: « Ki to fine fer alors? » Li fine dire: « Mo fine relève mo vêtements et mo fine efforce moi pou fer attention. » Ubbay fine alors dire : « C’est sa la piété (taqwa) ».

 

À la lumière de sa anecdote là, nous capave comprend ki taqwa li ene qualité ki pousse ene croyant pou protége li de bane péchés. Bane tentations sataniques zot autour de nous, surtout dans nous société ki nous qualifié de « moderne ». Même dans nous la caze nous pas à l’abri de bane influences sataniques, à travers bane médias. Sa serviteur (d’Allah) ki fine gagne le taqwa li évite bane pièges ki Shaytane fine préparer et alors de sa façon là li protége li-même de la colère de so créateur (Allah).

 

Donc pour moi définition de taqwa consister à séki serviteur là mette entre li et saki li craindre ene protection dans le but pou préserve li-même. Sa kalité serviteur là gagne peur ki colère et punition de so Rab (Allah) dessane lors li, et alors li place entre li et saki li craindre celui ki pou protége li.  Et saki pou protége li de punition et colère d’Allah (swt) c’est l’obéissance, et l’éloignement avec bane interdits. Kan serviteur là garde Roza pendant mois Ramadhan li s’abstenir li de manger, boire et pou gagne bane relations intimes. Li prive li-même de so bane besoins naturelles ki essentiels à la vie parski c’est Allah (swt) ki fine impose lor li sa bane restrictions là. Serviteur là entraine li-même pou respecter bane limites d’Allah (swt) pou gagne So satisfaction. Si li fine capave prive li de sa bane nécessités là tout au long de Ramadhan, Insha-Allah li pou capave alors évite bane péchés initile. Sa Rozédaar là ressenti la faim et la soif mais li pas pou boire ene sel goutte d’eau, même si personne pas pé trouve li. C’est de sa façon là ki sa serviteur là li développe en li ene croyance ki Allah pé trouve li. Li conné ki so créateur bien informé de so l’intention et de so bane actions. Et péna aucaine doute ki après 29 ou 30  jours de Roza consécutif croyant là pou développe le taqwa et ene haut degré de spiritualité.

 

Malheureusement nous capave constater ki sak l’année après Ramadhan beaucoup musulmans révine saki zot ti été avant sa mois béni là. Bane masjids népli remplies couma zot ti été pendant le mois de Ramadhan. Zot néglige Salaat, Telawat-Quran, bon caractère, charité et tous bane les autres bons actions, et beaucoup laisse zot encore ene fois  emporté par l’insouciance. Couma eski nous capave conné si vraimême nous pou capave cueille le fruit du mois de Ramadhan, si nous fine bénéficié avec nous bane Ibaadat et si nous fine gagne le taqwa ?

 

Hazrat Abou Hurairah (ra) fine rapporté ki ene dimoune fine vine kot le Saint Prophète (saws) et fine dire li : intél prié la nuite mais le matin li cokain. Le Saint Prophète (saws) fine réponne li : « Certainement so Namaz (Salaat) pou empêche li pou fer sa. » (Musnad Ahmad et Ibn Hibbaan).

 

À la lumière de sa hadith là nous capave conclure ki Namaz et n’importe ki acte d’adoration éloigne ene serviteur d’Allah de bane péchés. C’est séki Allah mentionné dans Quran : « Récite livre ki to fine gagner par révélation, et faire la prière (Namaz) régulièrement. Namaz empêche faire bane kitchose dégradant et défendu ; et rappeler Allah, c’est kitchose ki pli important ki tout. Allah conner tout séki ou faire. » (Al-Ankabout 29: 46).

 

En effet, celui ki fine vraiment récolté le fruit de so bane z’efforts durant Ramadhan c’est celui ki so condition après sa grand mois là li meilleure ki so condition d’avant. Sa dimoune là li pli prêt pou obéir, kot li désire faire bane bons actions et pou empresse li pou accomplir bane actes obligatoire parski li fine tire avantage de sa grand l’école là (c’est-à-dire, le Ramadhan). Li gagne peur ki so Roza pas accepté parski en effet Allah (swt) accepté seulement de bane ki ena le taqwa. Bane dimounes pieux ki fine vivre avant dans le passé fine aussi bizin lutter pour compléte et perfectionne zot bane actes espérant ensuite ki sa bane actions là pou accepter par Allah, et zot gagne tracas ki Allah pas accepter sa de zot. De bane paroles de Hazrat Ali (ra) fine rapporté ki li fine dire : « Vine plus concerner par l’acceptation de zot bane actions ki par action là li-même. Eski zot pas fine entende Allah dire : « Allah accepter seulement bane ki fine gagne taqwa. » (Al-Maida 5: 28). »

 

Pour conclure nous capave dire ki si ene musulman oulé tire profit de Ramadhan, alors li bizin observe sa mois là avec ene l’objectif clair et défini en tête : c’est-à-dire, pou atteindre le taqwa. Insha-Allah, ki Allah donne nous le Tawfiq pou atteindre sa but là avec tout le respé et manière ki bizin, Ameen.

Écoute le Khutba Jummah du Khalifatullah Munir A. Azim en intégralité (Audio)