بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
07 Février 2014 ~
(06 Rabi’ul Aakhir 1435 AH)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
CYCLONE A MAURICE
Alhamdulillah, Summa Alhamdulillah, cyclone ki fine prend direction Maurice depuis le 4 Février et ki appelle « Edilson », kot Météo fine émette ziska Cyclone Classe 3, fine éloigner de Maurice hier l’après-midi dans ene direction de Sud-Sud-Ouest à 20 Kilomètre par heure. Li pas fine amène beaucoup la pluie pou Maurice, saki mo fine apprane et pas trop bél dégât Alhamdulillah.
*** *** *** *** *** *** ***
KHATAMAN-NABIYYIN
Le terme « Khataman-Nabiyyin » kan traduire li littéralement veut dire « Sceau de bane prophètes » et dans grammaire (arabe, français et anglais aussi) li ene mot composé. Zot tous conné ki kan joinde deux mots ensam pour faire ene phrase, sa pas nécessairement donne zot sens littéral. Par exemple, ‘Ibné’ veut dire ‘garçon’ et ‘Sabeel’ veut dire ‘chemin’ ; mais kan sa bane mots là zot joinde ensemble pour faire ‘Ibné-Sabeel’, alors sa pas reflécter ene sens ki absolument littéral. Donc, nous pas considère so signification comme étant : ‘Garçon Chemin’. Au contraire, Ibné-Sabeel li seulement réfère à ene voyageur. Sa bane titres là aussi ti ene pratique du Saint Prophète Muhammad (saws) kot li ti pé parfois appelle so bane compagnons d’après bane événements mémorables ou tout simplement à cause la situation dans quoi li ti pé trouve zot. Par exemple, li fine appelle so cousin Ali (ra), ki ti aussi so zanne et so quatrième successeur, Abou Tourab, ki veut littéralement dire: Papa de la terre ou Papa di-sable, et bien sûr Hazrat Ali (ra) pas ti littéralement saki le Saint Prophète (saws) fine appelle li ; li pas ti papa ni de la terre ni di-sable, mais le Prophète d’Allah (saws) fine donne li sa nom là comme ene adjectif ou ene attribut et non pas dans ene sens littéral. Donc le vrai sens d’ene phrase li déterminé par grammaire, so l’utilisation dans la langue et le contexte kot servi li.
C’est ene règle établie et inchangeable de grammaire et de la langue arabe ki kan le mot « Khatam » servi pou fer éloge d’ene dimoune et ki so combinézon de mot li ene « groupe de bane dimounes rempli de talents », alors zamais li signifié ki sa dimoune ki appelle « Khatam » là li dernier pou paraite en matière de temps. Li veut dire toujours ki de l’opinon de sa dimoune ki pé servi sa terme là (Khatam), alors sa dimoune ki li pé décrire là li le plus parfait et suprême dans sa « groupe de bane dimounes rempli de talents » là et ki li fine arrive à dernier et pli grand grade dans sa excellence particulier là. La littérature islamique li rempli de bane cas coumsa là et péna aucaine l’exemple ki capave cité ki contre sa règlement là. Par exemple:
1. Khatamoun-Shoua’ra (Khatam de bane poètes) zamais pas veut dire dernier poète (ki final), mais li veut dire ene poète parfait et de plus haut niveau, le meilleur réalisateur parmi bane poètes.
2. Khatamoun-Moufasareen (Khatam de bane commentateurs) pas veut dire ene dernier né de parmi bane commentateurs, mais li veut dire ene commentateur suprême, de haut niveau.
De même, le mot « Khatam » fine servi avec plusieurs les autres « groupe de bane dimounes rempli de talents » couma : bane « Mouhaqaqeen » (enquêteurs), « Mouhadaseen » (journalistes), « Houkkam » (officiers), « Moualameen » (enseignants) et « Auliyya » (camarades d’Allah). Dans aucaine de sa bane termes là le mot « Khatam » veut dire dernier-né ou le dernier pou paraite dans le monde. Sa signifié seulement ki, de l’opinion de sa dimoune ki pé fer sa analyse là, alors sa dimoune ki pé appelle li « Khatam » là li le meilleur et le plus parfait de tous dans sa talent particulier ki appartenir au groupe de sa bane dimounes là.
Nous capave toutefois noté ki kan « Khatam » pas servi dans le but pou faire éloge d’ene dimoune et so mot combiné li pas ene groupe de bane dimounes ki rempli de talents, alors li certainement signifié le dernier, ou à la fin en ce ki concerne le temps, parski dans sa cas là, pé servi li non pas pour faire éloge de sa dimoune là pour kit excellence ou talent mais simplement pou déclare ene fait. Par exemple, « Khatamoul-Aulad » (Khatam de garçons) pou signifié le dernier né, parski pour prend naissance et pour né li pas ene talent et le terme pas pé servi pour fer éloge sa garçon là, mais simplement pour souligner le fait ki li le plus jeune de bane garçons. Pareillement, le terme « Khatamoul-Mouhajireen » ki le Saint Prophète (saws) fine servi pour so chacha Abbas (ra) veut dire ki li le dernier pou émigrer (dans le contexte de l’Islam et de l’émigration à l’époque du Saint Prophète (saws)) parski émigrer li pas ene talent, ni le terme servi pour faire éloge le dernier émigrant. Négligence de sa point là li ene erreur ki bien souvent même bane savants de parmi bane musulmans faire ou prétanne pou faire (kot zot par exprès fer semblant pou pas comprend le vrai sens afin ki zot capave passe zot propre analyse comme étant vrai). Zot préfère servi certains mots pour mette poids dans zot arguments, ki vraiment ene argument ki dans vide kan zot affirmé ki le Saint Prophète Muhammad (saws) li absolument et littéralement le dernier de bane prophètes d’Allah.
Gardant bane règles de la langue arabe ki mo fine fek mentionné là à l’esprit, li pou clair pour tout chercheur de vérité ki le terme « Khatamoun-Nabiyyin » tel ki li utilizé pour faire éloge du Saint Prophète, li pou capave seulement veut dire ki li le meilleur prophète, le plus parfait et suprême ki, de parmi tous bane prophètes fine atteindre le dernier, et plus haut rang dans l’apostola. Aucaine prophète supérieure ou plus grand ki li zamais pou capave paraite après li, mais la venue d’ene prophète, ki sub-ordonné à li pas pou en aucaine cas contraire à sa titre là. C’est saki le Saint Prophète ainsi ki bane savants de l’Islam fine comprend par sa terme (Khataman-Nabiyyin) là.
Le Saint Prophète Hazrat Muhammad (saws) fine dire à propos Hazrat Ali : “Ô Ali to le “Khatamul-Auliya” pareil couma moi mo le Khatamul-Ambiyya.” (Tafsir-Safi p. 111)
Évidaman sa parole là pas pou capave veut dire ki Hazrat Ali ti le dernier Wali (Camarade d’Allah). Sa pou capave seulement signifié ki li ti le meilleur Wali pareil couma le Saint Prophète ti le meilleur Nabi. Et couma nous capave prévoir, la majorité de bane savants de l’Islam ki fine aveuglé par ene sél sens de « Khatam » zot fine nié sa et fine dire ki source de sa Hadith là li faible et sans chaîne de transmission. Bizin préciser ki ena des milliers de hadiths ki contenir la vérité ki vine de la bouche du Prophète d’Allah (saws) ki fine mette de côté et fine faire oublier zis à cause zot pas corresponde à zot analyse et interprétation littérale de bane paroles du Saint prophète de l’Islam (saws). De ce fait, ena beaucoup hadiths concernant la fin des temps et l’avènement de Mahdi et le Messie comme étant ene sél et même dimoune ki pas pou vine d’aucaine les autres communautés excepté l’Islam fine mette de côté, réduire au silence et effacé de l’histoire. Mais Allah ena le pouvoir pou révèle encore ene fois bane l’enseignements ki bane dimounes fine cachiette et mette ene côté et Li (Allah) ena le pouvoir pou redonne à l’Islam so gloire en révélant le vrai sens de bane paroles de So prophète parfait Hazrat Muhammad (saws).
Fine rapporté ki Hazrat Aisha, l’épouse du Saint Prophète Hazrat Muhammad (saws) fine dire concernant le Saint Prophète (saws) : « Dire ki li le Khataman-Nabiyyin, mais pas dire ki pas pou ena les autres prophète après li. » (Durul-Mansour Vol. 5, p. 104 et Takmila Majmaal Bihar Vol. 4, p.85)
Maintenant, si « Khatam » ti veut dire ‘Dernier’, alors kifer li pas fine dire sa? Certains chercheurs ki dans confusion et ki bien insolents fine condamne sa parole de Hazrat Aisha là comme étant « sans valeur ». Mais ki zot pou capave dire de tous sa bane déclaration ki bane saints et savants de l’Islam fine faire kot zot fine tolère ene telle déclaration « sans valeur » ki fine reste dans littérature islamique depuis plisse ki mille ans et kot sa bane savants et saints là fine même faire bane analyses lors là, fine commente sa bane paroles là et fine donne certains explications. Par exemple, Imam Mohammad Tahir (ki fine mort en 986 Hijri) fine faire bane commentaires suivants :
« Sa (déclaration là) li en vue de l’avènement de Isa, et li pas contraire à sa Hadith « péna aucaine prophète après moi », parski par sa, li (le Saint Prophète) ti oulé seulement dire ki pas pou ena aucaine prophète ki pou vini ki pou change so la loi. » (Takmila Majmaal Bihar p. 88)
Hazrat Muhyiuddin Ibn Arabi (ki fine mort en 638 Hijri) fine écrire: « L’apostola ki fine prend fin avec le Saint Prophète li celui de la loi et non l’institution même de l’apostola... Et par sa parole: « Péna aucaine prophète après moi » li (le Saint Prophète) ti rode dire ki pas pou capave ena kit prophète ki pou vini ki pou alle contre so la loi, mais plutôt ki tout prophète ki pou paraite après li, pou sous so la loi ».
Et plus loin, Ibn Arabi fine expliqué : « ... alors l’apostola pou continuer ziska le Jour du Jugement, mais (celui de) la Loi fine fini, et pou apporte la Loi li seulement ene partie de l’apostola (pas l’apostola au complet)... Isa pou dessane sans la loi, mais li pou ene prophète sans aucaine doute ». (Fatuhaté-Makiyya Vol. 2, p.3, 100)
Allama Abdul Wahab Shirani (ki fine mort en 972 Hijri) fine écrire: « Zot bizin conné ki l’apostola li pas terminé complètement; seulement l’apostola porteur de loi fine enlevé... » « Fine ena bane prophètes dans le monde dans le passé et pou contigner ena dans l’avenir aussi, mais zot pou sub-ordonné à la loi du Saint Prophète. La plupart de bane dimounes, cependant, pas conne sa. » (Al-Yawakit-wal-Jawahar)
Imam Fakharuddin Razi (ki fine mort en 606 Hijri) expliqué: « Li essentiel pour « Khatam » pou être suprême. Guettez ! (Sa) pareil couma le Saint Prophète ki fine déclaré suprême à cause ki li « Khatam » de parmi tous bane créatures physiques ». (Tafsir-e-Kabir Vol. 6, p. 31)
Avant examine le contexte de l’expression « Khataman-Nabiyyin » anou analyse le sens littéral de mot « Khatam ».
« Khatam » signifié ‘le sceau’, ki défini comme ‘ene instrument ki laisse so l’empreinte lors bane les autres kitchoses’. Le but principal de créer l’impression en servant d’ene sceau, li destiné pou attester, pou vérifier ou pou envoye quelque chose lors l’autorité de sa dimoune ki possède sa sceau là. Littéralement parlant, donc, ‘le sceau’ des prophètes veut dire ene prophète ki attesté et vérifié l’apostola de bane les autres prophètes et ki kan dimounes ena ene l’obéissance complète et parfait envers li, alors sa capave laisse ene ‘impression de l’apostola’ lors so bane disciples parfaits et choisis.
Le fait ki le Saint Prophète (saws) servi de source de toutes sortes de bénédictions spirituelles incluant l’apostola, li fermement soutenu par le verset (An-Nisa 4 : 70), ki témoigné:
« Et quiconque obéir à Allah et au Messager – c’est bane à ki Allah fine accorde bane faveurs de parmi bane prophètes, bane véridiques, bane martyrs et bane vertueux. Et sa bane là zot bane excellent compagnons. »
Capave faire ressortir de sa verset là ki bane quatre rangs spirituels ki fine mentionné zot maintenant réalisables à travers l’obéissance envers le Saint Prophète (saws). La signification de sa verset là vine encore pli claire kan nous compare li avec le verset (Al-Hadid 57 : 20) ki stipulé:
« Et bane ki croire en Allah et en So bane messagers, zot bane véridiques et bane martyrs en présence de zot Maître. »
En analysant sa deux versets là ensam, nous capave facilement déduire ki, tandi ki bane suivants de tous bane « messagers » en général ti capave atteindre bane rangs de martyrs et de véridiques (Siddiqeen) et pas plisse, mais bane suivants du Saint prophète de l’Islam (saws) quant à zot, fine capave alle encore plisse haut en grade et recevoir la bénédiction de l’apostola, si et kan nécessaire.
Nous bizin noter ki le sens pou ‘ferme’ ou ‘fini’ kitchose, ki souvent lié avec le mot ‘sceau’ c’est pas so sens ou but réel. En fait, nous mette ene sceau lors ene l’enveloppe ou ene lock (cadena) non pas pour fermer, mais pour attesté sa fermeture là. Fermeture là faire toujours par mette la gomme ou ene cadena ou la colle, tandis ki ene sceau li appliqué pour attester ki la fermeture fine faire par le propriétaire de sa sceau là. Si le sceau li pas claire ou fine essaye trafique avec sa, alors fermeture de sa l’objet là pou capave rejeté parski le but de l’attestation li dans vide dans ce cas. Donc, le premier but réel d’ene sceau li reste ‘pou témoigne ou pou envoye et affirme’ quelque chose en créant so l’impression lors bane les autres l’objets.
Maulana Muhammad Qasim Nanotvi, fondateur d’ene l’école de pensée dans l’Islam ki appelle « Déobandi », fine explique le mot « Khatam » comme suite : « Tout comme le Khatam (sceau) laisse so l’impression lors bane objets, de même la personnalité rempli de lumière (du Saint Prophète) ena même l’effet lors so bane disciples nobles... » « L’apostola du Saint Prophète li au plus profond de so personnalité bénie tandis ki celui de bane les autres prophètes zot seulement bane reflets. Bane les z’autres, zot bane prophètes de par so grâce, mais quant à li (saws), li prophète par la grâce d’aucaine prophète, et c’est coumsa ki l’apostola terminer avec li. Li, par conséquent, prophète d’Allah, ainsi ki le prophète de bane prophètes. » (Tehzir-un-Nas p. 3, 4 et 10)
Maulana Shabeer Ahmad Ousmani, « Sheikh-ul-Islam », de Pakistan tout en commentant le titre « Khataman-Nabiyyin », fine écrire dans so traduction Quran Shareef: « ...alors nous capave dire ki li (le Saint Prophète) le ‘sceau de bane prophètes’ de par so rang aussi bien ki dans le temps, et bane ki fine atteindre le rang de l’apostola, fine gagne sa zis par l’impression de so sceau. »
Anou étudié maintenant le titre « Khataman-Nabiyyin » dans so contexte parski c’est seulement à la lumière du contexte ki le sens réel et exact d’ene mot capave établi. Allah dire dans Quran Shareef: « Muhammad li pas papa d’aucaine de zot bane z’hommes, mais li le messager d’Allah et le sceau de bane prophètes, et Allah Li au courant de tout zaffaire. » (Al-Ahzab 33: 41)
L’utilization du mot ‘mais’ dans sa verset là li particulièrement remarquable. ‘Mais’ li ene conjonction, ki servi pou joinde deux phrases et li servi pou élimine tout bane doute ou objection ki capave éventuellement sourcer de premier phrase là. Astère, si le terme ‘Sceau de bane prophètes’ interprété comme ‘le dernier de bane prophètes’, couma la plupart dimounes comprend li, alors l’information ki Allah fine donné dans sa verset là, capave comprend li comme suite :
i) Muhammad li pas papa d’aucaine z’homme, mais li le dernier de tous bane prophètes. Ou ki,
ii) Muhammad li à la fin de so lignée. Mais li à la fin de la lignée de bane prophètes. Ou bien,
iii) Muhammad pas ena garçon (biologique) après li, mais li pas ena prophète après li.
Analyse sa bane phrases là à nouveau et zot pou trouver ki l’utilization du mot ‘mais’ li absolument fausse parski les deux parties de sak phrase zot ena kitchose de négatif en zot. L’utilization du mot ‘mais’ exigé ki, si ena kitchose de négatif dans premier déclaration là, alors l’autre déclaration là bizin contenir kitchose de positif ou vice-versa. Li donc nécessaire ki si ene fait li nié dans premier déclaration là, sa refu là bizin compensé par reconnaîte ene fait ki positif dans l’autre déclaration là.
En suppozant ki le ‘sceau de bane prophètes’ signifie chef suprême, de plus haut niveau et de ki bane prophètes sourçé, alors alle analyse sa bane même phrases là encore, cette fois-ci comme suite:
i) Muhammad li pas papa d’aucaine z’homme, mais li papa (chef) de bane prophètes. Ou ki,
ii) Muhammad li à la fin de so lignée, mais li au sommet de la lignée de bane prophètes. Ou ki,
iii) Muhammad pas ena garçon ki pou succède li, mais li ena bane prophètes comme héritiers spirituelles après li.
L’utilization de ‘mais’ dans bane phrases ki mo fine mentionné li tout à fait exacte, parski l’objection ki soulevé en refuzant ene fait dans premier partie de sa phrase là li supprimé en reconnaissant ene fait similaire, voire meilleure dans l’autre partie de sa phrase là. (Faudé pas nous oublier ki le Saint Prophète li ‘papa’, ene ‘papa spirituel’ de so bane disciples parski d’après le Quran Shareef bane épouses de bane prophètes zot connus comme ‘mamans de bane croyants’, surtout bane épouses du Saint Prophète (saws) et bane épouses de tous bane prophètes ki pou vini dans l’obéissance du Saint Prophète (saws) et ki le Quran cause de zot ziska le Jour du Jugement Dernier (Al-Ahzab 33 : 7).)
En gardant sa bane faits là à l’esprit, kan zot analyze verset (Al-Ahzab 33: 41) ene fois de plus, alors zot pou trouver ki kan Allah dire: « Muhammad li pas papa d’aucaine z’homme (parmi zot) », alors Allah fine rejette ‘paternité physique’ du Saint Prophète (saws), mais Li fine compense sa perte là avec ene grand ‘Mais’ et fine ajouté ki li (saws) papa d’ene nation en tant ki ‘Messager d’Allah’ et même papa de bane prophètes en tant ki ‘Sceau de bane prophètes’. Le ‘sceau’ mentionné dans sa verset là zamais pou capave veut dire ‘le dernier’ ou à la fin. Li pou seulement capave signifier le sceau ki à l’origine de kitchose parski c’est seulement bane zenfants (male) physiques du Saint Prophète (saws) ki pé nié dans premier partie sa verset là, et deuxième partie là donc, bizin nécessairement reconnaîte l’existence de ‘zenfants (male) spirituelles’ du Saint Prophète (saws). Donc, séki Allah oulé vraiment dire l’humanité c’est ki, bien ki Muhammad (saws) li pas papa biologique d’ene z’homme, mais li ‘papa spirituel’ d’ene nation, et surtout li ‘papa de bane prophètes’, donc ayant même bane prophètes comme fils (garçons) spirituel.
Li bon pou noté ki sak prophète li ‘papa’ de so bane disciples et ki bane mots ‘Messager d’Allah’ ki mentionné dans le verset, fine faire du Saint Prophète (saws) seulement le ‘papa’ spirituel de so bane disciples ainsi ki bane les autres prophètes ti papa spirituels pour zot bane disciples. C’est titre ‘sceau de bane prophètes’ ki vine après ki fine élève le Saint Prophète Hazrat Muhammad (saws) au-dessus de tous bane les autres prophètes comme ‘papa’ de bane prophètes.
Maulana Muhammad Qasim Nanotvi explique lors le sujet pli en profondeur: « Bane dimounes ordinaires pensé ki le Saint Prophète li le `Khatam' dans le sens ki li le dernier de tous bane prophètes. Mais pour bane dimounes ki réfléchi, li clair (pou zot trouver) ki pas ena aucaine l’honneur pou être le premier, ou dernier ou le dernier dans le temps. Dans sa sens là, li donc pas correcte pou dire et faire l’éloge du Saint Prophète (saws) en proclamant ki ‘li le Messager d'Allah et le Dernier de bane Prophètes’… Le vrai sens de sa verset là c’est ki le Saint Prophète pas possède la paternité physique de qui que ce soit mais li possède la paternité spirituelle de so bane disciples aussi bien ki bane prophètes. » (Tehzir-an-Nas p. 2 et 10)
Alors le sceau après ki li fine fixé ene distinction montré également commié le Saint Prophète de l’Islam (saws) ti parfait comme prophète porteur de loi. Li ti le chef de parmi tous bane prophètes et l’homme le plus exalté en position dans lizié d’Allah, et sa faire li vine l’excellent modèle ki toute l’humanité bizin suivre. Li le modèle à suivre et bane ki copié so l’exemple, ki imite li, en mettant en pratique so bane l’enseignements dans meilleure façon, alors péna aucaine doute ki Allah (twa) pou capave faire sa bane dimounes là atteindre le degré de prophète, par zot l’obéissance à sa prophète exemplaire là ki ti non seulement ene source d’inspiration pour l’humanité afin ki li (l’humanité) perfectionne li, mais aussi pour so bane disciples kot li fine inspire zot pou suive so chemin parski c’est de sa manière là ki zot capave accéde à bane fruits de l’apostola ki li fine planté avec l’Islam. Bane fruits spirituels, et non pas bane fruits physiques, pareil couma li ti ene papa spirituel pour l’humanité et bane prophètes, et non pas ene papa biologique pour bane garçons adultes de so propre semence.
Ki Allah permette zot tous mo bane chers disciples et chercheurs de la vérité pou réalise sa vérité là et, ki nous faire ene manière ki nous tous, nous suive le modèle ki nous papa spirituel parfait Hazrat Muhammad (saws) représenté (Mo cause au présent parski so bane l’enseignements zot pou tous les temps vivants, même si nous bien-aimé Aka Hazrat Muhammad (saws) fine mort), parski nous temporaire dans sa le monde là et nous ena le devoir pou conforme nous à bane vérités révélé par Allah tanque ki ena souffle dans nous pour respire la vérité ki vine d’Allah. Insha-Allah, Ameen.
