|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
07 Mars 2014 ~ (05 Jamad’ul Awwal 1435 AH)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
Dès le début même, l’islam fine sévèrement condamne discrimination raciale, et fine faire tout so possible pou élvé bane barrières artificielles ki existé entre bane tribus et entre bane nations. Pour la première fois dans l’histoire de l’humanité, ene nouveau norme pour juge bane qualités de l’homme fine métté claire dans le Quran Shareef, kot Allah déclaré :
« Ô dimounes, Nous fine créer ou d’ene mâle et d’ene femelle, et Nous fine faire de ou bane nations et bane tribus, afin ki ou faire connaissance entre ou ; et le plus noble parmi ou dans lizié Allah, c’est celui ki suive plus près So chemin droit. » (Al-Hujurat 49: 14)
Sa déclaration là fine sonne la fin de toutes sortes d’aristocraties, que ce soit de naissance, de caste ou de richesse. Bane noirs fine trouve zot alors au même niveau ki bane blancs. D’ene seul coup et pour toujours, sa préjugé de couleur tellement abominable ki ti existé là fine écarté.
Même aujourd’hui, avec passage du temps, bane incidents comme celui de Little Rock, pas tendé même astaire, dans les pays islamique et bane problèmes d’ene la loi de discrimination couma avant saki ti passé dans Sud-Afrique pas fine surgir ni au Moyen-Orient ni dans l’Extrême-Orient.
« Ene Arabe pas pli supérieur ki ene non-Arabe, et ene non-Arabe non plus pas pli supérieur à ene Arabe ; zot tous zot bane zenfants d’Adam, et Adam fine crée avec argile. »
Sa c’est bane paroles mémorables ki le Saint Prophète (saw) fine prononcé dans vallée de Mina à l’occasion de premier et dernier Hajj ki Hazrat Muhammad (saw) fine fer. Ki ti résultat de sa ? Kan zot fine entende sa bane paroles bien ferme et extraordinaires là, alors fierté sociale de bane Arabes fine thuiite. Tous sa bane différences et barrières là fine cassé. Différence entre Arabes et non-Arabes, ki ti ressemblé à celui ki ti existé entre bane juifs et païens, grecs et barbares, patriciens et plébéiens fine brutalement dépourvu de sa vié mentalité là. Bane faibles et bane opprimés fine arrête recevoir l’aumône d’après bane caprices de bane dimounes ki ti pli riches. Zot la religion (l’Islam) fine maintenant accorde zot bane droits légales lors bane dibiens de bane riches ainsi ki dans la politique. La femme, ki ti souffert en raison de faiblesse de so physique et ki ti considéré comme ene simple marchandise, fine gagne ene même rang d’égalité avec l’homme.
Fine encourage la libération de bane esclaves sous même bane ti prétextes. Kifer sa ? Parski pou ki sa mène petit à petit à l’abolition totale de l’esclavage. Zamais l’Islam fine enseigne ki bizin exclus telle ou telle dimoune. Si ti bizin refaire le monde et établir la paix en permanence, alors bane vice couma la jalousie et préjugé de couleur (et race) bizin entérré. Bizin bannir sa bane mauvais sentiments afin ki sa le monde parfait là capave établir. Si bizin presse l’apparition de sa nouveau monde là, alors le monde bizin forcément reconnaitre bane valeurs morales de l’islam et mette zot en pratique dans la vie ki li au niveau nationale et aussi internationale.
Dimoune astaire rode élimine au moyen de pression sociale et de bane actes législatifs, la différence ki exister entre bane riches et bane pauvres, kot sa différence là sans aucaine doute fine déséquilibré l’économie de plusieurs pays. Système d’économie communiste fine déza rentre en vigueur dans certains pays, et dans bane les autres pays, pé adopter ene mode de vie socialiste.
Tout sa là pé essayer même, pé fer bane expériences pou ki arrive à ene l’équilibre dans la société et l’économie aussi. Ena certains essaie ki zot recommander, et zot fer sa pour améliore le sort de bane dimounes et pour hausse zot niveau de vie. Sak pays ki ena dans le plan bienfait humain essaye fer sa pou améliore sort so peuple. Tout sa là bon, mais nous bizin garde à l’esprit ki l’islam, depuis l’époque même ki li fine prend naissance, fine fini fer plan couma pou élimine tous sa bane inégalités ki exister dans l’économie sociale et alors li fine institué bane tels institutions couma:
1) Zakaat et 2) Sadaqa, kot tous les deux ena ene l’autorité religieux; Ena aussi, 3) Bane la lois lors l’héritage, de façon à séki la richesse et bane dibiens pas accumule seulement dans la main de la minorité; Ena aussi, 4) L’interdiction formelle pou pas consume l’intérêt (Riba) et ena, 5) L’encouragement pou faire bane négociations et le commerce.
Aujourd’hui le monde fine commence rende compte ki si zot oulé maintenir ene équilibre juste dans l’économie d’ene pays, alors zot bizin adopté certains enseignements islamiques. Bien sûr, la vie actuelle fine vine encore pli complexe et ena astaire bane tels situations ki étranges de bane principes fondamental pou ajuster l’économie nationale, bane tel principes ki flexibles et capave accommodé à tous bane exigences d’ene monde qui évoluer rapidement, sans toutefois abandonne sa bane principes là.
En principe pas ena persécution religieuse dans islam. L’Islam condamne sa. Bane la guerres religieuses et bane bagarres communales zot responsables de taux élever de bane crimes ki de plus en plus abominables, de bane dézordres, émeutes, viol, vol, incendie, et fanne disang – kot tout sa là fine noirci l’histoire de plusieurs pays, y compris nous pays.
Sa arriver en grande partie à cause l’orgueil, bane préjugés, fanatisme, l’impatience et l’intolérance – zot représente bane tel mal ki fine tout le temps difficile pou éliminer.
Zamais aussi l’Islam ti ene la religion militaire, malgré saki so bane adversaires dire. Le temps népli pou fer bane excuses maintenant – sa allégation ki zot fine porter lors l’Islam fine tombe fausse, et sa ene accusation injuste aussi, kot zot fine accuse l’Islam ki li force bane dimounes pou accepter li et li mette en pratique bane persécutions religieuses. Bane ki intéresse pou conne plisse lors sa sujet là capave analyse sa deux versets importants ki trouve dans Quran Shareef, ki explique clairement l’attitude extrêmement libérale de l’islam envers les autres religions. Le premier c’est (Al-Anam 6: 109) kot Allah dire:
« Pas insulter bane dieux ki zot adoré à la place de Allah, parski zot capave insulter Allah par vengeance, dans zot ignorance. » (Al-Anam 6: 109)
Sa veut dire ki ene musulman bizin montrer li tolérant même envers bane idolâtres quoi-qui l’idolâtrie li le contraire même de l’islam. Sagesse de sa l’instruction là li bien claire, kot li fine rode dire ki sakaine abuse so camarade, alors sa pou amène vers bane incriminations et récriminations et finalement vers bane bagarres et fanne di sang. Deuxième verset là, li interdit profanation et destruction de bane temples et bane les autres lieux de culte. Allah dire :
« Si Allah pas ti repousse certains dimounes, (alors) ti pou surement ena destruction de bane couvents, l’église (Chrétiens), temple (Juifs) et bane mosquées, bane l’endroits kot nom Allah mentionné beaucoup. » (Al-Hajj 22: 41).
C’est à noter ki la vie de bane musulmans bizin être sacrifié non seulement pou mette fin à persécution ki bane musulmans pé faire face, et pou sauve nous bane masjids de la ruine, mais aussi pou sauve bane l’églises, synagogues, et bane les autres l’endroits d’adorations; sa c’est en fait ene moyen pour maintenir ene liberté religieuse parfait. Quoi-qui bane masjids zot bane l’endroits kot bane noms d’Allah plis souvent prononcés, mais couma fine mentionner dans sa verset là, bizin protège sa bane masjids là oui, mais aussi avant pou protège bane l’églises (de bane Chrétiens) et synagogues (de bane Juifs) – sa c’est ene l’exemple claire de la tolérance ki l’islam ena envers les autres religions. En fait, nous pas au courant ki ena bane telles grands l’enseignements de tolérance couma dans Quran dans bane les autres livres sacrés et écrits.
Mo arrête ici même pour aujourd’hui. Insha-Allah, ki Allah donne moi le Tawfiq pour continuer sa Khutba là Vendredi prochain, parski mo lécoeur bléssé pou trouve saki pé passé dans l’Afrique Centrale et dans bane les autres pays kot bane musulmans trouve zot piégés et captifs et pas capave faire nannié pour sauvegarde zot l’islam, zot l’honneur et zot la vie. Beaucoup de bane dimounes innocents pé trouve la mort. Ki Allah ouvre le cœur de tout dimoune sans exception pou conne la grandeur et valeur de sa grand religion ki appelle, l’Islam. Insha-Allah, Ameen. |
|
|
|
Écoute le Khutba Jummah du Khalifatullah Munir A. Azim en intégralité (Audio) |