بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

10 Octobre 2014 ~

(15 Dhul Hijjah 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

Ô Allah, accorde-moi pou être obéissant envers Toi,  ouvert mo la poitrine à travers repentir par To sécurité et accorde-moi la connaissance pou contigne troisième partie de mo Khutba Jummah lors « Le Cœur » de sorte ki le cœur de bane pieux (Muttaqi) et bane chercheurs de vérité – bane ki pas hypocrites – capave obtenir de Toi la lumière ki vine du ciel, pénétrant ainsi zot lé cœurs et kot zot gagne la TRANQUILLITÉ DU CŒUR ki zot tant rechercher. Ameen.

 

La tranquillité et contentement du cœur trouve dans rappel (Zikr) d’Allah (twt) et la fermeté et constance de Iman (la foi). Allah (twt) décrire causer de Hazrat Ibrahim (as) comme suite: « O mo Maître, montrer moi couma To faire bane morts revivre. » Allah dire li: « Alors eski to pas croire ? » Li (Ibrahim) réponde: « Oui, mais afin ki mo le cœur gagne tout confiance. » (Al-Baqara 2: 261).

 

Ce qui veut dire: O mo Rab, mo la foi pou vine plus ferme si mo témoigne de mo propre lizié la manifestation de To puissance. Allah (twt) aussi décrire demande de bane compagnons de Hazrat Issa (as) afin ki Allah donne zot sans réserve So bénédiction dans sa verset ki mo pou cité là: « Nous envie mange sa nourriture là, et ainsi gagne tout confiance dans nous le cœur. » (Al-Maida 5: 114), ce qui veut dire ki, « Afin ki nous les cœurs capave trouve la tranquillité et nous vine de plus en plus fermes dans nous la foi. Si nous trouve la bénédiction d’Allah dessane lors nous, alors avec sa bane preuves là, nous la foi pou augmenter et gagne la paix et confiance dans nous le cœur. »

 

Allah (twt), à l’occasion de bataille Badr fine promette l’aide à bane musulmans dans bane termes suivants. « Allah ti faire sa comme ene bon nouvelle, afin ki ou lécoeur gagne confiance. Car tout victoire vine de Allah seul, kot c’est Li-même ki ena tout grandeur et sagesse. » (Al-Imran 3: 127). Pou ki zot les cœurs pas perturbé par grand nombre de bane l’ennemi et petit nombre de bane croyants, alors dans sa contexte là Allah (twt) dire: « C’est Li (Allah) ki fine dessane ene tranquillité dans les cœurs de bane croyants pou augmente zot la foi plus encore. » (Al-Fath 48: 5).

 

Allah (twt) fine faire la paix et la tranquillité du cœur ene moyen pou augmente la foi et le réconfort de la foi pour bane croyants. Le résultat de sa l’assurance c’est ki bane croyants zot reste fermes, dans bane tel situations de la guerre et de bane difficultés contre bane infidèles.

 

« Et Li (Allah) fine conner ki ena dans zot les cœurs et Li fine envoye tranquillité lors zot, et Li fine récompense zot par ene victoire proche. » (Al-Fath 48: 19).

 

« Bane ki ena la foi et ki zot les cœurs trouve ene tranquillité kan zot pense à Allah. Eski c’est pas en pensant à Allah ki lé cœur trouve tranquillité ? » (Ar-Raad 13: 29).

 

Grâce à rappel (Zikr) d’Allah, le cœur de bane croyants gagne la paix et la tranquillité. Bane tracas, bane perturbations et la peur zot le résultat d’ene lé cœur vide de Zikr d’Allah (twt). Allah dire au sujet de bane Mushrikeen (adorateurs de bane idoles). « Quand dire zot ki Allah unique, le cœur bane ki pas croire dans la vie future serrer. Mais kan mentionne les autres en dehors Li, voilà ki zot réjouir. » (Az-Zumar 39: 46).

 

En entendant le nom d’Allah et So l’Unicité divine (Tawheed) zot le cœur (c'est-à-dire, le cœur de bane Mushrikeen, bane ki adore bane les autres autre ki Allah) faire preuve de retenue, mais kan le nom de zot bane idoles mentionné, zot les cœurs vine content et l’effet de sa contentement là vine apparent lors zot figure.

 

Allah (twt) fine réprimande bane croyants ki fine réalise la vérité, mais ki fine retardé pou mette li en pratique. « Eski le moment pas fine arriver pou bane croyants, pou ki zot les cœurs courber devant message Allah et la vérité ki fine dessane ? ... » (Al-Hadid 57: 17).

 

Hazrat Abdullah ibné Masud (ra) fine rapporté ki le délai entre sa réprimande d’Allah là à travers sa verset là et sa bane dimounes là zot acceptation de l’Islam ti seulement quatre ans.

 

Allah dire: « En vérité, bane ki ena (vrai) la foi, kan nom Allah mentionné devant zot, zot lé cœurs senti en frayeur. » (Al-Anfaal 8: 3). Et dans les autres versets, Allah dire: « Eski c’est pas en pensant à Allah ki lé cœur trouve tranquillité ? » (Ar-Raad 13: 29).

 

Li donc possible ki nous gagne difficultés pou comprend kan nous lire sa deux versets là. Dans premier là, fine faire mention d’ene « peur » ki ressenti kan mentionne le nom d’Allah, et de l’autre côté fine aussi dire ki ena « tranquillité » dans le rappel (Zikr) d’Allah. En réalité, pas ena contradiction dans sa bane versets là, parski la peur li ressenti à cause kit punition ki et repo et tranquillité li conséquence de l’assurance, et la fermeté de la foi (Imaan). C’est la baze de la peur et de l’espoir ki pé expliqué dans sa ene seul verset là.

 

« Allah fine faire dessane plus joli parole : ene livre ki so bane parties ressembler et répété. La peau dimoune ki craindre zot Maître frissonner (kan zot tende) li, mais ensuite zot la peau et zot lé cœur apaizé avec rappel (Zikr) Allah. Sa, c’est guidance Allah et Li guide avec sa, bane ki Li oulé. Et celui ki Allah laisse égarer, pas ena aucaine guide pou li. » (Az-Zumar 39: 24).

 

La peur li expérience à cause de punition d’Allah mais selment par le moyen de Zikr d’Allah et l’espoir pou gagne bane grand récompense (de côté d’Allah), alors la paix et la tranquillité surpasse sa peur là. Sa changement là li seulement créer dans le cœur. Fine rapporté dans ene Hadith: « Kan l’homme peur punition Allah, alors so bane péché éparpiyé couma feuilles secs tombe depuis lors ene pié. »

 

Hazrat Qatada (ra) fine dire: « Sa c’est qualité de bane dimounes d’Allah, ki Allah fine décrire. Zot peur la punition d’Allah et à travers le rappel d’Allah zot gagne la paix et tranquillité du cœur. » Allah pas fine dire ki zot fine perdi zot sens, ou zot fine gagne « Haal » etc. Sa bane zaffaires là c’est bane innovations et bane l’effets de Shaïtan (Satan) ».

 

Allah (twt) décrire So serviteur ki Li fine favorizé dans sa façon là : « Et bane ki pratique la charité ki zot capave, garde toujours ene frayeur dans zot les cœurs ki zot zot pou retourne devant zot Maître (ene jour). » (Al-Mumineen 23: 61).

 

Zot fine fer le bien et zot fine peur attention ki zot bane actions rejeter. Fine rapporté par Hazrat Aisha (ra) ki li fine demande le Messager d’Allah (saws) : « Ô Messager d’Allah (saws), eski sa verset là pé fer référence à bane ki boire di-vin and cokain ? » Rassoollullah (saws) fine réponde : « Ô non, Siddiq so tifille (c’est-à-dire, Hazrat Aisha li-même, ki ti tifille de  Hazrat Abu Bakr), c’est bane ki garde Roza, donne la charité et gagne peur pour zot bane actions attention sa bane actions là rejeter. Sa c’est bane dimounes ki surpasse bane les autres en vertus. »

 

Alors mo bane chers frères et sœurs, le sujet de mo Khutba Jummah li bien vaste ; alors mo arrête là-même pou aujourd’hui, et mo faire duahs avec mo Rab ki Li donne moi le Tawfiq pou contigner cause lors sa même sujet là vendredi prochain, Insha-Allah. Le sujet de sa Khutba Jummah là et bane ki fine fer détrois semaines de cela zot tellement important ki mo pas ena aucaine doute ki Allah (twt) Li-même – Celui ki fine envoye sa bane paroles là lors moi couma ene la pluie divine ki tombe lors moi – alors c’est Allah (twt) Li-même ki pou aide mo bane disciples bien-aimé de par le monde pou compile sa bane Khutba là en forme d’ene livret (dans différent langues) pour le bienfait de tout dimounes. Insha-Allah.

 

Insha Allah, Ki Allah béni zot tous dans sa travail noble là. Et ki Allah aide mo bane chers disciples autour du monde ki pé fer face de nombreux problèmes et épreuves pour la cause d’Allah, et ki envie trouve la tranquillité et la paix et aussi bane bénédictions d’Allah dans sa siècle présent de la Manifestation Divine. Ki Allah aide zot pou réussi trouve sa la paix et tranquillité là avec bane bénédictions d’Allah dans sa siècle de la Manifestation Divine là. Ki Allah fer zot réussi trouve sa la paix et tranquillité là avec So l’aide et secours tout puissant. Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)