بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

11 Juillet 2014 ~

(13 Ramadhan 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ ۝

Yaaa-‘ayyu-hallaziina ‘aamanuu kutiba ‘alay-kumus-Siyaamu kamaa kutiba ‘alal lazina min qablikum la-‘alla-kum tatta-quun.

« Ô bane croyants ! Roza (Siyaam, Sawm) fine prescrire pou zot couma li ti prescrire pou bane avant zot, afin ki zot atteindre la piété. » (Al-Baqara 2: 184).

 

Le mot ‘Siyaam’ (Roza, carême), ki mentionner dans Quran, kot capave appelle li ‘Sawm’ aussi, veut dire abstenir de quelque chose. Abstenir de quelque chose veut pas dire ki seulement abstenir mangé et boire, non ; abstenir aussi lors cause beaucoup, kot au contraire ou concentrer plisse dans lire le  Quran Shareef avec traduction, faire le Zikrullah et faire beaucoup de doah aussi. Bizin abstenir aussi de dormi beaucoup, pour ki ou kapave faire beaucoup Namaz (Salat) Nafil et pendant li zour kan ou pé garde ou carême (Siyaam, Sawm ou Roza). Pendant ça période de Roza là, alors ça moment là aussi ena aussi abstention de relation sexuel avec ou bane femmes, contrôle de ou bane nafs, ou la langue, et ou gagne l’occasion faire beaucoup plisse bons actions, aide bane pauvres et faire beaucoup la charité.

 

Kan ou arrivé comprend bien lors ça verset là et ou réfléchi bien, ou pour trouvé techniquement, tous sa bane bons actions ki ou pour faire dans ça mois béni là, c’est bane actes d’adoration, ki ène croyant faire et li faire ça sincèrement pour Allah tout seul, kot li (croyant là) abstenir de tout séki li ti pé faire dans bane les autres mois ki ti Halal et ki dans ça mois béni là (Ramadhan), li vine Haraam avant lever soleil jusqu'à coucher du soleil. Kan ou lire Quran, Surah Al-Baqara kot Allah même fine faire nous comprend ki c’est dans mois Ramadhan ki le Livre parfait (Quran Shariff) fine descende pour guide l’humanité, en versets clairs pour servi comme la loi, par ça verset là ou capave comprend ki le Livre parfait (le Quran) fine descende pour tout l’humanité, pas seulement pour ène peuple ou ène nation, et par ça aussi ou pour comprend ki le Saint Prophète (saws) ène prophète universel et l’Islam aussi ene religion universel et so l’enseignement et so bane commandements aussi universel pour tout l’humanité entier. Kan ou lire Quran Shariff, surtout dans Surah Al-Baqara, ou pour trouvé couma Allah (swt) content So bane créatures (l’homme) et dans ki façon Allah (swt) fine guide l’homme et surtout bane croyants couma bizin observe le Roza et ki bane règlements bizin suivre, et si ène croyant suivre ça bane commandement d’Allah là et comprend l’importance Roza (Siyaam), alors ena bane bénéfice ki li gagner dans li garde Roza.

 

Plusieurs fois et surtout dans mois Ramadhan, mo fine tende ça hadice de Nabi Karim (saws) là ki trouve dans Bukhari Shariff et rapporté par Hazrat Abu Huraira kot Nabi Karim (saws) dire ki Roza c’est ène bouclier. Ène bouclier c’est ène chose ki protège contre tous kitchose ki capave faire ditort. Alor Roza li bouclier pour ene croyant pour capave protège li contre tous bane mal et bane bêtises, kot li gagne ça l’entrainement là pendant ène mois et sa pour aide li dans les z’autres onze mois à venir contre tout sorte quantité mal et bêtise ki Allah (swt) fine défendre li, ki Haraam et alors li pou protégé toute au longue de l’année et aussi ça permette li conne souffrance, la misère de bane dimounes pauvres ki pas pé gagne manger et boire pendant plusieurs jours. Kan ou fine conne ça souffrance là, ou pou dépense ou l’argent ki Allah (swt) fine donne ou, pour aide ça bane pauvres ki pé souffère la misère là, ki pas pé gagne manger et boire et en même temps kot ou pour faire encore bane bon actions ki pour faire Allah (swt) plaisir, et récompense kot Allah (swt) pour doubler encore plisse ki ça.

 

Ena ène hadice rapporté par Hazrat Umar (ra) kot li rapporté ki le Saint Prophète Hazrat Mohammad (saws) fine dire: « Bane actions li bazé d’après ou l’intention et sak dimoune pour récompenser d’après so l’intention. » (Bukhari & Muslim)

 

Alors, couma ène dimoune faire so l’intention quand li pour garde Roza? Kan ène dimoune lever le matin avant ki li alle prend so Sehri, ou sois kan li alle dormi et li conné ki li pour reste Roza le lendemain li faire so niyyat (l’intention) dans so le cœur et li lire ça doah là : « Wa bi-sawmi ghadim nawaytu min shahri Ramazwana » - Mo éna l’intention pour observe le jeûne pendant le mois de Ramadhan. Donc li bizin affirme so l’intention dans la nuit ou le temps li lever avant li prend so Sehri.

 

Allah (swt) fine faire comprend aussi à travers bane versets Quran ki Allah fine révélé à So prophète (saws) pendant le mois de Ramadhan et aussi à travers bane dires et pratiques de nous bien-aimé prophète Mohammad (saws). Ene l’exemple:

 

Ène hadith rapporté par Hazrat Abu Huraira (ra) fine raconté ki le prophète d’Allah (saws) fine dire: « Celui  ki pas arrête dire parole menti et bane mauvais actions, Allah pas besoin ki li (sa dimoune là) quitte so nourriture et de l’eau. » (Bukhari).

 

Ena action ki ène dimoune faire et li pé observe le Roza, séki si arrivé li gagne relation sexuelle pendant observation Roza alors ça dimoune là pas ziss bizin remplace so Roza mais aussi éna éne expiation pou faire et si li pas capave faire ça, li libère ène esclave, si li pas capave, li bizin garde Roza pendant 60 jours consécutifs et si ça li pas possible, li bizin nourri 60 dimounes pauvres à partir même mesure manger ki li habitié donne so propre famille.

 

Avant, mo fine déjà donne ça conseil là et mo pour répète li encore, profite de ça mois béni là au maximum ki ou capave si Allah (swt) fine donne ou ça opportunité là, ça l’année là. Saizi bien ça opportunité là, pas conné si l’année prochaine, ou pour là-même pour profite le mois de Ramadhan. Nous bizin pense Allah beaucoup, faire supplication à Allah et nous cherche So pardon.

 

C’est ène opportunité en or pour bane fidèles pour rappelle Allah et supplié Li, spécialement pendant bane l’heure spécifique kot sa bane invocations là pour éna plisse probabilité exaucée. Quand casse Roza, avant ça  ou faire beaucoup doah et demande pardon avec Allah. Ène Rozédar, so bane supplications pas rejeter à ça moment là. Pense lors ça hadice ki trouve dans Bukhari Shariff kot Nabi Karim (saws) fine dire: Pendant dernier tière de la nuit, kan Allah descendre dépi lé ciel et dire, ki sanlà pé faire ène demande avec Moi, pour ki mo capave accorde li ? Qui sanlà pé demande pardon are Moi pou ki Mo pardonne li ? (Bukhari).

 

Donc pour terminé, nous tous ensemble dans sa mois béni là, nous demande pardon Allah parcequi c’est Allah ki pardonner et gracié, et donne meilleur provision. Marche dans chemin Allah, faire Allah plaisir et Allah rempli de bonté pour bane ki tourne vers Li avec tout sincérité Insha-Allah. Ameen.

Écoute le Khutba Jummah du Khalifatullah Munir A. Azim en intégralité (Audio)