|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
(19 Safar 1436 Hijri)
(Résumé du Sermon)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
Hier, Jeudi le 11 Décembre 2014, l’Ile Maurice, Rodrigues, fine suive en directe à la télévision et plusieurs Radio privé et nationale dans tous les 21 circonscriptions, kot tous Mauriciens et Mauriciennes fine suive en directe jusqu’à fort tard bane résultat de l’élection général et sa fine créer ene surprise dépi 1976 jusqu’à 2010 (fine ena 10 élection après l’indépendance) pas fine trouve ene telle très faible taux de participation dans sa élection générale 2014 là, et fine créer grand surprise kot zot tous conné ki 2 grands blocs l’alliance politique ki fine domine la campagne électorale avec zot bane réunion privé, meeting régional, meeting national (bane grand meetings) kot nous fine apprendre ki sa 2 grand blocs politique là, tel comme PTR-MMM et aussi MSM/PMSD/ML fine dépense un peu plisse ki 73 millions de roupies pendant 2 mois.
Kan ou tende sa bane campagne là couma fine passé, entre sa deux blocs là, campagne de la haine, vulgaire envers zot adversaire et dans tous coins fine ena bane baze kot soutir bane agents politique de zot partie avec bane la boisson alcolizé, mangé, boire à gogo et rouler dans bane voitures avec bane bond d’essence. Zot fine abuzé et amuzé avec bane l’argent fané couma confétti.
Donc, mo vine lors sa rêve ki mo ti faire avant fixé date élection là kot Sir Aneerood Jugnauth bien chic avec joli costume et li pé voyage avec moi dans ene l’auto et mo pé pose li plusieurs questions et lors Paul Raymond Bérenger et li dire moi ki li pas ene traitre, c’est ene stratégie ki li fine servi pour marche ensam avec le PTR ; et sa mo pas fine dire (publiquement), ki dans rêve même mo pé dire : « Ah bon, c’est pour déboulonne Navin Ramgoolam le Premier Ministre et bane fatra ki autour de li kot zot fine faire trop dominère avec le peuple. »
Maintenant, mo pou raconte zot ene Kashaf (vision) ki mo fine faire le 07 Décembre 2014 (sa jour là, ti ena sa 2 grands blocs là zot meeting avant élection le 10 Décembre 2014). Alors après Namaz Zuhr et Asr, mo ti pé cherche mo permis de conduire dans mo bureau et mo senti moi faible et mo fine rentre dans ene Kashaf pendant ene 15 à 20 minutes, kot mo fine trouve beaucoup de bane la tête du PTR pé sape dépi la haut et pé tombé et kan le Kashaf fine fini, mo fine comprend à travers bane duah ki mo ti faire assez longtemps contre le Gouvernement dominère ki ti pé faire le peuple souffert, ki pou arrive zot dans sa élection là, et tout de suite sa fine vine dans mo la tête ki le MMM aussi pas pour sapé – kan frékante pourriture, bé li aussi pour gagne sa l’odeur pourriture là – et voilà séki fine arrivé !
Paul Bérenger ti bien faire le Remake avec Sir Aneerood Jugnauth pour retire sa pays là dépi dans la ruine et après li fine tenter avec séki Navin Ramgoolam fine promette li. Voilà séki fine arrivé et zot tous les deux PTR/MMM ti sous-estime l’alliance Lepep MSM/PMSD/ML comme ene ti partie ki péna pourcentage électoral même. Zamais sous-estime ti partie, faire vantard, l’arrogance. Allah dire dans Quran Shareef ki ene ti l’armée capave batte ne grand l’armée.
Voilà le résultat ki fine donné : MSM/PMSD/ML fine élu 47 candidats, tandi ki MMM/PTR fine élu seulement 13 candidats (9 MMM et 4 PTR). Avant élections zot ti pé fer pronostique 60-0, alà kot zot 60-0 fine aller ! Et dans Rodrigues c’est les deux candidats de l’OPR ki fine élu.
L’autre côté, le nouvo Gouvernement ki fine élu hier, le MSM/PMSD/ML juste avant élection fine faire beaucoup beaucoup de promesse avec bane électorats. Mo espéré ki zot respecté zot bane promesses, non pas fer promesses seulement pour embête sa peuple là pour gagne élection. Beaucoup de promesses zot fine faire. La liste trop longue. Mo espéré ki Sir Aneerood Jugnauth, Leader l’Alliance Lepep ene dimoune ki tenir so promesse et mo apprécié so courage ; depuis 1963 li faire la politique et li fine faire plusieurs mandats comme Premier Ministre et puis li fine alle comme Président de la République et puis avec le conseil et suggestion ki Paul Bérenger fine faire li, li démissionner comme Président de la république de Maurice et li vine dans l’arène politique à ene tel l’âge de 85 ans et voilà ki li fine élu en tête de liste et li fine présent li-même comme le Premier Ministre. Jamais pas fine arrive sa dans Maurice.
Mo fine oublier dire ki l’ex-premier ministre Navin Ramgoolam pas fine élu du tout (li quatrième position) dans so propre circonscription et bane péto ki ti autour de li aussi pas fine élu. C’est seulement 4 candidats PTR ki fine élu dans bane les autres circonscriptions kot ti ena bane candidats MMM avec zot. Kan à leader MMM, Paul Bérenger, li fine réussi élu en troisième position, kot 2 avant li c’est bane candidats l’Alliance Lepep.
Donc, guette ki fine arrive zot et Mons. Paul Bérenger malgré les deux emails ki mo fine envoye li et ene lettre ki mo même mo fine écrire li, li pas fine prend compte de bane conseil ki mo fine donne li et à la dernière minute, li fine regretter ki li pas fine donne aucaine l’importance mo conseil. C’est trop tard. Encore ene ti peu li pas élu, mais mo la famille témoigner kot, avec bane duahs ki nous fine fer avec Allah, lever tôt le matin, fer duahs pour ki Allah sappe so l’honneur comme ene défenseur de la justice et faire li élu. Alhamdulillah, li fine élu, tandi ki so 2 collistiers tombé et alors Allah (swt) avec sa duah là fine sappe li.
Maintenant mo contigne mo explication ki mo ti commencé depuis deux vendredis lors la loi divine.
L’Islam li ene Ordre Mondial; donc conception de l’Etat Islamique li celui d’ene l’État mondial, parski Allah Li le Roi de tout:
“Commandement appartenir zis à Allah.” (Yusuf 12: 41).
“Souveraineté de bane les ciels et la terre appartenir à Li (Allah).” (Al-Hadid 57: 6).
“Béni Celui dans la main de Qui ena la Souveraineté et Li ena pouvoir lors tout kitchoses.” (Al-Mulk 67: 2).
L’idéal de l’Etat Islamique, couma mo fine fek mentionner, c’est ene la vie ki vivre dans la droiture, pareil comme prouvé par la voix Quran ki répète sans cesse : “Croire et Agir avec droiture” kot sa forme so thème principal. Et pour atteindre sa idéal là, Allah dire: “Ki sorti de zot ene communauté ki invite à tout saki bon, ki enseigne saki juste et ki interdit tout saki pas bon.” (Al-Imran 3: 105).
La vie de droiture li la vie ki vive en stricte conformité avec bane la lois divines. Le Quran li le code de bon conduite ki équipe l’homme afin ki li capave établir la volonté d’Allah lors la terre et conduire l’humanité à so destin le plus noble. Sa la vie juste là, ene telle la vie de droiture pou capave être atteint seulement si la société li purifier li de tous so bane mals et ki la vertu gagne sa bataille entre le bien et le mal là. La vertu consisté de l’excellence morale et de la conformité de la vie et de la conduite avec bane la lois d’Allah, parski Allah tousel conné saki vraiment bon. Pas ena aucaine forme spécifique de gouvernement ki Quran et Sunnah fine prévoir. Li paraîte ki pas fine donne bane plans détaillés pour ene type quelconque de gouvernement afin ki la flexibilité li conservé concernant l’adoption d’ene type adapté (de gouvernement) approprié. Mais selman dans tout type de gouvernement ki l’Islam autorisé, à aucaine moment li pas autorize le despotisme (c’est-à-dire, l’exercice de pouvoir absolu), parski le chef de l’État Islamique li-même li soumis à bane règlements de bane la lois Islamiques.
Le Gouvernement traite de la forme d’organisation politique de bane dimounes ki ena dans ene l’État/pays. Alors, anou réfère nous à certain de bane discussions concernant le nombre de califes, si pas capave ena deux califes en même temps ou bizin ena zis ene seul même? Ena certains soutenir l’idée d’ene sél calife universelle. Le mot calife alors fine commence signifier « Imam » ou « chef de l’Etat Islamique » kot tous les deux ena même signification.
En fait, l’Islam pas attache beaucoup l’importance à la forme extérieure et li satisfait si la loi Islamique li appliqué dans so totalité et ki bane décisions zot prend après consultation (Shura) en conformité avec sa verset Quran là:
“Zot faire zot bane zaffaires par consultation mutuelle.” (Ash-Shura 42: 39)
La consultation li le mot clé de Conseil Consultatif. Sa principe là fine appliqué dans tout so étendue par le Saint Prophète (saws) dans so la vie privé et publique, et fine entièrement mette en pratique par bane Khulafa-e-Rashideen (bane califes bien-guidés). En séki concerne consultation et conseil consultatif (Shura), nous remarquer ki ni Quran, ni Sunnah pas fine impose bane règlements dures et ki bizin appliquer vite. Non. Le Conseil Consultatif capave être sélectionné et également élu si so bane décisions pou capave ena ene l’effet de force lors la communauté (kot zot tous accepter so bane décisions sans problèmes). La procédure, la forme de l’élection là même, et durée de la représentation, tous sa là fine laissé pour être appliquer couma li convenir le moment venu, kan l’occasion, le temps et le lieu zot approprié pour implémentation de bane telles décisions.
Les États (ou pays) en général, fine divise zot bane fonctions en trois départements – législatif, exécutif et judiciaire. Législature li intéresse li à créer bane la lois tandi ki l’Exécutif c’est ki li bizin implémente sa bane la lois là. Mais fonction du pouvoir judiciaire ena tré à l’application de bane la lois et l’administration de la Justice.
La législation dans l’Islam pas ena même sens moderne de terme « établir bane la lois » ; sa c’est parski la loi li déjà existé, li déjà là dans le texte du Quran et aussi dans Sunnah de Hazrat Muhammad (saws), et alors, en tant que telle, sa bane la lois (du Quran et Sunnah) bizin appliqué et prolongé par bane Ijtihâd ou interprétations approprié de Quran et Sunnah. Mais ene telle interprétation faudé pas li le résultat de la raison ou de l’opinion personnelle, mais faudé faire sa par analogie.
Si le texte ena tré à bane questions d’observation religieuse et d’adoration (Ibaadat), pas ena aucaine place pour la législation, parski pas capave ena kit raisonnement dans sa zaffaire là. En ce ki concerne bane zaffaires sociales (Mu’amalat), législation li possible dans saki reste juridiquement indifférent ou, autorisée (Mubah), mais, couma mo fine mentionné plus tôt, ene telle législation pas capave prend forme de création ou établissement de bane la lois, parski bane la lois fine dézà révélé par Allah. Allah tousél Li le Législateur et Allah dire:
“Nous fine faire descendre pou zot ene Livre couma ene exposé clair de tout bane kitchoses.” (An-Nahl 16: 90)
Par conséquent, pas ena place pour législation sauf seulement bane telle règles et règlements ki pou capave utiles comme encadrement et ki nécessaire pour bane zaffaires administratifs.
L’Islam pas reconnaîte la liberté de la législation, parski li pou incompatible avec le contrôle éthique de bane actions humains et, finalement, de la société. L’exécutif pas bizin plisse éclaircissements, parski li intéresse li à la réalisation de la loi d’Allah ki complet en li-même et kot bane punitions fine bien définis. En cas ena ene difficulté, règle de la nécessité capave être invoqué.
Le pouvoir judiciaire dans l’Islam li indépendant du pouvoir exécutif, mais li lié par le Quran et Sunnah parski “bane ki pas conforme zot à saki Allah fine envoyé zot:
1. Bane non-croyants « Kaafirun » (Al-Maida 5: 45) 2. Bane malfaiteurs/Bane ki faire du tort « Zaalimun » (Al-Maida 5: 46) et 3. Bane transgresseurs de bane la lois « Faasiqun ».” (Al-Maida 5: 48).
Tous bane citoyens de l’État (ou pays), y compris le chef de l’Etat zot égale devant la loi (divine). Bane habitants non-musulmans de l’État Islamique zot égale devant la loi. Bane habitants non-musulmans de bane États Islamiques jouir d’ene autonomie du pouvoir judiciaire, kot sak communauté ena so bane propres tribunal et so bane propres juges, ki applique so bane propres la lois, ki li civile et aussi pénale.
Mo fer appel à Allah, mo suppliyer Allah pou permette à bane musulmans et, toute l’humanité petit à petit pou conforme zot à bane la lois parfaits d’Allah, le code parfait de vie ki Li fine envoyé par So prophète bien-aimé Hazrat Muhammad (saws) pour guide toute l’humanité pou vivre ene la vie pure et harmonieux d’après bane commandements d’Allah. Ameen. |
|
|
|
Écoute le Khutba Jummah du Khalifatullah Munir A. Azim en intégralité (Audio) |
