بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
14 Février 2014 ~
(13 Rabi’ul Aakhir 1435 AH)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
وَ لَا تَسُبُّوا الَّذِیۡنَ یَدۡعُوۡنَ مِنۡ دُوۡنِ اللّٰہِ فَیَسُبُّوا اللّٰہَ عَدۡوًۢا بِغَیۡرِ عِلۡمٍ ؕ کَذٰلِکَ زَیَّنَّا لِکُلِّ اُمَّۃٍ عَمَلَہُمۡ ۪ ثُمَّ اِلٰی رَبِّہِمۡ مَّرۡجِعُہُمۡ فَیُنَبِّئُہُمۡ بِمَا کَانُوۡا یَعۡمَلُوۡنَ
Wa laa tasubbul-laziina yad-uuna min-duunil-laahi fayasubbullaaha adwam-bi-gay-ri ‘ilm. Kazaalika zayyannaa likulli ummatin amalahum. Summa ilaa Rabbihim-marji uhum fa-yunabbi-uhum-bi maa kaanuu ya-maluun.
« Pas insulter bane dieux ki zot adoré à la place de Allah, parski zot capave insulter Allah par vengeance, dans zot imbécilité. Coumsa, Nous laisse sak communauté croire ki so façon agir joli. Ensuite, zot pou retourne vers zot Maitre, et alor Li va raconte zot comment zot ti pé agir. » (Al-Anam 6: 109)
Le respect pour bane les autres religions forme ene partie essentielle de l’Islam pareil couma bane les autres religions aussi bizin ena également respect pour l’Islam. Le respect de la religion de l’autre li zoué ene rôle bien important dans le maintien de la paix au niveau familial, social, environnemental, national et international.
Pour sak musulman, croyance et pratique religieuse bizin pli cher pou li parski la tolérance li ene partie essentielle de la foi islamique. La liberté religieuse ki pratiqué dans n’importe ki société garantie également la liberté de discussion scientifique au sein de sa société là et ainsi ki ene tolérance pour l’opinion de bane les autres, et sa tellement essentiels pour croissance de la science.
Le Quran montré clairement ki ene dimoune bizin prend compte ki été le choix ultime de croyance. Allah dire :
« Dire (Ô prophète) : ‘La vérité vine de ou Maitre”. Laisse bane ki oulé, gagne la foi ; et bane ki oulé rejette la foi. » (Al-Kahf 18: 30)
Le verset suivant rende plus clair et même plus précis bane principes de la liberté de croyances ou non-croyance de sak dimoune.
« Au nom d’Allah, Le Très-Gracieux, Le Très-Miséricordieux. Dire : ‘Ô bane non-croyants! Mo pas adore séki ou adorer, et ou pas pou adore séki mo adorer. Mo pas capave adore séki ou adorer. Ou religion pou ou, et mo religion pou moi. » (Al-Kaafirun 109: 1-7)
Sa concepte de tolérance envers les autres croyances li poussé plus loin avec le Quran ki définir clairement le rôle et bane limites de bane devoirs du Saint Prophète de l’Islam Hazrat Muhammad (saws), kot Allah dire dans Quran:
« Averti l’humanité parski to seulement ene avertisseur. To pas ena pouvoir pou force kikaine (pou croire/pou gagne la foi). » (Al-Ghashiya 88: 22-23)
Dans ene l’autre place dans Quran Allah dire:
« Dire: “Ô bane dimounes, la vérité fine vine divan ou, depuis kot ou Maitre. Celui ki suive bon chemin, li faire sa pou bénéficier so propre nâme. Mais celui ki égarer, so l’égarement alle contre son âme. Moi, mo pas là pou surveille ou (c’est-à-dire, pou occupe ou zaffaire). » (Yunus 10: 109)
Et dans ene l’autre verset encore, Allah dire:
« Nous pas fine mette toi là pou surveille zot, et to pas en charge de zot zaffaires. » (Al-Anam 6: 108)
Tout de suite après sa verset là, ena sa verset ki mo ti lire au commencement de mo Khutba, kot sa aussi ene l’autre principe de base de liberté religieuse :
« Pas insulter bane dieux ki zot adoré à la place de Allah, parski zot capave insulter Allah par vengeance, dans zot imbécilité. Coumsa, Nous laisse sak communauté croire ki so façon agir joli. Ensuite, zot pou retourne vers zot Maitre, et alor Li va raconte zot comment zot ti pé agir. » (Al-Anam 6: 109)
Le monde fine depuis longtemps imite l’islam et bane musulmans, et fine rode même dans ene certaine mesure pou mette en pratique certains commandements Quran dans zot la vie quotidien afin ki zot capave bénéficier de sa dernier livre porteur de loi là, sans pour autant donne li ouvertement so valaire et l’honneur ki li mérité dans le monde, lors bane question de bane changements positifs ki ena dans le monde, alors nous conné avec certitude, ki malgré ki le monde pas reconnaite ouvertement la religion de l’islam comme étant pli grand la religion ki fine révolutionize l’humanité et so bane pensées, mais selment bane dimounes de bane les autres religions zot d’accord lors véracité de bane l’enseignements du Quran mais selment zot reconnaite sa seulement en secret entre zot-mêmes sans ki zot fer sa ouvertement.
Si zot ti déclarer ouvertement ki Quran contenir bane tels vérités ki ti révolutionize l’homme, so comportement, so culture et pensée, pas zis dans le passé, mais aussi dans le présent et future aussi kot l’Islam pou contigne amène sa révolution là grâce à so bane l’enseignements, alors si zot ti reconnaite sa ouvertement, alors sa ti pou signifié aussi la mort de zot propre l’attachement égoïste ou assoiffés de pouvoir à bane pensées et la foi égaré de zot bane ancêtres, ki ti cassiette bane vraies l’enseignements d’Allah et de So bane prophètes afin pou fabrique bane tels mensonges ou demi-vérités ki fine mette dimounes dans confusion concernant la religion.
Sa faire moi penser ki tout réssamen, bane chercheurs et savants de la Bible fine faire ene découverte plus approfondie de la Bible ki montré clairement ki la Bible fine écrire plisse ki 1000 ans après bane l’évènements ki mentionné dans sa livre ou bane livres là (parski la Bible en plusieurs livres), et bane ki fine écrire bane passages de la Bible, zot fine fer bane erreurs bien énorme kan zot fine raconte certain récits ki rien à voir avec l’époque de Abraham (Hazrat Ibrahim (as)).
Malgré bane interpolations (changements) graves ki zot bane ancêtres fine ajouté dans la religion et dans bane livres religieux, mais selment zot bane zenfants, zot pas responsables de saki zot bane grand dimounes fine faire. En fait, zot bane ancêtres ti gagne bane avertisseurs ki ti vini de la part d’Allah pou averti zot, mais pas génération actuelle, ziska azordi (avec l’arrivée de sa humble serviteur d’Allah – le Khalifatoullah de sa siècle là).
Néanmoin, Allah (twa) fine enseigné ki ene musulman bizin ena respect pour tous bane les autres religions, et fine enseigné aussi ki faudé pas ena aucaine contrainte dans la religion (Al-Baqara 2: 257). Saki nécessaire c’est la douceur, et beaucoup de patience, de bane z’efforts et duahs avec Allah (twa) de sorte ki le Rab (Maitre) de tous bane les mondes (Allah, Rabboul Aalamine) capave change les cœurs de bane dimounes.
Allah dire clairement, pas insulter zot bane fausses dieux, malgré ki ou conné ki zot dans l’erreur, parski en retour, zot capave dénigrer le seul vrai Dieu dans zot l’ignorance et avec méchanceté, et donc Ô musulman, c’est toi ki pou responsable de sa péché là. Mais si bane croyants en général zot fine destiné à reste calme dans ene certaine mesure, mais ene prophète d’Allah, n’importe kan li recevoir ene instruction précis pou alle à l’encontre de sa bane kalité dimounes là et zot bane fausses dieux, alors li ena le devoir pour faire li dans l’obéissance à bane commandements d’Allah. Par conséquent, ena ene grand différence entre bane dimounes ordinaires parmi bane musulmans et le prophète d’Allah ki li aussi li ene musulman. En effet sa prophète là li le premier des croyants, parski li bizin croire en premier dans so bane propre révélations ki li pé recevoir de la part d’Allah, et donc li vine le premier des croyants, « Awwalul-Muslimeen ».
Ensuite, le Quran Shareef, dans bane termes plus clairs possibles, faire de la liberté religieuse ene élément fondamental de la foi d’ene musulman. Li affirmé ki le rôle du prophète c’est pou transmette le message d’Allah; li pas ena le pouvoir pou force qui que ce soit et li pas responsable de l’acceptation (ou non) de la foi ki li pé prêché. Et tout au moins, li ena le devoir pou ena ene l’attitude de respect envers bane dirigeants de tous bane religions, mais li ena le devoir avant tout pou conforme li à bane instructions divines et pou passe le message d’après bane instructions divines.
Parfois, li dur, parfois li doux d’après la situation ki li faire face et bane dimounes avec ki li pé deal, et le plus important, li faire li d’après la volonté et le commandement d’Allah. Même à l’époque du Saint Prophète Hazrat Mohammad (saws), ena des fois li aussi, li ti bizin agir avec dureté avec certains bane dimounes, que ce soit parmi so bane camarades, disciples ou l’ennemis et li ti doux aussi dans bane les autres circonstances envers les autres dimounes parmi sa bane groupes dimounes ki mo fine fek mentionner. Sa c’est principalement à cause de la situation et bane l’instructions ki li recevoir, parski ki sanlà ki conne mieux lékaires de bane dimounes, excepté Allah (twa) ?
A moins ki li recevoir ene révélation pou informe li à propos de bane dimounes, le prophète d’Allah reste ene dimoune couma les autres ki pas conne bane réalités et vérités de bane dimounes couma li, mais kan Allah déverse lors li l’illumination (de la vérité à travers révélation divine) lors véritable nature de certain bane dimounes, alors le prophète arrive à ene stade ki bane les autres dimounes pas toujours capave comprend et accepter. Et c’est pour sa raison là ki zot préfère la plupart du temps traite le prophète couma ene fou, sorcier ou magicien, parski zot pas prêts pou admette ki bane vérités ki sa prophète là fine prêche zot, zotte vraies et ki zotte vine de côté d’Allah.
C’est pourquoi, ena trois grands catégories de non-croyants ki existé: (1) Bane ki d’abord zot bane non-croyants et ki plus tard vine bane disciples sincères de bane prophètes d’Allah; (2) Bane ki pas croire, ki faire semblant croire et ki intégrer cercle de bane croyants pour espionne le prophète et bane croyants; (3) Bane non-croyants ki zot lécoeurs dure couma roches, dans ene tel façon ki zot les cœurs et zot l’âmes refuse pou laisse la lumière divine pénétrer à l’intérieur.
Quant à bane hypocrites, (ena ene certain l’espoir ki) zot capave attache zot à la vérité kan zot rentre en contact, de façon prolongé avec le Messager d’Allah, et de sa façon là, zot capave recevoir la lumière et débarasse zot de Kufr (non-croyance), même si sa pas toujours le cas.
Le troisième type de non-croyants c’est bane ki chapitre 109 faire référence. Zot bane ki pas di tout intéressé par vraie la foi et ki préfère reste attaché à zot bane fausses croyances. Et pou maintenir ene relation de paix avec zot c’est l’objectif de l’Islam, de sorte ki tous bane dimounes, bane musulmans ou les autres dimounes de bane les autres religions capave vivre ensam dans la paix, et c’est à Allah (twa) pou juge zot tous, d’après zot bane croyances, zot actions et l’intentions. Bane prophètes d’Allah capave zis donne le message clairement afin ki demain, sa bane dimounes là pas capave dire ki zot pas ti au courant de la vérité.
Ki la paix lors bane ki suive vraie guidance. Ki Allah permette zot tous dans Jamaat Ul Sahih Al Islam et bane musulmans de par le monde entier pou reflécter vrai l’esprit de l’Islam ainsi ki la tolérance ki li (l’Islam) prêché pour le bien-être de sak dimoune, et essentiellement pour prouver par nous bane propres actions ki nous pas fine perdi bane l’enseignements de Allah, et ki nous ena la capacité pou tenir ferme le flambeau de l’Islam avec succès. Insha-Allah. Ameen.
