بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

14 Novembre 2014 ~

(20 Muharram 1436 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

یٰۤاَیُّہَا النَّاسُ قَدۡ جَآءَتۡکُمۡ  مَّوۡعِظَۃٌ مِّنۡ رَّبِّکُمۡ وَ شِفَآءٌ لِّمَا فِی الصُّدُوۡرِ ۬ۙ وَ ہُدًی  وَّ رَحۡمَۃٌ   لِّلۡمُؤۡمِنِیۡنَ ۝

Yaaa-‘ayyu-han-naasu qad jaaa-‘atkum-maw-‘izatum-mir-Rabbikum wa shifaaa-‘ul-limaa fissuduuri wa Hudaww wa Rahmatul-lil-Mu’miniin.

 

« Ô l’Humanité ! Maintenant ene exhortation (ene conseil) fine vini pou ou, depuis kot ou Maitre, et ene guérison pou (maladie) ki ena dans lécoeur. C’est aussi ene guide et ene grâce pou bane ki ena la foi. » (Younous 10: 58).

 

Alhamdulillah, Soumma Alhamdulillah, mo Rab, mo Allah fine donne moi l’occasion dans mo Khutba Jummah azordi pou explique un peu lors bane remèdes pour bane maladies du cœur (7^ème partie: « Le Cœur »). Nous bizin garde à l’esprit ki la guérison et remèdes de bane lécœurs malades trouve seulement dans l’obéissance au Quran et dans gagne ene Imaan (la foi) pure et parfait; Zot capave analyser et essaye comprend saki Allah dire dans le verset du chapitre Younous ki mo fine récité au commencement de mo Khutba après Surah Al-Fatiha. Le Quran est le remède pour sa l’ignorance du cœur là. L’ignorance c’est ene maladie beaucoup plus mortelle pou lécœur par rapport à bane maladies du corps. Bane maladies du cœur zot comme suite: mauvais caractères, mauvais croyances, bane coutumes destructrices et ignorants, etc. Le Quran li ene guérisseur de tous sa bane maladies là, et pour le salut de nous lécoeurs parski li embrasse, conseille, donne bane avertissements, bane encouragements, etc.

 

Ainsi, la guérison et celui ki guéri maladie du cœur c’est le Quran. L’hypocrisie li inévitablement ene maladie du cœur. Parmi bane maladies du cœur ena sa zaffaire ki nous garde dans nous lécoeur ene kitchose et nous exprime ene lotte kitchose avec nous la bouche. Sa, li en réalité qualité de bane Munaafiqeen (hypocrites). Zot garde dans zot lécœur kitchose et exprime avec zot la bouche ene lotte kitchose.

 

Allah (swt) dire à propos de zot:

 

« Zot dire avec zot la bouche saki pas ena dans zot lécoeurs. » (Al-Imran 3: 168).

 

Allah (swt) console Hazrat Muhammad (saw) dans sa façon là:

 

« Ô Messager (Prophète)! Pas laisse bane ki presser pou alle vers l’infidélité chagrine toi, soit bane ki dire avec zot la bouche « nous gagne la foi » mais vraiment sans la foi dans zot lécoeur… » (Al-Maida 5: 42)

 

Ene lotte fois, Allah dire au sujet de bane Munafiqeen (hypocrites). Zot donne ou bane réponses satisfezan avec zot la bouches tandi ki en même temps zot lécoeur refuse saki zot-mêmes zot pé dire avec zot la bouches, et en vérité la plupart d’entre zot, zot bane injustes.

 

Allah dire aussi:

 

« Bane hypocrites peur ki ene Surah (Chapitre) capave déssane, ki concerne zot et ki raconte tout séki ena dans zot lécoeur. » (At-Tauba 9: 64).

 

« Parmi zot ena ki ti faire engagement avec Allah : ‘Si Li donne nous So faveur, nous va donne la charité et nous va faire du bien ! Mais kan Li fine accorde zot So faveur, zot faire avare avec sa et zot tourner et glisser (de zot engagement). En conséquence, l’hypocrisie entre dans zot lécoeur jusqu’au Jour kot zot pou joine Li, parski zot fine alle contre promesse ki zot ti faire avec Allah, et zot contigner cause menti. » (At-Tauba 9: 75-77).

 

Six kitchoses surprendre ​​lécœur: la vie, la mort, la santé,  maladie, sommeil et l’éveil.

 

1. La guidance c’est en d’autres mots, la vie de lécœur.

2. L’égarement c’est la mort lécœur.

3. La propreté c’est la santé lécœur.

4. Dépanne lors bane Ghairullah (tous bane ki pas Allah et contre Allah) c’est la maladie du cœur.

5. Le Souvenir d’Allah (Zikrullah) c’est l’éveil du cœur (kot lécœur éveillé).

6. La négligence de  Zikrullah représente en d’autres mots le sommeil de lécœur (kot lécœur fermé, dans l’obscurité).

 

Cinq kitchoses zot bane médicaments et remède du cœur: Récite Quran avec concentration; Garde l’estomac vide; Reste éveillé la nuit pour Ibaadah (adoration d’Allah); Pleurer et supplier Allah au moment du Suhur (Sehri) et Iftâr, et reste en compagnie de bane pieux.

 

Mo termine mo Khutba Jummah ici et mo fer sa duah là: « Oh Allah! Sauve nous lécœurs de l’hypocrisie. » Ameen.

 

Insha-Allah, ki Allah (swt) donne moi le Tawfiq pou contigné le même sujet dans mo Khutba Jummah vendredi prochain. Ameen.

Écoute le Khutba Jummah du Khalifatullah Munir A. Azim en intégralité (Audio)