بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

15 Août 2014 ~

(18 Shawwal 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

 

 

 

 

یٰۤاَیُّہَا النَّاسُ  اِنَّا خَلَقۡنٰکُمۡ  مِّنۡ ذَکَرٍ وَّ اُنۡثٰی وَ جَعَلۡنٰکُمۡ شُعُوۡبًا وَّ قَبَآئِلَ لِتَعَارَفُوۡا ؕ اِنَّ  اَکۡرَمَکُمۡ  عِنۡدَ اللّٰہِ  اَتۡقٰکُمۡ ؕ اِنَّ اللّٰہَ عَلِیۡمٌ خَبِیۡرٌ ۝

 

Yaaa-‘ayyuhan-naasu ‘innaa khalaqnaakum-min-zakariww-wa ‘unsaa wa ja-‘alnaakum shu-‘uu-baww-wa qabaaa-‘ila lita-‘aarafuu. ‘Inna akramakum ‘indallaahi ‘atqaakum. ‘Innallaaha ‘Aliimum Khabiir.

 

« Ô bane dimounes, Nous fine créer ou d’ene mâle et d’ene femelle, et Nous fine faire de ou des nations et des tribus, afin ki ou faire connaissance entre ou ; et le plus noble parmi ou dans lizié d’Allah, c’est celui ki suive plus près So chemin droit. Allah conne tout et Li bien informé. » (Al-Hujurat 49: 14)

 

Le concept de Jama’ah (Groupe/Congrégation/Ene seule Fraternité) dans l’Islam li exclusif, li spéciale, surtout dans contexte de l’Islam. La religion li la loi et la loi li la religion. Connue sous le nom de Shariah, la loi d’Allah (swt) li la force ki motive la communauté. Alors en tant que tel, nous capave dire ki la réussite sociale pour bane musulmans li tracé dans ene formule bien simple : Shariah – Communauté – Force Mutuelle. Toutefois, pas capave réalise nannié si ena division de bane valeurs personnelle, idéologique et partizane (de tout un chacun, de bane membres de la religion de l’Islam). L’unité li le pivo de la réussite parski sa c’est ene commandement bien établi d’Allah (swt) kot Allah (swt) cause sa avec sérieux dans So Livre et mette nous en garde comme suite:

 

« Pas vine couma bane ki cause division et ki disputer, même après ki zot fine recevoir bane preuves. Sa bane là pou gagne ene grand punition. » (Al-Imran 3: 106)

 

Li pas suffit pou prononce simplement le Shahada (Laa-Ilaaha-Illallah – Péna aucaine les autres bondié excepté Allah) pou vine ene musulman au complet. Sa nécessite également la conviction et la résolution en appliquant bane décrets ki Allah fine prévoir pour So bane serviteurs. C’est alors ki la communauté musulmane pou rende compte de l’importance de la fraternité et de l’unité dans l’Islam. Sa forme unique d’union ki l’Islam prescrire là li la clé centrale de tout bane communautés. La base même de la citoiyenneté c’est la fraternité universelle dans la piété. La fraternité dans Islam li traduire par : « communauté », « nation » ou « peuple », et li comporte bane dimounes de différent tempéraments, différents vertus, différents races, langues et histoires, mais ki malgré sa, zot uni au sein de la servitude d’Allah (swt). Nous fine recevoir ene l’enseignement unique, et nous fine être commandé pou vivre d’après ene religion unique et donc nous l’objectif bizin différent et unique et ki mette en valeur l’unicité d’Allah (swt), le Tout Puissant. La communauté musulmane idéale c’est sa communauté ki pou dans contentement, loin de bane doutes, colère, jalousie, et faudé pas ki bane dimounes laisse zot affecté par l’hypocrisie, l’orgueil et la haine.

 

Abdullah ibn Umar fine rapporté ki le Messager d’Allah (saws) fine dire : « Ene musulman li ene frère pou ene l’autre musulman. Donc faudé li ni opprime li, ni remette li à ene oppresseur. Et quiconque réponde à bane besoins de so frère, Allah pou réponde à so bane besoins. » (Bukhari). Dans ene l’autre Hadith, rapporté par Anas ibn Malik, le prophète d’Allah (saws) fine dire : « Pas haïr les uns les autres, et pas jaloux, et pas abandonne les uns les autres. O bane adorateurs d’Allah ! Vine bane frères ! Li pas permette à ene musulman pou abandonne (pas cause avec) so frère pendant plisse ki trois jours. » (Bukhari)

 

Quran et Sunnah fine mette l’accent lors l’éminence (grand grade) de la fraternité. Li la clé de la porte de la réussite sociale. Par conséquent, en tant ki musulmans, nous ena la responsabilité pou construire nous Jama’ah selon bane principes du Messager d’Allah (saws) qui ki fine définir à so communauté ene mode de vie idéale et ene modèle parfait de maintenance de la communauté. Nous bizin alors vivre en conformité avec Sunnah ki fine ordonne nous pou être bon envers nous bane frères et sœurs, pou être tolérant, humble et solidaire, afin pou parvenir à la paix et au succès. Li la clé de la porte de l’accomplissement.

 

La fraternité li l’emblème ki indique nous supériorité lors bane les autres communautés. Si nous tous ensam nous orienté dans même direction dans la vie, alors nous soutien mutuel pou ajoute ensam à nous probabilité de victoire. L’union faire la force, et apporte la confiance et la prospérité. Par conséquent, bane musulmans du monde entier faudé pas laisse zot entraîné par l’insouciance et l’indifférence envers zot les autres frères. Bien loin de là ! Au contraire, bizin ena soutien mutuel, et coopération aussi ti bizin être le principe moral à travers quoi bane musulmans trouver ki ena ene but commun entre zot. C’est à ce moment là ki liaison de bane les cœurs pou sorti pli fort et protégé.

 

Li bien naturelle ki en tant ki bane musulmans, nous tous nous bizin croire et obéir à bane l’ordres de nous Rabb, Allah (swt). Ena aussi, à part bane l’ordres divines saki nous appelle ene nouvelle. Kan à l’ordre d’Allah, Li (Allah) fine ordonne nous pou unir nous-mêmes. Allah dire dans Quran Shareef : « Tini ferme avec la corde d’Allah, tout dimounes ensam, et pas cause division parmi ou. Rapplez faveurs ki Allah fine accorde ou. Ou ti l’ennemi, Allah fine mette l’amour dans ou lékaire et ou fine vine bane frères par So grâce. Ou ti lors bord trou difé, et Li fine sappe ou depuis là-dans. C’est coumsa ki Allah explique ou So bane versets, afin ki ou trouve le bon chemin. » (Al-Imran 3: 104).

 

Et concernant la nouvelle, Allah (swt) dire : « Communauté à ki ou appartenir là forme ene seul groupe, et c’est Moi ou Maître. Alors suive Mo chemin. Mais dimounes fine diviser en sectes, et sak groupe prend grand plaisir dans so propre (religion). » (Al-Mu’minun 23: 53-54)

 

Certainement, ena ene très grand différence entre sa deux termes là. Dans le premier verset, Allah (swt) fine ordonne la communauté musulmane pou unir et fine interdit zot pou diviser. Et dans l’autre verset, Allah fine informe la communauté musulmane ki li bizin uni couma ene sel lécorps; mais malheureusement zot fine divisé en sectes et Allah (swt) fine qualifié zot couma bane égarés. Donc, à partir de là, ene musulman li bizin conné ki sa c’est so devoir sa, pou unir (li avec bane les autres musulmans couma li) et pou pas diviser parski la division li ene pénitence, ki incite la colère d’Allah (swt). Mais li malheureux pou trouvé ki bane musulmans aujourd’hui pé réjouir kan zot divisés en sectes tout en justifiant zot bane actions. Zot pas hésité pou dire: « Eski Allah (swt) même pas fine dire ki pou ena division dans la communauté (l’Ummah)? » Kan sa bane dimounes là prononce bane tels paroles, zot pé ignore ene fait.

 

Zamais Allah (swt) fine ordonne pou ena division. Quand nous trouver à ki point la Communauté Musulmane fine divisé à Maurice et dans le monde, li vraiment triste – surtout parmi bane Ulémas, savants de l’Islam, et bane sages etc. Bien souvent, nous pose nous-même la question: eski sa bane là fine bien même comprend l’ordre d’Allah ? Bane guides, en principe, zot ti suppozé vine bane modèles dans la société tout en exécutant sa l’ordre là, mais selment zot-mêmes, entre zot-mêmes zot divisé. Eski alors ena ene solution pou sa ? Très certainement, oui. Nous bizin nous tous accroche nous à sa l’ordre divine là (couma mentionné dans Surah Al-Imran) et non pas à nouvelle là (couma mentionné dans Surah Al-Mu’minun ki mo ti fek réciter devant zot).

 

Donc nous tous nous obligé pou unir nous si vraiment nous bane dimounes ki soumette à Allah (swt). Unir bane musulmans de l’Ummah li pas ene travail facile mais li pas impossible non plus. Si beaucoup dimounes fine faillir dans le passé pou réalise sa, alors rien n’empêche ki avec l’arrivée du Khalifatullah Mohyuddeen de sa siècle là, c’est-à-dire, sa humble serviteur ki présent devant zot azordi, alors nous bizin renouvelé et redoublé nous zéffort dans sa mission là. Allah (swt) fine donne nous ene l’occasion en or pour unir nous sous bannière de « Laa-Ilaaha-Illallah » comme ene seul lécorps. Si zot obéir à Allah et à So Khalifatullah de sa siècle là, alors tout bane projets ki impossible ou ki paraite impossible pou vine possible, Insha-Allah, avec l’instruction divine. L’heure fine vini pour ki bane musulmans réfléchi ki division li la cause principale de nous faiblesse. C’est zot ki responsable de sa division là kan zot fine ferme la porte de l’arrivée de bane prophètes après le Saint Prophète Hazrat Mohammad (saws) et kan zot fine ferme aussi la porte de la révélation divine. Avec zot la bouches et zot la mains zot fine essaye teigne la lumière divine et zot-même fine alors tombe dans ene l’obscurité inquiétant, et voilà résultat sa ki nous pé trouver ! Nannié de bon pas capave concrétisé sans l’union.

 

Le Saint Prophète (saws) fine certainement dire la vérité : « l’Unité (en ene sel groupe) li ene miséricorde et la division li ene pénitence. » (Musnad Ahmad) et li fine aussi dire : « La main d’Allah li avec le Jama’ah (groupe – groupe ki uni). » (Tirmidhi). Sa deux hadiths là confirme saki Allah (swt) fine dire dans So Livre Béni (le Quran Shareef) :

 

« Si to Maître ti oulé, Li ti capave faire tout dimounes forme ene seule communauté, mais zot continuer disputer entre zot, excepté bane à qui to Maître fine accorde So grâce. Li fine créer zot coumsa... » (Hud 11: 119-120).

 

Bane ki Allah (swt) fine ouvert zot la poitrine pou comprend, zot pou certainement comprend clairement ki faudé zamais izole zot ou vive dans ene secte, ou dans kit groupe et ki zot devoir lors la terre c’est pou unir bane ki content l’union afin pou vine parmi bane ki Allah (swt) fine accorde So miséricorde. Nous, le Jamaat Ul Sahih Al Islam, nous suive avec soin sa démarche là parski nous oulé le bien pour nous société et nous oulé vive dans la paix, la joie et l’harmonie. Ki Allah aide nous pou faire réalise sa commandement là. Insha-Allah. Ameen.

Écoute le Khutba Jummah du Khalifatullah Munir A. Azim en intégralité (Audio)