بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

16 Mai 2014 ~

(16 Rajab 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

Mo ti recevoir ene nouvel depuis Mardi 11 Mars 2014 le soir avec mo banes disciples de Kerala ki ene Mauricien Ahmadi ki travail dans l’Association Ahmadiyya fine rentre dans Kerala et fine circule banes faussetés et banes fausses allégations contre moi, soi-disant mo fine cause la mort d’ene zenfant ki ti malade à l’hôpital, dans ene condition bien sérieux, avec masque oxygène dans Emergency. Alors selon bane allégations ki li fine fanné, mo contre la technologie et expertise médicale et mo ti faire tire zenfant là dans l’hôpital et fine faire duah lors li et li fine mort (Nauzubillah min Zalik). Ça mauricien Ahmadi là dans so l’égarement et so banes faussetés, li fine alle en dehors limite, li fine raconte ene fausseté et pour faire croire dans sa fausseté là, li fine mette beaucoup fausseté kot alors li fine vine ene grand faussaire.

 

Premièrement zamais ti existé sa ki ena ene zenfant ki ti malade à l’hôpital sous masque oxygène. La vérité c’est ki ene mo disciple âgé de 22 ans ti pé faire banes grand travails ensemble avec le Khalifatullah (le Muhyuddin à ça l’époque là) et li ti pé travail dans ene l’usine kot so mamou ti ingénière et so mamou ti pé persécute li beaucoup à cause li et so famille fine accepter la Manifestation Divine. Li ti ene jeune bien dévoué pour le Jamaat, li même ti pé occupe travail sonorization, tous l’enregistrement du Khutba Jummah, discours et révélation et li ti pé travail fort tard dans la nuite ti pé faire tout l’enregistrement Jamaat lors banes audio casette. Li ti ene jeune ki ti fini so le temps dans travail Deen et li ti témoigne pas mal de signes divines pour prouve la véracité de sa humble serviteur là et à l’époque, c’est moi ki ti dirige li et montré li pour travail lors logo Jamaat à l’époque et li fine travail matin et soir avant ki li quitte sa le monde là en l’année 2003 et li fine réussi travail lors sa logo Jamaat là aussi.

 

Ene anecdote important ki mo envie présente devant le monde aujourd’hui c’est ki li ti bizin présente sa bane travail lors logo là, so bane sketch etc. dans prochain Amila kot ti donne li ene deadline. Mais avant so la mort (avant ki ena Amila), li ti remette tous sa là à so maman pour remettre moi sa dans Amila, et pourtant so papa ti le Secrétaire Générale dans (Jamaat Ahmadiyya Al Mouslemeen) mais li pas fine donne sa à so papa. Pourtant so maman fine dire li remettre sa à so papa parski li Secrétaire Général Jamaat dans Amila et alors li va remettre sa au Mohyuddin.

 

À l’époque li dire so maman NON ! Pas pou donne sa so papa ! Li dire so maman : « Donné ou-même kan pou ena Amila. » L’heure là, so maman fine dire li abé cote to pou été ki to pas pou capave présente sa au Mohyuddin. Li dire so maman « Donner ou même, parce ki mo pas pour là » avec ene figure triste et larmes rempli dans so lizié. So maman et so famille pas fine comprend sa, parski ti ene jeune garçon bien, en bon santé ; longue, haute, bel physique et toujours ene sourire lors so la lèvres et jamais fatigué pour faire le travaille du Jamaat d’Allah, et ensemble avec le Mohyuddin pour augmente so connaissance beaucoup lors la Manifestation Divine et après li ti pé faire beaucoup dawa avec so banes camarade musulmans Sunni dans travail et aussi avec so banes cousins et camarades Ahmadis.

 

Jamais li ti en accorité avec so papa. Plutard nous fine comprend ki Allah (swt) même fine montrer li dans banes rêves, visions couma so papa ene grand hypocrite et Zalim dans Jamaat (Jamaat Ahmadiyya Al Mouslemeen) comme Secrétaire Générale, li (so papa) ti pé donne tous banes information à so banes cousins et banes Ahmadis dans l’Association Ahmadiyya pour contre nous Jamaat.

 

Le jour ki sa jeunesse dynamique là fine décéder ti ene vendredi. Le matin li pé gagne tard pour li alle travaille à cause li fine travail fort tard dans la nuit et li fine presser pour alle travail; so maman ti pé lire Quran dans salon et li fine faire ene « Assalamoualaikum » fort, et so maman même témoigner couma ça Salaam là fine rézonné entier dans la caze kan li sorti pé alle travail, et so maman réponde li et kan li guette li par la fenêtre mais so maman pas fine trouve li, et so maman dire ki vitesse li fine marché pour alle prend bus pour travail et li fine regretter kifer li pas fine alle quitte li dans l’auto!

 

Le même jour vendredi, li envoye so maman ene sms, dire li pas oublier pou dire so sœur pou enregistré Khutba Jummah et vers 12:45, li envoye so maman même ene sms (mais pas à so papa), li dire so maman faire duah. So mamou et banes collègues travaille plus tard dire ki li pas ti pé senti li bien dans travail. Vers 3:00 pm dans travail li dire so mamou ki ti pé persécute li là, ki li pas bien même et li dire mamou là faire Docteur dans travail donne li ene médicament. Couma li prend médicament, so la santé détérioré, li vine gros bleu et so mamou prend li dans l’auto accompagné avec banes camarades, amène li l’hôpital dans Capital ki assez loin et zotte fine allume phare pour gagne chemin urgent et dans l’auto même li fine rende l’âme.

 

Céki drôle là-dans tous membres Jamaat dans l’hôpital et so maman gagne call plusieurs fois avec so frère ki persécute so garçon ki vine vite mais pas dire ki li fine décéder et moi mo fine accompagne so maman l’hôpital ki assez loin et la route blocké. Kan fine arrive Casualty là-bas docteur et infirmier travail dans Casualty croire ki mo so papa et trouve so maman aussi et docteur appelle moi tout seul dans bureau et dire moi ki mo garçon fine intékal. Oui, li ti mo garçon spirituelle, et mo fine demande kot cadavre là, zotte dire fine envoye li dans ene l’autre l’hôpital dans la morgue.

 

Li ti bien difficile pour annonce sa à so maman et par la grâce d’Allah dans ene façon diplomatie spirituel mo fine dire so maman et bien sûre ça ti ene grand choc pour so maman et tous la famille du Jamaat Manifestation Divine et céki drôle so papa (Secrétaire Générale) li pas présent dans l’hôpital. Tous dimounes fine conner par banes nouvel à travers téléphone, banes Ahmadis aussi, banes les autres musulmans et même banes les autres religions fine conné mais papa là pas présent du tout. Dimoune ki travail ensemble avec li dans bureau témoigné ki papa là ti encore dans bureau à 5:30pm kan bureau fermé à 4:00pm et zotte ti trouve li lors téléphone.

 

Céki drôle encore pour so famille, jamais papa là fine rentre tard la case depuis travail, pas plus tard ki 4:30pm mais sa jour la mort de so garçon là, li fine rentre la caze à soir à 8:30pm kot la maison fine fini dévidé, tous pé gagne tracas ki pas pé trouve li, si li fine gagne nouvelle la mort ou pas. Ki pou arrive li si li gagne nouvelle, attention ene grand choc pour li. Mais au contraire, la vérité c’est ki li ti tout à fait au courant et li pé faire travail dépi dans so travail lors téléphone et li pé dire tous dimounes ki Mayyat pour faire kot garçon là so Nana ki dans l’Association Ahmaddiya et ki c’est Jamaat Ahmaddiya ki pour lève Mayyat, et ici le défunt so maman et les autres fine dire ki li membre Jamaat Ahmadiyya Al Mouslemeen et disciple du Mohyuddin et ene travailleur ki dévouer beaucoup pour le Jamaat Ahmadiyya Al Mouslemeen, et alors c’est le Mohyuddin ki pour dirige so Namaz Janaza.

 

Et tous la famille de so maman et papa (ki trouve dans Jamaat Ahmadiyya) fine vine dans la caze, pé monte la tête papa là pou fer Namaz Janaza dans Jamaat Ahmadiyya. Zotte conné ki papa là so le corps dans Jamaat Ahmadiyya Al Mouslemeen mais so le cœur dans l’Association. Zotte conné très bien ki li pé donne nouvel ki pé passer dans Jamaat Ahmadiyya Al Mouslemeen ; tous fine témoigner ki kan la famille dans l’Association Ahmadiyya pé convaincre papa là, alors papa là dire ‘Oui, laisse l’Association faire le Namaz Janaza’ mais maman là et so sœur (ki ti né en deuxième position après li) fine dibouté comme bane lions d’Allah fine dire toute la famille et tous l’Association ki c’est Nous Jamaat et Mohyuddin ki pou dirige le Namaz Janaza.

 

Et kan banes membres du Jamaat Ahmadiyya Al Mouslemeen et sa humble serviteur d’Allah, le Mohyuddin ti pé baigne le défunt et fine demande so papa pour être présent kan pé baigner li, parski bizin ene membre so famille de sang ki présent, alors li fine réfuser catégoriquement, et donne bane ti excuses et li dire ‘Mohyuddin ou-même occupe li’.

 

Tous membres Jamaat Ahmadiyya Al Mouslemeen fine passe dans choque avec sa la mort là et fine passe ene nuit blanche dans fréssaire et faire Namaz Tahajjud diriger par Mukarram Zafrullah Domun Saheb, Namaz Fajr et ene Darus Quran. Papa là pas présent là-dans ; li pé dormi ! Le lendemain samedi pé kafnaho, dire li vini parski so garçon unique sa, li refuser et c’est le Jamaat Ahmadiyya Al Mouslemeen ki faire tous ensemble avec le Mohyuddin, et à 11 heures le matin fine faire le Namaz Janaza diriger par moi-même le Mohyuddin; tous Ahmadis so propre famille éloigner et pas faire le Namaz Janaza et zotte causer fort fort et kan pé alle Kabarastane, tous pé mette la main pou lève Janaza, mais seulement so papa reste loin et pas lève Janaza et kan fine enterre li dans cimitière, so papa retourne la caze avec so banes famille Ahmadis. Sa banes là (papa là et so bane familles de l’Association Ahmadiyya) fine assize ensemble avec bel bel barelle Kentucky (KFC) pé manger à l’aise sans aucaine tristesse, tandique ki de nous coté dans le Jamaat Ahmadiyya Al Mouslemeen, tellement nous dans ene profond tristesse ki manger même pas pé rentrer. Papa là alle dans camp banes Ahmadis ki contre la Manifestation Divine et mange zotte Kentucky (KFC) ensemble avec banes là sans aucaine tristesse. Au contraire même, li ti très à l’aise avec zotte.

 

Azordi, zotte ena le toupé pou invente ene tel mensonge lors moi pour dire banes faussetés. Mo fine bizin réponde sa détail là pour le monde conné couma sa fine passer en vérité parski personne de les autres pays ti présent et par l’ignorance fine capave croire dans banes imbécilités et faussetés pareil.

 

Mo challenge sa bane faussaires là ki zotte vine de l’avant et démenti moi ki céki mo fine mentionner là li fausse ! Sa ki mo fine raconter dans sa Khutba là li plutôt ene résume de sa ki fine passer – ena beaucoup ki bizin dire lors là mais li pou trop longue. Pour maintenant laisse mo raconte sa boute là même. Et zotte pé propage sa partout et surtout kot mo Jamaat pé faire banes grand progrès à travers le monde ; zotte pé bouillie de rage et surtout avec sa traque ki fine circuler ‘Boycott, Boycott Pas ?’ ki zotte pas fine laisse sans réponse et pas fine capave réfuter et ena aussi encore banes les autres ‘Opening Letter’ ki ti circuler et kot zotte pas fine capave réponde. Zotte faire l’autre qualité travail, travail sous-marin, payer avec l’argent Jamaat, zotte envoye zotte dimounes pour faire désordre kot mo ena Jamaat bien établie.

 

Insha-Allah, mo pou contigne mo Khutba lors le même sujet, surtout concernant 2^ème accusation ki sa Ahmadi de l’Association Ahmadiyya de Maurice fine alle répande dans Kerala. Par la grâce d’Allah, la vérité bizin sorti vainqueur parmi tous banes faussetés ki zotte répande pou mette désordre partout. En vérité, saki Allah fer, personne pas pou capave déferre. L’homme fer so plan mais plan Allah meilleur !

 

Ki Allah renforci So bane vrai croyants encore plisse contre toutes sortes kalités mauvais plans ki bane non-croyants essaye fer pou teigne la lumière d’Allah, mais en vérité, Allah pou persisté pou faire So la lumière briyé partout dans le monde, Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)