|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
17 Janvier 2014 ~ (14 Rabi’ul Awwal 1435 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
LE SAINT PROPHÈTE MUHAMMAD (SAWS) COMME LE MODÈLE PARFAIT
Après ki mo fine cause lors la vie de nous bien-aimé prophète Hazrat Muhammad (saws) mercredi soir, mo pou aujourd’hui cause lors modèle ki li représenter et ki même si li paraite ki sa difficile pou nous suivre, mais toutefois li pas impossible pour nous pour vine ene réflé de so perfection.
« Allah content zot et zot content Li. » (Al-Bayyina 98 : 9)
Kan Allah fine choisir ene modèle pour l’humanité – et donc pas seulement pour bane musulmans – donc, la vérité c’est ki Allah ena pou maintenir sa modèle parfait là pour tous les temps, pour ki li vine ene représentation de la perfection, ki bane dimounes bizin vizé à sak niveau de zot la vie. Allah fine envoye bane prophètes avant l’avènement du Saint Prophète de l’Islam (saws) et sakaine d’entre sa bane prophètes là fine prophétisé lors la venue de sa excellent professeur là ki pou vini comme le représentant de l’humanité, comme l’incarnation d’ene soumission parfait au Seigneur de tous bane lé mondes, c’est-à-dire, Allah. Bane anciens prophètes ti vraiment bane excellents professeurs et prêcheurs, mais le Saint Prophète de l’Islam (saws) ti vine comme le sommet de la perfection parmi bane prophètes et l’humanité en entier. La vie fine présente ene z’image triste pou li, mais toutefois sa fine permette li pou forme so caractère, kot Muhammad (saws) ti ena pou passe par sa bane épreuves douloureux là, dès so jeûne âge, ziska ki li atteigne l’âge de 40 ans, là-même kot so mission comme prophète commencer.
Li fine commence so la vie comme ene orphelin, privé d’ene papa et ki fine nourri par ene nourrice, et li fine gagne seulement deux ans pour lié li avec so maman, avant ki là-aussi li alle privé de so l’amour kan so mama alle mort. Li fine passe so l’enfance en tant ki ene berger, kot li ti pé occupe bane troupeaux de so chacha, et sa ti ene de bane activités ki li rappler avec tendresse plus tard au cours de so bane l’années en tant ki prophète d’Allah. Ensuite li fine rentre dans le commerce et li ti pé gagne so la vie par bane moyens honnêtes et légale.
En tant ki ene dimoune ki toujours rempli de considération et ki toujours clair d’esprit, li fine commence vivre ene la vie en retraite dans la grotte de Hira, après so 25 ans, et sa l’habitude là fine contigné ziska ki li fine arrive à l’âge de 40 ans, kan li fine recevoir l’appel ki li le prophète d’Allah et ki li bizin commence so mission en tant ki prophète. Bane 23 ans ki fine suive ensuite fine témoigné couma li fine établi pli grand révolution de l’histoire de l’humanité ziska ki li fine vine le maître de toute l’Arabie et le fondateur d’ene nouveau ordre mondial. Durant tous bane faaze succéssives de so la vie, li fine démontrer sa bane grands qualités de caractère humain excellents là ki, si nous considère so la vie en entier de nos jours, alors nous pou trouver ki so la vie li unique et péna so pareille dans toute l’histoire de l’humanité.
Même avant ki li fine gagne le manteau de prophète, so bane compatriotes (bane Arabes) ti tellement impressionné par douceur de so caractère, so intégrité de conduite, la pureté de so lé cœur et so dévouement extraordinaire pou accomplir so bane devoirs ki zot ti donne li bane titres couma Al-Amin, Celui ki digne de confiance, et As-Sadiq, le Véridique. Li pas ti seulement patient dans bane moments difficiles, rempli d’épreuves et li pas ti seulement ena l’habitude pou offert so bane remerciements à Allah, Le Créateur avec sincérité et avec la joie, mais même li fine montrer sa même l’esprit de reconnaissance là kan li fine vine le roi de l’Arabie, kan li fine vine le juge, l’arbitre de destins de bane nations, et ki bane l’argent et cadeaux en espèce ti pé offert à li, et kot l’or et bane bijoux fine commence rempli Bait-ul-Maal (la caisse l’Islam). Tous sa là ti à so disposition, mais li fine renonce à tout sa, et fine préfère ene la vie éloigner de tous sa bane richesses là, kot li capave garde ene l’esprit claire et ki li pas laisse sa bane richesses là monte à so l’esprit et fer li tenter avec tous sa là. Non, absolument pas. Li pas fine attacher avec tous sa là. Malgré ki li ti lé roi non-couronné de l’Arabie, et li ti le représentant parfait d’Allah parmi bane dimounes, mais li fine contigne vivre couma ene dimoune humble, dans la pauvreté. Li ti accomplir tous so bane devoirs, et li fine accompli mission ki Allah ti donne li pou fer, et li fine fer li ene devoir pou accomplir tous sa bane devoirs là dans le respé et en prenant en considération bane sentiments et le respect de bane les autres. Même so bane l’ennemis et bane prisonniers de guerre ti bien soigné et zot fine gagne la permission pou choisir zot chemin dans la vie. Hazrat Muhammad (saws) pas fine seulement exécute avec soin so bane devoirs multiples ki li ena lors so z’épaule en tant ki administrateur et mazistra suprême, mais li fine toujours mette li à la disposition de bane pauvres aussi, kot li ti pé accomplir zot bane désires et prend en considérations zot bane plaintes/complaintes ki zot ti ena, et li fine li-même vivre ene la vie humble, dans la pauvreté, vivant dans même l’esprit de simplicité et d’humilité ki sa bane les autres dimounes là ti pé vivre.
Couma zot tous conné, le prophète (saws) et so bane disciples fine terriblement torturés et persécutés – certains fine martyrisés – au cours de so 13 ans de mission dans Makkah avant ki li alle émigré dans Madina. Dans Madina, so premier travail ti pou rédige ene traité avec bane juifs. So premier travail ki li ti ena pou fer c’est pou rassure zot tous ki l’Islam donne la garantie de la liberté religieuse et d’adoration de tous bane différents la foi (ki li Chrétiens, Juifs etc.). Pas ena aucaine contrainte dans l’Islam. Pas capave force dimounes pou accepter l’Islam et ki l’Islam li là pou respecter bane les autres la foi aussi, et protège droits de bane dimounes.
Dans Makkah, pire l’ennemi du prophète ti Abu Jahl, commandant de l’armée de Makkah, ki bane musulmans ti réussi touyé pendant bataille Badr, kan depuis Madina zot ti réussi par la grâce d’Allah fini l’armée de bane incroyants de Makkah ki ti vine attaque zot. Alors, garçon de Abu Jahl, ki ti appelle Ikramah, ti aussi ene l’autre grand l’ennemi de l’Islam, et li ti ene de bane commandants de la Mecque pour la bataille d’Uhud pendant deuxième invasion après Hijrat.
Finalement, kan Allah fine donne le prophète (saws) victoire lors bane Mecquois, Ikramah fine quitte la Mecque et fine dirige li vers la côte, avec l’intention pou traverser vers l’Abyssinie. So madame ti approche le Saint prophète (saws) et fine demande li sipa Ikramah capave révine à Makkah, tout en contignant pou ena so bane même croyances non-islamiques. Le prophète fine réponne ki la foi li ene question de conscience et ki la conscience li libre. Si Ikramah envie retourne dans Makkah, alors li capave rassurer ki li pas pou être persécuté, ni torturé et ki li pou capave vivre en toute sécurité et ki li capave contigner ena même croyance ki li fine choisir pou suivre. Alors kan madame là fine gagne sa l’assurance là, li fine alle cherche Ikramah et fine persuade li pou retourne dans Makkah. Kan zot fine arrive dans Makkah, Ikramah fine alle guette le Saint prophète (saws) et li fine personnellement recevoir de li l’assurance ki le prophète (saws) ti fine déza donne so madame. Après ki li fine écoute le prophète, alors la grandeur d’âme du prophète et so sincérité dans la défense de la liberté et de la tolérance religieuse fine tellement frappe li ki alors Ikramah fine annoncer ki li accepter l’Islam comme religion. Le Saint Prophète (saws) fine demande li si ena kitchose ki li souhaiter, et alors Ikramah fine réponde ki li pas ti espère ene pli grand générosité ki Allah fine fini accorde li kan Allah fine ouvert so lécoeur pou accepter l’Islam, mais seulement li ena le grand désire ki le Saint prophète (saws) prié Allah pou ki Allah pardonne li pour tout ditorts ki li fine faire contre le prophète et bane musulmans. Le désir d’Ikramah fine accepter par Allah et peu de temps après, li ti vine martyr au service de l’Islam.
Sa c’est ene de bane l’exemples ki le Prophète de l’Islam (saws) fine mette de l’avant et ki fine émotionnellement et spirituellement éveille et challenge bane dimounes autour de li, que ce soit bane croyants, bane chercheurs de vérité et même bane l’ennemis pou reconsidère zot l’état actuel afin pou réforme zot selon bane normes ki le prophète d’Allah (saws) fine établir lors ene baaze quotidienne.
Dans so « Discours d’Adieu » ki fine vine azordi jour bien populaire, li fine résume bane l’enseignements islamiques lors bane relations justes et équitables avec bane dimounes et li fine fourni ene baze unique pour bane droits humains. A l’occasion de so dernier pèlerinage (Hajj) – premier et dernier – avant so la mort, le Saint Prophète (saws) fine dire:
Telle ti l’exemple de la fraternité, de l’égalité et de la tolérance ki le Saint Prophète de l’Islam (saws) fine montré au monde et so bane plus proches compagnons pas fine manque l’occasion pou suivre so l’exemple afin pou vine au moins ene réflé de so perfection et pou gagne l’amour d’Allah, ki marche ensam avec l’amour et obéissance à sa meilleure modèle pour l’humanité là (c’est-à-dire, Hazrat Muhammad (saws)). Sa ti ene de bane missions ki li fine établi, afin ki l’humanité capave gagne bane l’enseignements et bane morales ki pou élève zot spirituellement et pou permette zot pou vine bane bien-aimés parfaits d’Allah.
Ki Allah aide sakaine de nous dans Jamaat Ul Sahih Al Islam pou suivre bane l’exemples parfaits du Saint Prophète Hazrat Muhammad (saws) afin ki nous capave être compté parmi bane plus proches de li et d’Allah le jour kot nannié d’autre pas pou ena l’importance, sauf l’amour et la miséricorde d’Allah et la compagnie du sceau de tous bane prophètes, Insha-Allah, Ameen.
BANE L’ENNEMIES DE L’ISLAM ET ZOT LA FIN
Israël recevoir depuis plisse ki 25 ans, ene l’aide de 3 milliards de dollars par an depuis l’Etats-Unis (l’Amérique). Lors sa totale là, bane dettes militaires représente près de deux tières : 1,8 milliard, et sa servi pou assté bane technologies et z’armes américain.
L’aide économique, kan à li, li élève à 1,2 milliard de dollars. Li constitué, en fait, ene subvention ki permette à Israël pou rembourse bane dettes militaires d’avant et sa alors li vine couma ene simple jeu de l’écriture – kot l’argent sorti de l’États-Unis vers Israël pour retourne ensuite dans l’Etats-Unis (l’Amérique), mais c’est ene l’écriture très intéressant pour sa « emprunteur » là: parski sa dette ou dons là permette li pou paye bane l’intérêts de sa dette là. Sa alors vine ene transaction intéressant pou l’Israël parski zot pas perdi l’argent ; au contraire zot pé gagner, et l’Amérique (bane Etats-Unis) soutenir zot lors là, parski zot deux zot bane grands alliés, surtout pou fini l’Islam.
Pendant ce temps, 11,2 millions dimounes dans l’Etats-Unis, zot vive dans l’insécurité alimentaire, à cause zot gouvernement bizin préserve sa transaction et l’amitié entre sa deux pays alliés là.
En l’an 2002, bane trois Bouché (Bush et so bane colistiers Israelites et Anglais ainsi ki bane les autres pays « puissants » du monde) ti réunis zot la forces ensam pou anéantir la Palestine et nous bane frères et sœurs Palestiniens. Des milliers de nous frères et sœurs fine martyrisé et mort par zot la mains. Beaucoup zenfants fine mort sak jour de la main de bane soldats Israéliens.
Masjid Al-Aqsa li troisième plus important Masjid dans le monde, le premier étant Masjid Al-Haram (Ka’aba) et le deuxième, Masjid Nabawi. Aujourd’hui nous (bane musulmans) pas capave alle faire Namaz (Salat) dans sa Masjid là (Al-Aqsa) parski bane Israéliens vine touye bane musulmans. Même aujourd’hui, bane musulmans de Palestine continuer faire face à bane Israéliens pour sauve Masjid Al-Aqsa.
Couma Allah dire nous dans Quran Shareef (Al-Isra/Bani Israël 17: 2) :
« Gloire pou Celui ki ti faire So serviteur voyager la nuit depuis Masjid sacré (Haram Shareef) ziska Masjid Al-Aqsa (à Jérusalem) – ki Nous fine béni so alentour – pou montrer li (c’est-à-dire, le prophète) ene parti Nous signes. Li (Allah) tende tout et observe tout. »
Bane Israéliens détruire bane Masjids et touye bane innocents. Par jour des centaines de Palestiniens innocents trouve la mort. Mais ene jour sans aucaine doute Allah (twa) pou fer zot rendre compte pour tous sa bane morts là.
C’est avec beaucoup de douleur ki en l’an 2003, 2004 et 2005, après ki mo fine fer beaucoup duahs concernant sa bane criminelles là ki Allah (twa) fine révèle moi pou alle faire le Safar Zikrullah et Allah fine donne nous bane directives couma pour faire le Safar Zikrullah kot nous ti bizin garde Roza, et reste dans l’état Namaz, ki li bane Namaz faraz et aussi observe nous bane Namaz Tahajjud et bane les autres Namaz Nafil, afin ki sa bane criminelles là capave enfin payer pour zot bane crimes contre bane musulmans et ki zot recevoir d’Allah zot humiliations et destruction comme bane signes ki vine d’Allah Li-même.
Ene de bane plus grands criminels et l’ennemis d’Allah c’est certainement George Bush pour bane crimes ki li fine commette contre bane Palestiniens ainsi ki Ariel Sharon, l’ex-Chef de bane Israéliens ki fine mort tout réssamman le 11 Janvier 2014 après 8 ans passé dans le Coma, dans ene état kot li incapable pou faire quoi que ce soit. Sa fine vine après bane révélations ki Allah fine donne moi concernant So vengeance contre sa bane criminelles là et après plusieurs jours de duahs et de méditation (dans Safar Zikrullah), de ce fait, Allah fine montrer So signe et Ariel Sharon fine tombe dans le coma le 4 Janvier 2006 et fine reste dans sa l’état là pendant 8 ans avant ki li mort le 11 Janvier 2014, à deux heures de l’après-midi (heure locale – dans Israël).
Sa bane crimes là pou toujours reste vivant dans nous l’esprit aujourd’hui, et sa bane grands criminelles couma Bush, Sharon et Blair, malgré zot humiliations de la main d’Allah, reste ene l’exemple pénétrant de bane abominations contre le monde musulman ki bien difficile pou digérer même aujourd’hui, parski si Bush, Sharon et Blair fine frappé par vengeance d’Allah, en vérité, ena bane les autres Bush, Sharon et Blair ki contigner lève la tête aujourd’hui pour anéantir le monde musulman. Ena certains ki faire li ouvertement, mais beaucoup préfère opérer sous tapis ou préfère passe zot comme bane camarades de bane musulmans pour mieux conne nous (bane frères et sœurs musulmans) bane faiblesses et attaque nous sans scrupules.
Oh Allah, aide nous, bane musulmans de par le monde et détruire nous bane l’ennemies dans sa la guerre constant là afin ki la vérité triomphé et ki bane l’ennemies de l’Islam mort, ainsi ki bane parmi bane Israéliens ki véritablement bane l’ennemies de bane musulmans et ki oulé nous la perte. Oh Allah, pas laisse zot torture nous frères, sœurs et zenfants musulmans. Amine, Soumma Amine, Ya Rabboul Aalamine. |
|
|
|
Écoute le Khutba Jummah du Khalifatullah Munir A. Azim en intégralité (Audio) |