|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
18 Juillet 2014 ~ (20 Ramadhan 1435 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
Bismillaahir-Rahmaanir-Rahiim; ‘Innaaa ‘anzalnaahu fii lay-latil-Qadr: Wa maaa ‘adraakamaa Laylatul-Qadr? Laylatul-Qadri khayrum-min ‘alfi shahr. Tanazzalul-malaaa ‘ikatu war-Ruuhu fiihaa bi-‘izni-Rabbihim-min kulli ‘amr: Salaamun Hiya hattaa matla-‘il-Fajr.
« Au nom d’Allah, le Très Gracieux, le Très Miséricordieux. Vraiment, Nous fine fer (le Quran) dessane pendant la Nuit du Destin. Et ki pou faire toi conner ki été sa la Nuit du Destin ? La Nuit du Destin li meilleure ki mille mois. Bane anges et l’Esprit déssane pendant sa la nuit là, par permission zot Maître, avec tout bane l’ordre. C’est la paix, ziska ki soleil levé. » (Al-Qadr 97: 1-6)
A la lumière de ça verset AL-QADR « LE DESTIN » là, li bon ki nous rappelle nous encore ene fois couma ça verset là fine dessane.
Ene jour le prophète Hazrat Mohammad (saw) pé raconte la vie ène dimoune pieux (Wali) ki appelle Shamsoon (ra) et li ti vivre parmi banne Bani Israël. Alors d’après séki nous comprend, li ti ène dimoune ki ti pé faire beaucoup Ibadat et la guerre sainte (Jihad) pendant ene durée de mille mois. Quand banne Sahaba du Saint Prophète (saw) fine tanne ça, zotte fine pensée ki zotte pas pou capave faire autant Ibadat couma Hazrat Shamsoon (ra) et zotte fine paraitre bien triste. Pour encourage zotte, Allah dire ki si Ummaté Rassoollullah (saw) faire Ibadat dans ça ène la nuit Laila-tul-Qadr là, alors zotte Ibadat pour meilleur ki mille mois Ibadat (Ref. Rouh’oul Bayan Vol. 10 pg. 483)
Dans Hadith Ibn Maja, et Mishkat Hazrat Anas bin Maalik (ra) rapporté ki à l’occasion Ramadhan, Rassoollullah (saw) dire: « En réalité, ça mois là fine vinne parmi zotte dans lequel éna ène la nuit ki meilleur ki mille mois. Alors celui ki pas profite de ça la nuit là, li fine perdi tous de bon ki éna. »
Alors Laila-tul-Qadr li ène la nuit remplie de bénédiction et de valeurs. C’est ène grand faveur d’Allah lors Ummaté Rassoollullah (saw) ki en faisant ène nuit Ibadat dans Laila-tul-Qadr, zotte gagne bénédictions (thawaab) plisse ki mille mois so Ibadat. Pou Ummat banne Nabi (as) avant, pas ti éna ène telle la nuit kot Hazrat Jibrail (as) et banne Farishta (anges) descende lors la terre kot zotte envoye la paix d’Allah lors banne musulmans ki pé faire Ibadat dans n’importe ki façon et aussi zotte faire doah et demande le pardon pour ça banne dimounes là. Dans So sagesse, Allah fine cachiette ça la nuit là dans 10 derniers nuits de Ramadhan Shareef afin qui banne musulmans faire zotte zéfforts pour recherche li. Dans ça façon là, zotte courage augmenter, et pou bénéficier de Laila-tul-Qadr, zotte passe ça banne la nuit là dans Ibadat pour Allah.
D’après ène Hadith rapporté par Hazrat Aisha (ra), Rassoollullah (saw) ti pé faire beaucoup plisse zéfforts (dans Ibadat) dans 10 derniers nuits (Ramadhan) comparé à d’autres nuits. (Muslim, Mishkât). D’après plusieurs Hadiths, Laila-tul-Qadr trouve parmi banne la nuit impaire de 10 derniers la nuits de Ramadhan (21, 23, 25, 27et 29). A la lumière de ça hadith là, Laila-tul-Qadr li la nuit cote premier révélation Quran ti faire. Hazrat Mohammad (saw) même pas fine précisé ki date ça, mais li fine dire qui li ène parmi bane nuit impaires de bane derniers dix nuits de Ramadhan.
Fine éna banne grand, grand savants dans l’Islam ki fine commente lors Laila-tul-Qadr, kot zotte dire ki li le 27ème la nuit de Ramadhan. Sa banne savants là, tel couma Hazrat Ibné Abbas (ra), Hazrat Ubayy ibn Ka’b (ra) et Hazrat Imam Abu Hanifa (ra) et même Sheik Abdul Qadir Jilani (ra) fine faire banne commentaires kot zotte fine explique grandeur ki numéro 7 ena, ki pas trouve dans les autres numéros impaire tel couma 3, 5 ou 9. Zotte appuye zot théorie et analyse à cause sa bane raisons suivants là :
1. Ena 7 les ciels et 7 terres. 2. Dans 1 semaine ena 7 jours et 7 nuits. 3. Nous faire 7 fois tawafs autour Ka’aba Shareef. 4. Nous galope 7 fois entre Safa et Marwa. 5. Ena 7 Ashabé Kahaf (les 7 compagnons de la caverne). 6. Hazrat Yousouf (as) ti reste dans prison pendant 7 ans. 7. Rêve léroi ki Hazrat Yousouf (as) fine interprété et ki mentionné dans Quran kot ti ena 7 vaches gras et 7 vaches maigres. 8. Nous faire 17 Rakaats Namaz Farz dans 24 heures. 9. Pou sak Namaz ena 7 quique chose ki farz (7 conditions obligatoires pour qui pou faire Namaz complète).
Pour ça banne raisons là, d’après zotte le chiffre 7 li plus grand ki les autres chiffres impaire. Le mot Laila-tul-Qadr li composé de 9 lettres et li paraitre 3 fois dans Surah Qadr. 3 fois 9 faire 27.
D’après Quran Shareef et Hadiths ki fine citer, nous capave trouve valeur et grandeur ça grand la nuit là et quantité bénédictions ki éna là-dans. Hazrat Abu Huraira (ra) rapporté ki Hazrat Mohammad (saw) fine dire: « Celui qui prié pendant la nuit de Qadr avec ene la foi sincère et avec l’intention pour gagne récompenses de coté d’Allah, alors tous so banne péchés ki li fine commettre dans le passé pour être pardonnés et celui ki garde Roza dans le mois de Ramadhan avec ene la foi sincère et avec ene l’intention ki li pour gagne ene récompense de coté d’Allah, tous so péchés ki li fine commettre dans le passé pour pardonné. » (Bukhari Vol. 6, Kitabus Sawme (Roza) No. 1773 Page 678).
Dans ène l’autre Hadith Hazrat Aisha (ra) dire qui li fine demande Rassoollullah (saw) : « Si mo arrive témoigne (ou joinde) ça grand la nuite là, qui mo bizin faire ? » Rassoulloullah (saw) réponde: « Lire ça doah là : ‘Allahoumma innaka afouwwoun touhibboul afwa fa’fou-anni.’ » - Ô Allah ! To le Pardonneur et To content pardonner ; alors pardonne-moi. (Mishkat, Ibn Maja, Tirmizi).
Concernant I’tikaaf, Allah même dire dans Quran :
« Mais pas gagne relations avec zotte (bane femmes) pendant ki zot en retraite dans mosquée. Sa, c’est limite prescrit par Allah ; pas approche trop près avec ça limite là. Comme ça, Allah explique dimounes So versets afin qui zotte marche dans So chemin. » (Al-Baqara 2: 188)
1. I’tikaaf – retraite spirituelle veut dire reste dans Masjeed avec l’intention faire Ibadat et pense Allah beaucoup. Quand ène dimoune fait Niyyat pour reste I’tikaaf, li reste I’tikaaf pou Allah Ta’ala (pas pou li yeux dimounes). Hazrat Aisha (ra) rapporté ki le Saint Prophète (saw) ti pé faire I’tikaaf 10 derniers jours de Ramadhan juska l’année ki li mort et ensuite so banne madames ti éna l’habitude faire I’tikaaf après li. (Bukhari et Muslim)
2. Abu Huraira (ra) fine raconté ki le prophète (saw) ti éna l’habitude faire I’tikaaf chaque l’année et l’année ki li pou mort li ti reste I’tikaaf pour 20 jours. (Bukhari).
Maintenant nous vine lors le sujet de Zakât. Zakât c’est ène acte de charité obligatoire ordonné à sak musulman riche et ki distribué parmi bane musulmans pauvres, ou banne ki dans problèmes. Zakât li ène de bane 5 piliers de l’Islam et li fine prescrire dans le Quran Shareef et bane Hadiths.
Définition et racine du mot ZAKAT en arabe signifie bénédiction, croissance, pureté ou amélioration. Le sujet de Zakât li touche aussi banne ki paye Sadaquaate, ki ene forme de Zakât dans contexte kot Allah dire dans Surah At-Tauba Verset 103 : « Prend ène Sadaqua lors zotte du bien. Avec ça to va lave zotte péchés et purifier zotte. »
Zakât c’est ene acte de culte ki purifié richesse et l’âme d’ene musulman. Purifié richesse veut dire ki, lors so banne avoirs ki li éna, li distribué ça avec justice, et banne l’argent en banque qui li pas pé servi, li faire ène distribution justifiée. Purification de l’âme aussi kot li libère li avec la haine et la jalousie, de l’égoïsme et de la cupidité. Dans le Quran le terme Zakât fine mentionné dans plusieurs versets et li fine paraitre 30 fois et 27 fois là-dans Zakât et Salât mentionné ensemble. Parmi là-dans mo pour cite Verset 11 de Surah At-Tawba : « Mais si zotte repentir, faire Salât (la prière) régulièrement et donne Zakât zotte ou frère en religions. Comme ça nous explique nous versets à dimounes qui comprend. »
Mo pour cite ene-deux Hadiths :
Hazrat Abu Huraira (ra) fine raconté ki le Prophète d’Allah (saw) fine dire : « Celui ki Allah fine donne li richesse, alors jour Qiyamat so richesse pour vine couma éne serpent male, empoisonné, tête nue avec deux tâches noires lors so li yeux. Serpent là pour tourne autour so li yeux et pour mordre so deux la joue et pour dire : ‘Mo to richesse, mo to trésor.’ Ensuite le Saint Prophète (saw) fine lire Chapitre 3 Verset 181 kot Allah pé dire : « Banne qui avare avec faveurs qui Allah fine accorde zotte, faudrait pas qui zot penser qui ça pour bénéficier zotte. Au contraire ça pour faire zot malheur. Zotte charié autour zotte licou, tout ce qui zot fine ramasser par avarice, le Jour du Jugement. C’est Allah qui pour hérite tout ce qui lors banne les ciels et la terre et Allah au courant de ce qui ou faire. » (Bukhari).
Le mois Ramadhan pé tire à sa fin. Le temps fine passe bien vite, et reste seulement détrois jours avant ki Ramadhan fini, et ki nous trouve Eid vini. Alors chaque Ramadhan li ene l’occasion pour ene musulman pour guetter et fer ene analyse de li-même : Ramadhan pé aller, eski mo la vie fine changé et mo pé vive mo la vie d’après l’enseignement de l’Islam ?
Tout dernièrement dans Ramadhan, quelques-uns de nous bane membres dans Kerala/Tamil Nadu fine alle dans ene la ville de Kerala pou distribuer nous message/pamphlet avec ene l’esprit de bonté pou passe le message et ainsi pou bénéficier au maximum de zot bane zéfforts pour la cause d’Allah dans sa mois béni là. En même temps, mo bizin dire ki pas ena aucaine contrainte en religion. Personne pas forcer pou écoute ou pou accepter le message d’Allah et du Khalifatullah. Et si ou pas ena l’intention pou écoute le message et accepter, alors ou pas bizin par la même occasion empêche ou bane les autres frères et sœurs écoute et accepter le message. C’est saki fine arriver dans sa la ville de Kerala là (Karunagappally), kot nous bane frères fine alle lors le plan de tabligh et distribué le message surtout avec bane Ahmadis, mais malheureusement au cours de zot mission, fine ena ene groupe de plus de 25 jeunes Ahmadis de l’Association Ahmadiyya ki fine vine la guerre, brutalize et persécute zot en plein mois de Ramadhan. Couma mo fine dire, si ou, ou pas intéresse pou écoute le message, eh bien ou pas empêche ou camarade pou fer so devoir, et ou pas empêche bane les autres pou écouter.
Ti ena ene létemps kot nous bane frères dynamique de l’Ahmadiyyat ti pé sacrifier beaucoup pou ki zot alle lors le mission pou répande le message de la venue du Messie et de message ki Allah fine révélé à travers li. A sa l’époque là, c’est bane les autres musulmans ki ti pé brutalize, menace et persécute zot, et fine ena même fine touye sa bane Ahmadis là. Azordi, ki nous trouver ? Ahmadis fine réprend le relai pou persécute bane vrais suivants du messager ki Allah fine choisir pou zot, pou revivre l’Islam, c’est-à-dire, sa bane même l’enseignements ki Hazrat Muhammad (saw) et Hazrat Mirza Ghulam Ahmad (as) fine amener et revivre. A kot bane Ahmadis pé aller ? Dans ki bassesse zot fine tomber ? Dans Kerala, quelques jours de cela, fine ena bane Ahmadis ki pas la tête-brûler fine écoute et prend le message, tandis ki bane la tête-brûler fine ena recours à la violence et fine même lève la main lors nous bane frères dans sa mois béni de Ramadhan là. C’est sa l’exemple ki Hazrat Muhammad (saw) et Hazrat Massih Ma’oud (as) fine enseigner ? Tandis ki sa bane jeunes la tête brûler là fine ena recours à la violence et bane menaces, bane muballighs Ahmadi et so Amir de sa l’endroit là pas fine fer nannié pou arrête ene tel asssaut de violence contre nous bane frères.
Dans Kerala, nous bane frères couma Janab Amir Jamaluddin Sahib et Janab Amir Thahir Sahib, et nous bane les autres frères dynamiques pé faire ene grand travail de tabligh pou passe le message de la Manifestation Divine, c’est-à-dire, le message de l’Islam. Nous capave seulement passe le message, pas ouvert lékaire de bane dimounes pou fer zot accepter le message. C’est zis Allah ki capave ouvert zot lékaire et donne zot Hidaayat. Sakaine pé mette la main à la patte dans sa grand travail là, sakaine ena so part de zéffort ki li pé fer pou fer briye Jamaat Ul Sahih Al Islam dans quatre coins de Kerala, de l’Inde et du monde en entier.
Alors mo demande nous bane frères Ahmadis de Kerala, pas suive bane pas de Shaytane, sinon ou bane pas pou glisser et ou pou tomber d’ene l’endroit kot ou pou gagne beaucoup du mal. Pas vine bane persécuteurs de bane tels dimounes, ki, pour la cause d’Allah pé rode répande le message d’Allah avec zot tout sincérité et capacité. Ou accepté le message, li pou bon pou ou, mais si ou rejété, mais ou pou responsable devant Allah, pas le Khalifatullah ni personne d’autres. Mais seulement, penser ki ti ena ene l’époque kot zot aussi ti souffert de persécutions et pé toujours souffert de persécutions dans la main de bane les autres musulmans. Eski kan zot fine persécuté dans la main de sa bane ki dire ki zot musulmans là, eski sa fine diminué en quoique ce soit la véracité de Hazrat Massih Ma’oud (as) ou zot la foi dans li ? Eski alors ou, ou pou persécute ene l’autre partie de lécorps de l’Islam, de Hazrat Muhammad (saw) et de Hazrat Massih Maoud (as) – le Jamaat Ul Sahih Al Islam ? Eski ou envie rentre dans l’histoire couma bane ki fine persécutes bane disciples du nouveau Messie ou bane ki fine aide so cause pour l’amour d’Allah ?
Alors, dans sa mois Ramadhan là, sakaine conne so propre action et so l’intention et ce zis Allah ki conné ki sanlà fine passe ène mois Ramadhan dans la sérénité, et fine profite ça mois béni là sans aucaine fatigue et avec ene lékaire sincère. Nous faire doah ki Allah accepté nous banne Roza, doah et Namaz et nous bane sacrifices ki nous fer dans le chemin d’Allah, pour la cause d’Allah. Le mot Ramadhan constitué de 5 alphabètes : Ré, Mim, Dwad, Alif, Noon et sakaine comporte ène signification spéciale:
(1) ‘Re’ pour Rahmat-é-Elahi : la Faveur d’Allah. (2) ‘Mim’ pour Mohabbat-é-Elahi: l’Amour d’Allah (3) ‘Dward’ pour Dwaman-é-Elahi: la Garantie d’Allah (4) ‘Alif’ pour Amman-é-Elahi: la Protection d’Allah (5) ‘Noon’ pour Nooré Elahi: la Lumière d’Allah.
Dans Ramadhan ena 5 Ibaadats spéciales : Roza, Tarawih, Récitation du Quran, l’tikaaf, Ibaadats de Laila-tul-Qadr. Celui ki faire sa bane 5 Ibaadats là avec sincérité, li mérite ça 5 récompenses ki mo fine mentionnées talère-là, Insha-Allah.
« Innallahu ma-allaziinat taqaw wallaziina hum-musinuun » - Allah reste avec banne qui emmène ène bon la vie et qui faire du bien. |
|
|
|
Écoute le Khutba Jummah du Khalifatullah Munir A. Azim en intégralité (Audio) |
