بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

19 Décembre 2014 ~

(26 Safar 1436 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

La fin de l’année 2014, l’année grégorien ki calculé depuis l’année ki Jésus (as) ti supposé fine né ; alors sa l’année là pé alle fini, et tous dimounes zot tellement occupé à ene tel point ki zot oublier zot propre nâme. Le mois de décembre c’est ene mois de grands tentations. Sakaine prépare zot pour fête fin d’année, parski l’amusement et bane divertissements pou zot bizin primé arrive séki arrive, dans n’importe ki situation, à cause zot bizin détendre zot après ene longue l’année de travail dur et de stresse.

 

Ena ene l’ambiance gaie, et même excitée dans l’atmosphère surtout quand bane dimounes zot ena dans zot possession gros somme la monnaie. Pour la plupart dimounes, fine arrive l’heure pou zot pou dépense zot l’argent. Couma zot tous conné, dernier mois de l’année permette à bane fonctionnaires, employées et travailleurs pou touche zot bane bonis ou zot bane les autres primes. Du coup, zot réssenti ene désir pou reste fer bane achats, pou dépense tous sa l’argent ki zot fine gagner là. Mais pou acheter quoi? Tout saki zot trouver sous zot lizié, n’importe quoi ! Sa c’est ene premier signe de tentation. Zot acheté bane linges et souliers ki coûte bien cher, haute gamme, bane boissons alcoliques ki coute des milliers de roupies, zot organise bane fêtes, banquets, bane buffets ouverts ki coute ene fortune. Zot acheter pétards et feux d’artifices à bane prix bien chers. Sakaine pense pou fer couma so camarade, et même pou mette compétition avec zot, pou gagne plisse gloire ki lotte là.

 

Du côté de commerçant, quant à li, li nek là pour attire ene clientèle et pour satisfaire li autant ki possible. Bien souvent, so emplacement envahi par la musique ou chanter kot volume là bien bien fort, ki casse zoreilles dimounes. Alors dans sa bane l’endroit là, missié madames mixte, surtout kot bane places ki bien serré. Bon nombre de bane marchands musulmans pas accompli Salaat (Namaz/la prière) ou bien zot pas même ferme zot bane magasins pou alle zot Jummah. Sa c’est parski zot pas oulé rate aucaine client et perdi l’occasion pou rempli zot la caisse.

 

Fête Noël, ki ti seulement ene légende (ene zistoire inventé) fine depuis quelques temps vine internationale et li même pratiqué dans plusieurs religions. Dans sa fête là, fine mette l’emphase sapin, l’arbre Noël ki symbolise l’arbre du paradis. Bane là décore li avec bane boules de toutes sortes couleurs, bane guirlandes et bane ti la lampes, d’ene telle façon pour faire plaisir lizié et renforcir sa l’atmosphère fête là. Sa fête là symbolise la naissance de Jésus à minuit prend dépi 24 à 25 décembre. Quant au Père Noël, so rôle c’est pou distribuer bane cadeaux: zouzous, poupettes jouets, gato à bane bons zenfants et ki obéissant.

 

Nous capave retrace zistoire Père Noël à des centaines d’années à ene moine ki appelle Saint-Nicolas. La pensée générale c’est ki Nicolas ti né 280 ans après Jésus-Christ à Patara, près de Myra dans Turquie moderne. Admiré pour so piété et so bonté, Saint-Nicolas fine vine le sujet de nombreux légendes. Fine rapporté ki li fine donne tout so richesse ki li ti hérité et li fine parcours la campagne en aidant bane pauvres et bane malades. Au cours de plusieurs l’années, la popularité de Nicolas fine répande et li fine vine le protecteur de bane zenfants et bane marins. So fête li célébrée jour l’anniversaire de so la mort, le 6 décembre. Traditionnellement parlant, bane dimounes ti habitué considère sa jour là couma ene jour de chance pour faire bane shopping importants ou bien pour ki zot marier sa jour là.

 

A l’époque de la Renaissance, Saint-Nicolas ti le plus populaire parmi bane saints dans l’Europe. Li fine faire so premier l’entrée dans culture populaire de l’Amérique vers la fin 18^ème siècle. Le nom Père Noël fine évolué à partir d’ene expression Néerlandais (de Pays Bas – Hollande) Sinter Klass, ki ene forme abrégé de Sint Nikolass (le nom Néerlandais pou Saint Nicolas). De fil en aiguille le nom Saint-Nicolas fine alors inclu petit à petit dans bane célébrations de Noël. Zistoire Père Noël li de ce fait inventé de toutes pièces. Avec li, li question de bane zaffaire merveilleux, bane zaffaire magique, fantastique, irréel pareil couma contes de fées.

 

Azordi zours, sa concept là li tellement ancré dans l’imagination d’ene zenfant ki li complètement déboussolé par sa, spécialement kan li grandi et li apprane ki sa en fait ti ene mensonge. La réalité li dure à accepter pour bane zenfants. Mais seulement en grandissant, en pensant à bane souvenirs de zot l’enfances ki bien chère à zot lé cœurs, zot accepté à zot tour, kan zot fine grandi et vine adultes, pou contigne répanne sa fausse notion là à zot bane zenfants en espérant pou donne zot ene ti peu la joie ; tout en sachant ki l’existence Père Noël li ene mensonge. De sa façon là, ene fête ki pas Chrétien et ki cause beaucoup di tort et ki contraire à bane l’enseignements de Jésus fine prend racine dans lé cœur de bane Chrétiens qui, sans ki zot réalisé pé offense zot religion. Aujourd’hui, même kitchose pé arriver avec bane musulmans ki accepter faire plaisir à zot bane zenfants en acceptant pou fête Noël à cause zot, et pou jouer rôle Père Noël pareil couma bane les autres parents de bane camarades de zot zenfants fer. Sa li bien condamnable dans Islam pou laisse nous rentre dans l’attrape de bane tentations de Shaytane ki invite bane croyants pou délaisse zot bane vrais croyances.

 

Après Noël, bane dimounes accueille fête fin d’année avec beaucoup ferveur et grand l’enthousiasme. Pour la majorité de bane dimounes, sa l’occasion li bien significatif parski li apporte bonheur et prospérité pou l’année suivant.

 

Pendant sa la nuit là, c’est-à-dire, le 31 décembre, ena beaucoup fêtes ki organisé; et bien sure ena la musique, bane chanter-danser, la boisson alcolique, pétards, feux d’artifices etc. Saki pli importants pour sa bane dimounes là, c’est ki zot fine bien ‘amusé’. Sa bane dimounes là confirme sa mauvais idéologie ki amène zot vers l’égarement, en prononçant sa bane paroles là : « Nous bizin amusé dans sa le monde là tanque ki nous vivre. »

 

L’Islam en tant ki religion divine, et ki seul religion véridique ki existé lors la terre, li faire nous conné ki nous but dans sa le monde là c’est ki nous bizin adore Allah, nous Maître Unique et ki nous bizin soumette nous à So bane commandements. Sa lé monde ici-bas là li en effet ene prison pour bane croyants et ene paradis pour bane non-croyants. Bane fêtes de fin d’année, réveillon, boisson alcolique, la musique, danser etc. tout sa là zot bane travails de Shaytane pou dévier zot du droit chemin. Dimounes jette des milliards de roupies dans bane jeux de hasards, dans pétards, feux d’artifices etc., alors ki l’Islam fine interdit nous pou fer gaspillage et bane dépenses excessives. Mais le plus grave dans tout sa c’est : Eski sa musulman là conné ki bane fêtes de Noël et de fin d’année pas concerne nous? Comment se fait-il ki bon nombre de bane musulmans pas prend compte la loi d’Allah et So bane commandements ? Zot fer la sourde d’oreilles, zot pas prend sa bane instructions là compte ?

 

Allah informe nous clairement ki celui qui imite bane infidèles dans zot fêtes, rites ou actions, zot vine en vérité parmi sa bane kalités dimounes là. Allah dire :

 

“O bane croyants! Pas prend pour alliés bane Juifs et bane Chrétiens; Zot alliés les z’uns les z’autres. Et celui d’entre ou ki prend zot comme alliés, vine ene parmi zot. En vérité, Allah pas guide dimounes injustes.” (Al-Maida 5: 52).

 

Ki sak croyant faire ene bon réflexion avant ki li trop tard. Ki li (sa croyant là) renonce de tout so lécoeur tous bane sa bane kalité tromperies ki éloigne li de so Imaan (la foi). Ki li prend conscience de tous bane dangers ki pé attane li dans le parcours de so la vie et ki ena pour but, pou conduire li vers so destruction. Anou proclame ensam saki Allah fine ordonne nous pou dire : “Dire : Ô ou bane non-croyants ! Mo pas adore séki zot adorer. Et zot pas adore séki moi mo adorer. Mo pas pou adore séki zot adorer. Et zot pas pou adore séki moi mo adorer. A zot zot religion, et à moi mo religion. »  (Al-Kaafirun 109: 2-7).

 

Alors, Ô bane parents, anou donne bane meilleurs l’exemple pour nous bane zenfants. Faudé pas nous gagne la honte pou pratiquer pleinement nous religion. Anou dépense dans le chemin d’Allah pour aide bane ki démuni, bane pauvres ou finance bane projets de charité et anou évite bane dépenses ki pou provoque la colère d’Allah (twt). Nous demande à Allah pou guide et maintenir nous dans le droit chemin. Ameen.

Écoute le Khutba Jummah du Khalifatullah Munir A. Azim en intégralité (Audio)