بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

19 Septembre 2014 ~

(23 Dhul-Qaddah 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Allah fine créé l’homme et fine fer de li le meilleure de parmi So bane créations. Li meilleure création parski li (l’homme) ena la capacité pou gagne le Ma’rifat d’Allah. Li gagne sa Ma’rifat (réalisation) là à travers so lé cœur. Lé cœur possède la connaissance d’Allah. Lé cœur fer zéffore pou gagne le plaisir et la satisfaction d’Allah, li fer zéffore pou vine près avec Allah Ta’ala. Tous bane les autres organes zot bane disciples de lé cœur et zot à so service pou fer li fonctionner. Si lé cœur sapé (préservé) de « Ghairullah » – c’est-à-dire, bane dimounes et bane kitchoses ki éloigne li (sa lé cœur là, et bane dimounes en général) de Allah – alors sa lé cœur là li accepté par Allah et si sa lé cœur là li attaché avec Ghairullah, alors Allah rejette li. Si ene dimoune li fer zéffore pour purifié so lé cœur, li gagne le plaisir d’Allah. Mais selman, si li laisse so lé cœur pollué par le péché et désobéissance, alors Allah rejette li et fer li passe par toutes sortes kalité difficultés. En réalité, c’est lé cœur ki obéissant à Allah. Bane actions et bane Ibadat (actes de dévotion à Allah) zot bane fruits de l’obéissance du cœur. C’est lé cœur ki dépasse bane limites de Shariah et kan à bane actions de l’homme ki dépasse bane limites c’est le résultat de transgression du cœur. Si l’homme reconnaîte so lé cœur, conne so lé cœur, alors li pé en fait reconnaîte/conne li-même et si li pas réussi reconnaîte so lé cœur, li pas pou capave réussi reconnaîte li-même, et alors li pas pou capave arrive à reconnaîte/conne Allah Ta’ala. Malheureusement, beaucoup zot ignorants en séki concerne zot « nafs » et lé cœur.

 

Ô mo bane frères et sœurs musulmans, c’est Allah Ta’ala ki ena full contrôle de nous lé cœurs. Li dirige nous lé cœur dans n’importe ki direction ki Li envie. Li inspire le cœur et enlève de lé cœur saki Li envie. Allah dire dans Quran Shareef:

 

« Mais Allah fine fer zot content la foi et fine embellie li dans zot lé cœurs. » (Al-Hujurat 49: 8).

 

« Et quiconque croire dans Allah, Li (Allah) guide so lé cœur. » (At-Taghabun 64: 12).

 

« Et Allah fine mette l’affection entre (bane croyants) zot lécœurs. Même si zot ti pou dépense tout saki lors la terre, zot pas pou capave produire ene l’affection pareil, mais selman Allah Li, fine produire li. » (An-Anfaal 8: 64).

 

La condition de bane Arabes li expliqué dans sa dernier verset ki mo fine mentionné là. La nature de bane Arabes ti ancré dans préjudice, ene fierté nationale, la jalousie etc. Allah fine envoye nous bien-aimé prophète Hazrat Muhammad (saws) et alors bane Arabes fine amène la foi dans l’Islam et fine suive bane l’enseignement du Saint Prophète Hazrat Muhammad (saws). Alors sa fine abouti dans l’attendrissement de zot lé cœurs, kot zot lé cœurs fine vine  de plus en plus rempli d’affection et de l’unité. Préjudice et jalousie ki zot ti ena fine transformé en amour et fraternité. Sa c’est ene preuve suffizant ki Allah Li ena ene contrôle complet lors lé cœur de l’homme. Li tourne lé cœur là dans n’importe ki direction ki Li oulé. C’est Allah ki fine inspire patience et courage dans le cœur de bane « dimounes de la grotte » (ki mentionner dans Surah Al-Kahf). Zot fine sacrifié plaisir et confort de zot la caze et zot fine alle retire zot dans ene la grotte pour préserve zot Deen (religion). Allah dire: « Et Nous fine rende zot lé cœurs fermes kan zot fine lever et zot fine dire : « Nous Maître c’est Maître bane les ciels et la terre : zamais nous pou invoque kit divinité apart Li, sans quoi, nous pou dépasse limite dans nous bane paroles. » (18: 15).

 

Allah Ta’ala décrire zot conversation de sa façon là. « Réfugier dans la grotte, zot Rab pou répande lors zot So miséricorde et pou dispose de zot bane zaffaire vers confort et facilité. » (Al-Kahf 18: 17).

 

Allah dire au sujet de bane ki content (so prochain) à cause Li (Allah) : « Li (Allah) fine marque la foi dans zot (bane croyants) lé cœurs, et raffermi zot avec ene souffle de Li-même. Li faire zot entre dans bane jardins avec bane la rivières ki couler au milieu. Zot pou reste là-dans toujours. Allah pou satisfait avec zot et zot pou content Li... » (Al-Mujadilah 58: 23).

 

Allah dire au sujet de bane ki ti attribuer bane associés avec Li (Allah) à l’époque du Saint Prophète (saws) ki ti rassemblé ene l’armée pour combatte bane musulmans. « Nous pou jette la peur dans lé cœur de bane ki pas croire, à cause zot fine adore saki zot na péna aucaine l’autorité (de la part d’Allah) pou adorer... » (Al-Imran 3: 152).

 

Allah dire au sujet de sa bane non-croyants ki fine refuse accepter Quran là. « Eski zot pas pou médite lors le Quran, ou eski ena bane cadenas lors zot les cœurs? » (Muhammad 47: 25).

 

Fine rapporté ki kan Hazrat Muhammad (saws) fine récite sa verset là, ene jeune Sahabi (jeune homme compagnon du Saint Prophète (saws)) de Yémen fine fer sa remarque là: « Zot les cœurs fine scellés ziska ki Allah fine enlève le sceau. » Hazrat Umar (ra) fine garde sa jeune Sahabi là à l’esprit et kan Hazrat Umar (ra) fine vine Khalifa, li fine prend l’aide de sa Sahabi (ra) là en matière de gouvernement. Allah dire dans Quran: « Et quiconque Allah oulé guider, Li ouvert so la poitrine à l’Islam. Et quiconque Li oulé égarer, Li rende so la poitrine serré et fermé, comme si li ena pou monte dans l’air. C’est coumsa ki Allah couvert avec la honte dimoune ki refuse gagne la foi. » (Al-Anam 6: 126).

 

Quand Allah oulé accorde kikaine Hidayat (vraie guidance), Li crée ene « Noor » (lumière) dans lé cœur de celui ki capave reconnaîte et accepter la vérité. Fine rapporté ki kan sa verset ki mo fine fek cité là fine révélé, Hazrat Muhammad (saws) fine recevoir ene question lors le sujet de « l’expansion du cœur » (kot Allah ouvert le cœur de sa dimoune là à l’Islam). Hazrat Muhammad (saws) fine réponde: « C’est le type de « Noor » (lumière) ki Allah crée dans lé cœur de bane croyants, sé ki créer alors ene manifestation de la vérité. En conséquence, la vérité li facilement accepté. » Fine pose li (saws) aussi ene l’autre question: « Ki bane signes de sa bane manifestations là? » Hazrat Muhammad (saws) fine réponde: « Bane préparatifs pour Aakherat et mettant de côté bane désirs de sa le monde là zot bane signes de « Noor » (Lumière). » Hazrat Muhammad (saws) souvent habitué fer sa duah là : « O mo Seigneur, créer ene « Noor » (lumière) dans mo cœur. » Ameen.

 

Allah dire: « Nous pou détourne zot les cœurs et zot lizié. » (Al-Anam 6: 111). « Et prend conscience ki Allah vine entre l’homme et so lé cœur » (An-Anfaal 8: 25). Certains Moufassireen (Interprétateurs Quran) fine dire ki ene fois ki Allah vine entre l’homme et so lé cœur, l’homme, pas pou capave vine croyant ou non-croyant, sauf avec la permission d’Allah Ta’ala. Hazrat Muhammad (saws) fine dire: « Les cœurs de bane dimounes zot contrôler par deux les doigts d’Allah; Li capave tourne li dans n’importe ki direction ki Li (Allah) envie. » Hazrat Muhammad (saws) fine récité le doa (supplication) suivant: « Ô Contrôleur de bane les cœurs, garde mo lé cœur ferme lors To la religion. » Ameen.

 

Ene Sahaba (ra) fine ene fois demandé: « Ô Messager d’Allah (saws), nous fine amène la foi dans tout saki ou fine apporté, eski ou ena kit inquiétude à nous propo ? » Hazrat Muhammad (saws) a réponde dans l’affirmatif, et li fine dire: « Les cœurs de bane dimounes zot sous le contrôle d’Allah, Li (Allah) garde certains lors le droit chemin et bane les autres dans l’égarement. C’est pourquoi nous bizin prier Allah pou ki Li garde nous lé cœur lors le bon chemin (Hidayat) et empêche li pou égaré. Li accorde nous de So bane faveurs et bienfaits spéciales. Li magnifique dans (distribution de) So bénédiction. »

 

Hazrat Muhammad (saws) ti conne bane différent conditions ki lé cœur attassé, et aussi avec ki rapidité le cœur affecté par sa bane divers conditions là, et le Messager d’Allah (saws) ti également bien conscient ki le cœur li complètement en dehors contrôle de l’homme. Sa prise de conscience de bane conditions de lé cœur là li connue seulement à ene Ulul-al-Baab (Ene dimoune de grande clairvoyance et de perspicacité). Zis bane dimounes ki réfléchi lors ​​bane conditions du cœur et fer zéffore pou atteindre la réalisation d’Allah ki gagne sa prise de conscience là.

 

Mo termine mo Khutba ici-même pour aujourd’hui. Mo fer duah avec mo Allah, ki Allah donne moi le Tawfiq pou contigne sa Khutba là lor le même sujet vendredi prochain, Insha-Allah. Ki Allah contigné éclaire nous de So la lumière et permettre à bane chercheurs de vérité aussi pou percevoir sa la lumière là et pou tire le meilleur de sa. Ameen.

Écoute le Khutba Jummah du Khalifatullah Munir A. Azim en intégralité (Audio)