بسم الله الرحمن الرحيم

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

20 Juin 2014 ~

(21 Shabaan 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

وَ اتَّقُوۡا یَوۡمًا تُرۡجَعُوۡنَ فِیۡہِ  اِلَی اللّٰہِ ٭۟ ثُمَّ تُوَفّٰی کُلُّ نَفۡسٍ مَّا کَسَبَتۡ وَ ہُمۡ لَا  یُظۡلَمُوۡنَ ۝

Wattaquu Yawman-turja ‘uuna fiihi ‘ilaallaah. Summa tuwaffaa kullu nafsim-maa kasabat wa hum laa yuz-lamuun.

« Peur le Jour  quand zot pou retourne vers Allah Ta’ala (c’est-à-dire, Qiyamat), alors sak nâme pou gagne récompense ki li mérité et pas pou ena aucaine injustice contre zot. » (Al-Baqara 2: 282).

 

Alhamdolillah par la grâce d’Allah mo pé continué mo Khutba Jummah azordi lors le même sujet – Qiyamat. Le mot Qiyamat paraitre 70 fois dans Quran Shariff. Allah Ta’ala fine aussi appelle Qiyamat par plusieurs les autres noms dans le Saint Coran et sak nom montrer ene aspect de Qiyamat. Par exemple As-Sa’a (L’Heure Fixée), Al-Yaum-ul-Haqq (Jour de Vérité, c’est-à-dire, ki pas ena aucaine doute li pou vini), Al-Yaum-ul-Mal’oom (Le Jour Connu), Yaum-ul-Aazifa (Le Jour Terrifiant ki pé approché), Yaum-un-Assir (Le Jour Dur), Yaum-un-Azim (Le Grand Jour), Yaum-ul-B’ath (Le Jour de la Résurrection), Yaum-un-Talaaq (Le Jour de la Rencontre, c'est-à-dire, rencontre avec Allah Ta’ala), Yaum-ul-Jama (Le Jour de L’Assemblée), Yaum-ul-Khurouj (Jour Sorti, c’est-à-dire, depuis Qabar) An-Naba-ul-Azim (La Grande Nouvelle). Al-Haqqa (L’Inévitable), parmi beaucoup d’autres.

 

Dans plusieurs chapitres et versets dans le Saint Coran, Allah (swt) fine faire bien comprend concernant le jour Qiyamat ki zot pou gagne zot récompense complète. Celui ki fine échappe avec du feu de l’enfer et fine gagne admission dans Djannat fine vraiment gagne victoire et Allah (swt) certainement pour rassembler nous tous Jour Qiyamat et pas ena aucaine doute là-dans. Ki paroles plus vraies ki bane paroles Allah (swt)? Et fine faire comprend dans le Saint Coran ki sa jour là la terre pour changer en ene l’autre la terre et bane léciel aussi et dimounes pour présenter devant Allah Ta’ala l’Unique, Al-Qahhar (Le Tout Puissant).

 

Séki nous capave comprend ki Jour Qiyamat la terre pour vine plate. Ni pou ena montagne, ni hauteur, ni précipice, ni z’arbres, ni bâtiment, ni léciel, ni z’étoile, ni soleil, ni la lune ; et bane ki ena doute lors là zot dire : « Kan sa promesse là pour arriver si vraiment pé dire la vérité ? ». Allah (swt) dire, zot pé attendre seulement ene cri ki pou saisi zot pendant ki zot pé discuter ; alors ni zot pou capave faire ene testament ni zot pou capave retourne kot zot famille.

 

Sa jour ki léciel pour agiter par ene grand tremblement et bane montagnes pour commence marcher, sa jour là, malheur lors bane ki ti traite banes signes d’Allah comme mensonges. Allah (swt) même fine donne nous ene avertissement bien sévère, kot Li fine dire:

 

« O bane dimounes, peur zot Rab, sans doute, l’heure de tremblement (Qiyamat) li pou ene kitchose terrible. Jour ki ou pou trouve sa, tout madame ki pé allaite (faire boire) pou oublier so bébé et tout femelle ki enceinte pou avorter. Ou pour trouve dimounes comment dire saoul mais zot pas saoul. Mais punition pou sévère ». (Al-Haj 22: 2-3)

 

Dans Quran Shariff, Allah (swt) fine faire mention jour ki léciel fendre et séparé avec nuages, jour kot léciel pour vine comme métal fondu et aussi kot bane montagnes pou vine couma la laine, kan la lune pou éclipsé et le soleil et la lune pou joine, kan grand tapaze assourdissant pour vini, kan soleil pou envelopper, kan bane zétoile pou perdi zot briyance, kan pou faire bane montagnes marcher, kan pou faire rassembler bane zanimaux sauvages et kan la mer vine en ébullitions (bouii).

 

Li pou ene jour difficile pou bane Kafirs et bane malfaiteurs (Zaalims) pou morde zot la main et sakaine d’entre zot pou dire : « Malheur lors moi, si seulement mo prend même chemin avec le Messager d’Allah. Hélas, Shaytan fine faire moi écarter de message d’Allah Ta’ala », et sa jour là ni zot proche parents, ni zot zenfants pas pou capave profite zot.

 

Aucaine camarade pas pou cherche so camarade intime malgré ki ene pour guette l’autre. Sa jour là bane ki fine faire péché pour sapé avec punition d’Allah, pou envie donne zot madame, zot frères, zot famille et tous sa ki la terre ena pour zot sappé; malheureusement pas pou ena place pou sauver, pas pou ena aucaine refuge et sakaine pou ena ene tracas ki pou faire li ignore tout. Par contre sa jour là, bane ki zot Iman ti ferme, solide zot figuire brillant, riant et gai. Par contre bane Kafirs et bane malfaiteurs zot figures pou ena la poussière et bane boutes noires.

 

Donc bane paroles Allah ki trouve dans Quran péna aucaine doute là-dans. Ene croyant musulman bizin ena Iman lors tous séki fine dire dans Quran-e-Majeed, et li bizin ena ene Iman béton, bien solide lors Allah Ta’ala, lors So bane Rassool et So bane Nabi sans exception, So bane livres sacrés, So bane anges, lors destin etc., ki forme parti dans croyance de sa la religion parfait l’Islam là, et si ene dimoune rézette kit partie là-dans, li pas croire, li pas pou forme partie dans sa la religion parfait l’Islam là et finalement li tombe dans l’incroyance kot péna différence entre li et ene Kafir et Zalim. Prophète ki fine gagne plisse connaissance lors Qiyamat, c’est bel et bien nous bien-aimé prophète (saws) kot Allah (swt) fine enseigne li tout kitchoses.

 

Plusieurs Sahaba fine raconté ki Hazrat Muhammad (saws) fine dire à propos signes Qiyamat, kot Hazrat Muhammad (saws) fine dire tous bane choses (signes) ki pou arriver jusqu'à Qiyamat et celui ki fine réussi rappelle, li mémorise li et celui ki fine oublier, reste dans l’oubli. (Muslim).

 

Ena beaucoup de signes Qiyamat et zot en deux catégories.

 

a) Alaamaat-e-Soughraa: Bane petits signes. C’est bane signes ki pou apparaitre bien avant Qiyamat.

b) Alaamaat-e-Koubra : Bane grands signes. C’est bane signes ki pou apparaitre kan Qiyamat pou très proche.

 

Mo pou cite quelques hadices concernant sa bane signes là :

 

1) Hazrat Ibn Umar (ra) fine rapporter ki Rassoulloullah (saws) fine dire : Celui ki envie trouve Qiyamat, comme si li pé trouve li avec so propre lizié. Alors li lire Surah 81, 82 et 84 (c’est-à-dire, Surah At-Takwir, Al-Infitwar & Al-Inshiqaq) ki donne explications en détails lors Qiyamat. (Tirmizi et Mishkat)

 

2) Hazrat Anas (ra) fine rapporté ki Hazrat Muhammad (saws) fine dire: « Ene de bane signes Qiyamat c’est ki dimounes pou faire vantardise entre zot lors sujet Masjid. » (Mishkat, Ibn-e-Majah & Abu Dawood)

 

C’est-à-dire ki ena bane musulmans pour construire bane grands et zolis Masjids, pou ena ene compétition entre zot lors construction et grandeur zot Masjid et sakaine pou faire vantard la cause so Masjid et sakaine pou flatte zot Masjid ki pli jolie, plus grand et bien décoré, so minaret plus haute ki tous les autres minarets de bane les autres Masjids, kan même l’heure Namaz, Masjid là vide de bane Namazi (Mussali)!

 

Ena ene l’autre hadice ki rapporté par Hazrat Hasan Basri (ra) dire ki Hazrat Muhammad (saws) fine dire ki l’époque pou arriver kot dimounes pou cause causer duniya (le monde) dans Masjid, alors à ce moment là pas assizé kot sa bane qualité dimounes là parski Allah (swt) pas pou prend zot compte.

 

Kan ou analyse tous sa là, fine fini arriver et sa c’est ene signe de Qiyamat ki fine déjà commence paraitre. Sa aussi fine rapporté dans bane hadices ki ena dimounes pou vine dans Masjids pou quelque minutes pou faire Namaz et après li pou cause causer duniya.

 

Ena ene l’autre hadice kot Hazrat Abu Huraira (ra) fine rapporté ki Hazrat Muhammad (saws) fine dire: « Bane places ki Allah Ta’ala plus content c’est bane Masjids et bane places ki Allah (swt) plus détester c’est bazars. » (Muslim & Mishkat)

 

Allah (swt) content Masjid pou ki bane croyants faire So Ibaadat, So éloges et beaucoup de Zikr etc. et non pas pou cause bane zaffaire duniya, tandis ki bazar pli beaucoup dimounes cause zaffaire le monde, séki fine passer lors film cinéma, football, lé course, jeux du hasard, veille zaffaires dimounes, gagne eye-contact, vendre kitchose ki pas Halal, ki Haram, ena ki coquin lors poids, défonce container amène bane nourritures volé pou vende dans bazars, ena mettre kitchose attirant divant consommateur, l’heure ou acheter, zot vendre bane ki fine expiré, même ena beaucoup zaffaires Haram aussi passer dans bazar ki la liste là pou vine bien longue – zot penser ki kan zot pou fer tout sa là, alors zot pou capave vine riche bien vite.

 

Dans ene l’autre hadice, rapporter par Hazrat Anas (ra) ki Hazrat Muhammad (saws) fine dire ki Qiyamat pas pou vini tant ki lé temps pas rétréci (vine court). L’année pou paraitre comme ene mois, ene mois comme ene semaine et ene semaine comme ene jour et ene jour comme ene allumage di feu. (Tirmizi, Mishkat)

 

Alors sa hadice là pé faire bien comprend couma tous sa là pou passe bien vite. Séki nous capave comprend par sa hadice là, aussi ki dans sa bane l’époque là, Barakat même pas pou ena ; dimounes pou tellement préoccuper avec bane problème et zaffaires de sa le monde là ki l’année et bane mois et jours pou passe bien bien vite et c’est ene réalité ki nous pé trouvé de nos jours.

 

Mo pou bizin arrête là même azordi ; couma mo ti dire, c’est ene sujet bien vaste. Dans ene ou deux Khutba Jummah pas pou capave explique lors bane signes du Qiyamat. Mo faire duah avec mo Rab ki Li donne moi Tawfiq pou mo contigne mo Khutba Jummah plus tard lors même sujet, Insha-Allah. Insha-Allah. Ameen.

 

Ki Allah béni zot, et accorde zot la connaissance et perception intérieur pou trouve sa bane signes là et pou alors réforme zot la vie sous le commandement d’Allah et de So Messager Choisi. Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)