بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

21 Mars 2014 ~

(19 Jamad’ul Awwal 1435 AH)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

اِنَّ اللّٰہَ لَا یُحِبُّ مَنۡ  کَانَ  مُخۡتَالًا  فَخُوۡرَا ۙ ۝

« Innallaaha laa yuhibbu man-kaana mukh-taalan-fakhuuraa » (4 : 37)

Allah pas content bane ki agir en traitre et bane vantards.

 

Dans so Khutba vendredi le 7 Mars 2014, A.G.Janbah so Khutba Jummah en urdu pé réjouir avec vantards et avec ene tel l’arrogance, ki li bien, en bonne santé ; so mission pé répande dans le monde entier, et même li pou vivre plisse ki 80 ans, et le Mubahila pas fine faire aucaine l’effet. Li pas dire ki li fine agir traitre kan li, avec so disciple Mansoor Ahmed fine signe le Mubahila (et de ce fait vine dans la cour d’Allah et laisse Allah (swt) juger ki sanlà vrai entre li et Musleh Ma’ud (as) vrai, surtout avec tant de mauvais paroles ki zot fine dire contre le Musleh Maoud (as)et fine traitre li toute sorte kalité de nom et li dire sa prophécie ki Hazrat Massih Ma’ud (as) fine prophétizé là, c’est li sa, c’est li sa Zaki Ghulam là et le Musleh Ma’ud li fausse), li signé mais li pas daté lors so forme. Zot faire traitre, et pas vine carré-carré. Zot pas mette date, mois et l’année pour le monde trouvé kot la vérité pour triomphé, et aussi li dire So Jamaat répanne partout et li pas mentionne So Jamaat là-dans, dans Mubahila là, dans forme ki li ti signé là.

 

Par contre, ici comme nous, le Jamaat Ul Sahih Al Islam ki croire fermement dans Hazrat Massih Ma’ud (as) et so prophécie ki li fine faire ki Allah (swt) pour donne li ene garçon pieux etc., et nous croire dans le Musleh Ma’ud (as) fermement et dans prophécie ki Hazrat Massih Ma’ud (as) fine fer, et nous dans le Jamaat Ul Sahih Al Islam, moi et mo disciple Fazil Jamal Sahib et mo Jamaat, nous ti vine de l’avant pou rentre dans le Mubahila avec A.G.Janbah Sahib et so Jamaat, mais li, malgré ki li fine signé avec so disciple Mansoor Ahmed, mais li pas fine vini en égale avec so Jamaat pareil couma sa humble serviteur ici présent aujourd’hui mo fine vini avec mo Jamaat. Définitivement Allah « Innallaaha Azaabam Muhiinaa » - Allah pour humilier zot (Révélation).

 

Avec ene tel l’arrogance et vantard, li ti dire li très bien et li pour vivre même ziska 80 ans. Si moi aussi mo ena pour prononce pareil couma A.G.Janbah Sahib, nous aussi dans Jamaat Ul Sahih Al Islam nous capave dire en toute humilité ki nous Jamaat fine répanne dans 4 coins du monde, et par la grâce d’Allah nous website li en plusieurs langues (pou ki plusieurs dimounes entier le monde capave comprend. Li pas seulement en Créole pou ki zis bane ki comprend et cause la langue Créole comprend) et li rempli avec beaucoup d’informations prend depuis seulement 2008, et fine ena aussi le Al-Azim Tafsir’ul Quran ki ti à la disposition de bane chercheurs de vérités, mais ki maintenant Insha-Allah pou publier en forme de livre. Par la grâce d’Allah encore, Allah fine donne moi Tawfiq pou écrire plusieurs livres et pareil couma fine posté lors le website à l’attention du monde entier, nous Jamaat fine enregistrer officiellement dans plusieurs pays, kot dans 2 pays là-dans fine ena par villages fine rentre dans le Jamaat et zot fine donne le Jamaat, comme ene seul famille bane grands terrain pour la construction de Masjeed and bane les autres projets du Jamaat. Et par la grâce d’Allah, fine ena aussi les autres constructions ki pé fer dans bane les autres l’endroits. Tout sa là c’est bane grâce énormes d’Allah. Kan Allah fine mette So souffle dans ene travail ki fine fer pour So cause tousel, alors ena beaucoup Barakat (bénédictions) là-dans, et Allah fine permette moi pou voyager et alle dans sa bane pays et l’endroits et bane dimounes fine accueille le message d’Allah. Allah fine accorde zot le Hidayat. Mo pas dire ki pas fine ena l’opposition, fine ena oui, mais Allah avec So serviteur choisi et fine teigne bane l’opposition et fine montrer zot avec ki sanlà Li (Allah) été.

 

Alors par la grâce d’Allah, Allah fine montrer kot So Rahmat été zis dans l’année 2013, kot Jamaat établie et enregistré dans ene façon extraordinaire, et pose 1^er pierre Masjeed dans Mayotte so 2 l’îles (Petite-Terre & Grande-Terre), dans Comores, et ene village habitante kot là-bas l’enregistrement Jamaat fer officiellement, avec bane interviews lors journals et construction ene Ibaadat Khana et so Madrassa dans mo présence même kot fine ena le préfet et le maire du village et moroni (capital Comores) fine prend le Bai’at.

 

Fine ena aussi enregistrement officielle dans le grand pays Madagascar et plusieurs autres Bai’at, et après en Novembre 2013, fine alle Ile de la Réunion, et Jamaat là-bas aussi enregistrer officiellement, et Bai’ats, et fine ena 2 jours du Jalsa Salana là-bas et plusieurs travail fine faire au niveau pays et au niveau Jamaat. Alhamdulillah.

 

Si mo ena pour cause pareil couma A.G. Janbah Sahib, ena encore beaucoup zaffaires pour dire. La liste là trop longue. Le grand travail ki mo Jamaat pé faire dans Maurice et l’Inde, Kerala kot mo disciple Fazil Jamal Sahib, Jamaluddin Sahib, Dr. Thahir Sahib, et bane les autres frères et sœurs zot bane travail ki zot pé faire dans domaines Dawa, traduction Khutba Jummah en plusieurs langues, conférences, publication bane pamphlets et livre traduire en langue locale dans Kerala, Tamil Nadu. Dr. Thahir Sahib par la grâce d’Allah pé fer bane grand travail dans propage le message de la Manifestation Divine. Amir Sahib et so bane membres Amila pé fer bane excellent travails de Dawa dans plusieurs villages et Fazil Jamal Sahib kan à li, bane grand travail lors blog. Ena aussi bane grand débats ki pé fer kot bane soi-disant savants de l’Ahmadiyyat et l’Islam, la bouche fermer, faute d’arguments. Ena trop beaucoup pour mentionné. La liste là pour trop longue, mais tous sa là c’est par la grâce d’Allah, et prouve la véracité du Jamaat Ul Sahih Al Islam et de sa humble serviteur là, et aussi Hazrat Musleh Maoud Mirza Bashiruddin Mahmud Ahmad (as) so véracité.

 

Moi comme le Khalifatullah de sa siècle là mo pour dire A.G. Janbah et suivant ki Allah fine révèle moi sa :

 

« Wa-adallaahul Jamaat Ul Sahih Al Islam huwal fawzul Aziim. »

Allah fine promette Jamaat Ul Sahih Al Islam la grande victoire.

 

A.G. Janbah Sahib, pensé li bien, ena plus la force et li ena beaucoup kitchose couma li fine prononcer dans so Khutba Jummah le 07 Mars 2014, et li pé penser ki li-même alors sa Zaki Ghulam là, ki alors sa Mubahila là pas fine faire li nannié. Et même maintenant li pé rode challenge les autres lors Mubahila. Laisse mo dire li ki li fine enfonce dans l’égarement et Hazrat Massih Maoud (as) so prophécie ki li fine faire lors le Musleh Maoud (as) et comme Zaki Ghulam, bane messages là ti bien claires et A.G. Janbah Sahib pé faire du tort à li-même.

 

C’est ene grand l’examen ki Allah (swt) pé fer avec tous bane Ahmadis, Jamaat Ul Sahih Al Islam, Lahore Ahmadiyya Movement, Jamaat Ahmadiyya Haqiqi, Jamaat Ahmadiyya Islah Pasand et Jamaat Ahmadiyya Al Mouslemeen entre autres.

 

Réfléchi bien lors sa Mubahila là. C’est ene Mubahila ki fine lancer à cause l’attaque gratuite et indécente ki pé faire lors Hazrat Mirza Bashiruddin Mahmud Ahmad (as), Khalifa Sani, et ici c’est Jamaat Ul Sahih Al Islam ki pé défendre l’honneur de Hazrat Musleh Maoud (as) et de l’autre côté, toutes sortes kalité jurons, blâmes et critique lors Hazrat Musleh Maoud (as) pé faire. Réfléchi bien tous bane frères et sœurs. Kan ou analyser, ou trouvé ki dans Jamaat Hazrat Massih Maoud (as) – Hazrat Mirza Ghulam Ahmad (as) – azordi jour fine ena pliss ki 6 Jamaats dans Jamaat Ahmadiyya. 3 Jamaats là-dans accepter Hazrat Massih Maoud (as) et so prophécie ki li fine fer après 40 jours de duah dans Hoshiarpur. Allah (swt) fine donne li sa bonne nouvelle là à propos ene garçon pieux et intelligent et ki li-même pour le Musleh Maoud.

 

Sa 3 Jamaats ki accepter sa fermement c’est Jamaat Ahmadiyya ki gouverné par système Khilafatul-Massih, Jamaat Ahmadiyya Al Mouslemeen et Jamaat Ul Sahih Al Islam. Les 3 Jamaats ki contre le Musleh Maoud (as) et fine faire toute sorte l’attaque gratuites lors li c’est : Mouvement Ahmadiyya de Lahore (Lahori Party), Jamaat Ahmadiyya Haqiqi et Jamaat Ahmadiyya Islah Pasand.

 

Donc, ene Mubahila fine lancer en 2011, et mo ti le premier pou signer le 21 Novembre 2011, mais ce n’est qu’en Février 2012 ki bane les autres fine signer. Donc, c’est ene Mubahila ki fine fer entre ene Jamaat ki croire dans le Musleh Maoud Hazrat Mirza Bashiruddin Mahmud Ahmad (Jamaat Ul Sahih Al Islam) contre l’autre Jamaat ki pas croire dans le Musleh Maoud (Jamaat de A.G. Janbah Sahib).

 

Nous dire suppozon, malgré ki A.G. Janbah Sahib pas fine respecter bane règles, ni mette date kan fine signer, ni inclure nom de so Jamaat là-dans, et ni même mette mo nom kot mo ti indiquer ki ti bizin mette mo nom, parski zot prend moi comme ene menteur et ki de ce fait d’après zot, si Hazrat Mirza Bashiruddin Mahmud Ahmad (as) fausse – Nawzobillah – alors pou zot, moi aussi mo fausse. Alors suppozon zot dire ki le Mubahila de 2 ans pas fine ena kit rézulta, alors mo pose question à bane Ahmadis, parski ena Ahmadi zot dire ki zot croire dans Musleh Maoud (as), mais dans Mubahila avec A.G.Janbah Sahib, zot dans côté Janbah Sahib et même ena fine addresse li comme Janab A. G. Janbah Sahib et fine prend mo challenge de Mubahila contre A.G. Janbah Sahib comme des pincettes, malgré A. G. Janbah ene grand opposant de Musleh Maoud (as).

 

Mo question à bane Ahmadis, après sa challenge de Mubahila là, nannié pas fine arrive A.G. Janbah Sahib dans la cour d’Allah. Alors ki ou pou fer ?

 

1. Accepter A.G. Janbah Sahib comme Musleh Maoud  et Zaki Ghulam ?

2. Ou rejette Hazrat Musleh Maoud (as) ? Si non !

3. Bé eski ou en faveur et accepter ene dimoune ki fine mette toute sorte kalité blâmes lors Musleh Maoud (as) ?

4. Eski ou (bane Ahmadis) ou pas pensé ki Allah fine faire ene grand teste avec ou, kan dans sa siècle là fine envoye So messager choisi et ou, ou rejette Manifestation Divine ?

 

Mo question à Lahori Party et Jamaat Ahmadiyya Haqiqi, zot ki contre le Musleh Maoud (as), ki zot pour faire après ki les 2 ans de Mubahila fine terminer, et ki A.G. Janbah Sahib toujours fit, progrès partout, et même li dire ki li pou vivre ziska so 80 ans. Zot lors même longueur d’ondes zot concernant position de Musleh Maoud (as). Ki zot pour faire ?

 

1. Eski zot pou accepté A.G. Janbah comme Musleh Maoud et Zaki Ghulam ?

2. Pour zot, A.G. Janbah Sahib pas fine gagne nannié, sa prouver aussi ki le Musleh Maoud Hazrat Mirza Bashiruddin Mahmud Ahmad (as) fausse – Nawzobillah. Ki zot pour fer kan Janbah Sahib d’après li fine prouve so fausseté, et établir so propre véracité ?

3. Eski zot deux Jamaats pour alle joine Janbah Sahib so Jamaat et prend le Bai’at dans so la main ?

 

Lors sa Mubahila là Allah (swt) fine fer ene grand test lors tous bane Jamaats dans l’Ahmadiyyat, ki dire ki zot croire dans Massih Maoud (as) et so bane prophécies. Et lors là le Mubahila fine alle dans la cour d’Allah, et personne, c’est-à-dire, le Jamaat de A.G. Janbah (d’après saki li pé déclarer) et le Jamaat Ul Sahih Al Islam pas fine fer aucaine défaite spirituelle aussi, et aussi tous les 6 Jamaat Ahmadiyya, zot tous pé proclamé ki zot lors le droit chemin. Couma ou pou reconnaite sa vérité là ?

 

Kan ou analyser séki A.G Janbah Sahib pé faire croire concernant sa prophécie de Hazrat Massih Maoud (as) concernant le Musleh Maoud (as), li prend sa pour li, et li refuse catégoriquement ki prophécie là concerne propre semence de Hazrat Massih Maoud (as), et A.G. Janbah Sahib refuse accepter tout sa là, et li montrer so vantardise. Pas ena aucaine doute, Allah conne bane secrets, et séki li pé laisse croire (c’est-à-dire, A.G. Janbah Sahib), vraiment Allah (swt) pas content bane vantard. Ene tel vantard kot li pour bizin saryé so propre fardeau en entier le Jour du Jugement et aussi fardeau de bane dimounes ki li pé mette lors mauvais chemin dans zot l’ignorance. Allah (swt) pas guide bane ki égare les autres et personne pas pou capave aide zot.

 

Donc, attane zot aussi, et moi aussi mo attane ensam avec zot. Couma A.G. Janbah Sahib pé dire ki li pou même vivre ziska 80 ans, alors moi mo pas oulé fer aucaine commentaire lors là, attention li vine Pharaon de sa siècle là, ou même ene Ariel Sharon de sa siècle là !

 

L’ordre d’Allah surement pour arriver; pas essaye fer li arrive plus vite. Surement dans tout sa ena bane signes pour dimounes ki réfléchi. Tout kitchose ena so mesure avec Allah et Li rempli de pardon pour dimoune, malgré zot péchés, mais aussi Li bien sévère en punition. Si Allah décide ene malheur pour ene communauté, pas ena personne pour capave repousse li et zot pas pou gagne aucaine protection contre Allah. Beaucoup de fois bane croyants perdi l’espoir kan zot réaliser ki dimounes traite zot bane infidèles, et zot fine croire ena fausses prophètes et finalement bane ki ena patience et place zot confiance dans Allah (swt), c’est zot ki fine suivre le bon chemin et c’est zot ki pour prospéré. Insha-Allah.

Écoute le Khutba Jummah du Khalifatullah Munir A. Azim en intégralité (Audio)