بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

23 Mai 2014 ~

(23 Rajab 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

Mo contigne aujourd’hui mo Khutba Jummah de la semaine dernière kot mo ti mentionne bane accusations ki ene Ahmadi ki travail dans l’Association Ahmadiyya de Maurice fine alle colporté dans Kerala. Alors :

 

2^ème accusation là c’est ki mo fine marié avec maman garçon là (en fait c’est ene accusation au très profond parski zamais ene telle garçon fine exister ki mo fine alle retire li depuis l’hôpital et alle prive li de l’attention médicale). Zot raconter en plisse de sa ki kan mo fine marrié avec maman là, alors fine ena bane tentions sociales et mo fine sauvé alle cassiette.

 

Ki faire mo bizin sauver alle cassiette kan mo ene dimoune ki fine choisi par Allah ? Ki faire mo bizin ena la crainte de l’homme ? Mo explique sa bien ki mo l’appartement et ene ti l’emplacement commercial trouve dans le centre de Rose-Hill, près avec Headquarters de l’Association Ahmadiyya et kan fine mette nous dehors depuis Nizami-Jamaat, le ex-Khalifa fine dire nous alle forme nous Jamaat.

 

Pour évite bane grand la guerre, parski tous mo famille zot attaché avec Khalifa, excepté mo second frère Azize Ahmad ki fine décédé en May 2006 et mo maman ki ti avec moi, alors à sa l’époque là tous bane activités : Jummah, Dawa Academy, Study-Circle, bane réunion dames, jeune filles et garçons, tous bane Namaz et Namaz Eid et aussi Jalsa Salana etc. ti pé faire dans la caze Zafrullah Domun Sahib. So la case ti pli grand et ena plisse place et après plutard, par la grâce d’Allah ene membre fine construire ene Masjid complète là-bas même lors so terrain pour le Jamaat Ahmadiyya Al Mouslemeen. Et puis à l’époque, dans le nord de l’île Maurice ti ena ene l’occasion par la grâce d’Allah ki fine présenté ki ene Hindu ti pé vendre plusieurs lots de terrain avec facilité paiement. Kot mo ti pé resté ti l’héritage de mo bane parents – maman et papa. Allah même fine faire sa comme sa ki mo joindre sa Missié Hindu là, et mo fine négocier avec li et li fine donne moi facilité pour paye ene ti portion terrain et mo fine faire ene ti versement en Octobre 2003 ; tous les mois sans l’intérêt et mo fine fini paye li la fin de 2005 Alhamdolillah, et ici à Rose-Hill kot mo ti pé rester, situation fine vine critique kot tous programmes ki l’Association Ahmadiyya faire c’est bane programmes ki contre nous, kot zot ti pé dire ki nous pé créer fitna et même ti ena bane menaces et même ti dangereux pour bane madames, filles dans nous Jamaat à l’époque (JAAM). Et de l’autre côté, le papa du défunt (jeunesse de 22 ans) en août 2003 lève la guerre, li rode dévire l’arche, le Jamaat (JAAM). Pou fini le Jamaat li invente toutes sortes qualités mensonge lors moi et même mette même bane gros accusation gratuite lors so madame. Li envoye papier divorce, li rode divorcer avec so madame.

 

À Maurice, pour gagne divorce, sa prend 5-6 ans. Par la grâce d’Allah, ici ti ena ene manifestation divine ! Kan ene seul coup présenter dans la cour devant magistra, alors magistra prononce le divorce et alors trois zenfants restant ki vivre avec zot maman même ki trouve dans le Jamaat, alors sa missié là li rode fer zot peur pour ki zot quitte la Manifestation Divine. Li retourne dans l’Association Ahmadiyya et pendant Jalsa Salana là-bas, li gagne bel l’auto vine cherche li amène li dans Jalsa Gah (Guest of Honour) et so-called Amir et Majlis Amila tolère li pour cause contre Munir et humilier moi avec so madame. Après le divorce (ki prononcé ene sel coup – du jamais vue !), so mauvais prend li. Zot ti ena ene la caze 2 l’étage, et avec rez-de-chaussée, sa faire en tout 3 la caze. Li ti dire ki li pou mette so madames et bane zenfants à la rue kan zot pas fine rode quitte la Manifestation Divine. Et alors li fine rode mette so menace à exécution. Li fine rode mette madame-zenfants lors la rue. Li faire vende premier l’étage et puis li envoye sa la cours lors « Sale By Licitation », et aussi toutes sortes qualité figures faire lé tour pour faire so ex-madame et so trois zenfants ditort.

 

Dans sa contexte là, kan mo fine trouve zot la vie en danger et li (missié là) ti pé marche avec couteau dans la caze et maman là et so trois ti filles ti bizin renferme zot dans ene sel la chambre, mettre la clé pou dormi, et kot zot ti pé vivre dans frayeur, alors avec beaucoup de doa, Allah (swt) fine révèle moi pour prend responsabilité de sa madame là et de so 3 filles et aussi tous bane membres Jamaat Ahmadiyya Al Mouslemeen fine témoigner ki Allah fine descende ene message en forme ene Nazam ene Samedi dans le Study-Circle en 2004, kot Allah fine honore sa madame là par le titre de Ummul Momeneen.

 

Insha-Allah, nous pou publier sa lors site-web et pou mette sa Nazam là aussi ki fine lire par ene membre du Jamaat (JAAM) et sa jour là kot Allah ti faire descendre sa, Zafrullah Domun Sahib ti explique le Jamaat Ahmadiyya Al Mouslemeen entier ki ti dans Study-Circle lors sa jolie message ki fine descendre en forme de Nazam là et li fine faire bane jolie commentaires lors là kot tous fine émerveiller et zot tous appelle sa madame là Ummul Momeneen et li aussi ti Sadr Saheba National et international du Djawharat-oul-Kamal (Les Perles de la Perfection – Section de bane dames).

 

Alors 2005, kan fine fini paye le terrain acheter dans le Nord, en 2006 mo frère ki ti avec moi intékal et l’Association Ahmadiyya faire zot complot et moi et mo bane disciples reste à Rose-Hill et à Quatre-Bornes, la vie vine dangereux et l’autre ex-Secrétaire Générale (du Jamaat Ahmadiyya Al Mouslemeen) faire beaucoup désordre avec beaucoup mensonges. Li harcèle moi avec bane calls téléphone et sms lors portable, kot plusieurs fois mo ti obliger alle porte plainte contre li au poste de police et bane policiers ti pé bizin lire tous so bane sms remplie de la haine et zouré et li envoye so ex-madame aussi, péna l’heure, même dans la nuit li téléphoner pour zouré. Li penser ki kan so papa ti ene inspecteur de police, so la famille ena postes policiers et so cousin ACP (Assistant Commissioner of Police), alors li croire ki li capave faire céki li oulé.

 

Finalement mo fine bizin écrire ene lettre bien sévère envoye sa au commissaire de police et prouve tous so bane sms malpropres, l’heure là bane la police alle donne li warning. Normalement d’après la lois ici, ti bizin attrape li ferme li dans prison et à ce moment là, mo faire tous bane zefforts par la grâce d’Allah pou vende mo l’auto. Mo fine négocier avec le contracteur ki ti construire nous Masjid Bait-ul-Rahma à Pailles, explique li mo problème et li aussi ti prend le Bai’at après – li ti ene Sunni Jamaat.

 

L’aide d’Allah ti là et commence construction la maison dans le nord et en haut faire ene Bait-Ul-Zikr. Allah fine ouvert le chemin pour So Choisi ki dans 3 mois fini construction complètement et avant sa, fine ena tellement de persécutions et la vie ti en danger ; mo recevoir ene message ki Allah dire moi quitte kot mo pé rester à Rose-Hill – l’héritage mo parents – et mo fine alle reste bien loin dans le nord même, dans la caze location et pendant plisse ki 6 mois mo fine paye location et puis après kan la caze fini construire, sous l’instruction divine, moi et mo famille et ene la dame et so trois filles vine reste ensemble avec moi dans même la caze et jusqu’à maintenant par la grâce d’Allah li pé reste ensemble et message divine vini adresse li comme Ummul Momeneen. Sa c’est le décret d’Allah – No One Can Object to the Will Of God.

 

Malgré tous sa, Mons. Zalim et l’Association Ahmadiyya zot complot pas fini ; toujours bane l’idées pour faire toute sortes qualités di tort pour trouve mo Fearful End/Destiny. Ene fille de la dame ti marié avec mo neveux ki ti rentre dans Jamaat Ahmadiyya Al Mouslemeen et mo même ti faire zot Nikah et ti pé reste kot mo même et après 1 année zotte quitte mo la case et quitte le Jamaat Ahmadiyya Al Mouslemeen ; zot aller en 2007 mais azordi jours zot conséquence bien grave. Mo pas pou vine lors là pour aujourd’hui.

 

Et l’autre sœur fine trouve sa et li aussi quitte la caze et le Jamaat de la Manifestation Divine (Jamaat Ul Sahih Al Islam) et alle reste cote zot papa et fine cause toutes sortes qualité mauvais causer contre moi et aussi mo bizin dire, à trois reprises pendant nous l’absence dans la caze kot nous fine alle dans nous bane fonctions, bane voyous et voleurs fine casse mo la porte et faire massacres et 3 fois zot fine coquin plusieurs zaffaires du Jamaat et révélations et en même temps fine trouve bijoux zotte fine coquin sa aussi – Déclaration fine donner au poste de police. Jusqu’à azordi pliss qui 7 ans pas nannié même mais nous place nous confiance dans Allah, c’est Allah ki pour faire So travail.

 

Pour ene Ahmadi imbécile fine alle faire sa qualité mauvais travail là, définitivement, bizin ena complicité bane la haut là et dans Kerala zot fine dire moi ki ene dimoune ki travail pour l’Association Ahmadiyya fine vini pou répande sa bane faussetés là. Alors, mette sa bien dans zot la tête, bane ki pé faire complot, tout céki zot pé faire, sa pou tombe lors zotte même ! Personne pas pou saryé fardeau so camarade. Bane Satans sa-même zot travail, zot alle souffler dans z’oreilles bane croyants. Ene kikène qui ena Taqwa d’Allah pas faire sa qualité travail là. Mo dire mo bane disciples dans Kerala prend patience jusqu’à ki Allah rende So jugement entre nous et sa bane foutère désordre là. Wa Huwa Khairul Haakimeen – C’est Allah même Meilleur Juge.

 

O nous Maitre décide la vérité entre nous et sa bane foutères désordre là. Zot pé penser ki plan Allah pas pour joindre zotte ! Seulement bane imbéciles couma zotte même ki penser zot capave évite le plan d’Allah (swt).

 

Kan bane ignorants agir couma bane barbares, alors zot rode dévire l’arche divine. Parfois ena beaucoup ki ena la foi faible zot capave laisse zot affecter par sa, mais pas bane croyants solides. Oui zot chagrin kan zot trouve bane ki ti prétendre grand défenseur de l’Ahmadiyyat pas croire dans message d’Allah, mais si bizin, zot lutté contre sa bane là par l’ordre d’Allah afin ki la vérité sorti vainqueur.

 

Alors mo dire zot, faudé pas zot laisse zot chagrin pou sa bane soi-disant défenseur de l’Ahmadiyyat. Allah (swt) fine mette tous céki lors la terre comme ene ornement et aussi afin ki Allah capave tester zotte pou conner ki cène-là so action meilleur. Mo conseille mo bane disciples et bane chercheurs de vérité gagne patience dans compagnie bane ki prié zot Maitre matin et soir et qui pé cherche bane faveurs divine et l’amour d’Allah et So prophète (saw). Pas laisse zot lizié abandonne zot et pas cherche bane attraction sa la vie lors la terre là. Pas obéir bane dimounes qui pé retire l’amour dans ou le cœur et pé faire la haine prend place pou ou rejette sa vérité ki vine de coté d’Allah.

 

Et sa bane qualités dimounes ki pé vivre dans bane palabres là, tout zot la vie ene gaspillage. Zot pé plutôt attire la colère d’Allah lors zot. Allah (swt) pas pou laisse ou perdi récompense de bon action de ou patience et persévérance. Nous bizin pas écoute bane Zalims et nous continuer faire duah ki Allah guide nous et nous dimande sa avec Allah tousél ki Li emmène nous plus près ki sa lors chemin droit.

 

Avec zotte désordre ki zot pé faire, zot penser ki avec l’argent zot personnalité capave acheter la foi bane croyants et retire zot lors chemin droite pou amène zot vers l’obscurité. Mo pou dire zot sa bane Zalim là ki l’argent, zot personnalité, du bien, zenfants etc., tous sa là ene décor sa la vie lors la terre là. Mais céki durer c’est bane bons actions devant Allah et c’est Allah ki donne meilleur récompense, pas zot. Nous, nous croire sincèrement ki dans bane conditions pareils, protections vine de Allah, le vrai. C’est Li ki donne meilleur récompense et meilleur résultat.

 

Si zotte (mo bane disciples) trouver ki mo le Khalifatullah de sa l’époque là, ou content, ou pas content, Just too Bad ! – sa c’est par la grâce et la volonté Allah. Li (Allah) pas bizin prend permission avec personne quand Li ena pour élève So serviteurs choisi. Tout pouvoir trouve dans so la main. C’est Allah ki envoye So bane serviteurs choisi seulement pour annonce dimounes bon nouvelle et pou avertir zot aussi. Mais bane ki refuse croire, zot servi bane arguments fausse pour rejette la vérité et zotte pé prend bane messages divine en moquerie dans zotte imbécillité. Allah laisse ene voile couvert zot le cœur de sorte ki zot na pas comprend nannié et zot zoreilles vine sourde. Alors même si ou appelle zot vers le chemin  droit, jamais zot pou vini lors le droit chemin, parski Allah fine mette ene scellé lors zot lécœur. Zot la vie lors la terre fine alle dans l’égarement et zot pé croire zot pé faire du bien dans zot bane actions ki zot pé faire, kot zot refuse accepter signes zot Maitre (Allah). Zot fine repousse la foi et zot fine prend bane révélations ki Allah fine envoye So bane serviteurs choisi en moquerie et fine traite révélations divine « so-called revelation » (soi-disant révélation).

 

Mo arrête là-même lors sa sujet là. Insha-Allah, mo pou contigne sa Vendredi prochain, dans l’autre Khutba Jummah.

 

Avant ki mo terminer, mo souhaite cause avec zot lors bane élections législatives récents en Inde, ki ene telle élection ki fine casse tous records. Décompte de bane vote fine rende so verdict et parti Nationaliste hindou de Narendra Modi fine gagne ene victoire écrasant tandi ki parti du Congrès fine sévèrement gagne batté. Parti Nationaliste hindou de Narendra Modi pé promette ene « nouveau l’époque » fondée lors relance de l’économie après dix ans de pourvoir du parti du congrès. Sa triomphe de Bharatiya Janata Party (BJP) pé remodèle le paysage politique indien, transformant le parti Nationaliste hindou en ene puissance politique nationale. So z’image politique pé gagne plisse valaire tandis ki parti du Congrès de la dynastie Gandhi-Nehru fine perdi la face, pé perdi so popularité, et sa c’est ene coup dur pour zot à cause zot ti habitué dirige sa pays là (l’Inde). Mais seulement minorité musulmane dans l’Inde percevoir dirigeant de BJP avec méfiance surtout depuis bane 2002 dans Gujarat.

 

A L’opposé, parti Congrès fine sorti de sa élection là faible et dans ene l’état la mort kot zot fine uzé par dix ans de pourvoir, scandales, corruption continuelle et ainsi li fine puni (par so peuple) pour so incapacité pou relance la croissance et pou régler l’inflation. Li fine rapidement reconnaite so défaite, kot sa défaite là li ene de bane pli grand défaite de so l’histoire.

 

Dynastie Nehru-Gandhi de l’Inde fine faire face à ene lutte pour so survie après ene raclée électorale dans la main chef de l’opposition Narendra Modi.

 

Dans sa siècle là, beaucoup de dynasties pou disparaite, Incha-Allah, que ce soit au plan politique et aussi lors le plan de la religion (la spiritualité, surtout bane ki prend zot comme bane héritiers de pouvoir de la religion, comme-ci dirai zot fine collés à zot chaises de pouvoir, et zot penser ki personne pas pou capave fer zot sorti de là. Zot fine oublié ki ena ene Créateur de l’univers qui possède le pouvoir absolu. Li faire céki Li oulé, et Li remplace céki Li oulé.

 

Aujourd’hui ou capave le Premier Ministre et demain ene simple citoyen. Garçon d’ene vendeur di thé dans ene la gare train, Nadrendra Modi pas fine hésité pou oppose so bane origines modestes à l’éducation privilégié ki Rahul Gandhi fine recevoir. Rahul Gandhi li l’héritier dynastie Nehru-Gandhi ki fine mène la campagne du parti du Congrès au pourvoir.

 

Dès ki so scolarité fine fini,  Narendra Modi fine quitte foyer familial et fine presque rompe tout relation avec so bane poches pour trouver refuge auprès de Rashtriya Swayamsevak Sangh(RSS), ene Organisation nationaliste servant de plateforme idéologique à bane groupes hindous et à Bharatiya Janata Party (BJP).

 

Si ena ene kitchose ki Narendra Modi zamais pas causer en publique, c’est so mariage raté, ki ti conclure par so bane parents et parents so madame kan li ti encore ene adolescent.

 

D’après bane biographies non-officielles, sa mariage ki Narendra Modi pas fine accepté fine être la cause de so rupture familiale. Réputé comme ene dimoune solitaire, c’est zis pour bane l’occasions (rare) ki li alle joinde so maman et so bane frères.

 

Céki nous humblement souhaiter, dans l’intérêt de la nation Indienne, ainsi ki le monde dans so l’ensemble, c’est ki Narendra Modi vine un vrai chef, juste et sincère envers so peuple et le monde afin pou construire et non pou détruire, pour ene meilleur avenir. Incha-Allah. En mon nom personnel et celui de la Jamaat Ul Sahih Al Islam, nous souhaiter ki li rétablir l’ordre et la sécurité pour so peuple, et pou faire le premier pas pour l’anéantissement de la corruption, Incha-Allah.

Écoute le Khutba Jummah du Khalifatullah Munir A. Azim en intégralité (Audio)