بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

24 Octobre 2014 ~

(29 Dhul Hijjah 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Alhamdulillah Summa Alhamdulillah, mo contigne aujourd’hui mo Khutba Jummah lors le même sujet (Le Cœur). Aujourd’hui c’est 5^ème semaine ki mo pé cause lors sa même sujet là, et alors nous trouver couma li ene sujet très important dans nous la vie, ki li mondaine et spirituel. Donc zot tous bizin prend compte zot propres lé cœurs.

 

Puisque le cœur li un axe et centre pour la réception de bane conseils et bane mises en garde, bane musulmans zot conseillé ki zot bizin prend le plus grand soin et précaution en ce ki concerne le cœur. Faudé pas zot surcharge zot lé cœur.

 

Le Messager d’Allah (saws) fine dire aussi: « Donne un peu de repos à zot lé cœurs parski couma zot bane les autres organes, zot aussi fatiguer. »

 

Les cœurs vine aussi propres ou sales. Capave maintenir zot propres à travers Ibaadat et l’obéissance d’Allah Ta’ala. Par le « Kufr » et la désobéissance, zot vine impurs et malsains.

 

Allah dire au sujet de bane Mounaafiqoun et bane non-croyants:

 

« Sa c’est bane dimounes ki la volonté d’Allah pas oulé ki purifier zot lé cœurs. » (Al-Maida 5: 42).

 

« Bane ki, kan lire avec zot Nous bane révélations, dire : ‘Sa, c’est bane vié zistoires de bane dimounes ki fine vini avant.’ Non ! Mais (en vérité) saki zot fine récolté c’est la rouille lors zot lé cœurs. » (Al-Mutaffiffin 83: 14-15).

 

Hazrat Abu Huraira (ra) fine rapporté ki le Saint Prophète (saws) fine dire: « Kan ene dimoune commette ene péché, ene tache noire apparaîte lors so lé cœur. Si li répentir et abstenir li pou pas commette sa péché là par la suite, so lé cœur purifié. Si li commette péché là de nouveau, ene lotte tache apparaîte lors so lé cœur ziska ki so lé cœur entier couvert (avec noireté péché). C’est saki pé fer comprend dans sa verset du Quran là: « Mais (en vérité) saki zot fine récolté c’est la rouille lors zot lé cœurs. » (Tirmidhi).

 

Sa verset là signifie ki la désobéissance et le péché fine couvert zot lé cœurs de tous côté, dans tous l’angles. L’attitude ki bane missiés bizin ena kan zot adresse zot avec bane madames fine décrire dans sa verset là :

 

« Et kan ou demande zot (c’est-à-dire, bane épouses du Messager d’Allah (saws)) quoi que ce soit, demande zot sa de derrière ene rideau. Sa li plus pur pour ou lé cœurs et zot lé cœurs. » (Al-Ahzab 33: 54).

 

De ce fait, bane madames ki envie montrer zot-même et mixé zot librement avec bane z’hommes dans bane bazars, bureau, etc. bizin ena la crainte d’Allah concernant sa zaffaire là. Sa bane missiés ki permette et content ki zot bane madames ena bane tels comportement coumsa bizin aussi ena la crainte d’Allah concernant sa. Bane missiés zot responsables de zot bane madames et pou pose zot questions lors bane actions de zot madames Jour Qayamat.

 

Allah dire dans Quran:

 

« Ô ou ki ena la foi ! Préserve zot et zot familles d’ene difé ki so combustible pou dimounes et roches... » (At-Tahrim 66: 7).

 

Sa bane dimounes là bizin rende zot compte ki grâce à Pardah la société reste chaste et pur et le non-respect de Pardah, madames-missiés mixe, nudité et le désire pou affiche zot en publique dans bane façon indécent détruire ene la société en entier et sa fer zot perdi tous bane bénédictions et vertu.

 

La réforme de tous bane organes dépende de l’état lé cœur. Si lé cœur pur et parfait, tous bane organes pou pur et si ena bane impuretés et le mal dans le cœur, alors le reste de bane organes aussi pou vine impur et rempli avec le mal. La réforme du cœur li une caution (ene sécurité) pour la réforme de tous bane les autres organes. Le Messager d’Allah (saws) fine dire: « Ena ene morceau la chair dans le corps de l’homme, si li (sa morceau la chair là) pure tout le corps pou pur et si li pas bon (rempli avec le mal) tout le corps pou rempli avec le mal, et (sa morceau la chair là) c’est lé cœur. » (Bukhari, Muslim).

 

Si maintenir lé cœur dans ene l’état pur et si li éclairé par Noor (la lumière), et par l’obéissance et l’adoration (d’Allah (twt)), sa lé cœur là pou en mesure pou faire la différence entre le mal et la vertu. Suspicion et doute pas rentré dans ene tel lé cœur. Hazrat Muhammad (saws) fine dire: « Bane actions bons et vertueux c’est bane tels actions ki donne satisfaction dans lé cœur tandi ki bane mauvais actions enlève contentement et tranquillité du cœur. » (Musnad Ahmad).

 

Kan à bane les cœurs ki gagne succès et ki réussi gagne contentement, c’est seulement après avoir ki zot fine accepté Iman (la foi) ki li (sa le cœur là) gagne la réussite et la fortune et par conséquent sa bane kalité lé cœurs là zot préservé de tous bane mals, révoltes, mauvais actions et dézordres (fitna).

 

Hazrat Huzaifa (ra) rapporté ki le Messager d’Allah (saws) fine dire: « Pareil couma di fil tissé lors ene tapis, fitna pou présenté à lé cœur. Ene point noir pou apparaîte lors lé cœur ki entretenir bane tels fitna et ene tache blanc pou apparaîte lors lé cœur ki pas connaîte sa bane mals là ziska ki lé cœurs li divisé en deux. 1) Ene lé cœur pur et blanc ki aucaine mal pou rentre là-dans jusqu’au Jour de Qayamat et, 2) Ene lé cœur noir couma ene récipient ki déviré, li pas pou reconnaître bane actions vertueux et ni li cause contre le mal. Li pou accepté bane kitchoses ki faire plaisir à so bane mauvais désirs et ki rempli de méchanceté. » (Muslim).

 

BANE TYPES LÉ COEURS:

 

Hazrat Muhammad (saws) fine dire: « Ena quatre types lé cœurs.

 

1. Ene lé cœur propre et pur, ki émétte la lumière dans li. Sa c’est lé cœur d’ene d’ene Mu’min (croyant).

2. Ene lé cœur noir. C’est lé cœur d’ene non-croyant.

3. Ene lé cœur voilée... ene lé cœur ki couvert. C’est le cœur d’ene Munaafiq (hypocrite).

4. Ene lé cœur plié entre Imaan (la foi) et Nifaaq (hypocrisie).

 

L’exemple de Imaan (la foi) dans so lé cœur li couma ene végétation vert ki arrosée par ene de l’eau fertile. Et l’exemple de Nifaaq (hypocrisie) li couma ene blessure kot di sang et dipi sorti. So la caze finale pou décidé (pour li) d’après saki pli en grand nombre ki l’autre là (c’est-à-dire, sois la foi ou hypocrisie). » (Musnad Ahmad & Tabarani).

 

Ena cinq kalité lé cœurs:

 

1. Ene lé cœur mort.

2. Ene mauvais lé cœur.

3. Ene lé cœur négligent.

4. Ene lé cœur vigilant.

5. Ene cœur sain et sauf, en sécurité.

 

Si lé cœur plongé dans zaffaire lé monde, li vine ene échec (li perdant), si li plongé dans Aakhirat, li gagne succès et si li plongé dans Zikr d’Allah li adouci, li fonde li-même dans rappel d’Allah.

 

Mo bane chers frères et sœurs, fine arrive l’heure pou mo arrête mo Khutba Jummah ici même aujourd’hui et mo fer duah pou ki Allah  (swt) donne moi le Tawfiq et le Ilm pou contigne lors le même sujet de mo Khutba Jummah vendredi prochain, Insha-Allah. Zot trouver commié important li important sa sujet là, kot nous, bane musulmans, nous bizin nettoye nous lé cœurs, et à ce moment là tous bane problèmes de sa le monde là, ki li au niveau religieux, mondain, familiales, et concernant bane bons croyants, etc. pou capave résoude. Insha-Allah. Ameen.

Écoute le Khutba Jummah du Khalifatullah Munir A. Azim en intégralité (Audio)