بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

25 Juillet 2014 ~

(27 Ramadhan 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Lé cœur, li ene organe vital et bien essentiel de par so rôle ki li ena kot li pompe di sang dans le corps de l’homme et envoye li dans le corps en entier. Alors so rôle tellement important ki li considéré, depuis des siècles, comme étant le siège de bane sentiments. Sa li certainement dû au fait ki le rythme cardiaque li accélérer kan nous vine émotif (rempli d’émotions). D’ailleurs, l’amour li symbolisé par ene lé cœur ! Lé cœur li tipti mais capave contenir bane émotions aussi vastes ki l’océan. Au cours de bane siècles, fine ena ene quantité infinie d’expressions dans plusieurs langues ki fine lié à lé cœur ; ena bane expressions ki associé à bane émotions (par exemple : de bon cœur, de tout cœur, la raze dans lé cœur), et bane l’expressions ki associé au courage aussi (par exemple : lé cœur dans ventre), et ena d’autres expressions kot li désigne ene dimoune aimée (par exemple : mo ti lé cœur ou mo lé cœur), kot li désigne la vie intérieure (par exemple : cause du fond du cœur), ou même kot li désigne la mémoire (par exemple : apprane par cœur). Dans nous langue courant, créole locale nous trouve également : Lekér sale, Lekér roche, Lekér fermal, Lekér l’or etc.

                                                                                                            

Lé cœur li aussi ene grand symbole lié à bane nombreux interprétations, couma : Le demeure de la foi et de la connaissance, la compréhension, la réflexion, bane sentiments etc. Bane savants fine décrire lé cœur comme étant le roi de bane organes ; li le siège de la sincérité dans ene dimoune sans quoi aucaine de so bane actions pas ti pou accepté.

 

Plusieurs hadiths cite bien clairement suprémacie lé cœur lors bane les autres organes. Le Saint Prophète (saws) fine dire: « Ena assurément dans lé corps ene ti morceau la chair; kot si li en bon état, alors lé corps entier reste en bon état, et si li corrompu lé corps entier corrompu et (sa boute la chair là) c’est lé cœur. » (Bukhari).

 

Hazrat Muhammad (saws) fine aussi dire : « En vérité, Allah pas guette ni zot lé corps ni zot figuires, mais Li guette zot lé cœurs. » (Muslim).

 

Wabisah bin Ma‘bad (ra) fine rapporté: « Ene fois mo fine alle à la rencontre de Rassoollullah (saws), et li fine dire moi : « To fine vine questionne moi au sujet du bien (de la vertu) ?. Alors mo fine réponde : «Oui», et ensuite li fine dire (moi) : « Interroge to lé cœur. La vertu (le bien) c'est sa kitchose par quoi l'âme jouir d’ene repos et lé cœur gagne la tranquillité. Le péché (le mal), c'est saki implante dans l'âme et troubler dimoune, et sa, malgré ki dimounes donne toi ene l’opinion favorable lors sa sujet là (pou calmer to inquiétude). » (Musnad Ahmad)

 

Lé cœur li le siège de la compréhension. Allah (swt) fine fer nous rappelle dans So Livre, le Quran Shareef ki c’est lé cœur ki raizonné:

 

« Eski zot pas voyager lors la terre ? Sa ti va donne zot ene lé cœur pou comprend et zoreille pou tender. C’est pas zot lizié ki aveugle, mais c’est zot lé cœur dans zot la poitrine ki aveugle.» (Al-Haj 22: 47).

 

« Nous fine destine beaucoup Jinns et dimounes pour l'Enfer. Zot ena lé coeurs, mais zot pas comprend. Zot ena lizié, mais zot pas trouver. Zot ena zoreilles mais zot pas tender. Sa bane là zot couma bane zanimo, même pli égaré (ki zanimo) encore. Zot bane insouciants. » (Al-Arraf 7: 180).

 

Li arrive sans doute, à sakaine d’entre nous pou prend le temps pou mette l’ordre dans nous la chambre, bureau ou nous la caze… Eh bien, de la même façon, nous bizin lé temps pou mette l’ordre dans nous lé cœur, pou nettoye tous so bane coins et recoins et véyé à séki tout bane impuretés zot retiré. Sa nettoyage lé cœur là li capital. Bizin faire li avec le plus grand soin au moyen de bane produits spirituels ki pli efficaces couma bane duahs. Sa purification lé cœur là li tellement primordiale ki Allah veille à séki So Prophète (saws) ena ene lé cœur purifié dès so plus jeune âge, pour ki so message li crédible, attré-yant et pure, kot alors Allah fine envoye à li deux anges ki fine spirituellement fanne so la poitrine et néttoye so lé cœur. Avec l’arrivée Ramadhan, Allah (swt) dans So infinie bonté appelle nous pou soigne nous lé cœur. C’est ene l’occasion pou saizir pour faire ene grand nettoyage ! Bizin absolument débarrasse-nous de bane impuretés ki fine accumulé à cause bane péchés, et alors bane cœurs vine durs, impures, malades ou morts. De ce fait, anou lave nous lekér sale avec le pardon et repentir sincère. Anou profiter pour faire revivre nous lekér mort et lekér roche avec la lecture (et aussi compréhension) du Quran. Anou consolide nous lekér faible, lekér cassé, lekér triste, lekér gros avec le Zikr:

 

« Bane ki ena la foi et ki zot lé cœurs trouve ene tranquillité kan zot pense à Allah’. Eski c’est pas en pensant à Allah ki lé cœurs trouve tranquillité? » (Ar-Raad 13: 29)

 

Le Saint Prophète (saws) fine dire : « Pas cause beaucoup. Faire le Zikrullah ; cause beaucoup sans faire Zikrullah endurci lé cœur et personne pas plus éloigné d’Allah ki celui ki ena ene lé cœur dur. » (Tirmidhi).

 

Zikr pour lé cœur li couma de l’eau pour ene poisson : Ki situation d’ene poisson kan li sorti depuis de l’eau ? Afin ki ene musulman capave profite de Zikr, afin ki so la langue li en accord avec so lé cœur et ki l’effet désiré li produire dans lé cœur, alors bizin absolument ki l’évocation li liée à l’adoration, tel ki le Zikrullah (la méditation), pareil couma Allah (swt) explique sa dans bane versets suivants :

 

« En vérité, dans création bane lé ciel et la terre, et dans façon ki la nuite et li zour suive ene après l’autre, ena bane signes pou dimoune ki ena l’intélligence, ki pense à Allah, soit diboute soit assizé ou bien allongé lor zot côté, et ki faire sa réfléction là lors création bane lé ciel et la terre : ‘O nous Maitre, To pas fine créer tout sa pou nannié. Gloire à Toi et protège nous contre punition difé. » (Al-Imran 3:191-192)

 

Le Saint Prophète (saws) ti pé lié tout kitchose à la condition du cœur. Kan nous élimine nous bane mauvais caractères et que nous mette en pratique bane bons manières, nous pou ena ene lé cœur sain/pur. Sa c’est la raison ki Allah (swt) mentionne dans Quran:

 

« Jour kot ni di biens, ni z’enfants pas pou d’aucaine utilité, sauf celui ki vine à Allah avec ene lé cœur pur. » (Ash-Shu’ara 26: 89-90).

 

Cerveau capave rempli de connaissance, mais li pas pou servi à rien pour celui ki ena li sauf si so connaissance passe par ene lé cœur sain. Connaissance sans conscience li la ruine de l’âme.

 

En sa mois béni là et aussi pour les autres onze mois ki pé vini là, anou vine bane z’hommes et (pour nous bane sœurs) bane madames de cœur. Du fond du cœur anou prend à cœur sa responsabilité pou purifié nous lé cœur. Anou lutter pou vide nous lé cœurs de la haine, la jalousie et rancune ; et faire en sorte ki nous lé cœurs pas enflammer par bane tentations mondaines mais ki zot déborder d’amour pour Allah (swt); et ki nous lé cœurs pas gonfler d’orgueil et de dégoût et la haine mais au contraire ki nous ena l’amour pour nous prochain; ki nous lé cœurs pas désespérer et pas abandonner mais ki au contraire li gonfler avec l’espoir et l’enthousiasme. La réforme du cœur li pou possible zis kan nous pou habille li par bane vertus, et nous rende li zoli par la  sagesse et parfume li avec l’amour.

 

Mo souhaite de tout cœur à tous mo bane frères et sœurs, ki à travers zot bane efforts Allah (swt) accorde zot ene lé cœur purifié, ene lé cœur apaizé, ene lé cœur vivant et ene lé cœur sain. Et ki Allah uni tout nous bane lé cœurs.  Ameen.

Écoute le Khutba Jummah du Khalifatullah Munir A. Azim en intégralité (Audio)