بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

28 Février 2014 ~

(27 Rabi’ul Aakhir 1435 AH)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Ces derniers temps, nous fine trouver à travers la presse et télévision couma bane musulmans Africains, surtout de l’Afrique Centrale zot pé vine facilement bane victimes de bane rebelles et extrémistes de bane les autres religions. Sa bane là zot prêts à tout pou fini l’Islam et bane musulmans. Zot faire la tête-lipié pou arrive à zot but, parski zot prend la religion de l’Islam et so bane l’enseignements couma ene malédiction.

 

De ce fait, mo Khutba aujourd’hui li consacré uniquement lors ene message de paix et de bienvéyance. C’est ene appel à la conscience de l’homme. L’islam pas fine vini pou déclare la guerre à bane religions d’avant, et même saki encore exister de nos jours. L’islam reconnaite ki la vérité ki li fine améner li sourcer de même source perpétuelle de sa même fleuve spirituel ki vine du passé là. Li conné ki tout saki li fine mette de l’avant, alors bane anciens religions aussi fine prêche même message, et sa la source là, sa fleuve spirituelle là fine élargi, de siècle en siècle, ziska fine arrive sa l’époque kot Allah, dans So sagesse, fine fer sa grand déclaration là : « Aujourd’hui Mo fine parfaire pou zot, zot religion, et Mo fine complète Mo faveur lors zot, et Mo fine choisir l’islam pou zot comme religion. » (Al-Maida 5: 4)

 

Quran Shareef zamais fine rejette bane vérités essentielles ki fine établir par bane les autres religions ki fine vine avant li. Au contraire, li déclare ouvertement ki li confirme sa bane vérités là et li inclure zot (sa bane l’enseignements là) dans so texte. En fait, li ene moyen pou garde sa bane l’enseignements là dans so pureté originale, ki débarrassé de bane modifications (innovations) ki bane dimounes fine ajouté dans l’enseignements de bane religions à travers bane siècles. Quran Shareef fine fer ene reconnaissance libre, franc et généreux concernant bane religions ki fine vini dans le passé, et li (Quran Shareef) fine faire bane déclarations claires, par exemple : « pou sak peuple, ena ene guide. » (Al-Araf 13: 8) et, « pas ena ene communauté ki pas fine recevoir ene avertisseur. » (Fatir 35: 25), alors sa mette l’islam lors ene rang et beauté supérieur ki incomparable dans lizié de bane les autres religions du monde.

 

Dans sa contexte là, nous capave dire ki le Messie du siècle passé Hazrat Mirza Ghulam Ahmad (as) de Qadian, fine établi la vérité et fine faire li facilement compréhensible pour bane dimounes. Par exemple, li fine écrire ki bane guides de n’importe ki pays, et ki zot bane l’enseignements fine duré pendant pas mal de temps et ki la plupart de bane dimounes fine reconnaite sa, alors sa bane là ti bizin bane envoyés d’Allah, tout simplement à cause Allah zamais pas décrète la victoire pour bane fausses prophètes.

 

So déclaration ki bane l’enseignements de prophète Bouddha, de Krishna, de Ramchandra  ti sans doute de source divine, li tout à fait en accord avec sa. Dans so bane écrits, li cause de sa bane chefs religieux là en bane termes respectueux. Li pas fine nié le fait ki avec le cours du temps, bane changements ou interpolations fine capave modifié bane l’enseignements original de sa bane grands maîtres là. L’essence de sa bane premiers l’enseignements là ti sans aucaine doute l’unicité de l’Être divine, c’est-à-dire, Allah, ki absolument Parfait, et c’est lors sa vérité fondamentale là ki tous bane religions révélé zot répozé, c’est-à-dire, tous bane religions ki véritablement vine d’Allah et non pas de l’homme. Sa principe de base là, (c’est-à-dire, Tawhid), de ki ene bon nombre de bane vérités spirituelles et de bane la lois morales sourcer, alors d’après le Saint Prophète (saw), li ti penser ki sa ti capave servi comme répère à bane religions ki vraiment zot de source divines. Après so émigration à Madina, alors ki l’état nouveau-né (c’est-à-dire, l’Islam) ti pé confronte bane conditions bien difficiles ki ti pé surgir de bane différents croyances religieux ki ti exister à l’époque, et ainsi ki bane l’intérêts politiques en conflits d’ene peuple ki mixe, kot ena plusieurs la foi ki ti co-exister, alors le Saint Prophète (saw), ki ti ena ene grand tracas pour faire la paix régner, alors li fine tende ene branche pié z’olive à sa bane dimounes là, et fine dire zot :

 

« O Gens du Livre (Juifs et Chrétiens), arrive à ene accord entre nous et ou : ki nous adore Allah seulement, ki nous pas associé nannié avec Li, ki nous pas prend dimoune parmi nous-même comme bondiés, à la place de Allah. » (Al-Imran 3: 65).

 

L’appel solanelle du Saint Prophète (saw) pou ki tout dimounes vine ensemble lors ene sel baze commun, c’est-à-dire, Tawhid – l’adoration d’ene Dieu Unique, alors li pas ti capave ene appel en vain envers bane à ki sa l’appel là ti faire. Et nous fine trouver à travers l’histoire couma, dans l’espace de quelques années, sa l’appel vers le Tawhid là fine dépasse bane frontières de l’Arabie, et des milliers dimounes à travers l’Asie, l’Afrique et l’Europe, tôt ou tard, fine réponne à sa l’appel là.

 

L’islam li ene la foi ki unifié d’ene façon suprême et li pas cause division. Ene de bane bénédiction ki l’islam fine apporté à l’Orient et à l’Occident c’était l’emphase ki li fine metté lors l’unicité d’Allah à ene moment critique de l’histoire de l’homme.

 

L’islam fine casse bane noirté ki ti ena, et bane continents couma l’Europe et l’Inde, ki ti bane pays ki ti trempé au plus profond dans bane ténèbres ; alors l’éclairage ki l’Islam fine apporte zot, kot zot fine trouve bane vérités extraordinaire de l’unicité de d’Allah, alors sa fine aide sa bane pays là pou prend ene mesure pou corrige zot et pas ré-alle dans noirté. Et sa prévention et corriger ki l’Islam fine apporté pou zot là ti ene exploit extraordinaire, vu ki zot ti trouve zot dans ene noirté bien profond. En effet, sans l’emphase finale ki l’Islam fine metté lors sa vérité là, de par so situation central entre l’Inde et l’Europe, alors nous capave demande nous si pas sa l’idée ki Dieu li Unique là fine gagne ene place incontestée dans le monde intellectuel de nos jours. Pareil couma mo ti pé explique zot dans mo bane Khutba Jummah quelques semaines avant, bane là reconnaite la véracité de l’Islam et l’actualité et fonctionnalité de bane l’enseignements de Quran mais selment zot fer semblant pou pas reconnaite sa et en fait, c’est zot ki pé prend bane baze ki fine établir dans Quran pou construire zot bane pays.

 

Conception tout à fait logique d’ene sel l’humanité li sourcer donc de sa croyance en ene Dieu Suprême là. Le prophète de l’islam Hazrat Muhammad (saw) fine sans cesse prêcher ki Allah Li unique et ki toute la race humaine ti so famille. Alors sa fine amène vers grand conception de fraternité de l’homme. D’ene côté, le devoir d’ene musulman c’est pou adore so créateur, sa Dieu ki Li tousel vrai, et, de l’autre côté, pou servi bane dimounes parski zot so bane frères. Le Saint Prophète (saw) fine rende li parfaitement compte ki si la conception de fraternité de l’homme ti capave vine au-delà d’ene un rêve idéaliste, alors pou transforme sa l’idéale là en ene kitchose de réelle, alors li ti bizin implimente sa dans so propre pays avant tout.

 

Hazrat Muhammad (saw) ti ena dans so plan, avec l’aide d’Allah pou réduire au stricte mimimum bane grands la guerre sanglants ki ti habitué ena entre bane tribus arabes, et li ti ena aussi l’idée pou fer ene telle manière pou trace ene chemin afin pou unir sa bane dimounes là, c’est-à-dire, tous sa bane tribus là et faire zot vine ene sel nation, ene sel fraternité. Alors nous trouver ki Hazrat Muhammad (saw) fine réussi accomplir tous sa là avec l’aide d’Allah. Fine bizin l’aide d’Allah dans sa zaffaire là, pou gagne ene telle succès pareil. Le Saint Prophète (saw), aidé par le Ruh-il-Quddous (le Saint Esprit), fine travail dure lors mission ki Allah fine établir pour li. L’histoire rapporté ki fine ena bane changements révolutionnaires dans le pays (l’Arabie) dans bane domaines de la religion, et domaine sociale et politiques. La fraternité islamique fine établie pendant ki Saint Prophète (saw) ti encore vivant même.

 

Quran Shareef fine faire allusion à sa nouveau fraternité là, en sa bane termes là :

 

« Tini ferme avec la corde d’Allah, tout dimounes ensam, et pas cause division parmi ou. Rapplez faveur ki Allah fine accorde ou. Ou ti l’ennemis, Allah fine mette l’amour dans ou lékaire et ou fine vine bane frères par So grâce. Ou ti lors bord trou difé, et Li fine sape ou depuis là-dans. C’est coumsa ki Allah explique ou So bane versets, afin ki ou trouve le bon chemin.  » (Al-Imran 3: 104)

 

Après la mort du Saint Prophète (saw), bane quatre Khalifa-e-Rashideen, surtout Hazrat Umar (ra), fine encourage l’esprit de fraternité islamique par zot bane paroles et l’exemples aussi.

 

Mo arrête ici pour aujourd’hui. Insha-Allah, mo pou continué lors sa même sujet là Vendredi prochain. Ki Allah accorde nous, accorde à tous bane musulmans le Tawfiq pou tenir fermement le flambeau de l’islam, afin ki le monde réalise enfin la véracité de sa religion incomparable ki Allah fine institué pour tous bane dimounes. Et ki Insha-Allah par la même occasion, bane dimounes de bane les autres religions réalise zot bane erreurs, et zot arrête blasphème l’Islam et arrête persécuter bane musulmans et zot vine de l’avant pour la paix.  Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)