بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

28 Novembre 2014 ~

(05 Safar 1436 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Couma zot tous conné, ki à Maurice, Rodrigues, Agaléga, nous fine rentre dans ene période de Election Générale ki pour ena le Mercredi 10 Décembre. Alors fine ena à peu près 74 blocs politique fine enregistré zot pour Election Générale 2014.

 

Pour ene ti pays couma Maurice, environ 1 million 200 mille so population et là-dans 2 grand blocs politique ki pé faire polémique tous les jours avec zot bane congrès dans plusieurs circonscriptions, meeting, porte-à-porte etc.

 

Ena l’alliance PTR/MMM, avec so 2 leaders Navin Ramgoolam et Paul Bérenger et l’autre Bloc politique MSM-PMSD-ML ki fine appelle zot l’Alliance Lepep. L’alliance PTR/MMM zot moto c’est ene peuple uni, ene pays moderne et zot but c’est faire Maurice vine ene deuxième république, alors ki bane (élections) législatives tenir en même temps ki bane (élections) présidentielles, d’où ene proposition ki (si zot élu l’alliance PTR/MMM kot zot bizin gagne ¾ sièges) alors Paul Bérenger pou vine Premier Ministre pour 5 ans et Navin Ramgoolam président 7 ans. De l’autre côté, l’alliance Lepep pas d’accord ki Maurice vine ene 2^ème République. D’après zot analyse MSM-PMSD-ML, sa deux dimounes là (Navin et Paul) pé soif pouvoir, pé guette zot propre l’intérêt ki l’intérêt lepep et sa pour ouvert le chemin de dictature et zot (MSM-PMSD-ML) dire ki zot, zot ene l’alliance pour le peuple et avec le peuple. Zot alle plus de l’avant pour dire ki zot pas là pour le partage de pouvoir, zot là pour occupe le peuple.

 

Alors le peuple de Maurice, ene peuple intelligent. L’île Maurice li pas appartenir à aucaine politicien, ni aucaine religion majoritaire. Mercredi le 10 Décembre 2014, sak Mauricien pour faire ene bon nettoyage, bane jouisseurs, bane fraudeurs, bane incompétents, bane ki fine boire disang sa le peuple là par goblet, fine amène la vie le peuple Maurice amer, kot tous kitchose, prix fine flambé, péna l’ordre dans pays avec beaucoup crimes, vol, viole, chômage, augmenter en flèche , des milliers gradué chômeurs, bane médecins, avocats, bane professionnelles dans tous domaines, péna boulo, famille fine faire beaucoup sacrifice, l’autre côté sa bane jouisseurs là pé fer maja-karo avec l’argent l’état.

 

Pendant 2 mandats et 2 élections ki fine passé chef d’état fine embête sa peuple là et Paul Bérenger le leader l’opposition ki fine tire missile lors missile lors Navin Ramgoolam et so bane ministres et azordi à cause pour faire Maurice vine ene 2^ème Republique, Ramgoolam fine jouer sa rôle important là pour ki li pas alle dans karo-cannes parski li conné ki Paul Bérenger pendant 30 ans pé lutter pour apporte ene réforme électorale et faire Maurice ene 2^ème République et voilà dans ki situation Bérenger fine accepter pour marche ensemble avec Navin Ramgoolam pour faire Réforme Electorale et 2^ème République et même pour faire Paul Bérenger vine 5 ans Premier Ministre et Navin Ramgoolam comme président avec plein pouvoir pendant 7 ans.

 

Alors sak Mauricien bizin bien réfléchi lors là. Le 10 Décembre 2014, zot pour ena ene z’arme dans zot la main pour faire sa grand nettoyage là. C’est zot plume et ou pour voter avec ou lécoeur pour déracine tous pourriture et mo capave dire ki avec sa l’alliance PTR-MMM là Paul Bérenger fine faire sa nettoyage là kot li fine exigé, si zot (PTR-MMM) alle ensam pour Election Générale, ti ena ene nombre conditions ki ti on and off, fine prend des mois et des mois et bizin dire ki avec l’expérience comme politicien même ki li fine lutter tous au long so la vie, fine sappe dans la mort et vraiment sa dimoune là ki appelle Paul Bérenger là mérite le Premier Ministre de l’Ile Maurice, Rodrigues, Agaléga, mais malheureusement à cause so couleur la peau – li ene blanc – population majoritaire pas pour d’accord lors là. Ene blanc vine Premier Ministre sa pays là, malgré ki kantité problèmes-difficultés zot pé ramassé et zot même pé ramasse plisse problèmes ki les z’autres mais zot pour vote zot qualité même. Mais bizin dire avec sa l’alliance PTR-MMM là le héro Bérenger fine réussi discute lors partage de tickets pour Election Générale ; li fine réussi amène sa à 30 pour PTR et 30 pour MMM, malgré bane socioculturel majoritaire fine protesté ki pas bizin donne MMM 30 tickets et avec sa Paul Bérenger ki vraiment ene dimoune intelligent, li conner couma pour faire so travail, malgré tous les jours li ti gagne ene quantité insultes, et li même li ti la cible pour sa bane grand opposants là, li fine réussi dans sa l’alliance PTR-MMM là faire ene grand nettoyage kot Samedi le 15 Novembre 2014, kan fine dévoile la liste candidats pour prochaine élection, 12 ministres et 7 députés Gouvernement Ramgoolam pas fine gagne tickets pour Election Générale pour pose candidature.

 

Maintenant nous analyse sa l’accord concernant Réforme Electorale et 2^ème République. Si dans sa l’accord là ena kit hypocrisie, kot apé rode servi Bérenger pour li révine au pouvoir, bé Insha-Allah, nous bizin faire beaucoup duah ki bane ki ena l’esprit satanique pas pou réussi et ki Allah (swt) faire li alle dans poubelle de l’histoire. Kan mo pé étudié sa 2^ème République proposé par PTR-MMM, c’est Président de la République qui pou en position de force. Après ki analyse l’article 4 (a) (ii) de l’accord électoral entre les deux partis, fine stipulé : « The Prime Minister shall give effective consideration to any recommendation of the president to appoint and revoke a Minister. » (C’est-à-dire, Le Premier Ministre pou donne ene considération sérieux à n’importe ki recommandation du président pou nomme ou révoque ene Ministre.)

 

Le mot « shall » (c’est-à-dire, pou) signifie ene obligation pou capave « effectively consider » (considère sérieusement et avec succès) la recommandation du Président. Le Premier Ministre pas pou ena bane pouvoirs sans limites, li pas pou capave exercer sans être soumi à ene l’autorité supérieure (c’est-à-dire, le président). Li pas pou capave ignore recommandation du président. Astaire nous guette lors l’obligation de « give effective consideration » (donne ene considération sérieux et avec succès)? Pour moi personnellement le premier ministre pou ena, là aussi ene obligation pou exécute recommandation du président. Toutefois, bane termes ki fine utilisé demande à être éclaircis. Alors ki sa clause là oblige le premier ministre pou seulement considère sérieusement tous bane recommandations du président concernant la nomination et la révocation d’ene ministre. Pour moi le premier ministre li pas obligé pou suivre bane recommandations du président. Selon la constitution, le premier ministre li le seul maître à bord. Selon la constitution toujours, seul le premier ministre décide de la nomination ou de la révocation d’ene ministre, même si lors papier c’est le président de la république qui exécute sa décision là. D’après l’article 60 (4) de la constitution, c’est uniquement lors conseil du premier ministre ki ene poste ministérielle pou capave être déclaré vacant par le président. Le président pas capave, de so propre gré, nomme ou révoque ene ministre.

 

Insha-Allah, mo pour faire bane recherches encore lors sa sujet là et Insha-Allah, vendredi prochain ki Allah (swt) donne moi encore le Tawfiq pour cause encore un peu lors sa bane sujets ki vraiment bien floue dans l’esprit de bane dimounes, et mo faire duah avec Allah (swt) pour éclaire moi encore lors sa sujet de Election Générale 2014 à Maurice là ki beaucoup Mauriciens, Rodriguais etc. de n’importe ki religion pé pose moi question directe, ena par lettre et d’autres par email. C’est pour sa raison là ki mo fine bizin faire le Khutba Jummah lors sa sujet là et avant mo alle plus devant mo raconte ene rêve ki mo ti faire mercredi 05 Novembre 2014 dans Rodrigues, avant Tahajjud.

 

Mo rêve leader l’Alliance Lepep, Sir Aneerood Jugnauth, ex-leader MSM, ex-Premier Ministre et Président République et ki li même chef de l’Alliance Lepep pour élection le 10 Décembre 2014 et li ena 85 ans. Dans mo rêve mo trouve li bien chic, joli costume lors li – ene très joli couleur et li ensam avec moi et nous pé causer. Nous fine rentre dans ene l’auto et mo pé conduire ; alors mo fine rode takinne li. Mo fine dire li ki Paul Bérenger fine faire ene remake avec ou et faire ou démissionne comme président de la république et dire ou vine lors terrain pour sauve nous pays et ou fine démissionner et mo croire c’est dans l’année 2012 ou sois 2011 ki zot faire remake et voilà azordi Paul Bérenger fine quitte ou à terre (seul) et li alle faire l’alliance avec Navin Ramgoolam – PTR. Li fine faire fausse avec ou. Avec ene sourire li dire moi : « Non, Paul Bérenger ene dimoune intelligent sa. Li ene grand politicien. 45 ans so la vie fini dans politique. Li conne bien ki li pé faire. En fais mo pas contre li moi. Li ena ene stratégie... » Et voilà, mo rêve arrête là même et ti arrive l’heure pour lever pou Namaz Tahajjud.

 

Maintenant mo souhaite dire quelques mots lors la loi islamique. Ki été la loi islamique ?

 

La loi islamique li vine de côté d’Allah et li basé lors la révélation divine. Étant d’origine divine, la loi islamique li différent de la loi de l’homme parski la loi de l’homme li le résultat de bane règlements ou la loi ki l’homme fine établir par so connaissances limité et ki zamais pou capave, avec un succès parfait, produire l’uniformité de conduite dans le domaine de mette en exécution bane actions ki bane dimounes appliqué. En d’autres mots, sa bane la lois de l’homme là zamais pas pou capave réussi produire sa résultat parfait ki la loi divine faire avec so bane normes  spécifiées pour le bien et le mal, la vertu et vice.

 

Bane la lois divines zot bane normes de bonne conduite et zot fourni bane conseils approprié et aussi la guidance, non seulement pou établir ene société bien ordonnée, mais aussi pour faire la distinction entre le « bien » et le « mal ». En tant ki ene système d’obligation bien soudé zot protège bane droits de tous dimounes, et en tant ki ene produit de la sagesse divine, kot c’est Allah tousél ki conné complètement ki zaffaire bien ou pas, alors bane la lois divines assure le bien-être de l’humanité entier. Particularité de la loi divine, c’est ki li éternelle et inchangeable et li contenir bane principes assez larges pour réponde à bane besoins grandissant de la société.

 

Contrairement à sa, bane la lois de l’homme zot fondé lors raizonnement (limité) de l’homme kot dimounes facilement capave tromper dans zot bane décisions et la loi ki zot établir. De plus, sa bane la loi de l’homme là zot fabriqué selon bane besoins de la société et afin pou servi so l’intérêt ; donc sa bane kalité la lois (de l’homme) là zot changer avec le changement dans la société. Zot l’existence dépende lors bane caprices de l’opinion publique ou lors bane caprices et bane fantaizies d’ene léroi (ou Ministre ou Président) au pouvoir et, en tant que telle, zot (sa bane là lois) pas capave représente sa l’unité ki la loi divine apporter et ki traduire par l’uniformité de la société.

 

La loi divine li ene déclaration lors tous bane questions et prévoir tous bane éventualités et c’est sa l’argument ki Quran Shareef mette de l’avant:

 

« Et Nous fine révèle toi (Ô prophète) ene Livre comme ene exposition bien clair de tous bane kitchoses. » (An-Nahl 16: 90)

 

Selon théorie classique, la loi islamique c’est la volonté ki Allah fine révélé, ene système ki fine divinement ordonné qui ena tout commandement et par consékan ki précède et non pas précédée par l’État musulman, qui contrôle et non pas contrôlé par la société musulmane. La loi divine ena tout pouvoir à la fois lors la société et l’Etat, li précède tous les deux, parski l’Etat existé pour le but même pou faire respecter la loi. L’objectif de la loi c’est pou fourni le droit chemin ou sa telle norme de caractère qui pou prend plaisir pou servir l’humanité. La loi divine li seulement ene ensemble de bane droits et de bane devoirs, éternelles et justes, ki fine concevoir (par Allah) pour tous les temps et pour toute l’humanité.

 

En conception islamique Allah (l’Unique et Suprême) Li le Souverain et la Source de la loi, de bane droits de l’homme et à Li ki tous dimounes bizin obéir. L’homme doit So Créateur, so Maître absolu, Allah (twt) tout l’obéir. Le fait ki Li pas seulement Omnipotent (kot Li ena tout pouvoir, Li faire saki Li oulé) mais aussi Li Omniscient (Li conne tout), et alors bane actions de l’homme zot jugé en fonction de bane l’intentions ou ‘Niyah’. Ceci étant caractéristique important de la loi islamique, ene croyant li oblizé respecté sa bane la lois d’Allah là avec beaucoup de sincérité et de bonne foi. La science islamique de jurisprudence (c’est-à-dire, théorie ou philosophie de la loi), appelle sa « Fiqh ».

 

« Fiqh » signifie littéralement compréhension ou connaissances. « Fiqh » li la connaissance de saki en faveur de nafs (l’égo ou moi) de l’homme, et saki contre so nafs (l’égo ou moi). En d’autres mots, le « Fiqh » c’est la connaissance de bane kitchoses ki permette à ene dimoune pou ki li faire, et aussi bane kitchoses ki fine interdit li pou faire, y compris bane infractions de commission (pas par exprès) et d’omission (ki li omette pou faire, par exprès). Dans sa sense là, li ene connaissance ki mette l’accent lors l’étendue et bane limites de la liberté de l’homme; en d’autres mots, c’est la connaissance de bane droits et de bane obligations.

 

La loi islamique ena le caractère d’ene obligation religieuse ki ene croyant ena pou accomplir. La loi d’Allah li reste la loi d’Allah, même si personne pas mette li en pratique. Bane croyants, même si zot reste en dehors de bane territoires de l’Islam, zot lié par la loi (d’Allah), car la loi fine révélé pour lié bane croyants comme bane individus, n’importe kot sa zot été. La loi prend en compte principalement bane z’intérêts de la communauté; bane z’intérêts personnels de sak dimoune zot protégé seulement dans la mesure kot zot conformes zot à l’intérêt commun de l’Islam.

 

Mo termine mo Khutba Jummah lors sa sujet là ici même pour aujourd’hui, et mo fer duah avec Allah, ki Li donne moi le Tawfiq pour contigner le même sujet vendredi prochain, Insha-Allah.

Écoute le Khutba Jummah du Khalifatullah Munir A. Azim en intégralité (Audio)