بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

29 Août 2014 ~

(02 Dhul-Qaddah 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Par la grâce d’Allah mo contigné mo Khutba aujourd’hui lors l’explication de bane versets de Surah Al-Fatiha ki mo ti commencé vendredi passé.

 

Signification de Surah Al-Fatiha (Versets 6 & 7):

 

« Ihdinas Siratal Moustaqeem » veut dire : Guide-nous lors le droit chemin, le chemin de l’Islam (soumission totale à la volonté d’Allah), le chemin de Imaan (la foi), le chemin de Ihsaan (kot nous adore Allah comme si nous pé trouve Li et si nous pas capave arrive à sa niveau là, alors au moins nous réalisé ki Li, Li pé trouve nous), le chemin de Taqwa (la piété) kot nous faire zéffore pou accompli et réponde présent dans tout saki Allah fine ordonne nous pou faire, et pou absent dans saki Allah fine défanne nous pou faire, ki li avec nous l’esprit, nous lizié, nous zoreilles, nous la bouche, nous li pieds, nous la mains et tous les autres parties de nous lé corps .

 

Allah enseigne nous pou demande Li ene tel chemin afin ki nous vine parmi bane qui réussi dans sa le monde là et dans l’autre aussi.  Et si, par la grâce de Dieu, kikaine arrive de temps en temps de So part pour indique nous sa droit chemin là et guide nous, et li arrive à possède par la grâce d’Allah ene connaissance de l’inconnu/l’invisible, alors couma nous pou bizin appelle li sinon par le titre de prophète d’Allah ?

 

Si nous appelle li Muhaddath, sa li pou contraire à signification ki dictionnaire donné pour le mot tahdith, mot qui forme racine de mot Muhaddath. Tahdith pas veut dire révélation de l’invisible. Par contre le mot Nabuwwat ena ene telle signification. Le mot Nabi li commun dans langue Arabe et Hébreu aussi, et li dérivé de mot Naba qui veut dire, gagne la capacité pou recevoir la révélation divine et pouvoir de la prophécie. Pour vine ene Messager d’Allah, li pas toujours nécessaire pou être So messager ou porteur d’ene nouvo la Loi ki vine de Li (Allah) : Bizin seulement conne bane secrets de l’Inconnu/l’Invisible. Nous bizin garde à l’esprit ki bane disciples du Saint Prophète (saws) fine recevoir la promesse ki zot pou gagne tous bane faveurs ki Allah fine donné auparavant à bane prophètes et à bane Siddiques (bane ki servi zot bane prophètes avec ene dévouement extraordinaire dans tout situations et épreuves pareil couma Abu Bakr (ra) fine servi le Saint Prophète (saws)) – bane tels faveurs ki consister de bane dons de la prophécie et de prédiction et ki distingue bane prophètes. À part bane prophètes et bane messagers le Quran Shareef nié le don de la connaissance de l’inconnu à tous bane les autres dimounes, pareil couma Allah fine mentionné dans sa verset là : « Li pas révèle So bane secrets de l’invisible à personne excepté à celui ki Li fine choisir comme So Messager. » (Al-Jinn 72 : 27)

 

De ce fait, bizin être ene prophète même pour gagne ene telle connaissance. Verset de Surah Al-Fatiha ki vini après confirme sa.

 

« Siraatwal-lazinaa an am’ta alayhim Ghayril Magzuubi alayhim walaz zwaliin. » veut dire : Le chemin de bane ki To fine comblé de faveurs (faveurs de bane prophètes, et Messagers d’Allah); non pas (le chemin) de bane ki fine attire To colère et ki fine égarer.

 

Alors dans le même sens de sa verset là, sa aussi veut dire : « Accorde-nous bane faveurs (prophètes) ki To fine accorde à bane les autres... » et sa amplement témoigne au fait ki Allah pas fine nié bane disciples du Saint Prophète (saws) d’ene telle connaissance, ene telle connaissance qui exigé ki bizin arrive à statut de prophète et de Messager en soumettant complètement à direction spirituelle du Saint Prophète (saws), et alors sa Choisi d’Allah là li  inévitablement arrive à la conclusion ki pour obtenir ene telle faveur li bizin vine ene double parfait, ene Zill (reflet) du Saint Prophète (saws), et pou fonne li-même complètement dans li (saws).

 

Quand Allah (swt) fine donne moi bane révélations divines et fine élève moi avec ene Jamaat, couma eski mo capave refuse ki appelle moi Messager et Prophète d’Allah, et surtout quand c’est Allah (swt) Li-même qui fine nomme moi de sa façon là? Qui mo été pour refuse sa bane titres là, et ki faire mo bizin ena la crainte de l’homme au lieu d’Allah ?

 

Mo ene prophète, oui, mais seulement dans le sens ki mo pas ene prophète indépendant ou ene Messager porteur d’ene la loi divine. Si dimounes dire ki mo ene prophète ki fine amène ene l’autre la loi et ki mo ene prophète indépendant (ki pas attaché avec Nabuwwat de Hazrat Muhammad (saws), alors oui, dans sa sens là ki mo refuse ki appelle moi Nabi ou prophète. Mais certainement mo ene prophète dans le sens ki mo fine bénéficié spirituellement de l’aide de mo Grand Maître Noble et ki mo fine recevoir en So nom ene connaissance de bane secrets de l’Inconnu.

 

Encore ene fois mo ré-dire ki mo pas fine introduire aucaine nouvo la loi et ki zamais mo fine refuse pou être appeler prophète dans le sens ki mo fine fek mentionné (c’est-à-dire, celui de non-porteur de loi). D’ailleurs, couma mo fine dire ou, Allah Li-même fine appelle moi prophète et messager, aussi mo pas trouver ki faire mo pas pou porte sa bane titres là.

 

« Mo pas ene prophète et mo pas fine apporte aucaine la Loi » veut dire ki mo pas ene prophète porteur de Loi. Mais faudé pas oublier sa fait important là, ki quoique fine appelle moi prophète, mais seulement mo pas fine recevoir sa bane titres et bienfaits là par moi-même, et sans l’assistance de kikaine. Non ena dans léciel ene personnage saint, le Saint Prophète Muhammad (saws), et c’est par so patronage spirituel ki Allah fine accorde moi tous sa bane faveurs spirituelles là. C’est par so l’intermédiaire après ki mo fine plonge moi complètement dans so l’être, et après ki mo fine être élu comme ene Muhyiuddin, ene Khalifatullah et ki mo fine gagne le don pou conne l’inconnu/invisible (par la volonté d’Allah), c’est en cela ki mo statut li pas ditout en conflit avec le statut de Messager du Sceau de bane prophètes, Hazrat Muhammad (saws).

 

Mo fine arrive à sa position là parski mo fine capave refléter dans mo l’être tous bane vertus du Saint Prophète et kot mo fine perdi mo-même dans so l’amour. Allah (swt) fine appelle moi Khalifatullah (So Calife/ Khalifa d’Allah) et Muhyiuddin (Celui ki faire revivre la religion) dans mo bane révélations, parski sa en aucaine façon pas contradire en rien la grandeur et à la dignité du Saint Prophète Muhammad (saws) en tant ki Sceau de bane prophètes. Li évident ki l’objection de mo bane adversaires contre la venue d’ene prophète après le Saint Prophète qui, d’après zot pou casse le sceau de bane prophètes li non-fondé. Mo affirmé ki pas ena nannié dans mo déclaration ki capave paraitre contre le statut du Saint Prophète (saws) comme Sceau des prophètes.

 

De ce fait, mo mission li pas moindrement contre la mission du Saint Prophète (saws). L’ombraze li inséparable de sa vrai substance là, et sa c’est ene parabole pour faire zot mieux comprend. Ene dimoune ena ene l’ombrage, et sa l’ombraze là li inséparable avec li. Malgré ki l’ombraze là li inséparable avec sa dimoune ou substance ou création d’Allah là, mais selment nous pas capave dire ki l’ombraze li sa dimoune là même. De même, le Saint Prophète (saws) pou reste le Sceau de bane prophètes, et couma ene l’ombraze ki suive so propriétaire, bane prophètes de so l’Oummah pou toujours reste attaché avec li, et pas pou capave vine bane prophètes indépendant. Celui qui accuse moi pou révendique autre chose ki saki mo fine fek déclarer li ene menteur et ene kikaine ki content fanne désordre. Mo le Khalifatullah, Muhyiuddin de sa siècle là et c’est Allah (swt) ki fine donne moi sa bane titres/grade là, pas dimounes. Mo propre personnalité pas nannié là-dans; mo l’âme, en fait tout mo l’être, li rempli d’ene l’amour pour Allah (swt), So prophète Hazrat Muhammad (saws) et So Messie du siècle passé Hazrat Mirza Ghulam Ahmad (as).

 

Mo termine ici pour dire ki mo bane adversaires pou reste bane ignorants et bane méchants si zot contigner accuse moi de menteur. Ki Allah ouvert zot lé cœurs après avoir ki zot fine tende plusieurs de mo bane Khutba Jummahs, et discours lors sa sujet là. Insha-Allah.

 

Et pour terminer pour aujourd’hui lors le sujet très spécial de Surah Al-Fatiha, li renferme le secret de la venue de bane prophètes, parski c’est ene appel avec Allah le Tout-Puissant pou ki Li contigner envoye So bane prophètes pour la sauvegarde de l’âme de l’homme, pour maintenir li lors le chemin de la foi et la félicité divine. Sans bane prophètes d’Allah, l’homme pou laisse li alle à la dérive et tombe sous l’influence de bane l’effets sataniques, et en vérité la venue de bane prophètes li capitale dans L’Oummah Muhammadiyya (saws) et sa (c’est ene vérité ki pou contigner exister) jusqu’au dernier jour (le Jour du Jugement) parski l’appel ki contenir dans Surah Al-Fatiha assure l’homme ki Allah tende certainement so l’appel pou ramène li touzour lors le droit chemin. Ki Allah ouvert zot lizié dans sa siècle là afin ki zot profite de la présence du prophète d’Allah ki Allah fine envoye pour zot azordi jours pou guide zot vers zot Créateur, zot vrai bonheur. Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)