بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
31 Janvier 2014 ~
(28 Rabi’ul Awwal 1435 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
اِنَّ الدِّیۡنَ عِنۡدَ اللّٰہِ الۡاِسۡلَامُ ۟
‘Innad-Diina ‘indallaahil-Islaam.
« En vérité, (vraie) religion dans lizié Allah, c’est l’Islam. » (Al-Imran 3: 20)
Si l’Islam li le véhicule de la vie, alors le Saint Prophète Muhammad (saws) li représentation de vraie façon de vivre, kot li représente l’exemple parfait de couma ene humain, spécialement ene vrai serviteur d’Allah bizin vine pour Allah dans sa le monde temporaire là, malgré ki li (l’homme) li ena deux natures dans li, kot d’ene côté li capave bon, kot li ena bane bons qualités dans li, et de l’autre côté kot li capave manifester bane mauvais qualité, bane qualités sataniques dans li.
L’Islam guide l’homme pour perfectionne li pour Allah, et non pas pour sa lé monde là et tout saki li contenir. Le monde li temporaire alors ki le Créateur de l’humanité li existé pour toujours. En effet, Li (Allah) na pas ena ni commencement ni la fin. Li (Allah) là pour tous les temps, et So présence et So apparence zot au-delà de conception de l’homme, kot l’homme pas ena la capacité pou concevoir couma Allah été réellement.
Le Saint Prophète Muhammad (saws) au cours de so la vie lors la terre fine montré vraie chemin de la vie ki l’homme bizin prend et vrai façon de vivre ki li bizin amène so la vie, et li fine montrer tout sa par so propre l’exemple. C’est ene de bane devoirs fondamental du sceau de bane prophètes, ki li donne bane telles guidance ki pou non seulement marque bane dimounes de so l’époque, mais aussi l’humanité dans so l’ensemble, et sa ziska le Jour du Jugement.
Allah dire dans Quran Shareef :
« Ou forme le meilleur des communautés ki existé pou l’humanité. Ou ordonne séki correcte; ou empêche séki malpropre, et ou ena la foi en Allah. » (Al-Imran 3: 111 )
Plus devant dans Surah (Ibrahim 14 : 25-28), Allah dire :
« Eski to pas trouvé couma Allah servi ene bon parole comme exemple. Sa li couma ene bon pié, avec bane racines ferme et avec bane branches ki (monte) dans léciel. Li donne bane fruits tout les temps par la grâce de so Maître. Allah donne dimounes bane l’exemples pou ki zot réfléchi. Et ene mauvais parole, li pareil couma ene mauvais pié, ki (facile) déraciner depuis surface la terre ; li pas tini ferme. Allah renforci bane ki ena la foi par ene parole ferme, lors la terre et dans la vie future. Mais bane ki faire du tort, Allah laisse zot égarer. Allah faire séki Li oulé. »
Ainsi, capave aussi compare l’Islam à ene joli jardin ki bizin occupe li avec beaucoup d’attention et d’amour afin ki bane plantes, bane z’arbres ki trouve là-dans capave produire bane fleurs et bane fruits extra doux. Si l’homme li transforme li-même en ene véritable plante de l’Islam, kot li prend soin de so la foi avec beaucoup de précaution et veille à so progrès quotidien dans la spiritualité pour la cause et le plaisir d’Allah (twa), alors il arrive à préserve verdure et fraîcheur de sa jardin là. Mais quand sa jardin là li abandonné par l’homme, alors, Allah pas laisse sa situation là continuer coumsa pour longtemps. Couma Allah fine promette dans Quran, Li pou toujours Gardien de l’Islam et pas pou laisse so bane l’enseignements bafoué.
Kan bane tels moments vine apparents, kan l’homme fine largue la corde de la foi et de l’Islam, alors Allah élève So bane élus pour montrer à l’humanité couma pour prend soin de sa jardin là, couma pou prend soin de bane piés ki trouve là-dans afin ki zot capave grandi pour produire bane zoli fleurs et fruits. Bane fruits de sa travail là zot connu seulement par la volonté d’Allah, kan Li trouvé ki l’homme pé réformer, afin pou mieux conforme li à l’Islam – soumission à Allah avec tout so lé cœur, et sans hypocrisie.
Si jardin de l’Islam li pas entretenu par sak personne, en particulier la communauté musulmane ki ena comme mission pou faire de so la vie, kot sak musulman bizin fer li-même en devoir pou adapter so la vie à l’Islam à sak étape de sa parcours ki li fine entreprendre là, alors sa jardin là, si li pas entretenir li, alors li pou dépéri et so bane zoli fleurs attirants et parfumé pou tomber. Nous capave compare li (l’état de l’Islam de nos jours) aussi à ene bâtiment, ki malgré ki li fine compléter, mais li fine développe bane fissures à travers le temps. Pourtant, so propriétaire (l’homme) pas pé prend li compte et pé laisse li détériorer encore plisse ziska li dégringoler complètement. Ou nous capave compare li à ene situation kot sak membre d’ene la caze fine touché par ene maladie mortelle, mais ki sakaine insisté ki zot pas bizin ene docteur pou donne zot bane médicaments pou ki capave enlève sa maladie là.
Par conséquent, li clair dans bane l’enseignements du passé, ainsi ki dans Quran et Sunnah ki Allah pou élève So bane Élus, bane tels guides ki pou vini pour préservation de vraie la religion, vrai mode de vie de l’homme, c’est-à-dire, l’Islam. Et c’est ene promesse ki bizin accompli par Allah ziska le jour du jugement dernier, de sorte ki jardin de l’Islam reste libre de toutes sortes de parasites, de bébéttes ki capave vini pou détruire sa jardin là.
D’après Quran Shareef et Hadith, l’apparition du Messie et Mahdi li nécessaire afin pou consolide l’Islam lors tous côtés. Bon nouvelle de la venue de Mahdi et Messie Promis (as) fine transmette de génération en génération. Le Saint Prophète Hazrat Muhammad (saws) fine dire :
« Ki pour zot l’état kan garçon Mariam, pou dessane parmi zot et li pou vine zot Imam de parmi zot-même. » (Bukhari)
De sa Hadith là, fine mal déduire ki Jésus – Hazrat Isa (as) fine reste en vie pendant plisse ki 2000 ans dans léciel et ki li pou révini dans bane derniers jours pou réforme l’humanité, y compris bane musulmans.
Sans rentre dans profondeur de sa sujet là, séki toutefois mo bizin attire l’attention de sa bane frères musulmans ki ena bane tel l’opinion là, c’est ki na pas ena kitchose ki pli abéssant ki sa pour l’honneur du Saint prophète de l’Islam (saws) ki ou gagne bane tels mauvais croyance coumsa là.
Eski zot penser ki si le Saint Prophète (saws), le meilleur de parmi tous bane créations d’Allah, et ki c’est à cause li ki Allah fine créer l’univers en entier, alors si ene tel excellent dimoune fine goûte la mort pareil couma tous bane les autres prophètes avant, alors eski zot penser ki Jésus, fils de Marie, pou reste en vie dans léciels pour plisse ki 2000 ans ?
Nous lire dans Quran:
« Nous pas fine accorde à personne l’immortalité avant toi. Si alors to ena pou mort, eski zot, zot pou vive éternel ? » (Al-Anbiya 21: 35)
Kan nous dire ki sa croyance là exister (kot ena certains dimounes ki croire) ki Jésus , fils de Marie, fine reste en vie dans léciel pendant plisse ki 2000 ans et ki li pou révine lors la terre pour réforme bane musulmans, alors eski sa bane là croire ki bane suivants de l’Islam et du Saint Prophète Muhammad (saws) pou vine tellement immorals ki pas pou ena même ene sel d’entre zot ki Allah pou capave élévé pour la réforme de bane musulmans et ki « ene prophète pour bane Juifs » bizin garde en vie pour quelques 2000 ans pou ki li capave révini et cette fois-ci dirige bane musulmans ?
Mo demande à bane musulmans ki ena bane tels l’opinion pou réfléchi bien lors sa verset Quran ki mo pou mette devant zot là :
« Et Allah pou enseigne li le livre et la sagesse, et aussi Tauraat et Injeel. Et Li pou envoye li (comme prophète) pou peuple Israël. » (Al-Imran 3: 49-50 )
Si li (Jésus) révini couma ene messager pour l’ensemble de l’humanité, eski bane musulmans pou alors modifier sa verset ki trouve dans Quran Shareef là et mette dans so place : « Ene prophète pour le monde en entier. » ?
Kan nous réfléchi lors Hadith kot pé annonce deuxième venue de Jésus, alors nous trouver ki solution de sa question là li trouve dans Hadith là-même. Le Saint Prophète de l’Islam (saws) ti tellement parfait dans so bane paroles ki personne pas fine ozé donne bane les autres significations à saki li fine dire. Traduction littérale de sa Hadith c’est, ki pou zot condition kan Jésus, fils de Marie, pou vine parmi zot et li pou ene Imaam de parmi zot-mêmes ?
L’expression « parmi zot-mêmes » ki fine produire deux fois dans même Hadith montrer clairement ki le Mahdi bizin apparaite parmi bane musulmans zot-mêmes et non pas ene l’autre communauté. Sa signifie ki le Mahdi et le Messie Promis pou ene dimoune d’entres bane ki vivre lors la terre et li pas pou ene ancien prophète ki pou déssane dépi lors lé ciel.
Kan ti pose Jésus sa question là à propos de Élie, ki, d’après ene prophécie ti bizin déssane dépi léciel avant li, alors so réponse ki li fine donné c’est ki Élie fine fini vini en forme de Jean-Batiste (Yahya). (Matthieu 17 : 10-13 ; Mark 8 : 11-13 ; Luc 1 : 17 )
Sa montrer clairement ki sak fois ki ene prophécie ki réfère à descente d’ene prophète (dépi léciel vivant) sa signifié ki ene l’autre dimoune pou vini avec so bane qualités et puissance, et non pas même dimoune ou prophète ki pou vini avec so lécorps physique avec disang et la chair. Personne ki fine mort pou réssuscité depuis bane morts pou accomplir sa prophécie là.
De ce fait, nous trouver ki encore ene fois aujourd’hui, Allah pas fine abandonne l’Islam et bane musulmans. Pareil couma Li fine envoye le premier Messie islamique dans ene lé monde en ruines, ena plisse ki cent ans de cela, Li fine honore So promesse encore aujourd’hui kan Li fine envoye ene deuxième fois le Messie parmi bane disciples de so premier Messie afin pou tenir ferme sa même flambeau et pou marcher vers la victoire. Sa victoire là li pas autre ki le rétablissement de la véracité de l’Islam, pou rendre le jardin de l’Islam beau à nouveau de sorte ki li capave vine ene plaisir pour lizié, lé cœur et l’âme de l’homme; Séki signifie ki kan l’homme pou consomme sa bane fruits spirituels là, bane fruits de la foi, so la vie pou changer pour tenir compte de so beauté et lumière divine intérieure.
Le Saint Prophète (saws) li-même fine appelle le Mahdi Promis à venir « Isa » (Jésus) et sa indiqué clairement ki le Mahdi attendu li bizin ene prophète ; pas réellement ene prophète porteur de loi, mais ene reflé de so propre mission de prophète ki ene mission porteur de loi finale. Et de so bane paroles, li paraite clairement ki c’est pas seulement ene Mahdi tousél ki l’Oummah pé bizin attane, mais beaucoup de Mahdis et de Messies ki pou représente l’espoir de l’Islam kan l’Islam pou trouve li en danger.
Ki nous été nous donc, si nous pas bane suivants de sa meilleur dimoune, meilleur créature ki Allah (swt) fine crée et kot donc Allah fine honore nous avec So l’amour et tendresse particulier à cause l’amour immense ki nous ena pour Allah et So Prophète Bien Aimé Hazrat Muhammad (saws)? Ki Allah satisfait de sakaine de nous dans Jamaat Ul Sahih Al Islam et ki la victoire d’Allah briyé lors nous afin ki bane dimounes dans tous coins le monde reconnaite la vérité ki Allah fine manifester dans sa l’époque là par l’avènement de sa humble serviteur d’Allah là (le Khalifatullah) et Jamaat Ul Sahih Al Islam, Insha-Allah, Ameen.
