بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

31 Octobre 2014 ~

(06 Muharram 1436 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

Alhamdulillah Summa Alhamdulillah, Allah (swt) fine choisir et donne préférence à certains jours et heures ki spécial et sacré dans nous la religion (Deen-e-Islam). Couma beaucoup d’entre zot conné maintenant, le mois sacré de Muharram (ki commence  nouvo l’année islamique et ki fine appellé comme « le mois d’Allah » par le Saint Prophète Muhammad (saw) - rapporté par Mouslim), alors sa mois sacré là fine commencé dimanche dernier le 26 octobre 2014. Nous fine alors rentre dans l’année 1436 de l’Hégire, et aujourd’hui c’est le 06 Muharram 1436 (Après l’Hégire – après Hijrat de Hazrat Muhammad (saw) de Makkah à Madina).

 

Muharram c’est le premier mois du calendrier islamique et c’est pendant sa mois là-même (le 10 Muharram) ki Imam Hussein et so bane compagnons fine Shaheed (martyre) dans la mains de Yazid et so bane soldats. Ainsi, le mois de Muharram, l’année 61 de l’Hégire, bane lécœurs fine affronte zot dans ene bataille; certains ti en faveur pour la sauvegarde de la sainteté de l’Islam, tandis ki bane les z’autres ti contre l’esprit même de l’Islam. Zot fine transperce lécœur de l’arbre de l’Islam et fine réduire en morceaux so bane fruits bien doux. Zot fine essaye pou teigne la lumière d’Allah par tous bane moyens à zot disposition, mais Allah malgré sa fine persister pou rendre manifeste So la lumière.

 

Lors sa bane paroles là, alors par la grâce et l’aide de mo Rab mo contigné série de mo Khutba Jummah  lors le même sujet « Lécoeur » (Partie 6), couma li important pou garde nous lécoeur pur, blanc, et propre; ene telle purification avec beaucoup de repentir, de sorte ki aucaine point de la haine rester dans lécœur, de sorte ki ene l’autre Yazid pas trouve lizour. C’est seulement après ene telle purification ki nous capave établir nous motto (devise) : « L’amour pour tous, la haine pour personne » comme bane vrais croyants, de telle façon ki na pas ena aucaine hypocrisie, et de « Show » (montrer lizié dimoune) dans nous lécœur. Zot capave fer des milliers et des milliers de panneaux, bane autocollants, bane T-shirts kot « L’amour pour tous, la haine pour personne » imprimé lors là, mais si fer sa seulement comme ene « Show », seulement en apparence pour montrer lizié dimounes, seulement pou embellir bane l’enseignes, T-shirt, autocollants, tandis ki en même temps, ou ena beaucoup la haine dans ou cœur, et applique boycotte contre ou bane frères et sœurs musulmans, donc c’est purement hypocrisie et manifestation d’ene lécœur malade.

 

En vérité, bane lécœurs aussi tombe malades. Pareil couma lécorps tombe malade, pareillement lécoeur malade. Quand lizié vine travers, lécoeur aussi vine travers. Allah Ta’ala attire nous l’attention lors sa bane maladies du cœur là dans bane versets suivants du Quran:

 

« O nous Maître! Pas laisse nous lécœurs prend le mauvais chemin après ki To fine guide nous. Accorde nous la grâce ki To tout seul posséder, car c’est Toi le plus grand bienfaiteur. » (Al-Imran 3: 9).

 

En ce ki concerne bane Kaafireen (non-croyants), Allah dire:

 

« Alors, quand zot fine prend chemin travers, Allah ti rende zot lécoeur travers aussi. Allah pas guide dimounes ki dévier du droit chemin. » (As-Saff 61: 6).

 

En ce ki concerne bane Munaafiqeen (hypocrites), Allah dire:

 

« Dans zot lécœurs ena ene maladie, et Allah fine laisse zot maladie augmenter. Zot pou gagne ene punition douloureux, parce ki zot menti. » (Al-Baqara 2: 11).

 

A l’occasion de « Ahzab » (Bane Alliés Ennemies), Allah dire:

 

« Rapplez. Bane hypocrites et bane ki ena maladie dans zot lécoeur dire : ‘Zot la religion fine embête sa bane là’. » (An-Anfaal 8: 50)

 

En ce ki concerne bane hypocrites, Allah dire:

 

« Et quand une Surah (chapitre) révélé, ena parmi zot ki dire : « Eski ena kikaine parmi ou ki so la foi fine augmenter par sa ? » Tandis ki bane ki ena la foi déjà, zot la foi vraiment augmenter et zot réjouir. Quant à bane ki ena ene maladie dans zot lécoeur, li faire zot maladie vine pli sale encore, et zot mort sans la foi. » (At-Tauba 9: 125-126).

 

Autrement dit, dans lécœur dans ki ena ene maladie de l’hypocrisie et de doute. Doute dans l’Islam li ene maladie, parce ki li ene de bane dissensions et perturbations dans lécœur ki bien bizin guérison. Pareil couma li nécessaire pour traite bane maladies du corps, de la même façon, li nécessaire pou cherche ene remède pour bane maladies du cœur.

 

Bane signes de l’hypocrisie et de maladie dans lécœur c’est que l’homme pas soumette li à la loi d’Allah et de So Rassool (saw). Allah dire au sujet de bane Mounaafiqeen (hypocrites):

 

« Et quand appelle zot devant Allah et So Messager pour ki li rende la justice entre zot, ene partie parmi zot éloigner. Mais si la raison dans zot côté, zot vine vers li avec soumission. Eski ena ene maladie dans zot lécoeur ? Ou bien zot ena bane doutes ? Ou bien zot peur ki Allah et So Messager pou persécute zot ? En vérité, c’est zot ki fer du tort. Par contre, parole ki bane croyants dire quand appelle zot devant Allah et So Messager pou ki li juge entre zot, c’est : Nous fine tendé, et nous obéir » et sa bane là pou réussi. » (An-Noor 24: 49-52).

 

Allah Ta’ala fine interdit à bane madames pou cause dans bane tons doux à bane z’hommes étrangers, afin ki zot être sauvé de sa bane dimounes ki ena bane mauvais l’intentions. Et afin ki bane ki zot lécœurs rempli de maladie et bane ki esclaves de zot désires et mauvais maladies pas capave induire zot en erreur par sa bane la voix et intonation doux de bane madames.

 

« Pas dire bane paroles doux (à bane z’hommes), parce ki celui ki ena ene maladie dans so lécoeur va désire ou ; mais dire zot bane paroles convenables. » (Al-Ahzab 33: 33).

 

Alors, couma mo fine mentionné dans mo Khutba Jummah la semaine dernière, bane madames ki familier et mixe zot librement avec bane z’hommes dans différents fonctions, bane lieux de travail, commerces, bane établissements d’enseignement et ki cause dans bane tons (la voix) doux bizin ena la crainte Allah Ta’ala concernant sa comportement là, et zot bizin réaliser et mazine la vie après la mort kot zot pou ena pou alle rende compte de zot action devant Allah Ta’ala. Quant à sa bane frères, papa, maris et garçons, si zot ena croyance ferme (dans Allah), alors zot bizin prend garde de sa bane interdictions d’Allah là. Rappelle zot ki Allah Li le plus modeste et bane croyants aussi bizin modeste dans zot comportement.

 

Mo termine mo Khutba Jummah lors sa sujet là ici aujourd’hui et mo fer duah avec mo Rab, mo Allah (swt) ki Li donne moi la connaissance (le Ilm) pour explique zot la semaine prochaine dans mo lotte Khutba Jummah lors bane remèdes pour bane maladies du cœur. Ki Allah (swt) montré moi bon façon pou explique zot couma guéri bane maladies du cœur dans mo prochain Khutba Jummah, Incha-Allah Ta’ala Al-Aziz.

 

Avant mo terminer, mo tenir à informe zot à propos d’ene accident ki ene de nous bane frères de Kerala, Muhammad Sabir Sahib fine bizin subir avant-hier, et hier li fine bizin fer ene grand l’opération car li ti dans ene l’état critique. Alhamdulillah, malgré l’étendu et gravité de la situation, mais Allah Ta’ala fine donne li ene nouveau la vie pou ki li vivre li Insha-Allah avec courage, l’espoir et confiance dans Allah (swt). Ki Allah donne li, so madame, la famille et nous bane membres du Jamaat aussi ki fine reste solidaire avec li dans so moment de difficulté la patience, le courage et confiance dans Allah et ki Allah enlève tous bane difficulté de zot chemin et récompense zot par bane bienfaits du paradis éternel le plus haut ene jour, et ki Allah ouvert zot chemin dans sa le monde là pour ki zot vivre zot la vie couma bane vrai Musulmans, bane Sahih al Islam comme au temps du Saint Prophète Hazrat Muhammad (saw) ki arrive saki arrive fine lutter pour vivre zot la vie d’après bane commandements divines, en soumission à bane volonté d’Allah. Insha-Allah. Ameen. Ki Allah fer zot tous dans le Jamaat Ul Sahih Al Islam Mubarak ! Ameen Summa Ameen, Ya Raboul Aalameen.

Écoute le Khutba Jummah du Khalifatullah Munir A. Azim en intégralité (Audio)