|
In the times of Jamaat Ahmadiyya al Mouslemeen Discours de Hazrat Muhyi-ud-Din Munir Ahmad Azim à l'ocassion SEERAT-UN-NABI (saw) |
|
SEERAT-UN-NABI – 15 AVRIL 2006 "Laqad kaana lakum fii Rasuulil-laahi ‘Uswatun Hasanatul liman kaana yarjullaaha wal Yawmal-Aakhira wa zakarallaaha kasiira." - Ou fine gagne dans Prophète Allah (s.a.w) ene exemple parfait, pou celui qui mette so l’espoir en Allah et dans le dernier jour, et qui rappelle Allah beaucoup. (Surah Al Azaab V.22) Tous bane prophètes (a.s) ki fine vini avant l’avènement de l’Islam, zot fine vini pour prépare la venue du Rahmatul lil Aalameen (Bénédiction pour tout l’Univers), le Sceau des Prophètes, Hazrat Muhammad (s.a.w). Hazrat Muhammad (ki signifié « le loué ») (s.a.w) so nom complète c’est Muhammad ibn Abdullah ibn Abdul Muttalib. Pareil couma Hazrat Ibrahim (a.s) li connu comme le Père de l’Islam, ferme en l’unicité d’Allah, Hazrat Muhammad (s.a.w) fine récolté de ça faveur ki so ancêtre bien-aimé fine semer. Ça la grain là c’est l’Islam et aujourd’hui ça même la grain fine rapporte so bane fruits extrêmement délicieux. Pareil couma Hazrat Yusuf (a.s) ti connu pour so beauté extraordinaire, l’arrivée de Hazrat Muhammad (s.a.w) témoigne d’ene beauté physique et spirituel ki fine conquérir l’Arabie entière pendant so vivant même. Li fine hérite de bane qualités exceptionnelles de bane prophètes ki ti vini avant li, et Allah (swt) fine complète So bane faveurs en la personne de So Rassool, So Habib (Bien-Aimé) et So Khalil (Camarade) ki ene Miséricorde pour tout l’univers. Quand nous guette so la vie, nous pou trouver ki li ene zenfant ki fine perdi so papa avant même so naissance. So maman ti appelle Amina. C’est à l’âge de 6 ans ki nous Bien-Aimé Prophète (s.a.w) fine perdi so maman pendant ene voyage kot en route, dans ene l’endroit ki appelle ‘Abwa’ li fine assister la mort de so maman chéri. Après ça, c’est so dada Abdul Muttalib ki fine prend la relève pour occupe li et deux ans plus tard, li aussi fine quitte ça le monde là pour l’autre le monde. Hazrat Muhammad (s.a.w) ti éna 8 ans kan ene de so bane chacha fine accueille li avec tous so l’amour dans so la caze. So chacha ti appelle Abu Talib et li ti ene commerçant appartenant à la famille Hashim de la tribu des Quraishs. Pareil couma so naissance et bane évènements ki fine suive so naissance béni ti extraordinaires, et ti ene avant goût de so caractère majestueux et suprême ; pareillement, so bane comportements et manières depuis so tendre enfance ti bien différents de bane les autres zenfants. Pendant so vivant, so dada Abdul Muttalib ti réalise ça fait là et ti pé respecté li énormément. Chacha du Saint Prophète (s.a.w) Abu Talib ti éna l’habitude pour dire : « Jamais nous fine tende aucaine mensonge ki fine sorti de la bouche de Mohammad (s.a.w), ni nous fine trouve li mal conduire li ou faire mauvais. Jamais li ti pé rier fort kot pas nécessaire ni li ti pé prononce bane paroles insensés et la plupart du temps li ti tout seul. Éna ene anecdote de so l’enfance ki rapporté ki jamais Hazrat Muhammad (s.a.w) ti pé mange bane manger ki so source pas correct, ki incertain et ki fine interdit par Allah (swt). Allah toujours ti avec li et ti pé guide li dans so bane activités. Hazrat Muhammad (s.a.w) fine subir bane difficultés ki liés avec le fait ki li ti ene orphelin mais dépi so l’enfance ziska so l’adolescence et même so full maturité, li fine gagne au début l’affection de so dada, de so chacha Abu Talib ki malgré ki li-même ti éna plusieurs zenfants, li fine accepté de bon cœur pour élever so neveu (s.a.w) comme so propre garçon. Éna ene poème ki Abu Talib fine écrire lors so bien-aimé Muhammad (s.a.w) ki comme suit : Assurément le Prophète Muhammad, garçon de Aminah, Quand li ti pé attrape l’arrêt de mo chameau, Mo fine traite li [Muhammad] couma ene proche famille ti bizin traite li, Mo fine ordonne li pour circule parmi so bane oncles paternels, Zot ti pé voyage ziska bane places bien loin, Kot finalement bane peuples de Busra fine trouve li, Li [le moine] fine raconte zot ene vrai anecdote concernant li [Muhammad], Ene groupe Juifs fine aussi trouve séki li [moine là] fine trouver : Zot [bane Juifs là] fine rode alle tuer Muhammad, et li fine empêche zot, Avek le temps, malgré tous bane difficultés et même après so proclamation à l’âge de 40 ans comme le Prophète d’Allah, Abu Talib fine continuer supporte li et donne li so protection et so l’amour malgré le fait ki li pas fine rentre dans l’Islam. Mais li conné ki so neveu jamais fine cause ene menti dans so la vie et à ça l’époque là avant so proclamation, tous dimounes ti conne li comme « Muhammad Al Amin » (Muhammad le digne de confiance). Même malgré boycotte ki bane Qureishs ti metté contre bane premiers disciples de l’Islam, Abu Talib ti exilé ensam avec zot dans ‘Shabd Abu Talib’ à cause de so support, protection et l’amour ki li fine accorde so neveu (s.a.w). Li ti ene oncle généreux, ene papa dévoué et ene gardien rempli de compassion pour Hazrat Muhammad (s.a.w). Li ti fière ki li éna ene « garçon » ki éna bane qualités exceptionnelles tel que : la générosité, bon tempérament, bonne conduite envers so bane voisins, la tolérance, véridique, digne de confiance, et ene kikaine ki à tout prix ti pé éloigner avec bane vices ki à l’époque ti rempli la vie de bane Arabes dans la Mecque et partout dans l’Arabie en général. Le Saint Prophète de l’Islam (s.a.w) ti possède le degré par excellence de statut de prophète et le chef suprême de parmi tous bane créatures de l’univers ki Allah fine élevé parmi bane Arabes dans l’époque de l’ignorance. So bane façons pour deal avec bane dimounes et so façon de vivre ti tellement simple et doux ki tous bane dimounes ti envie rapproche avec li tellement Allah ti mette ene lumière divine dans so le cœur et ki ça même lumière ti pé réflecter lors so visage béni. Chaque visiteur/étranger ki ti pé envie joindre li ti pé reste guette li-même et zot ti pressé pou conner kan zot vini pour trouve li. Hazrat Muhammad (s.a.w) pas ti éna aucaine l’amour pour bane richesses et bane illusions de ça la vie temporaire là. Jamais li fine laisse li tenté par ça et li ti vivre pareil couma ene visiteur lors ça le monde là. Li ti éna l’habitude cause avec bane phrases courtes, ki rempli de signification et personne pas fine tende li ou trouve li interrompre ene kikaine quand li ti pé causer. Quand li ti pé lire Quran, li ti pé lire clairement en prononçant bane syllabes béni du Quran dans ene la voix clair et net. Mais seulement, kan Allah ti ordonne li pour prend zarmes pour faire le Jihad, li pas fine hésité pour obéir so Rab, pour sauve l’Islam, ki bane ennemies ti pé envie à tout prix supprimé (fini) et li ti pé enseigne so bane disciples d’après séki Allah fine révélé. « Muhammad (s.a.w) ene Envoyé d’Allah. Bane ki avec li, zot dur envers bane sans la foi, mais bienveillant entre zot même. To trouve zot cabosse zot le corps et prosterner pou gagne la grâce et la satisfaction Allah. Marque lors zot figure vine de zot prosternation. Voilà couma décrire zot dans Thora. Et l’image ki donné de zot dans l’Évangile, c’est comme ene la grain qui jette so bourgeon et rende li solide. Ensuite li épaissi et li dresser lors so tige. Ça émerveille bane planteur mais li faire bane sans la foi enragés contre zot, parcequi Allah fine promette bane qui éna la foi et faire de bonnes actions parmi zot le pardon et ene grand récompense ». Le prophète d’Allah (s.a.w) jamais pas ti pé rode bane place d’honneur. Tous les temps li fine mette li dans la peau d’ene esclave face à so Maître, So Bien-Aimé Créateur, Allah (swt), mais Allah fine choisir pour faire li vine, pas zis le Roi de l’Arabie en entier, mais fine faire li vine ene modèle parfait ki chaque humain bizin suivre afin ki zot gagne le salut, ki li dans ça le monde là et dans Aakhérat. Chaque action ki li ti pé faire li sous l’instruction d’Allah (swt). Bane dimounes ignorants fine toujours lié Hazrat Muhammad (s.a.w) comme ene quelqu’un ki fane disang par l’épée et ki force dimounes pou rentre dans l’Islam par ça moyen là. Pas loin, nous fine trouver et témoigner ki kalité ene la presse Danois et de bane les autres pays fine calomnié nous Bien-Aimé Rassool (s.a.w) et fine dessine bane caricatures kot le message ki zot pé faire passer ki l’Islam li lié avec le terrorisme. Mais le principe fondamental de l’Islam, comme mentionner dans le Saint Coran, c’est ki péna aucaine contrainte dans la religion et ça li bien connu. Le Quran aborde ça sujet là dans ene façon merveilleux et très claire ki l’Islam ki Hazrat Muhammad (s.a.w) fine amener, li l’Islam de tous bane prophètes d’avant et tous bane prophètes ki fine vini et ki pou vini dans future et pour toujours apporte le message de la paix et de l’unicité d’Allah (swt). Le plus grand succès de la vie de nous Bien-Aimé Rassool Hazrat Muhammad (s.a.w) c’est ki li fine dérouler avec ene la force morale sans ene coup l’épée (excepté en cas de force majeure). C’est seulement kan tous bane moyens fine servi pour défendre séki Allah fine dire li défendre, ki li fine tire l’épée parcequi l’ennemies ti pé vine en grand nombre, ki li dans la guerre de Badr, Uhud, Bataille du Fossé etc… kot zot ti pé rode touille ça ti poigné groupe dimounes ki fine gagne la foi en l’Islam. C’est ça bane telle circonstances là ki fine entraîne li dans champs de bataille mais li fine dirige so bane batailles au nom d’Allah (swt) et fine dirige so l’armée avec ene nom d’Allah (swt) et fine dirige so l’armée avec ene l’amour pour Allah So cause et pour rétablir la paix entre bane tribus et bane religions, tel que le Christianisme et le Judaïsme. Bane batailles zot d’habitude fini dans ene la rivière du sang, et ça fine vine inévitable même dans l’époque du Saint Prophète (s.a.w) kot bane musulmans fine martyrs pour la cause de l’Islam. Malgré cela, la différence entre l’armée de l’Islam et bane les autres c’est ki kan tout l’Arabie ti accepté l’Islam, bane batailles ki fine éna, pas fine éna autant de morts et de blessés ki dépasse détrois centaines. Même dans champs de bataille li ti enseigne bane Arabes, ki ti bane barbares avant, pour prier Allah touseul, pas prié en solitaire mais prié en congrégation à Allah Ta’ala. Malgré bane tourbillons de batailles bane musulmans pas fine rate zot 5 fois Namaz. La prière en congrégation pas fine renvoyer même en plein bataille. Le temps ene partie ti pé faire Namaz devant Allah (swt), lotte partie ti pé continuer bataille avec l’ennemies et ça ti pé faire à tour de rôle. Bane Arabes, zot ti bien barbares et zot caractères ti bien chauds et zot pas ti pé hésiter pou la guerre pour ene nanrien du tout avec bane les autres tribus et de ce fait, plisse ki 70,000 la vie ti pé perdi à cause bane zaffaires sans l’importance. Avec so l’arrivée, Hazrat Muhammad (s.a.w) fine enseigne le respect de soi et des autres personnes et dans bataille li fine encourage le contrôle lors soi-même et la discipline. Même li fine arrive, par la grâce d’Allah pour dirige so bane disciples pour pas quitte l’adoration d’Allah pendant batailles. Dans ça l’âge de barbarisme là, li fine humanise le champs de bataille et fine donne bane l’instructions stricte ki faudé pas dépassé. Et tous ça ki li fine dire faire, fine vine à travers l’ordre divine. Bane limites ki fine enseigner faudé pas dépasser tel que, faudé pas casse ça confiance qui ene croyant bizin éna en Allah, pas mutile ene le corps, pas tuer zenfants ou madames ou bane vieux dimounes, pas jette feuillages pié tame et pas brûle ça, ni coupe bane pié fruits et pas attaque ene dimoune ki pé faire la prière. So bane propre l’exemple face à l’ennemie ti exemplaire et très noble. Pendant la conquête de la Mecque, li ti au sommet de so pouvoir, par la volonté d’Allah (swt) mais malgré ça, ki li fine faire ? Li pas fine use de ça l’autorité là et li fine pardonne so bane l’ennemies ; ça bane même l’ennemies ki ti boycotte li, persécute li et so bane compagnons et ki fine faire zot alle en exile. Mais au moment ki ça même la ville là ti à so lipié, li pas fine servi de so l’influence pou venger. C’est avec amour, humilité et so confiance illimité en Allah ki li fine enseigne zot le pardon, et li fine laisse bane dimounes libre dans zot croyances. Bane Mecquois à ce moment là fine reconnaître so véracité et fine embrasse l’Islam et bane les autres pas fine trouve aucaine reproche en le Prophète d’Allah (s.a.w) concernant so l’attitude envers zot. Li fine dire zot : « Aujourd’hui, péna aucaine reproche envers zot et zot tous libre » - Li dire : « Aujourd’hui mo écrase sous mo lipié tous bane distinctions entre l’homme et l’homme, tous la haine ki éna entre l’homme et l’homme ». C’est ene de bane objectifs ki faire li fine permettre la guerre sous l’instructions de so Rab Bien-Aimé Allah (swt), pour protège zot, pour ki li réussi unir l’humanité. Et kan li fine réussi dans so mission, li fine même pardonne so bane l’ennemies. Même bane ki fine tuer so chacha Hamza et fine mutile so le corps, mange ene boute so léfoi et fine disperse bane morceau de so le corps dans tous coins champs de bataille. C’est ça le plus grand miracle ki Allah fine faire réaliser à travers so Bien-Aimé Prophète Hazrat Muhammad (s.a.w) ; Li fine laisse tellement bane hautes qualités morales et le respect de bane valeurs divines ki pas zis bane musulmans fine reconnaître par la suite, mais aussi bane dimounes sages de bane les autres religions, kot zot fine impressionner avec so hautes qualités morales et la façon miraculeuse ki li fine change ene peuple barbare en bane dimounes civilisé avec bane qualité morales extraordinaires. So la vie béni même ti ene l’exemple pour zot, kot Hazrat Muhammad (s.a.w) pendant les 63 ans ki li fine vivre lors ça la terre là, tous so bane rôles ki li ti bizin rempli, li fine accompli zot avec dignité et honneur. Li ti tenir so rôle comme Prophète de l’Islam, le rôle d’ene Général honorable au milieu de bane champs de bataille, ene le Roi ki péna so second, malgré ki li pas ti pé assize lors ene trône et ki zamais li fine vivre richement vêtu et malgré ki zamais li fine mange so ventre plein. Ene fois, bien après so la mort, ene dimoune fine trouve Hazrat Aisha (ra), l’épouse du Prophète entrain de cuir ene rôti chaud, et larmes ti pé couler de so liziés. Quand ça dimoune là fine demande li la raison de so bane larmes, li dire ki so Aka zamais fine mange ene manger ki fine fec cuit. Ki nous compran par ça bane paroles rempli de douleur là ? C’est à dire, tout le temps li fine mange bane mangé rassi, et même, la plupart du temps li ti pé reste sans manger et li ti pé nourri li même lors date et de l’eau. Plusieurs hadiths rapporté ki so plat favori ti le « Tharid », ene sorte de la soupe avec la viande et morceau du pain ; mais rare li ti pé mange ventre plein ! Mais malgré cela, li fine vivre malgré l’épreuve de la faim, li fine réussi accompli so bane missions couma li ti bizin. Le Prophète de l’Islam (s.a.w) couma nous fine expliquer plus la haut couma li ti ene Guerrier qui pénna so second, kan li ti bizin, li pas fine hésiter pour combattre so bane l’ennemies dans champs de bataille. Li ti aussi ene commerçant très honnête. Ça remonte à l’époque avant so mission comme prophète kan li ti pé accompagne so chacha Abu Talib dans so bane expéditions commerciales et plus tard, kan li fine employé par Hazrat Khadija bint Khuwaylid (ra) ki après cela fine épouse li à cause so bane hautes qualité morales, comme so honnêteté et so fidélité et la grande capacité ki li ti éna pour gère so commerce (car jamais avant ki li fine prend Hazrat Muhammad dans so l’emploie, li fine gagne autant profit, autant de barakat dans so business). Le SEERAT de Hazrat Muhammad (s.a.w) montrer couma li ti ene prêcheur de l’Unicité d’Allah ki fine réussi conquérir le cœur de bane Arabes de so l’époque vers l’adoration d’ene seul Dieu. Au fil des années, le message de l’Islam ki li fine prêcher fine alle au quatre coins du monde, et des millions de personnes fine embrasse l’Islam. Hazrat Muhammad (s.a.w) ti aussi ene philosophe, ene excellent juge, ene homme de loi, ene Réformateur parfait, le protecteur de bane zenfants et de bane madames (surtout bane orphelins et bane veuves), li ti le protecteur de bane esclaves (kot li fine démontrer ki bane esclaves zot bane humains pareil couma tous dimounes et ki zot aussi zot ena bane droits et de ce fait kan li fine gagne bane esclaves en so possession, li fine affranchi zot et parmi ça bane esclaves là, éna Hazrat Zaid, ki li fine adopter comme so garçon et Hazrat Bilal, le premier Muezzin de L’Islam. Avec so l’arrivée, pas zis bane esclaves fine gagne zot droits, mais bane madames ki ti considéré comme inférieures fine aussi gagne zot droit comme étant l’égal de l’homme. Allah fine établir ça bane la lois fondamentales de la vie et l’essence de l’équité (l’égalité) entre bane sexes et à travers la révélation divine fine établir zot identité comme étant la base même de l’éducation et le progrès d’ene société. Auparavant dans l’époque de l’ignorance, bane Arabes ti pé enterre zot tifille vivant et zot ti pé mécontent et prend ça comme ene malheur quand ene tifille ti prend naissance dans zot la caze couma dire, zot fine trouve ene vipère, ene sans valeur, mais ça même être faible là, Allah fine honore zot au-delà de l’imagination de ça bane Arabes là et fine prouve le monde la valeur de la femme dans la société et au cœur du foyer, et comme ene créature douce et fragile, ki capave atteindre le degré supérieur de la spiritualité et de la vertu. Avec so l’arrivée Hazrat Muhammad à travers le Quran-é-Majeed et bane l’enseignements direct d’Allah et par so bane inspirations et excellents conseils, fine réussi constituer avec l’aide d’Allah et de so bane anges fidèles à zot devoirs, zot fine consolide la Shariah d’Allah et bane les autre dimounes après so la mort fine gagne la faveurs unique pour constituer ça bane la lois divines et hadiths et sunnahs du Saint Prophète (s.a.w) en écrit kot maintenant nous pé jouir de ça bane faveurs et l’enseignements là afin qui nous vine bane meilleurs être humains. Hazrat Muhammad (s.a.w) ti ene saint, l’homme parfait, le modèle parfait ki tout l’humanité bizin prend l’exemple, et li démontrer ça perfection là aussi dans so comportement envers so bane épouses. Li ti ene excellent époux, camarade et compagnons pour so bane madames kot li ti pé aide zot souvent dans bane travails ménagères et li même, le Prophète d’Allah, le ‘Rahmatul lil Aalameen’, li même li ti pé coude so linge et ti pé occupe so bane zanimaux. Tous so bane mariages après so mission comme prophète fine faire par instructions divines. Bane mariages ki li fine contracter ti éna ene but pour consolide bane dimounes dans l’unicité d’Allah et so bane épouses, couma Allah fine révélé dans Quran, zot bane Mères des Croyants et zot aussi zot ti éna ene rôle fondamentales pour jouer dans la propagation de l’Islam. De ce fait, zot bane la cazes fine vine bane l’écoles pour bane croyants et croyantes ki ti pé vine apprendre bane principes de l’Islam. C’est pourquoi aujourd’hui nous trouve ene nombres considérable de livres de traditions ki péna aucaine doute là-dans ki fine rapporté par Hazrat Aisha (ra), la plus jeune épouse et Mère des croyants, ki so l’autorité li extrêmement reconnu par bane plus grands savants de l’Islam. Li fine rapporte plisse ki 2000 hadiths et là-dans li fine décrire en détails le seerat et la vie au quotidien douloureux et joyeux ki fine marque le Saint Prophète d’Allah (s.a.w). Et c’est ça même excellence modèle pour l’humanité ki nous bizin suivre afin ki nous gagne le plaisir d’Allah. Ene fois ene kikaine fine demande Hazrat Aisha (ra) pour explique li lors la vie du Saint Prophète (s.a.w). Hazrat Aisha (ra) fine dire li, guette le Quran li pour conne so la vie et guette so la vie et li pour conne le Quran. Ça veut dire ki Allah (swt) conné ki travail excellent li fine faire pou faire de so bane paroles exaltés reflecter dans chacaine de so bane actions, dans chacaine de so bane l’intentions, chacaine de so bane paroles ki li (Nabi Kareem) – s.a.w – ti pé faire et prononcer afin ki li accomplir so mission avec succès et retourne vers so Rab, en paix, satisfait d’Allah et Allah satisfait de li et comme bane l’exemples à suivre pour l’humanité. Hazrat Muhammad (s.a.w) fine quitte ça la terre là l’an 632, 11ème l’année Hijri. "Aïsaa koyi Mehboob na hogaa na kahin hé" Ene telle personne tant préférée d’Allah n’a jamais existé et n’existera jamais. "Zikré Mehboobé Khudaa sourmaé khaaké taïbaa" (Ameen) C'est ainsi qui Allah (swt) fine enseigne moi! |