Bismillah-ir-Rahman-Rahim

 

Message du Hazrat Amir-oul-Momeneen Mohyuddin Munir Ahmad Azim

à tous bane soeurs de tous bane la foi religieuse

 

Chères Soeurs,

 

Assalamoualaikum Warahmatullahé Wa Barakaatuhu

(Ki la Paix et la Bénédiction d’Allah lors zotte).

 

En général, dimoune dire ki bane madames zot le sexe faible, et cela pour plusieurs raisons. Shakespeare dire: “Frailty thy name is woman” c’est-à-dire, “fragilité, to nom c’est madame”.Bane Hindous, bane Musulmans, bane Chrétiens, réconnaîte ki pas capave dire ki ène madame li faible.Sa madame ki en charge so la caze là, c’est li ki éna ça pli grand rôle pou amène l’honneur et ène bon réputation à so famille.Et ça pas appliqué seulement à bane la caze individuels, mais li vine aussi au niveau pays et le monde entier.C’est madame là ki jouer le pli grand rôle. Dépi bane létemps bien anciens, bane madames ti éna ène grand place dans la société. Dans Vedas, éna 7 vertus ki fine donné à bane madames, en rangs de :

 

1. Sathya ki veut dire La Vérité

2. Prema ki veut dire L’Amour

3. Dharma ki veut dire La Droiture

4. Shanti ki veut dire La Paix

5. Sahana ki veut dire La Tolérance

6. Ananda ki veut dire La Félicité

7. Svanubhuti ki veut dire La Spiritualité

 

Et couma fine mentioné dans Vedas, bane madames au foyer zot tenue en très grand estime et appelle zot bane “Grihalakshmi” (c’est-à-dire, la déesse de la prospérité de la maison). Quand so conjoint (époux) pé fer face avek diffikilté, madame-là li prêt pou partaze ça fardeau là et li capave fer n’importe ki été et li capave subir n’importe ki zaffaire et li capave sacrifier même so la vie pou bien être so conjoint (époux) et la famille. Sita li ène l’exemple idéal d’ène tel madame. C’est ène madame ki ti derrière bon réputation so la caze. Madame li représente sacrifice en li même. Nous bizin alors fière de nous bane madames. Si la moralité fine survive, malgré bane longues périodes de reigne étranger, c’est en majorité grâce au courage et l’imperturbabilité de bane madames du pays.

 

Dépi bane létemps bien anciens, bane simple dimounes aussi bien ki bane lérois, ti éna grand l’estime pou bane madames. Cependant, dans bane létemps après, nous trouvé ki statut de bane madames fine dégradé et ki même bane ascètes (saints et religieux) pas fine donne zot statut ki zot mérité. Par exemple, le sage Mathanga ti envie ki Sabari vine dans so ashram, mais beaucoup de so bane suivants ki ti fine renonce le monde fine fer objection à ça.

 

Le Rôle de la Femme dans so la Caze et dans la Société

 

A cause de bane influences démoniaque de l’éducation moderne, bane dimounes considère bane madames couma bane jouets et zot éna tendance pou traite zot couma bane marionettes.Bane madames possède bane grands et noble qualités, mais beaucoup z’hommes encore considère zot couma bane cuisinières ki supposé reste dans la cuisine et entre quatre mirailles zot la caze. Séki zot pé blié c’est ki madame-là éna capacité pou gère bane zaffaire so la caze et aussi veiller lor la santé et le bien-être de toute la famille.

 

Éna bane questions ki posé couma ki sanlà pou okipe la caze et ki sanlà pou éduque bane z’enfants kan madame-là alle travaille. Éna dimoune dire ki malgré ki madame-là alle travaille pou résoudre bane problèmes financiers, ça situation-là capave créer bane pli gros problèmes pou la caze.Mais dans nous lémonde moderne, li nécéssaire pou ki bane madames partage la responsabilité de la famille avec zot bane conjoints et bane madames bizin étudier autant ki possible et prend bane travailles ki approprié et ki korek pou capave partaze bane tâches de la famille.

 

Bane madames membres de la Jamaat Ul Sahih Al Islam. pé participé en grand nombre dans le Khidmaté Khalq, c’est-à-dire service à l’humanité. Bane madames du Jamaat Ul Sahih Al Islam invite tout bane madames de bane différents religions pou joindre zot pou servi l’humanité. Si bane tels services ti commence offert à travers le pays, alors nous ‘mère patrie’ (pays) pou prospéré.Sa travaille sacré-là, li typique culture de nous pays ancien.Bane madames, zot bane héritières de nous culture ancient. Culture veut dire rafinnement. Et rafinnement, c’est dans qualité de bane madames. Zot pé travaille pou l’émancipation de la Nation. En général, bane madames zot à la hauteur de bane idéals bien hautes de ‘Sathya’ (La Vérité) et ‘Dharma’ (la Droiture), mais malgré ça, zot pas encouragées pou montré zot capacités parski beaucoup d’entre zot éna pou faire face à plusieurs obstacles lor zot chemin.

 

Si bane madames ti gagne bane reconnaissance ek encouragement nécéssaires, zot ti pou briller dans tous domaines et zot ti pou servi zot la caze, zot pays ek le monde entier avec dévotion et zot ti pou contribuer au bien-être de l’humanité entier. Et si l’homme suive l’exemple de la femme et si li imbibe li de bane tels qualité sacrés et de tels qualités de sacrifice, alors le monde pou améliorer définitivement. Éna ene verset en Sanskrit ki dire: “Udhyogam Purusha Lakshanam”(c’est-à-dire, ki ou récconaîte l’homme par so travaille), couma dire ki zis l’homme ki capave travaille.

 

C’est ene dire ki pas approprié. Bane madames aussi péfaire tout kalité travaille pareil couma bane missiés. En vérité, bane madames travaille avec plisse sincérité ek zèle ki bane missié.

 

Dans aukaine texte sacré, péna ki bane madames bizin seulement cuit et ki zot pas capave travaille couma bane z’hommes. En fait, bane z’hommes aussi bizin apprane cuit et okipe la caze pou aide zotte madames dans bane travaille la caze.

 

Conscience de la Vie

 

Conscience veut dire connaissance totale et pas ène connaissance partielle et c’est bane madames ki éna ça conscience totale-là. Banne z’hommes aussi bizin faire z’éffort pou apprane tout kitchoses.

 

Les quatres Purushartas: Dharma (La Droiture), Artha (La Richesse), Karma (Le Désir) et Moksha (La Libération) zot pas appliqués zis pou bane z’hommes, mais zot appliqués également à l’homme et à la femme.

 

“Bane madames, zot bane gardiennes spéciales de tout séki pure et religieux dans la vie”. (Ene dire de Mahatma Gandhi)

 

C’est bane madames même ki bane l’exemple ek ki leaders de bane z’hommes dans le chemin de la spiritualité. L’amour pure et désintéréssé li inné dans bane madames.Bane madames ki remplies de connaissances, ki cultivées, ki liées par amour et ki éna le soin pou prend compte si zot paroles et zot bane actions pé concorder avec le Dharma (La Droiture), zot amène la joie et la chance à zot la caze.Sa la caze là où le mari et la femme zot attachés par ène amour divin, kot zot okipés tous les jours à lire bane livres ki nourri zot l’âme, kot zot chante le Nom du Seigneur et kot zot rappelle So Grandeur, ça la caze là li vraiment la caze du Seigneur: Vai Kuntha!Ene paradis lors la terre.

 

Sa madame ki attachée à so mari par ene l’amour divin, li vraiment ene fleur ki pé donne ene parfum rare. Li ene pierre précieuse ki pé briller dans la famille.Ene madame vertueuse, li couma ene bijou très brillant.

 

Le joyau de la couronne de la femme c’est la chasteté. C’est pou ça vertu là ki ene madame li mérite le plus de louanges.Pas éna description pou so bane conséquences bienfaisantes. C’est le souffle même de so la vie.Par so chasteté et le pouvoir ki ça donne li, li capave sauve so missié de bane calamités. Li capave sauve li même par so vertu et de ce fait, gagne le paradis. Le bijou inestimable de la femme c’est so modestie. Si ene madame dépasse les limites de la modestie, li alle contre le Dharma (La Droiture). En dépassant bane limites, li invite beaucoup de calamités. Ki faire? La gloire de la féminité en li-même pou détruire si li fer ça. Si ene madame péna   modestie, li vide de beauté et de culture.

 

L’humilité, la pureté de pensées et de manières, la docilité, la capacité pou cède à bane hautes idéals, la sensibilité, la douceur de so tempérament, c’est ene mélange de tout ça bane qualités là ki fer la modestie. C’est le bijou le plus inestimable de la femme. Même si la vie d’ène madame li riche en bane les autres accomplissements, l’absence de modestie fer ki so la vie vine ene gaspillage et ki li dans vide. La modestie élève la femme au sommet de la pureté sublime. La femme modeste li éna l’autorité dans la caze et en dehors so la caze, dans la communauté aussi bien ki dans le monde.

 

La femme c’est le soutien de la maison et de la religion. Li planté ek li soigne la plante de la foi religieuse ou bien li laisse li sec et li déracine li. La femme éna ene aptitude naturelle pour so la foi et le travail dans la spiritualité. La femme capave, avec dévotion, la foi et la docilité, amène l’homme sur le chemin de Dieu et aide li pou pratique bane vertus. En vérité, c’est la femme ki maintenir la maison.C’est so mission. Li vraiment la représentante de la paix.

 

Sa la caze kot le mari et la femme zot pé amène zot la vie lors bane idéals nobles et kot zot chante la gloire du Nom du Seigneur et ki zot passe zot létemps à faire bane bons actions dans lesquels la vérité, la paix ek l’amour réigner, kot zot éna control lors zot bane sens et ki à cause zot conné ki tous créatures unifié, zot fer même traitement pou tous créatures. Ene la caze coume sa li certainement Paradis sur terre.

 

Bane madames bizin fer ene manière ki servi zot missié vine ene priorité. Si zot pas servi li, alors zot pas pou capave gagne félicité dans la prière ou méditation. Même si missié là li mauvais ou ki li éna vilain manière (ti l’esprit), madame là bizin fer li changer et corriger par amour et aide li pou gagne bénédiction de so Seigneur. Li pas korék pou penser ki seulement madame-là so progrès ki compter et ki li pas ditout concernée par missié là so amélioration ek so élévation. Madame là bizin senti li concernée par missié là so bien être, so la joie ek so la peine, so bane souhaits ek so salut.

 

Progrès ene Nation, li dépanne lors bon l’éducation de banes madames. Zot l’éducation li bien important. C’est bane madames éduquées ki pou promouvoir la droiture du monde entier. Dans certains domaines, bane madames bizin gagne la liberté d’agir et zot bizin vine bane madames modèles.

 

C’est par l’exemple de bane madames ki ti noble et pieuses ki faire ki ziska azordi la simplicité, l’humilité et la dévotion pé briller dans bane madames ki éna la crainte de Dieu dans zot.

 

Banes mama bizin montrer zot bane z’enfants bane valères morales et spirituelles. Kan zot pou fine gagne ene l’éducation morale, alors bane z’enfants là pou appranne cultive la moralité dans zot-même.Alors, c’est le niveau de l’éducation de bane madames ki déterminé si ene pays pou prospérer ou si li pou tombe dans le déclin. So bane actions ek so conduite bien important.

 

« Éduque ene missié, ou pou éduque ene dimoune,

   Éduque ene madame, ou pou éduque ene famille, ene Nation. »

 

Le Saint Prophète ^s.a.w (La Paix lors Li), ti dire ki paradis trouve embas lipié mama. Sa veut dire ki ene mama éna ene position bien privilégié et si li élever so bane z’enfants lors le chemin de la droiture et de la vertu, li pou faire zot mérite le paradis. D ans ça façon là, bane mama fine gagne ene très grand responsabilité et li zot devoir sacré ki zot garde ça tout létemps en tête et ki zot agir en fonction de ça.

 

D’après l’Islam, bane missiés bizin éna l’affection pou bane madames. Couma bane madames bien délicates de nature, Le Très-Haut fine ordonné ki bizin traite zot avec amour et attention et bizin tout lé temps montrer zot gentils envers bane madames.

 

Li ene bon kitchose ki bane divorcées ek bane veuves bizin rémarier. Même si par ignorance certaines dimounes fine penser ki ça pas ti ene bon kitchose pou faire.

 

Le Mari et La Femme zot ene Vêtement L’un pour L’autre

 

Le Saint Coran fine dire ki bane madames zot ene vêtement pou zot missié. Sa impliqué ki bane madames éna bane droits importants. Zot bizin reste avek zot missiés.

 

 

Li important ki bane madames vine responsabilités de zot travailles. Kan responsabilité tombe lors z’épaule ene dimoune, missié ou madame-là développe la kalité pou penser ek réfléchi lors certaines kitchoses. Allah fine donne l’homme la capacité inné ki pli li réfléchi lors ene kitchose, so vision de bane trésors cachés de la Connaissance vine pli grand.

 

Ene faux pas ki certains religions fine faire, c’est ki jamais zot pas fine faire bane madames vine responsables et so rézultat c’est ki beaucoup de kalités ki ça bane madames là ti éna jamais pas fine trouve lizour. Jamaat Ul Sahih Al Islam fine établir le « Siraj Makîn » avec l’idée pou créer ene sens de responsabilité dans so bane membres. De ça façon là, éna ki éna bane postes importants comme celui de Présidente, de Secrétaire Général, et Secrétaire Financier, pendant ki les autres guide ek supervise travaille-là. Et coume sa zot éna zot réunions, ki zot organizé zot-même et zot faire discours et zot observe le Pardah (La Décence), par la Grâce de Dieu.

 

Bane madames du Jamaat Ul Sahih Al Islam éna ene rôle important pou jouer dans la croisade islamique des temps modernes. Bane droits ki fine accordés à bane madames par l’Islam et la vie entière du Saint Prophète ^s.a.w (Paix soit sur Lui) ti dévoué à l’amélioration de zot statut dans chaque sphère de la vie. Mo penser ki réforme de bane madames li capave accompli seulement par bane madames même.

 

Nous objectif c’est d’organize bane madames du Jamaat Ul Sahih Al Islam dans ene tel façon ki zot capave comprend zot droits et zot responsabilités couma bane vrais Musulmanes. Cela pé faire dans le but d’élèver zot moralement et spirituellement et aussi faire zot réalize zot responsabilité dans l’éducation ek façon d’élèver zot z’enfants. Et pou prépare zot pou travaille sans aukaine pensée d’intérêt personnel et avec beaucoup d’ardeur pou la renaissance de l’Islam. En bref li ene organization ki éna pour but le développement complet de banne madames du Jamaat Ul Sahih Al Islam.

 

Salutations, prières et meilleurs vœux à zot tout. Ki Allah, l’Unique Dieu béni zot tous et rempli zot lécoeur avec le trésor de la foi et donne zot courage et patience afin pour propage le message de l’Unicité d’Allah et la paix éternelle à tous bane ki assoiffés de la proximité avec Allah le Tout-Puissant. Ameen.

 

Mo Salutations sincères,

 

 

Munir Ahmad Azim,

Hazrat Amir-ul-Momineen Muhyi-ud-Din de cette époque.