Text Box: Bismillah-ir-Rahman-ir-Rahim Khutba Jummah Après la proclamation du Khalifatullah Muhyi-ud-Din Hazrat Munir Ahmad Azim 2hr temps explication sur le Khalifatullah - Ene Résumé ... Vendredi 30 May 2008 Aujourd’hui après ki Hazrat Muhyi-ud-Din Al Khalifatullah fine souhaite zot tous le ‘Salaam’, comme Khutba Jummah, après ki li fine lire Surah Al-Fatiha, Tashahhud et Taouz, Li fine lire : Dans Surah Noor, V. 56, Allah dire :  « Allah fine promette à bane d’entre zot ki croire et ki faire bon actions ki assurément Li pour faire zot bane successeurs lor la terre. Tout comme Li ti faire bane Khalifa parmi bane dimounes ki ti avant zot. Et ki Li pour établir pour zot la religion ki Li fine choisir pour zot. Et assurément Li pou donne zot en échange la paix et sécurité après zot crainte zot pour adore Moi et pas pour associer personne avec Moi. Puis celui ki pou ingrat après ça, li pour parmi bane rebelles. » Hazrat Huzaifa (r.a) rapporter ki Hazrat Muhammad (s.a.w) fine dire l’apostolat pour reste avec zot autant ki Allah envie et l’heure Li ouler Li pour enlève ça aussi et l’heure là pour ré-ena Khilafat basé lor système après apostolat. Ensuite le Saint Prophète (s.a.w) fine reste tranquille. Ça moment ki Hazrat Muhammad (s.a.w) fine reste tranquille là aussi, là-dans aussi fine ena ene message, so silence fine reste ene point interrogation et ça silence là, ti ena ene message ki pour ena Khalifa, et ça Khalifa ki pour ena là li pour couma ene gardien ki pour conseil bane dimounes bizin alle lor le chemin droit, mais tellement ça pour continuer comme ça, bane dimoune pour commence ena ene frayeur pour Khalifa au lieu de Allah et létemps ça frayeur là prend place dans lécoeur ça bane dimounes là, pour commence invite dimoune vers Khalifa au lieu ki vers Allah. L’heure là ça boute ki dire Khilafat basé lor système apostolat, ki bizin prend place, Allah Li même Li élève ça dimoune là avec ene statut prophète kot Li donne li la révélation divine. Allé, nous tous nous comprend ça bien ki après la mort de quatre Khalifa de l’Islam, eski pas ti ena bane les autres ki ti dire ki zot Khalifa et zot ti pé dire dimoune alle lor chemin droit ? Ça ti continuer même jusqu’à ki ti ena bane Mujaddid ti vini et même de nos jours ou penser zis l’Association Ahmadiyya ena Khalifa, bane les autres pas ena Khalifa ? Alors, pour comprend ça bien, ça apostolat (Khilafat basé lor systeme apostolat) kan ça systeme khilafat là gâter nette, l’heure là Allah de par So grâce Li élève ene Khalifa lor système apostolat, kot li, li Khalifatullah, parce ki li, li choisi par Allah. C’est Allah ki élève li et li vine de côté d’Allah, pas de côté l’homme. Parce ki kan le système khilafat, ki basé lor élection ki faire par bane dimounes gâté, l’heure là, Li, Allah, prend ça en So possession. Verset Quran là li clair et pena aucaine contradiction là-dans. Allah fine faire ene promesse là-dans ki bane ki pour faire bon action ; Ki ça bane bonne actions là ? Bane ki pour adore Allah seulement et pas pour associer personne avec Li, c’est-à-dire, bane ki pour ena seulement la crainte d’Allah dans zot lecoeur, pour ça bane là, Allah pour faire bane successeurs lor la terre. Allah Li même, parmi ça bane bons dimounes là, Li pour élève ene parmi zot, parce ki à cause ça bane bon actions là et Li pour donne zot en échange la paix et sécurité après zot crainte. Hazrat Abu Huraira (r.a) rapporter ki « nous ti avec le Saint Prophète Muhammad (s.a.w) kan le Surah Jummah ti révéler et kan ça verset « wa aakhiriina minhoum lamma yalhakoubihim » fine descende, bé ene Sahaba fine demande au Prophète (s.a.w), ki ça bane dimounes là, ki ou pas encore joindre ? Le Prophète (s.a.w) pas fine réponde. Ça dimoune là fine pose ça même question deux ou trois fois. Le rapporteur dire ki ‘Hazrat Salman Farsi ti pé assizer parmi nous.’ Le Messager d’Allah fine mette la main lor z’épaule de Salman le Persan, et fine dire ki si Imaan (la foi) monte jusqu’à Surrayya c’est-à-dire monte jusqu’à l’étoile le plus haut, là aussi pour ena bane dimounes de so descendant ki pour ramène ça la foi là lor la terre. » Nous tous nous d’accord lor là, ki ça hadith là, li pé faire référence à Hazrat Massih Maoud (a.s). Pena doute là-dans. Ça hadith là premièrement, question là fine posé deux ou trois fois, parce ki ça moment là Allah pé faire So Rassool comprend ki, kan Imaan monte jusqu’à Surrayya, bé ene dimoune descendant Salman Farsi (r.a) pour ré-amène ça la foi là lor la terre. Dans d’autre hadiths, au lieu ene dimoune, fine mentionne ene bane dimounes de so descendant. Alors seki nous comprend ki Imaan alle jusqu’à Surrayya, c’est Hazrat Massih Maoud (a.s) ki fine ré-amène ça. Quand li pou ré-alle jusqu’à Surrayya, c’est ene dimoune de so Jamaat même ki pour ré-amène ça. Li pas capave trouve endehors de Jamaat Massih Maoud (a.s). Astère ene Imaan ki fine alle jusqu’à Surrayya, couma pour ré-amène ça lor la terre. Couma Hazrat Massih Maoud (a.s) fine ré-amène çà ? C’est par bane révélation divine, ki Allah fine cause avec li et Allah fine guide li, ki tel zaffaire li bizin faire et li fine bizin retire li complètement avec ça le monde matérialiste là et li fine bizin renferme li et cherche aide avec Allah, et Allah fine montrer li à travers bane révélation ki bizin faire pour re-amène ça Imaan là lor la terre. Ça Imaan là pas ti vine lor la terre coumsa même ça et li fine souffert beaucoup, de côté so la santé même et bane persécutions ki li fine traverser et malgré ça Allah fine vine à So support et fine aide li par bane révélations kot li fine écrire plus ki 80 livres. Eski ça ti facile pour ré-amène ça bane dimounes là vers l’unicité d’Allah et là aussi kan li fine fonde le Jamaat Ahmadiyya l’argent pas ti ena dans la caisse kot ti ena seulement ene Ana ou deux Ana. Li ti pé gagne ça tracas là, ki pour arriver ene l’époque kan ça même Jamaat là pour ena beaucoup l’argent mais zot pas pour conne gère ça l’argent là. Ça moment là li ti conné, ki dans l’avenir même so Jamaat pour ena bane dimounes ki pour perdi Imaan et Imaan pour re-disparaite (en d’autres mots, so Jamaat pou corrompu). Li ti vini comme ene juge pour vine faire la justice et li ti vini pour apporte la paix et réconciliation. Ene quelqu’un ki Allah élève li, li ene Adam même, le premier Khalifa et li ti ene Khalifatullah. Ene Khalifa de bane croyants même et Allah même choisir li. Eski Hazrat Adam (a.s) ti ene Khalifa ki ti élire par l’homme ? Kan Allah ti dire bane anges prosterner devant li (Hazrat Adam), bane ange là ti dire Allah (swt), ‘eski To pou place kikaine ki pou faire méchant la-bas et ki pou faire du sang couler, kan nous, nous chante To louanges et nous glorifier Toi ? Allah réponde zot : « Moi, Mo conner ce qui ou, ou pas conné. » A travers ça verset là, nous comprend ki kan Allah envoye So Khalifatullah lor la terre, pour ena bane dimounes ki pou créer bane désordres – Et après Khalifatullah, pou ena so bane successeurs ; ene système de so bane successeurs ki pou prend place. Bane anges jamais pas fine objecter contre Allah So décision ou zot pé réclame ene supériorité lor le Khalifatullah, mais pou ena dimounes lor la terre ki pou créer désordre et ki pou verse du sang. Donc, bane anges zot fini conne le point noir de l’homme mais Allah conner ki So Khalifatullah li rempli de bonnes qualités morales et spirituelles ki pou réflète bane attributs d’Allah. Donc, Allah pas ena pou abide par bane protestations de bane anges ki finalement fine bizin soumette zot aux commandements d’Allah. Pourtant, bane anges fine dire Allah : O nous Maître, To ene être pure, nous faire To bane louanges, nous faire To éloges. Mais en fait Allah ti ena même pour nomme So Khalifa et Li fine faire li et bane anges fine bizin d’accord et soumette et ça Khalifa là (Hazrat Adam) ki so Khilafat ti basé lor système Nabuwwat (apostolat). Ene bane dimounes capave pose ça question là, ki ‘Khalifa dans Jamaat Ahmadiyya pas d’accord avec ou (c-à-d, moi), bane grand savants ki ena dans Jamaat Ahmadiyya pas d’accord avec ou.’ Mais moi mo dire zot ki kantité grand savants zot capave grand savants zot été, mais avant zot, ti ena bane anges ki pli près avec Allah et zot faire éloges d’Allah. Mais ça bane anges là ti exister avant l’homme et zot montrer zot l’obéissance à Allah; à la fin zot fine soumette. Ça verset ki pé mentionne désordres lor la terre là, bé kan ene prophète vini, abé li dérange zot même ça, parce ki ça bane là zot pé aller dans ene direction comme si dirai Paradis fine garantie pour zot à cause zot trouve zot dans Jamaat Hazrat Massih Maoud (a.s). Mais seulement, zot pas réaliser ki zot fine piétine l’enseignement d’Allah et So prophète et So Messie et zot pé prend zot comme Dieu lor la terre et zot ouler ki dimounes tombe dans zot lipié, demande zot pardon au lieu ki alle demande Allah pardon. Dès ki ene prophete vini, li vine dire zot seki zot pé faire là, li pas bon et bizin tourne vers ene seul Dieu. Zot commence oppose li et bane ki créer désordres là, c’est bane opposants là même ça. Jamais pas fine ena désordres ki vine de la part de bane prophètes. Non ! Au contraire, tout les temps bane prophètes zot, zot faire la guerre défensive et ça du sang ki verser là, c’est en fait bane opposants ki faire di sang de bane prophètes et bane croyants couler. Bane prophètes et banes croyants, zot, zot préfère être torturer ki zot renonce zot la foi en Allah. Dans Surah Noor, verset ki mo fine mette devant ou, kot Allah dire ki après ene période de crainte li donne zot sécurité et la paix. A travers ça Allah fine donne ene signe afin ki capave reconnaite So envoyé. Ene signe pour reconnaite li c’est ki li faire bane dimoune conner et averti zot lor bane zaffaires ki zot fine oublier. Et faire zot quitte zot chemin d’éloignement là et faire zot vine en éclat (briller) encore. En fait li gagne ene sorte de pouvoir pour établir ça message, ki li fine vine établir là. Li gagne aide depuis Allah. Pena aucaine l’intention, aucaine zaffaires ki arriver aussi longtemps ki Allah pas aider. Ena bane grand grand danger ki vini et bane grand grand difficultés ki vini, mais Allah change tout ça là et transforme ça en la paix et sécurité. Li éloigne tout ça bane difficultés là. Réfléchi lor là. Kan le bien-aimé prophète (s.a.w) ti commence propage so message de vérité, bé, li tout seul, li pas ti ena l’argent dans poche et de lotte côté le peuple pas ti intéresser et ti ena opposition bien ferme mais li fine déboute pour Allah. Bane opposants fine cause li la peine autant ki zot fine faire plan pour execute li. Ki zot pas fine faire contre li, mais ki sanlà fine perdi ? So bane ennemies fine humilier complètement et li fine sorti victorieux et finalement li fine vine contrôle ene pays kot zot ti pé rode mette li dehors. Ene peuple ki ti éloigner avec l’unicité d’Allah. Li fine répande le message de Tauhid parmi zot et non seulement répande mais li fine faire bane là accepter le Tauhid. Après gagne la crainte d’Allah et fine ena la paix. Allah kan Li élève So Khalifa (c-à-d, Khalifatullah), bé pour mette ou la main dans so la main, veut dire ki ou pour en sécurité, ou pour protéger avec li. Et magine bien ki kan même ena bane faiblesse là aussi c’est bane miracle même ki montrer ki malgré ça, Allah So aide vini. Chaque situation de crainte kan l’amour pour Allah enlever dans bane lecoeurs, kan l’ignorance faner partout kan bane dimounes vine seulement pour bane zaffaires mondaines kan ena possibilité ki bane dimounes égarer de religion, bé à ce moment là, tout le temps Allah pour envoye Khalifa spirituel et lor zot la main ena aide et victoire de la religion ki visible. Gagne aide pour la religion. La vérité triompher et le mensonge humilier. Tout le temps la religion triompher et bane ki amène Imaan zot vine sous la paix et sécurité. C’est vrai, kan ça Khalifa de côté d’Allah là vini et très peu dimoune croire dans li et zot pas rejette li, mais seki arriver, ça bane dimounes ki croire là aussi, zot gagne certain problème pour adapter avec ça Khalifa ki vine de côté d’Allah, parce ki zot ti fini adapter avec ene l’enseignement et ene façon de faire. Maintenant sanlà kan li vini, li vine avec le Rouhil Qoudouss. C’est là kot ou pour reconnaite ça différence entre ene Khalifa ki l’homme élire et ene Khalifa ki Allah élève li, parce ki so bane message, so bane conseil et bane les autres zaffaires, li pour ena ene différence entre bane les autres l’enseignement de bane les autres Khalifa là. Li vini, li apporte ene nouveau révolution, li créer ene nouveau monde. Mais ça bane dimoune ki fine habituer zot avec ça le monde ancienne là, zot trouve ça difficile pour adopter et même zot capave penser, ki li pé faire bane kitchose, ki pas correcte, mais zot oublier ki chaque prophète ou Messager ki vini dans ene l’époque, so message divine basé dans ça l’époque ki li vini là même, mais bane dimounes gagne difficulté pour comprend ça. Grand grand savants dans religion fail dans ça situation là et ena même zot perdi Imaan. Alors si ou fine reconnaite li, ki c’est ene dimoune ki fine vine de côté d’Allah et plusieurs signes fine manifester pour reconnaître so véracité, abé, pena nannié pour décourager, ni pour perturber, ni bouleverser. Ena seulement pour obéir seki li dire ou et seki ou conner ki li causer par le Rouhil Qoudouss. Ou pena pour affecter, ou obéir. Si li pé induire ou dans erreur, bé Allah même pour retire li de ça bane faveur là et li ena pour répondre pour ça et so punition pour bien sévère. C’est ça la différence entre ene Khalifatullah et bane les autres Khalifa. Li pour change zot situation de frayeur en paix, et ena beaucoup ki pas capave cope avec so façon travail et so l’enseignement, ki so l’instruction vine de côté Allah, bé ça bane kalité dimounes là zot aller, ena vine hypocrites et ena vine Murtad. Kan Hazrat Muhammad (s.a.w) fine mort bé fine ena toutes sortes de difficulté lor bane Musulmans et fine ena beaucoup bane hypocrites ki fine vine Murtad. Bane Musulmans ti fine tombe tellement dans fitna (désordre). Dans ene l’époque pareil kot Hazrat Abu Bakr Siddique (r.a) fine vine Khalifa. Li très consterné et bien peiné kan li fine trouve Islam dans ene telle situation. Et li ti pé pleuré avec so Allah et li ti pé faire beaucoup duahs. Li ti pé tellement pleurer couma dire la pluie des larmes ti pé couler. Et li ti pé faire duahs avec Allah pour le bien être de bane Musulmans. Hazrat Aisha Siddiqua (r.a) dire ki ‘kan mo papa fine vine Khalifa, kan Allah fine confier li ça responsabilité de Khilafat là, dès ki li fine vine Khalifa partout fine commence ena désordres.’ Li dire, ‘tellement des problèmes ki si ça même bane zaffaires là tombe lor bane montagnes bane montagnes là ti capave fanne en morceaux.’ Mais seulement Allah So aide fine vini et fine sape bane croyants de bane difficultés. Et ça frayeur et crainte là ti fine transformer en paix et sécurité, la religion d’Allah ti vine ferme. Donc, ou pas pour capave dire ki pas pour ena déclin dans la religion. Tous grandes religions, alle guetter ou pour trouver ki fine ena déclin et ki l’Islam comme ene plus grand religion et ene religion ki fine établie par Allah et Li fine envoye le plus grand Rassool (s.a.w) ki la terre fine conné guette azordi, ki position bane Musulmans là ensemble dans le Ummat Hazrat Muhammad (s.a.w). Depuis l’arrivée de Hazrat Massih Maoud (a.s) et jusqu’à azordi environ plisse ki 115 ans, pas fine réussi réuni ene seule secte ensemble avec Ahmadiyyat. Oui ena bane les autres Musulmans ki fine embrasse Ahmadiyyat ; zot et zot famille. Mo pas pé dire ça moi ! Parmi ça bane plusieurs sects ki ena dans le monde là, estceki fine ena ene sect complètement dans le monde fine quitte tous, fine vine ensemble avec le Jamaat du Messie (a.s). Moi mo pas fine trouver et peut-être mo pas conner. Si zot conné zot informe moi (mo pé addresse ça l’appel là à le monde en entier). Donc chaque zaffaire kan li arrive à ene sommet li décliner après. Kan soleil lever li coucher après. Donc, besoin pas penser ki ça ki pé dire pour Qayamat ; li ça jour de la fin là. Mais kan pé dire Qayamat, li veut dire ça moment là, plus grand Qayamat pour ena kan le chef d’ene Jamaat pas pour ena la justice dans li. Li pour ena bane causer arrogant. Li pour montrer dimounes so supériorité, so pouvoir, li pour humilier dimoune et li pour faire dimoune peur li (kot li pour faire zot souffert, mette zot endehors) l’heure là même pour ena ça déclin là comme ci ene l’époque de Qayamat et l’heure là même ou trouve bane mauvais dimounes, zot vrai visages pour paraître kot zot pour faire ditort bane croyants d’Allah. Pareil couma dans Quran Allah ti ordonne Hazrat Dawud (a.s) : « O David ! Nous fine établir toi comme ene Vice-gérant (Khalifatullah) lor la terre. Juge entre dimounes avec la justice, et pas suive to passion, parce ki li va faire toi égarer de chemin Allah. Bane ki égarer de chemin Allah pour gagne ene punition sévère, parceki zot fine oublié le jour de comptes (Surah Sàd Ch.38,V.27) Cela veut dire : pas bizin salir le miroir de to lécoeur avec la rouille, bane passions, sinon to pou privé de la capacité pour recevoir la lumière de la guidance. Sinon Allah pas pou manifester Li même dans ene tel lecoeur coumsa. Kan l’homme arrive à la perfection, et ki le miroir de so lecoeur pas Sali par la rouille de bane kalité de so naf-é-Amaarah (l’âme instigatrice du mal) et de la satisfaction de so bane passions, lerlà li vine le Khalifatullah lor ça la terre là et Adam de l’époque. Le Khalifatullah li la lampe du secret parmi les hommes. Li vine capable, li ena la capacité pour recevoir rayonnement de la lumière de Dieu, car li fine gagne dans so lécorps ene niche dans lequel ena ene ‘verre’ – so lecoeur ki ressemble ene astre (corps céleste) brillant, ki brillé avec la lumière de l’intelligence, lequel, li le rayonnement de l’huile de l’Esprit, dans le verre du cœur. Peu s’en faut (couma nannié) de l’huile là capave éclairer avec le rayon de l’intelligence – kot le feu de la lumière de Dieu touche li, li gagne la connaissance de Dieu. Dans le verre du cœur, fine place la lampe du secret, et dans la lampe du secret, fine place la mèche du secret, du mystère, ‘Al Kaafi’, ki le secret du secret. Kan Allah envie établir So Khalifa lor la terre, Li manifester Li-même avec bane la lumière de So Beauté et So Majesté au niveau de la lampe du secret de l’homme, ki éclairer par la lumière de l’intelligence, ki li (l’intelligence), li na pas ena accès à la connaissance de la Réalité Ultime. Ainsi, la lumière de la théophanie (Manifestation directe de lumière divine) vine « ene lumière lor la lumière de l’intelligence. Et Dieu guide vers Sa lumière » (la mèche du secret) à ki Il veut (24 :36). L’heure là, la lampe là éclairer par le feu de la lumière de Dieu. Ainsi, ça dimoune là vine le Khilafatullah lor la terre. Li manifester bane la lumière de So bane attributs dans ça lémonde là par la justice, la vertu, la miséricorde, et la bonté pour bane ki mérité, et li manifester So bane attributs de puissance, de réprimande, de colère, de vengeance pour bane ki mérité. C’est seki Allah fine informe nous lor rang du prophète et de so bane compagnons : « Muhammad (s.a.w) ene Envoyé d’Allah. Bane ki avec li, zot dure envers bane sans la foi, mais bienveillant entre zot même. (Surah Fath V.30) Maintenant mo vine lor seki Hazrat Massih Maoud (a.s) fine faire comprend lor ça sujet là, sinon mo Khutba pour alle trop longue. Dans ene so livre, « Shahadat-ul-Quran » (Pg. 48-60), Hazrat Massih Maoud (a.s) dire ki « Qoudraté Saaniyah » li éternel et li pour alle jusqu’à le jour du jugement, seki ici pé dire Hazrat Massih Maoud (a.s) pé faire référence le mot « Qoudraté Saaniyah » li applicable pour Khalifa et d’après Hazrat Massih Maoud (a.s) ki Khilafat-é-Rassool, ti inclure les quatre Khalifa, ki ti bien guider et zot même ti vine bane successeur après Hazrat Muhammad (s.a.w) et aussi après ça quatre Khalifa là ti ena « Mujaddid » ki ti vini. Khilafat Islamique (c-à-dire, les 4 Khalifa après Hazrat Muhammad (s.a.w)) ti bizin ena, pour continuer ça grand travail ki Hazrat Muhammad (s.a.w) fine vine faire là et aussi li continuer avec bane Mujaddid ki fine vini dans chaque siècle et nous tous bane Musulmans nous croire ça et ça aussi li pour continuer jusqu’au Jour du Jugement (Qayamat). Et dans aucaine écrit de Hazrat Massih Maoud (a.s) pas fine dire, ni fine déclare ça officiel ki « Khilafat Ahmadiyya » pour eternel. Dans so bane écrits li fine dire ki deux zaffaires pour éternel : Qoudraté Saaniyah & Khilafat Islamique Li dire ki Qoudraté Saaniyah li inclure « Khilafat » mais pas « Khilafat Ahmadiyya ». Li dire ça Qoudrat là ena ene similarité avec Qoudrat ki ti paraître dans forme de Hazrat Abu Bakr Siddique (r.a) ki ti le premier Khalifa Islamique. En d’autres mots Hazrat Massih Maoud (a.s) pé dire ki Qoudraté Saaniyah li comparable à Khilafat Islamique. Li fine dire ki « Khilafat Islamique » li inclure bane successeurs après bane prophètes et Mujaddid. C’est-à-dire tous les temps jusqu’à Qayamat pour ena bane prophètes ki pour continuer vini dépi kot Allah (swt), pour faire revivre ça vrai l’enseignement ki Hazrat Muhammad (s.a.w) ti amener pour enseigne l’humanité et ki fine bafouer dans la main des hommes et après aussi pour ena bane Mujaddid. Faudé pas nous piétine ça bane l’enseignements de Hazrat Massih Maoud (a.s) enbas nous lipié et nous guette seulement nous bane l’avantages ki Khilafat-ul-Massih ça même tous.  Non ! Faudé pas nous pense coumsa; faudé pas nous lizié voilé, nous vine sourd et nous lecoeur vine roche ! Pense bien si ou trouve ou dans Jamaat Ahmadiyya, avant bane Khilafat-ul-Massih, ti ena Hazrat Massih Maoud (a.s) même, pas seulement li ti vini comme Mujaddid mais comme ene Prophète aussi et Allah fine donne li beaucoup de révélations et aussi so venue ti prophétisé par Hazrat Muhammad (s.a.w). Li fine vini comme ene Messie Universel ; aussi pour tous religion. Et la porte Khilafat-ul-Massih capave fermer, mais la porte Mujaddid jamais pas pour fermer. Ene Mujaddid c’est Allah ki élève li ; c’est pas l’homme. Li vine de côté d’Allah. Mawlana Shah Ahmad Noorani Siddiqui ti prétendre être le Réformateur du 15ème siècle. Lor ki critère li fine base li pour li déclare li-même Reformateur 15ème siècle, kot li même li fine ferme la porte apostolat et li dire ki Allah fine arrête causer, fine arrête envoye revelation. Li base so revendication comme étant « Mujaddid » lor seki bane les autres leaders fine dire à propos li tel couma Qaid-é-Ehlé Sunnat Peer-O-Murshid, Qaid-é-millat-Islamia, Peer-e-Tariqat, Rahbar-e-Sharriat, Mujaddid-é-waqt etc… Pour li dire ki li Mujaddid du 15ème siècle (Reformateur), eski li fine gagne kit signe de côté d’Allah, kit révélation ki li ça Mujaddid là ou li base li lor seki l’homme pé faire kan zot faire so éloge et nous pas conner même exactement lor ki li fine base li pour dire li Mujaddid. Kot so revendication et ki l’opinion de bane les autres groupes Musulmans concernant ça. Eski zot accepter li comme Mujaddid du 15ème siècle ? Ene question ki mo pose mo bane frères et sœurs, si Mawlana Shah Ahmad Noorani Siddiqui ti le Mujaddid du 15ème siècle, bé eski kikaine ou bien so garçon même capave dire moi, ki sanlà ti le Mujaddid du 13ème et 14ème siècle ? Li pas capave proclame li comme étant le Mujaddid du 15ème siècle sans ki li accepter et conne bane l’avènement de Mujaddid de 13ème et 14ème siècle. Li pas capave saute ça et li proclame li comme celui de 15ème siècle ! Mo retourne lor mo Khutba principale, kot Khalifa « Khalifat-ul-Massih » Ahmadi pas pour éternel, tout comme Hazrat Massih Maoud (a.s) fine dire li même et li aussi comme moi, mo entièrement d’accord lor là ki la porte de bane Mujaddid pas pour fermer. Ti ena ene dimoune ki ti pose Hazrat Massih Maoud (a.s) ene question le 29 Septembre 1905, et so référence trouve dans Malfoozat Vol.7 Pg.119. Ça dimoune là fine demande li « Eski pour ena Mujaddid pour vini après ou ». Alors Hazrat Massih Maoud (a.s) fine repondre, « bé ki de mal ena là-dans, si ene Mujaddid vini après moi ? L’apostolat de Moosa (a.s) fine terminer là-même avec le Messie Issa (a.s). Kan tandis ki de côté Hazrat Muhammad (s.a.w), ça li pour continuer jusqu’à Qayamat. » Alors tous les temps Allah (swt) pour continuer élève So Mujaddid jusqu’à le Jour du Jugement, et c’est vrai ki nous pas pour capave refuse croire ki Allah (swt) pas pour continuer élève So Mujaddid parmi bane bon et dimoune pieux. Eski ene Réformateur, ene « Reviver of Faith » pas pour vini de côté d’Allah ? Eski Allah pas fine dire dans Quran Shariff ki Li pas pou détruire ene peuple ou envoye ene punition aussi longtemps ki Li pas envoye ene Avertisseur et en même temps pour préserve ça vrai l’enseignement ki Allah (swt) fine établi par So Rassool (s.a.w) ? Et Allah et So Rassool (s.a.w) ti conne très bien ki pour arriver dans l’avenir ! Alors Allah pas pou laisse ça religion ki Li fine parfaire là et ki signifie la paix et soumission totale à Allah, alle à la dérive par la main de l’homme et chacaine pé prend zot pli conner ki l’autre-là là. Allah (swt) Li pour toujours envoye So dimounes ki Li Li fine choisir, pas l’homme ! Et surtout kot tous bane l’enseignements divine fine piétiner enba lipié de ça bane kalité dimounes là. Eski Allah pour laisse So l’enseignement vine en poussière sans ki Li pas pour protège So l’enseignements ? La même kot Allah dire dans Quran Shariff Ch.2 Ruku 2 : « N’importe kan ene Guide arrive parmi ou depuis kot Moi, bane ki suivre Mo Guide pas pou bizin peur, ni gagne la peine. » Toujours dans « Shahadat-ul-Quran » pg.46, Hazrat Massih Maoud (a.s) dire : « A chaque siècle pour préserve l’enseignements dans différent aspects, Mujaddid pour vini de chaque sièle avec le pouvoir ki Allah pour donne li, bane faculté et bane qualité ki pour reforme bane ki shaitan fine faire zot dévier complètement dans le droit chemin et voilà ki l’homme tombe dans l’obscurité et suivre les pas de shaitan. » Et aussi (moi mo dire) « ki kan l’homme fine délaisse la spiritualité et zot fine attache zot pliss de côté mondaine et ena dimounes si zot pé pratique ça comme ene routine seulement, alors c’est zis Allah (swt) ki conne les cœurs de bane dimounes et pour ki Li envoye ene Khalifatullah de ça siècle là. » Ena ene l’autre point très important encore dans Quran Shariff – La lettre RA dans les mots ALIM LAM RA – ça mots là li faire référence « Institution permanant de Mujaddids » et li pour continuer vini jusqu’à le Jour du Jugement. Tous ça là c’est bane grand miracle et victoire ki pour vini parmi bane croyant de Hazrat Muhammad (s.a.w) et li pour continuer jusqu’à le Qayamat. Si mo pas faire erreur, mo croire Hazrat Massih Maoud (a.s) écrire ça peut-être dans Roohani Khazain No.2 Vol.2 Pg.63). Si mo pas pé faire erreur. Qui Allah guide moi lor là. Et Hazrat Massih Maoud (a.s) continuer dire, toujours dans Roohani Khazain No.2 (Mo croire Vol.3 Pg.225 (si ena kit erreur capave corrige moi). Li dire : « Après ene semaine ki ou fine mette ene linge li vine sale et définitivement bizin lave li. Chaque siècle ki passer, eski pas bizin ena ene Mujaddid ? Li dire définitivement bizin ena, pour ça raison là, ki faire Allah pas pou établir ça institution là ki à la tête de chaque siècle bizin ena ene Mujaddid vini pour reforme l’homme à travers le monde entier ? » Alors Rôle d’ene Khalifatullah ou d’ene Mujaddid (ene dimoune ki vine de côté d’Allah) li le même. Pareil couma nous le corps de jour en jour li vieilli et la santé affecter, coumsa même prend ene siècle pour alle l’autre siècle. La spiritualité mort, fini, li détériorer et là même Kot Allah dans chaque siècle li envoye So Messager, Khalifatullah ou Mujaddid, seulement pour re-vitalise ça nouveau génération là par la loi d’Allah (Sunnat Allah). Alors li bien important ki ça dimoune ki vini là à la tête de chaque siècle là, c’est Allah ki envoye li et li vini li faire revivre ça vrai l’enseignement divine ki fine perdi par génération après génération, siècle après siècle. Allah (swt) envoye So Vice-gérant (Khalifatullah) lor la terre ou même li ene Mujaddid, ou même comme ene Messie de chaque siècle. Pareil couma Hazrat Massih Maoud (a.s) fine écrire dans so livre « Izala Auham Pg.197) : « Mo fine proclame moi comme le Messie Promis (a.s), pas mo tousel ki proclamé comme le Messie Promis (a.s) et ni mo le dernier Messie Promis. » Hazrat Massih Maoud (a.s) dire, « D’après moi, li bien possible ki après ça siècle ki mo fine vini là, pour ena encore ’10,000 Messie Promis’ ki pou vini, mais pour ça siècle là, c’est moi ki le Messie Promis ». Maintenant après ki nous fine écoute bane écrits du Messie Promis (a.s) Hazrat Mirza Ghulam Ahmad (a.s), personne pena le droit pour change bane l’enseignements du Messie Promis (a.s) concernant l’apparition d’ene Mujaddid ou Khalifatullah ki vine de côté d’Allah ki conformer avec l’enseignement et perception du Khilafat Islamique. Mais malheureusement, beaucoup dimoune de l’Association Ahmadiyya aveuglement pé propage ça mauvais concept concernant Khalifa et zot dire ki « Khilafat Ahmadiyya li éternel » et ena parmi zot aussi ki dire : « Khilafat nous la vie ! » Abé kot Allah et So Rassool (s.a.w) été ? Kot ça premier credo de l’Islam fine aller – càd, « Laa-Ilaaha Illallahu Muhammadur Rassoollullah»? Et seki zot dire li en contradiction avec seki Hazrat Massih Maoud (a.s) fine écrire – Couma ene parole ki dire ‘La parole s’envole mais l’écriture reste’ – mais so bane écrits de so croyances li là. Zot pé prétendre ki zot bane grand défenseurs de l’Islam et Ahmadiyyat, ki couma dire pena encore couma zot pé défendre l’Islam et zot croyance dans Hazrat Massih Maoud (a.s). Mais ki arriver, pour élevé ene créature ki elir par l’homme, zot élève li la-haut plisse ki Allah (swt), Allah So Prophète Hazrat Muhammad (s.a.w), Allah So parole ki fine dessane lor nous bien-aimé prophète (s.a.w) – Le Quran Shariff) – et seki Hazrat Massih Maoud (a.s) fine vine enseigne nous et ou ki ou pé faire ? Ou pé mette ça bane l’enseignements là ene côté et ou faire ça bane l’enseignements là crazer vine en poussière, pour ou élève ene créature ki fine élire par l’homme, ou pé mette li pli là-haut et dans Maurice même ena ça bane kalité dimounes ki ti écrire partout pour dire « Khilafat nous la vie » et zot oublier ki Allah ki fine donne li la vie, ou mette Allah ene côté et sans Allah ça l’univers là pas ti pour exister et tous ça faveur ki Li fine faire lor ou sans ou propre zefforts et ou la vie dans So la main, Li contrôle tous seki ena dans ça l’univers là. Même oû Khalifa so la vie trouve dans la main d’Allah. Alors ou pas trouver ki ene Shirk fine prend place dans ou lécoeur sans ki ou pé réfléchi et réaliser ; et dans ça moment là eski Allah (swt) pas bizin manifester So puissance et So pouvoir pour élève ene So Khalifa tout comme dans Ch.2 V.30 : « Wa iza qaala Rabbuka lil-Malaaa-ikati ‘Inni jaa-iluu fil Azi Khalifah’ ». Allah dire : Rappelez to Maître ti dire bane anges : « Mo pou place ene Mo répresentant lor la terre … ». Allah dire à bane Anges : « Inni jaa-iluu fil Azi Khalifah ». Et quand Allah envoye So Khalifa et li prend le nom d’Allah li dire ki Allah fine eleve moi comme So Khalifa et li mentionne So révélation ki li fine gagner, zot tourne le dos avec ça et zot ridiculiser, faire bouffon, et dire ça menti, ki li ene menteur, li ene ‘Bimaari’ (maladif). Seki Allah élever et envoye So révélation, zot traite li menteur et toute sortes kalité nom et pour les autres ki fine élire par élection de l’homme et jusqu’à azordi faire 5 ans ene ti révélation li pas encore dire, ki Allah (swt) fine révèle li et ça zot prend comme zot idole. Réfléchi bien seki mo pé dire ou. Arrête faire bouffon, ridiculiser. Pense la colère d’Allah. Déjà Li pé manifester beaucoup même So bane signes de colère à travers le monde. Pas prend ça à la légère avant ki li trop tard, dans ene fraction seconde ou pas conner ki kalité Allah capave manifester So colère lor ou et ou, ou punition pou doubler parce ki ou fine accepter le Messie Promis (a.s) et après ou craze so l’enseignement ou pé faire li vine la poussière. Bé kan ça fine vine la poussière, ene la brise tapé, la poussière là envoler et rentre dans ou lizié et voilà encore li difficile pour trouve pli bien encore. Lizié fine fermer et pas pour trouve nannié ni la manifestation d’Allah. Pour terminer, Allah fine donne moi nouvelles de bane calamités. Donc comprend bien. Pour ena tellement de bane morts ki couma dire l’image de qiyamat et pour ena bane la rivieres du sang, bane zanimaux aussi pas pour épargner de ça. Et pou ena tellement de destruction lor la terre ki depuis ki fine ena création de l’homme, jamais pas fine ena ene tel destruction avant. Et la majorité de bane bâtiments pour détruire complètement, pour ruiner et zot pour bane places couma dire jamais ti habitable. Et ensemble avec ça pour ena encore bane destruction dans le ciel et la terre jusqu’à ki dans regard de chaque dimoune ki intelligent zot pour conner ki ça zaffaire là, li pas ene kitchose ordinaire, et pas pour trouve ça dans aucaine livre. Bane dimounes pour commence penser ‘ki pou arriver maintenant ?’ et beaucoup bane dimounes pour saper et beaucoup bane dimounes pou detruire et ça jour là bien proche ; et même mo bizin dire, li paraître derrière la porte. Le monde pour trouve ene scène de Qayamat. Et pas seulement tremblement de terre, pour ena encore bane destructions effrayant, pour le ciel et pour la terre parce ki bane dimounes fine arrête adore zot Maître et tous bane les cœurs, tout l’attention li vers le monde. L’idolâtrie fine prend forme dans tous sorte façon, dans statue, soleil, dans la lune, dans tout kitchose ki Mo Allah fine créer, ki demain tous pour fini et aussi l’idolâtrie fine prend ene forme Humain, kot zot fine prend créatures comme le Créateur. Bane ki faire Tauba (demande pardon) sincèrement pour gagne la paix, et bane ki pour peur avant destruction vini, pour ena pitié lor zot. Eski zot penser ki zot pour capave sape zot de ça bane calamités là. Certainement Pas ! Pas penser ki l’Amérique et Israël pour zot dominère cruel ki zot pé faire zot pas pour gagne zot punition. Bientôt Allah So Azaab (punition) pour tombe lor zot et l’Europe aussi pas pour en paix, l’Asie aussi pas pou en sécurité, et bane dimounes des îles pas pour gagne aide avec personnes. Bane la villes pour détruire et ça bane places là pour vine désert. Allah pé faire moi comprend ki Li fine reste tranquille, zot fine faire beaucoup mauvais travail sous So regard. Li fine reste tranquille mais maintenant Li pour montrer So colère avec beaucoup de force. Entendre bien bane ki ena z’oreilles pour tender, ki ça l’heure là li pas loin. Mo pé faire mo mieux comme ene humble serviteur d’Allah ki faible, mo dire zot reste ensemble comme ene seule famille, ene famille croyant. Faudé pas ena bane controverse entre zot, surtout lor le travail de Deen (Islam). Enlève zot bane controverse et zot bane obstacles. Travail couma ene seul le corps, ene l’équipe, ene Jamaat croyant. Penser ki dans ça Jamaat Ul Sahih Al Islam tout Allah So bane croyants même ki là-dans ; personne pas plus supérieur ki l’autre. Heureux à vous tous ki ici dans ça Jamaat là. C’est zot ki pli chanceux ki pour faire revivre le vrai enseignement de l’Islam et zot même ki pour construire ça base solide là et l’heure là ça bâtiments là pour monté lor ça base solide là même – ça base solide ki pour amène dimoune vers Allah – C’est ça le vrai DAWA ki bizin faire. Faire ça travail là seulement pour Allah et invite dimoune seulement vers Allah et faire zefforts pour collecter zot tout sous la paix d’Allah. Tous bane membres du Jamaat Ul Sahih Al Islam bizin vivre couma bane frères et sœurs et vivre en paix et reste sous la paix d’Allah. Pour ou gagne ça la paix là, alors obéir l’instructions d’Allah. Suivre ene seul instruction, seulement l’instruction de zot Rab ki ena beaucoup l’amour pour zot, et zot Rab envie trouve zot en paix et pé travail en paix. De l’autre côté ça bane zaalim (infidèles) là fine fini décréter ki pour arrive zot, et personne pas pour capave arrête ça décret là. Pour ena aussi crise écomique mondiale, crise de pétrole – prix par baril pour continuer monter couma flèche et au niveau nous pays aussi dimounes pou souffert beaucoup. Jour en jour, la vie pou vine bien bien dure. Dimounes bizin faire beaucoup d’économie. Pas dépense zot l’argent dans bane kitchoses inutile, ni dans gambling, lécourse et aussi dans la boisson alcolique, la drogue, cigarettes kot ou pé détruire ou la santé aussi et ou pé fini ou l’argent. Alors amène ene la vie bien simple et économizer parce ki dimounes pé souffert beaucoup surtout tous les mois tout kitchoses pé monter, et montrer ou bane zenfants l’esprit de sacrifices, economise zot bane l’argent et surveille zot bane mouvements pour zot na pas alle dans bane mauvais chemin kot zot l’avenir et zot l’argent et l’honneur zot famille pour fini. Mo pé dire zot la vérité, ki ça pays là aussi so l’heure pé arriver. Et l’époque de Nooh (a.s) devant ou lizié. Et zot pour trouve l’image de la terre de Thamud devant zot lizié et Allah prend letemps pour montrer So colère. Alors faire Tauba et faire beaucoup de duahs pour ki ena pitié d’Allah lor chacaine parmi zot. Bane ki quitte Allah, tourne le dos avec So bane signes, ridiculise So bane signes, c’est zot ki arrogants et zot pas ene dimoune. « Bane ki pas avec Moi (Allah) zot fine mort pour Moi et zot pas vivant ». Ça bane évènements ki pé passer là, fine arrive ene stage beaucoup de peur et de frayeur. D’après certains bane signes li paraître ki la troisième guerre mondiale pas loin ! Allah conne mieux si pas mo fine bien comprend So message ki Li fine donne moi ou non. Mais li pé pointe vers ça kot pour ena bane grands la guerres et bane tel la guerre kot beaucoup la vie innocent pour fini et ça pour arriver avec ene la guerre atomique. Allah conne mieux kan ça l’heure là pour arriver, mais seulement nous bizin faire beaucoup duah (la prières) ki Allah épargne nous de ça bane calamités là et donne zot la foi ki zot reconnaite ça vérité ki fine vine de côté Allah et zot tourne zot seulement vers Allah. Insha-Allah