|
Bismillah-ir-Rahman-ir-Rahim
Khutba Jummah de Hazrat Muhyi-ud-Din Munir Ahmad Azim le Vendredi 23 Juin 2006
Surah Al-Lahab Le Père de la Flamme (Ch. 111)
Après ki Hazrat Amirul Momeneen Muhyiuddin, Munir Ahmad Azim fine addresse le salaam, li fine lire le Tashahhud, Ta’ouz et ensuite li fine lire Surah Al Fatiha du Quran Shareef et puis li fine lire le Ch.111 Al-Lahab en entier.
1. Tabbat yadaaa ‘abii laha binw wa tabb : 2. Maaa agnaa anhu maalu huu wa maa kasab 3. Sa-yaslaa naaran zaata Lahab 4. Wamra-‘atu : hammaa latal hattab. 5. Fii jiidihaa hablum mim masad!
1. Qui deux la main Abu Lahab pourri, et qui li aussi pourri ! 2. So richesse et tout ce qui li fine amasser pas pou profite li. 3. Li pou brûler bientôt dans ene difé avec la flamme, 4. Et so femme aussi, qui pou transporte du bois là, 5. avec autour so licou ene la corde en feuille tame.
Ça chapitre là fine révélé à la Mecque; li traite principalement lors ene incident particulier de persécution cruelle et impitoyable envers nous Saint Prophète (s.a.w). Le titre même de ça Surah là li Al-Lahab, ki éna lien avec Abu Lahab, chacha de Hazrat Mohammad (s.a.w) ki avec l’aide de so madame, ti persécute à l’extrême Hazrat Mohammad (s.a.w) ; Kot finalement prouver en général ki la cruauté pou bizin ruine li-même et fini li-même.
Ça dimoune ki arazé contre bane bon kitchoses sacrés brûle li-même dans so propre la rage. So bane la mains ki servi couma ene l’instrument ki servi couma ene l’instrument pour faire so bane mauvais actions, zot fini et li aussi fini. Tout richesses et tout position sociale ki li ti pé flatter pas capave sauve li. Bane madames ki fine créer pour inculquer dans zot bane émotions nobles, capave si zot faire fausse route nourri zot la rage satanique avec ene pli grand férocité kot zot alle vers zot propre destruction. A cause zot capave encercler zot licou avec la corde de la haine et jalousie. Tout dimounes conner ki ene dimoune pour bizin fini dans ça même destruction là kan li rode alle détruire lézot. Li pas conner ki en vérité c’est li-même ki li pé détruire, kot so l’âme perdi lumière et rentre dans l’obscurité.
Le Saint Prophète (s.a.w) fine choisir par Allah pour proclame le Message de So l’Unicité. Alors avec ene désir pour proclame ça grand message là, li ti rassembler tous so bane familles pour écouter et pour juger entre le bien et le mal avec ene l’esprit ouvert. Mais, Abu Lahab fine extra en colère et li ti zoure le Saint Prophète (s.a.w) et li ti avoye malédiction lors li et ti dire : « Ki to fini ! ». Avec so propre la main li ti prend bane roches et li ti envoye ça lors la tête du Saint Prophète (s.a.w). Li ti fière de so l’argent , et li ti ene de bane dimounes principale pour persécute le Saint Prophète (s.a.w) sans aucaine pitié. So madame ti pé pose bane piquants et bane pièges dans chemin kot nous bien-aimé Aaka Hazrat Mohammad (s.a.w) ti pé marcher pendant la nuit. Mais guetter ! Bane malédictions, bane insultes, et mépris pas fine faire aucaine mal à ene innocent, mais ça fine touche bane mécréants (sans la foi) même.
Le fait qui ene de bane chacha du Saint Prophète (s.a.w) ki ti gagne le nom d’Abu Lahab, c-à-d, « le père de la flamme) à cause so caractère bien chaud, et le fait qui li ti pé maudit avec colère so neveu et li ti pé menace li avec so poings quand Hazrat Mohammad (s.a.w) ti pé prêche la vérité de l’Islam à bane dimounes de la Mecque et ti pé encourage zot par so bane bons paroles pour faire le bien. Li ti éna ça l’attitude là envers le Saint Prophète (s.a.w) et le Saint Prophète (s.a.w) li, li ti pé refuse pour obéir li quand so chacha ti pé dire li arrête prêche l’Islam – tous ça là ti pé faire Nabi Kareem Hazrat Mohammad (s.a.w) beaucoup la peine. Abu Lahab ti riche et li ti croire ki li capave commande tout dimounes et li ti penser ki tous dimounes bizin obéir li. Mais le Saint Prophète (s.a.w) ti pé continué faire séki Allah ti ordonne li ; li pas ti pé prend compte bane malédictions de bane dimounes et de bane méchancetés ki lézot ti pé faire. Ça bane malédictions là pas fine éna aucaine l’effet et Abu Lahab et bane chefs de tribus qui ti persécute le Saint Prophète (s.a.w) fine mort quelques temps après, tandis ki l’Islam ti pé vine de plus en plus prospère.
V.1&2 : « Qui deux la main Abu Lahab pourri, et qui li aussi pourri ! So richesse et tout ce qui li fine amasser pas pou profite li ».
Abu Lahab montrer nous couma Abu Lahab fine gagne ça nom là à travers so mauvais caractère et so teint rouge. Li ti le plus grand ennemi de l’Islam dans so bane premier jours. So bane malédictions pas ti éna aucaine l’éffets. Li ti mort premier semaine après bataille Badr, rongé par chagrin et par so bane propres passions.
V.3 : « Li pou brûler bientôt dans ene difé avec la flamme,
Verset 3 prédire la fin Abu Lahab dans ça le monde là ; et aussi so la vie dans l’au-delà.
V.4 & 5 : Et so femme aussi, qui pou transporte du bois là, avec autour so licou ene la corde en feuille tame ».
Madame Abu Lahab ti aussi ene grand ennemi de l’Islam. Li ti éna beaucoup la haine pour le Saint Prophète (s.a.w) et li ti bien cruelle envers li. « Amène du bois à feu » veut dire, dans ene sens symbolique, ‘apporte bane causer (rumeurs) entre bane dimounes pour embrouille zot’. Li ti éna parmi so bane vices la médisance (ribat) et colportage de bane calomnies lors le Saint Prophète (s.a.w). Mais, li ti pé prépare li, sans li conner, pour ene lotte kalité du feu et à ene lotte kalité la corde. Du feu punition et la corde de l’esclavage au mal. Difé de so la haine ti pé brûle li.
Pas laisse nous même maudit lézot, parski en retour Allah pour maudit nous. Anous aide la cause d’Allah avant ki Allah enlève ça bane faveurs là de nous. Servi nous l’intelligence et nous raisonnement afin pour comprend bane lézot dimounes, et nous pas ridicule zot car zot capave en retour ridiculise nous Allah et la religion de l’Islam. L’amour et la tolérance zot meilleur ki la haine. Si nous éna la haine contre bane ki mette zot au service de l’humanité, nous risqué pour trouve nous bane proches éna plisse la haine et mépris pour nous. |