|
Bismillah-ir-Rahman-ir-Rahim
Khutba Jummah Vendredi 10 Février 2006
Hazrat Amir’ul Momeneen Muhyi-ud-Din Munir Ahmad Azim
Le Martyre de Imam Hussein (r.a)
1er Partie
Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire sourate Al Fatiha du Saint Coran et li fine lire:
“Wa laa taquuluu li-many yuztalu fii sabiil-laahi an-waat. Bal ah-yaaa-unw-wa laakil laa tashuruun”
(Pas parle de bane ki fine tués pour la cause d’Allah couma morts. Au contraire zot vivants, mais ou pas réaliser) – Ch.2, V.155
D’après ene hadith, ene fois chachi de Hazrat Rassullullah (s.a.w), Hazrat Ummul Fazal (r.a) fine faire ene rêve et li fine vine kot Rasullullah (s.a.w) pour raconte so rêve. Li dire : « Ya Rasullullah (s.a.w) mo fine faire ene rêve, mo fine trouve ene morceau de ou le corps detaché et ça fine tombe dans mo les bras ». Hazrat Mohammad (s.a.w) dire li : « O chachi, ou fine faire ene bon rêve. Cela pé indique ou ki mo ti fille Fatimah (r.a) pour donne naissance ene garçon et ça enfant là pour grandi dans ou les bras ».
Ummul Fazal (r.a) raconté ki « vraiment Hazrat Fatimah (r.a) fine donne naissance à Imam Hussein (r.a) et quelques temps après mo fine vine rendre visite au Prophète (s.a.w), li fine prend Imam Hussein (r.a) et li fine dépose li dans mo les bras ; mais mo fine remarquer ki larmes pé couler depuis les yeux de Rassullullah (s.a.w). A ce moment là, mo fine demande li : « Ya Rassullullah (s.a.w) pour ki raison ou pé pleurer ? » A ce moment là Rassullullah (s.a.w) fine répondre : « Hazrat Jibreel (a.s) fine vine informe moi ki mo Ummat pour assassine ça enfant là et Jibreel (a.s) fine apporte un peu la terre kot Hussein (r.a) pour être assassiné ».
Hazrat Imam Hussein (r.a) fine né le 5ème Shabaanl’an 4ème Hijri à Madinah Shareef. Kan Imam Hussein (r.a) ti né, Hazrat Jibreel (a.s) fine vine informe Hazrat Mohammad (s.a.w) ki Allah Ta’ala pé ordonne ou pour garde nom ça z’enfant là pareil couma Hazrat Haroune (a.s) ti garde nom so garçon « Shabbir » (langue Ibrani) et en langue Arabe li vine Hussein.
Hazrat Ameer Muaviya (r.a) ti ene grand sahaabi couma nous fine tendé dans Khutba Jummah dernière à la lumière bane hadiths ki mo ti cité. Parmi so bane enfants, ti éna ene connu comme « Yazid ». Yazid li le contraire de so papa. Li ti ene dimoune ki possède toutes sortes de mauvaises manières et mauvaises conduites et so la vie fine gravé dans l’histoire comme ene grand criminel envers l’Islam.
Dans ene hadith, Hazrat Mohammad (s.a.w) fine dire : « Premier dimoune dans mo Ummat ki pour détruire mo sunnat, ce sera ene dimoune de Banu Ummayya ».
Ça prédiction ki Hazrat Mohammad (s.a.w) ti faire là, péna aucaine doute là-dans concernant Yazid, li ti dans la famille Ummayyah. Yazid fine prend naissance dans 25ème Hijri. Concernant caractère et mentalité de Yazid, beaucoup dimounes ti déjà au courant de so la vie, ki kalité la vie li ti pé amener, ene la vie contraire de séki l’Islam fine enseigner.
Hazrat Ameer Muaviya (r.a) fine décéder dans le mois de Rajab 60 Hijri à Damas, à l’âge de 70 ans. Après so la mort, Yazid fine prend pouvoir comme Calife. Yazid- limême ti ene grand alcoholique, ti pé faire boucoup crime, li pas ti éna bane bon manières et boucoup de défauts et li pas ti éna aucaine respect pour bane dimounes. Après la mort so papa, Yazid prend place so papa comme chef et li envoye ene lettre à Walid bin Uqba ki ti gouverneur Madina à ça l’époque là. Dans so lettre, li adresse le gouverneur, ki li bizin dire tous bane dimounes prête serment (bai’at) ki zot accepter Yazid comme zot comme zot calipha. Mais avant tout, Yazid fine précisé ki certaines dimounes obligés portent serment. Ti éna Imam Hussein (r.a), Abdur Rahman Bin Abu Bakr, Abdullah Bin Umar, Abdullah Bin Zubair, parsqui ça bane dimounes là, zot bien éduquer, éna bon manière, bane dimounes ti content zot et zot ti à la hauteur pour vine khalifa (chef).
Alors sous l’ordre de Yazid, Walid bin Uqba fine appel Imam Hussein (r.a) dans la maison gouverneur kot li fine lire lettre là devant Imam Hussein (r.a). Imam Hussein (r.a) ti au courant ki kalité Yazid été, li ene grand malfaiteur et li pas digne pour vine chef et Imam Hussein (r.a) ti aussi au courant ; si li refuse prête serment lors la main Yazid, so la vie et la vie de so famille pour bien dangereux. Mais Imam Hussein (r.a) ti ene homme bien brave et courageux li pas fine même hesiter pour refuse accepter Yazid comme khalifa, même ki gouverneur là fine explique li, si to pas accepter Yazid comme khalifa, li pou prend bane sanctions sévères contre li. Si Yazid ti prend pouvoir avec l’acception de Imam Hussein (r.a), li ti pou introduire so plaisir personnelle dans la religion d’Allah et personne pas to pour capave objecter. Le petit fils de Nabi Kareem (s.a.w) ti près pour sacrifier tous so possession même jusqu’à so la vie et la vie de so bane famille pour empêche bane malfaiteur comme Yazid pour vine au pouvoir et mettre Islam en danger.
Kan Imam Hussein (r.a) fine refuse prend le bai’at alors gouverneur Madina fine appelle Marwaan bin Hakam pour prend conseil, et Marwaan fine dire si zot pas prend bai’at, touille zot. Kan gouverneur Madina fine informe Yazid ki Imam Hussein (r.a) fine refuse li comme khalifa, li fine vine rouge avec beaucoup de colère et Yazid fine ordonne gouverneur li pour assassine Imam Hussein (r.a). Le gouverneur fine informe Imam Hussein (r.a) colère de Yazid mais là aussi Imam Hussein (r.a) fine refuse pour accepter Yazid comme le caliph.
Entre temps Imam Hussein (r.a) fine prend conseil bane sahaba et zot fine conseil li pour quitte Madina pour alle Mecca Shareef. Mais bane habitants de Madina ti bien triste kan zot fine gagne nouvelle ki Imam Hussein (r.a) pé quitte Madina. Et plus vite, Imam Hussein et Bibi Fatimah (r.a) fine aller toute suite et dans ça moment là tous bane ansaar ti en grand larmes parsqui zot conner ki Imam Hussein (r.a) pé quitte Madina pour toujours. Imam Hussein (r.a) et so la famille fine quitte Madina ene Vendredi 4 Shabaan 60 Hijri. En route kan Imam Hussein (r.a) fine joindre bane habitants de Madina, zot ti pé demande li kot li pé aller et kan li dire zot ki li pé alle Makka, zot commence pleurer. Bane habitants de Makka ti bien content pour recevoir Imam Hussein (r.a) à Makka. Pendant quelques mois, Imam Hussein (r.a) et so la famille fine vivre en paix à Makka et so présence ti apporte beaucoup de joie à bane habitants de Makka, zot ti pé alle rendre li visite. Amar bin Said, ki ti gouverneur de Makka fine informe Yazid de la presence de Imam Hussein (r.a) à Makka et l’amitié ki bane Mecquois éna envers li et ki tous les jours zot alle visite li avec beaucoup de respect et sympathie. Kan Yazid fine entendre tous ça là, li fine bien encolère. Tous z’éffort ki Yazid fine faire fine être en vain sauf les habitants de ‘Shame’ (ville en Syrie) ki ti dans so côté fine prête serment. Kan aux habitants de l’Iraq, plus particulièrement bane habitants de Koufa, zot detester Yazid. Ça bane koufis là à l’époque de Ameer Muaviya (r.a) zot fine écrire plusieurs lettres à Imam Hussein (r.a) en lui disant ki zot pour prête serment lors so la main afin ki li vine zot khalifa.
Environ 150 lettres bane Irakiens ti écrire Imam Hussein (r.a), ti invite li pour vine Koufa et zot fine promettre li, ki zot pour prête serment lors so la main et zot pour fidèle avec li, afin ki zot capave sauver de la domination de Yazid. Kan Imam Hussein (r.a) fine constaté ki ça peuple là en général pé bizin li, alors li fine décider pour accepter zot l’invitation parsqui si li refuse aller, bane Koufis capave rentre dans une mauvaise direction et par la suite zot capave accepter Yazid comme khalife.
Mais bane sahabas de Mecca pas ti oulé ki Imam Hussein (r.a) alle à Koufa parsqui zot fine entendre dire ki bane Koufis zot bane traîtres. Finalement, Imam Hussein (r.a) fine réussi convaincre zot, en leur disant ki si li pas aller, alors tous ça responsabilité là pour tombe lors li, et devant Allah li pour responsable. Afin pour rendre compte de la situation à Koufa, Imam Hussein (r.a) fine envoye so cousin Muslim bin Aquil et so deux z’enfants là-bas. Par ça décision là tous bane sahabas ti bien content. Mo arrête le khutba là même et Insha-Allah, si Allah donne moi twafeek mo pour continuer li la semaine prochaine. (A Suivre…)
*** « Wa manyyahlil alayhi gazabi faqad hawaa » (Celui lors qui Mo colère tomber, li sûr li pour écraser)
« Laa takhaf innaka’ antal-‘alaa » (Pas peur, parce qui c’est toi qui pour gagne la victoire)
*** |