|
Khutba Jummah Vendredi 25 Février 2005
Hazrat Muhyi-ud-Din Munir Ahmad Azim
Surah Al-Hujurat Troisième Partie
Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire sourate Al Fatiha du Saint Coran et li fine dire:
Dans Surah Al-Hujurat, après ki Allah fine faire nous comprend ki Banne Croyants zotte vraiment des frères ; Alors zotte bizin faire la paix et gagne la Crainte d’Allah, pour ki ou capave gagne So miséricorde, et tout de suite après sa verset la Allah dire « O Banne Croyants, pas laisse éne groupe moque éne l’autre. C’est possible ki éne la meilleur qui premier groupe la, et pas laisse banne femmes moque d’autres femmes; c’est possible qui second groupe la meilleur ki premier groupe la. Pas diffamer entre ou, et pas lance l’un à l’autre banne sobriquets. Couma mauvais éne nom vicieux à quicaine qui déjà éna la foi ! Banne qui pas repentir, zotte de vrais malfaiteurs ». (Verset 12)
Alors dans sa verset la, pé montré nous qui Deuxième comportement ki pas bon et ki mentionné dans sa verset la et ki nous bizin absolument évité c’est le LAMZ, éne terme qui regroupe également éne grand variétés de significations. Li signifie blâmer, censurer, calomnier, critiquer, trouve banne défauts etc. LAMZ li inclure tout forme de critiques ki fine faire dans tous kalité façon soit par banne gestes ou par banne paroles. Ça banne attitudes la cassent également banne bons relations entre banne Musulmans, ki Islam envie établir, et zotte crée éne malaise et banne problèmes endans la société. Zotte séparent banne dimounes de zotte camarades et zotte rode arrête progression de la piété ek banne vertu morales au centre d’éne société. La façon ki Qur’an explique LAMZ dans ça verset la, li bien significatif parce ki, Qur’an Li adresse à banne Musulmans et li dire zotte : « Pas calomnier zotte même » au lieu de dire : « Pas calomnier zotte entre zotte mêmes ». Ça l’expression la, li identique à ça l’expression ki Allah ti servi quand Li ti faire référence à banne assassinats quand Li dire : « Pas touye zotte mêmes » et la sagesse derrière ça c’est ki celui ki calomnié so frère pé nek révèle so propre (mauvais nature) et de ce fait, li invite ça dimoune là pour faire pareil séki li fine faire. Éne acte de calomnie li nek faire ditort à banne dimounes, blesse dimoune ki concernée et li amène ça dimoune la pour reprend so vengeance et de ce fait, li conduire ça dimoune la inutilement dans le péché et li gâte l’environnement dans ki li ti pé vivre. Dans ça façon la le calomniateur (celui ki calomnié) li pas porte seulement préjudice à banne dimounes, mais au fond, li pé faire du tort li même. Dans éne l’autre verset dans Qur’an Surah AL-HUMAZA:
« Waylul – Likulli Humaza Til – Humaza »
‘Tanabuz bil-alqab’, Éne troisième mal ki nous bizin absolument évité et ki li éne obstacle bien grave pour la purification de l’âme, c’est « Tanabuz bil-alqab », c'est-à-dire le fait pour appelle banne dimounes par banne noms méprisants ou pour donne zotte banne surnoms ki éna banne caractéristiques de Sukhriyya et de Lamz. Quand nous faire kikaine rappelle so banne faiblesse de comportement et quand nous cause de so banne défauts physique, ça li équivalent à Tanabuz bil-alqab. Pareil couma moqueries ek calomnié, le fait d’attribué éne nom offensant à éne kikène, ça conduire à éne blessure morale, éne injustice et banne tourments. C’est pour ça ki l’Islam exigé ki so banne adhérents évitent ça banne kitchoses ki pour capave provoque banne désordres dans la société et gâte banne relations ki bazé lors l’égalité devant Allah ek lors la fraternité.
L’utilisation de banne surnoms dans banne circonstances exceptionnelles li permettre, tanque ki ça banne noms la pé servi seulement pour identifié éne dimoune et non pour dénigré li.
Le troisième verset, c'est-à-dire verset 13, li énumère li aussi, couma le 2ème¬ verset, trois mal ki pas seulement porte préjudice à climat morale d’éne société islamique, mais zotte aussi bien dangereux et faire beaucoup dégâts au niveau de banne l’effets ki zotte causé. Ça banne mal là zotte éna beaucoup faces et zotte attaque éne dimoune ou éne société et zotte détruire tout la paix et bonheur, et au contraire zotte faire la haine prend place et aussi doutes, soupçons et zotte faire banne troubles prend places. Ça banne mal là zotte pli dangereux ki banne ki ti mentionné dans verset ki fine vine avant.
Ça verset la so premier directive c’est ki éne dimoune bizin délaisse so tendance permanent pour faire banne suppositions, pour crée banne préjugés à propos banne lézotte, parce qui certain l’opinions capave vine simplement et purement de banne doutes ki dimounes éna et ça capave amène zotte vers le péché. Si dimounes laisse la porte de doute ouvert, alors ça pour dégradé et pas pour éna éne solution véritable et de ce fait l’esprit d’éne dimoune pour alors rempli de doutes et de la haine et ça capave faire li faire banne kitchoses sans réfléchi et ki so conséquences capave vine grave. Banne termes de verset 13 pas dire nous pour évite coûte que coûte banne l’opinions, mais ki nous bizin évite li tant ki possible, sé ki signifié ki certain de banne l’opinion zotte pas mauvais, éna banne lézotte, ki zotte inévitables, tandis ki banne le reste zotte bien nuisibles pour l’homme. C’est ça ki appelle le « DHANN ».
Quand nous réfléchi lors ça verset là, nous trouvé ki le ‘Dhann’, li en quatre catégories et ki c’est le dernier de ça banne catégories là ki plisse nuisible ki banne lézotte. Li faire dimounes commette banne péchés ki indiqué dans ça verset là par « Ba’d Al-Dhann ». Ça banne catégories là zotte comme suite:
Nous bizin éna éne bon l’opinion lors Allah (SWT) et ça l’opinion là bizin éne l’opinion ferme, ainsi ki éne bon l’opinion lors So Prophète (SAW), lors So banne compagnons (r.a) et banne lézotte musulmans ki éna éne le cœur pieux. Ça li pas seulement approuvé mais li recommandé et li connu sous le terme de « Husn-al-Dhann ».
Banne circonstances parfois oblige certains dimounes pour exerce éne l’autorité pareille couma banne juge, banne gouverneurs etc., pour ki zotte faire éne l’opinion concernant banne dimounes ki suspects, ou bien ki zotte reconnu couma banne coupable. Alors zotte pour bizin prend certains décision lors baze de banne preuves ki zotte éna dans zotte la main, par conséquent, zotte banne l’opinion zotte pas à être Blâmé, mais li éne nécessité.
Si banne signes extérieurs d’éne peuple révèle éne mauvais nature et ki zotte mauvais réputation conduire banne dimounes pour forme banne mauvais l’opinions lors zotte, alors ça li pas éne péché. Toutefois, dans ça banne cas là, seulement banne mesures préventif ki permettre et tout banne les restes actions ki prend suit à ça banne l’opinion là zotte vine Blâmable.
Suspecté kikaine sans raisons valable et interprète ça incident là à partir banne préjugé ki pli mauvais, ça li constitué éne péché. Séki nous appelle doutes (soupçons) et ki li connu dans Hadith sous le nom de « Akdhab-Al Hadith » - c'est-à-dire « Le pire des mensonges ». Banne Muhaddithun (rapporteurs hadith) appelle aussi ça banne catégorie de « Dhann » là couma « ghaybat bil-qalb » - c'est-à-dire « Médisance le cœur » (éne maladie ki vine depuis le cœur). Par conséquent, avant ki nous rendre public éne mauvais l’opinion lors banne dimounes, nous bizin hésité beaucoup et réfléchi avant ki nous faire ça qualité travaille là, surtout quand ça incident concerné là capave interprété dans différent façon et ça ce le quatrième catégorie ki mo fine mentionner.
Éne l’autre point ki bien mauvais et ki li éne acte défendu li entraîne banne conséquences bien graves et ki dégrade la paix de la société. Ça point là c’est le « Tajassus » - c'est-à-dire espionne banne z’affaires des autres, tenté pour trouve défauts dans banne lézotte dimounes, ki li par curiosité ou bien avec mauvais l’intention. Le mot « Tajassus » éna aussi plusieurs significations, liée à éne série d’activités. (Par exemple) – écoute banne conversations lors téléphone, lire banne lettres ki adressé pour éne l’autre dimounes, surveille tout kitchoses ki passé dans lacaze d’éne dimoune, écoute banne conversations privé en secret, faire l’enquête lors situations financier d’éne kikaine, lors so banne z’affaires privées et public etc... Tout ça là li inclut dans « Tajassus » et ki li interdit dans l’Islam. Tout ça banne pratiques là li amène vers banne affrontements, li amène malaises, corruptions et destructions d’éne société. C’est pour ça raison là ki le Prophète Mohammad (SAW) li ti absorde ça sujet là dans plusieurs de So banne discours et li ti avertit banne musulmans lors mauvais conséquences de ça banne actions là. Par exemple, Li ti dire :
« O zotte ki fine accepter l’Islam avec zotte la langue mais ki zotte le cœur pas encore gagne la foi, comporte zotte correctement envers banne musulmans, pas insulté zotte et pas rode découvert zotte banne défauts. Parce qui celui ki rode trouve défauts de so frère musulman li pour trouve Allah rode so banne propres défauts et celui ki Allah rode so banne défauts li pour dénoncé dans lizié de tout dimounes, même si li trouve endans so lacaze » (Hadith Dàwud et Tirmizih)
Le Prophète Mohammad (SAW) ti gagne l’habitude pour dire :
Éne incident ki pour éclair nous plisse lors le sujet de « Tajassus » li peut être l’incident là dans l’époque du deuxième Calife Hazrat Umar (r.a) et ki démontré couma éne dimoune et éne gouvernement bizin comporte zotte lors le sujet de « Tajassus ». Fine rapporté ki éne nuite, Hazrat Umar (r.a) ti pé marche dans banne la rue de Madina pour ki li conne situation de banne musulmans. Éne coup, li fine passe devant éne lacaze côte li ti fine tende éne missié chanté. Li fine saute muraille de ça lacaze là et li fine trouve missié là et li pé boire avec éne madame et li pé chanté. Naturellement, Hazrat Umar (r.a) fine en colère et li fine demande missié là pour explique so comportement. Alors missié là fine répondre le Calife et li fine dire li : « Si c’est vrai ki mo fine commette ça péché là, toi, Ô Calife, to fine commette trois (péchés). Allah (SWT) fine interdit « Tajassus », et toi, to fine pratique li. Fine enseigné ki banne dimounes bizin rentre dans la caze éne l’autre dimoune par la porte ‘principale’, alors ki toi to fine saute miraille. Allah fine commandé pou ki demande permisssion avant ki rentre dans éne lacaze alors ki toi to fine vini sans mo permission. » Le Calife fine alors rendre compte de so banne fautes et li pas fine faire nannié contre missié là, mais seulement li fine réussi faire missié là promette, ki jamais agir couma li fine faire.
Ça incident là li éclaire nous, non seulement lors l’interdiction espionnage ki éne dimoune faire, mais li montré aussi couma le gouvernement aussi pena droit espionne lors zaffaires de so banne citoyens. Azordi jour, nous trouve beaucoup pays ki zotte dire zotte soi-disant démocratique mais zotte practique l’espionnage et ça li totalement interdit dans l’Islam. L’Islam li pas admettre banne interventions ki pas justifié dans banne zaffaire banne dimoune et l’Islam détesté tous banne espionnage ki ou faire dans la vie privée de ça dimoune là.
Ki Allah aide chacun parmi nous pour comprend bien seki Allah pé faire nous comprend dans ça khudbah là. Insha-Allah.
Ameen |
