|
Khutba Jummah Vendredi 4 Mars 2005
Hazrat Muhyi-ud-Din Munir Ahmad Azim
Surah Al-Hujurat Quatrième Partie
Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire sourate Al Fatiha du Saint Coran et li fine dire:
Mo pé continué ça Khutbah là côte Mo pé dire côte éne gouvernement aussi péna droit espionne lors z’affaires de so banne citoyens et soi-disant zotte démocratique, mais zotte pratiques l’espionnage et ça totalement interdit dans l’Islam, et l’Islam li pas admettre banne interventions qui pas justifié dans banne z’affaires d’éne dimoune et l’Islam détesté banne espionnages qui ou faire dans la vie privé de ça dimoune là. Qur’an même fine ordonne banne musulmans pour pas rentre dans la caze sans la permission de so banne occupants et aussi, ou pas rende visite à banne dimounes dans banne l’heure côte où capave dérange li.
Banne cas d’exceptions, li bien minime côte l’Islam capave autorise recherches dans banne z’affaires d’éne dimoune, soit par banne dimounes individuels ou bien par le gouvernement et si éna li, alors éna certains conditions et limites pour respecté.
Par exemple, si éne kikaine envie prend éne partenaire pour le commerce ou si li souhaite marié avec éne membre d’éne certaine famille, alors li éna tout à fait droit pour assurer si dimoune là assez honnête pour vine so partenaire dans commerce et li assuré qui famille dans qui li pé marié, si ça famille là éne bon famille. Banne Muhaddithun qui traite lors le sujet de « jarh et tadil » zotte oblizé étudié la vie privée de banne rapporteur de banne Hadiths dans le but pour conne l’authenticité de banne Hadiths qui fine transmettre et non pas éne nécessité pour qui zotte capave distingué qui Hadith qui vrai et qui Hadith qui fausse ou bien qui fine mal transmettre. Pareil comme ça, éne gouvernement Islamique éna droit pour examine banne z’affaires d’éne dimoune qui éna éne mauvais réputation et qui li fort probable qui li commettre banne crimes etc.… Sinon, le devoir d’éne gouvernement Islamique c’est pour promouvoir banne bons valeurs morales au sein d’éne société et pour extermine le mal par banne moyens couma l’éducation, banne discours, banne formations lors bon morale et convaincre banne dimounes pour suivre le droit chemin. Espionnage et banne missions de reconnaissance côte banne représentants de banne l’armés allé pour vérifié la situation de la guerre et pour essaye conne plisse lors zotte l’ennemi, où soit pour faire la paix, ça banne moyens là, en temps de guerre zotte pas seulement permettre mais zotte nécessaire et zotte pas qualifié comme étant « Tajassus » qui ça verset Qur’an là pé faire référence.
Éne troisième mal, qui pli horrible et créer beaucoup de dégâts, de problèmes, c’est le « Ribaat » - La médisance. Définition de ça terme là qui le Saint Prophète (SAW) fine donné lors là, li très instructive et qui pousse nous pour réfléchi lors là. Fine rapporté qui éne compagnon fine demande le Saint Prophète (SAW) pour explique la nature et la portée de « Ribaat ».
:
Ça verset là fine compare la répugnance de la médisance pareil coma mange la chair de so frère mort, et ça li non seulement dégoûtant mais aussi totalement impensable. L’idée derrière ça comparaison là c’est qui la médisance lors éne frère qui pas présent pour protesté où pour défanne li. Donc, ça comparaison là, li amène éne l’espérance qui éne musulmans pour détesté le « Ribaat » dans même façon qui li pour gagne dégoût, vomi, quand li pense pour mange éne cadavre. Nous capave aussi conne en profondeur la nature horrible de la médisance d’après éne incident côte le Saint Prophète (SAW) fine réprimande deux de so banne compagnons qui ti peut-être involontairement coupable de ça crime là, ça anecdote là raconté qui le Saint Prophète (SAW) ti pé voyagé ensemble avec détrois de So banne compagnons quand Li fine tende deux d’entre zotte ti pé faire banne remarques blessants lors Ma’iz Ibn Malik Aslami, qui ti lapidé à mort parce qui li ti commettre l’adultère. Le Saint Prophète (SAW) ti reste tranquille jusqu’à ki Li fine passe devant éne bourrique qui fine mort et qui ti trouve dans éne côté chemin côte zotte ti pé passé. Li fine demande caravane là pour arrêté et Li fine demande ça deux compagnons là pour descendre et pour mange la viande de ça z’animaux mort là. Zotte fine troublé par ça banne paroles qui le Saint Prophète (SAW) fine dire là et zotte fine dire doucement :
Alors le Saint Prophète (SAW) fine répondre zotte avec colère :
La façon qui le Saint Prophète (SAW) fine réagir concernant ça incident là, La façon qui Li fine adopté pour faire zotte comprend le dégoût de la médisance, li laisse nous à réfléchir lors ça banne paroles là. Nous trouvé qui dans ça Hadith là qui « Ribaat » fine considéré comme étant pli pire qui l’adultère. La raison qui faire le « Ribaat », li mal propre et bien grave, li pas si difficile pour comprend. Quand fine compare mauvais degré de la médisance avec celui de l’adultère, le Saint Prophète (SAW) ti peut-être essaye donne à banne musulmans éne « thérapie de choc » pour qui zotte abandonne la médisance et pour montré qui qualité mauvais la médisance été. Dans éne l’autre l’occasion, le Saint Prophète (SAW) fine faire banne déclarations aussi sévère à propos de l’intérêt ça sujet là et Li ti compare ça avec l’inceste. De plus, dans fornication et dans l’adultère } ça deux dimounes qui impliqué là-dans, zotte fine viole banne commandements d’Allah (SWT). C'est-à-dire « Huquq al-Ibad » et « Huquq Allah ». Allah (SWT) capave pardonne éne dimoune qui fine viole So banne droits et commandements, mais éne dimoune qui fine vine victime de la médisance (Ribaat), li pas en position pour pardonner, principalement parce qui li pas conscient, quand et couma éne de so banne frère fine humilié li, quand li fine cause so causé. Éne Hadith du Saint Prophète (SAW) qui concerne So Mehraj (voyage de nuit) fine rapporté qui banne punition sévère qui banne qui laisse zotte tenté par la médisance (Palabre) lors banne dimounes, pou gagné. Dans ça boute qui concerne ça question là, le Saint Prophète (SAW) fine dire :
Celui qui commettre la médisance, li pas le seul coupable mais tout banne dimounes qui content écoute li aussi zotte coupables. C’est pour ça raison la qui fine demandé qui si éne kikaine pé faire la médisance, banne les autres dimounes qui avec li bizin protester et si nécessaire, zotte bizin lever aller.
Ameen
|
