|
Khutba Jummah Vendredi 11 Mars 2005
Hazrat Muhyi-ud-Din Munir Ahmad Azim
Surah Al-Hujurat Cinquième Partie
Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire sourate Al Fatiha du Saint Coran et li fine dire:
Toutefois, éna certains exceptions à la règle générale, et li existe banne situations qui capave ressembler à la médisance mais qui pas rentre dans catégorie de « Ribaat ». Zotte capave classifié dans 6 catégories.
1. Porte plainte contre éne agresseur dans éne tribunal (la court) ou rode réparation pour éne injustice avec l’autorité. Éna même cas côte banne madames ti pé vine guette le Saint Prophète (SAW) pour faire complainte lors zotte missiés qui, d’après zotte, pas ti pé accorde zotte banne moyens suffisant pour vivre. Le Saint Prophète (SAW) ti accepté examine zotte plainte et pas ti considère ça couma « Ribaat ».
2. Rapporte banne fautes avec banne dimounes qui pour capave intervenir et corrige comportement de banne qui fautifs, dans l’intention pour permettre zotte pour répentir, par exemple avec banne membres pli âgée d’éne famille où sois auprès du chef d’éne Jamaat etc.…
3. Dans le but pour gagne conseil juridique d’éne dimoune sage qui éne connaisseur de la religion, ou bien si où chanceux où pé vivre dans éne l’époque côte Allah fine élève éne So serviteur, bé où capave profite de ça.
4. Pour avertir banne dimounes à propos méchanceté de banne les autres dimounes, ou pour explique zotte banne méchanceté pour qui banne les autres dimounes là prend tout zotte précaution etc.… De même, le fait pour dire la vérité lors banne dimounes qui éne kikaine souhaité pour faire commerce, lors voisinage d’éne la caze si éne dimoune envie acheter la caze là, ou kikaine avec qui personne pas souhaité marier. Dans ça cas là, ça li pas considéré couma « Ribaat ». Concernant ça, éna éne anecdote bien intéressant dans la vie du Saint Prophète (SAW) côte pé rapporté qui éne madame qui ti appelle Fatima Bint Qays ti vine guette le Saint Prophète (SAW) et ti demande Li So l’opinion lors Mu’awiya et Abul Jahm, qui tout les deux ti demande li en mariage. Le Saint Prophète (SAW) fine réponde :
5. Dénonce banne qui viole publiquement banne la loi islamique et qui incite banne dimounes pour désobéir Allah (SWT), ou qui rode torture zotte, exploite zotte où amène zotte pour révolté avec banne les autres dimounes.
6. L’utilisation de banne noms qui apparemment offensant pour identifié banne dimounes qui pas capave appelle par d’autres noms qui ça banne noms là, par exemple, Fraudeur, Double Visage, Double Langage, Magouilleur, Flatteur etc.… Ça banne qualificatifs là servi juste pour identifié banne dimounes comme ça et non pas pour dénigré zotte.
Le principe essentielle qui autorise ça banne exceptions là li réside dans la nécessité totale et pression de banne événements. En d’autres termes, si éne cause juste oblige nous pour gagne recours à banne déclarations qui ressemblé « Ribaat », ça li pas considéré couma étant éne médisance. C’est ce qui éne Hadith du Saint Prophète (SAW) dire nous :
Li paraître qui dans l’étude de ça 3 versets Surah Al-Hujurat là, qui l’Islam li non seulement relève position de l’être humain jusqu'à banne pli haute degrés, mais li aussi fourni li avec banne certain nombres de sécurité afin pour protége so l’honneur contre tout banne attaques. En vérité, éne l’environnement authentique de l’Islam pas capave concrétisé tanque qui li contenir ça banne défauts morales là. Verset 13 li fini pareille couma verset 11, par éne appel pour gagne le « Taqwa », qui vraiment très significatif. Conséquence de « Taqwa », ou bien conscience de la présence Divine, li telle qui éne kikaine possède bien ça qualité là, li pas pour laisse li, alle dans banne mauvais pratique qui fine mentionné dans les trois versets qui nous fine étudié en détails. Éne simple conscience qui Allah (SWT) trouve nous banne activités et qui nous prend conscience de banne conséquences à long terme d’éne tel comportement, li capave vine bane moyens pour empêche nous et faire nous dégoûté pour faire ça banne offenses là.
Dans dernière phrase côte pé dire :
Alors nous banne frères et sœurs, Mo espéré qui chacun parmi nous comprend ça banne message là bien et comprend bien qui Allah (SWT) pé faire nous comprend couma « Ribaat » éne très mauvais malédiction qui détruire éne dimoune so imaan. Mazine ça bien qui tout banne mauvais, tout banne défauts li créer par « Badzani » (doute), soupçon. C’est pourquoi Allah fine bien défendes faire « Badzani », mal penser, mal juger. Parce qui dans certains cas soupçons li éne péché. Si nous banne adversaires de l’autre côté pas ti faire « Badzani » lors nous, Si avec sincérité et vérité zotte ti écoute nous banne paroles, banne messages qui vine de côté Allah et zotte ti reste are nous et observe nous façon de vivre, nous conduite, nous banne travail pour propage l’Unicité d’Allah, bé jamais zotte ti pour mette ça banne blâmes qui zotte fine mettait lors nous là. Mais quand zotte pas fine donne valeur ça banne paroles côte Allah dire : « Pas faire badzani ». Zotte pas fine mette ça en pratique bé le résultat Allah pas fine content du tout de ce qui zotte fine faire et lors là zotte fine dire ça éne soi-disant révélation et ce qui plus grave encore zotte fine faire « Badzani » lors nous. Zotte fine mal pense nous et zotte fine mette banne fausses blâme lors Moi. Zotte fine faire banne fausses accusations, à tel point qui certains d’entre zotte fine malicieusement dire qui nous péna guide, et de ça nous pé alle suivre banne Sai BABA. Pense éne coup où même qui qualité causé, zotte pas fine causé pour nous, qui zotte pas fine dire. Si zotte ti protège zotte de ça banne soupçons là bé zotte pas ti pour tombe sous la malédiction du Mensonge. Zotte ti pour sapper de la punition là.
Vraiment Mo dire ou qui palabres, doutes, soupçons li éne très grand malédiction qui détruire éne dimoune so Imaan. Li retire éne dimoune du vrai chemin et éloigne li nette. Et li faire banne bon camarades vine banne l’ennemis. Donc pour chacun parmi nous gagne l’éclat de banne véridiques, li nécessaire qui ou protège ou avec palabres, doutes, soupçons. Si jamais li arriver qui éne ti doute aussi créer dans ou l’esprit, bé ou bizin faire beaucoup Istighfar et faire Doahs avec Allah afin qui li sauve ou de mauvais conséquences et résultats de ça soupçon là. Donc « Ribaat », doutes, soupçons bane très mauvais choses. Pas prend li comme éne chose ordinnaire, li éne maladie très dangereux qui bien vite détruire éne dimoune. Donc li claire qui tout ça la détruire éne dimoune. A tel point li dangereux qui fine écrire qui quand pour mette banne mauvais dimounes dans l’enfer, bé Allah pour dire zotte qui zotte ti pé faire « Badzani » lors Moi. Alors magine ça très bien qui le résultat de « Badzani » c’est l’enfer, pas prend li comme éne maladie ordinaire. Tous ça là créer désespoir ; désespoir créer banne crimes et crimes amène vers l’enfer.
« Badzani » li éne affaire qui coupe racine de la vérité. Alors protège ou de ça. Et faire Doahs pour gagne banne succès de la vérité. Insha-Allah.
Ameen
|
