Bismillah-ir-Rahman-ir-Rahim

 

Khutba Jummah Vendredi le 13 Janvier 2006

 

Hazrat Amir’ul Momeneen Muhyi-ud-Din Munir Ahmad Azim

 

Hazrat Ibrahim (a.s)

 

Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire surah Al Fatiha du Quran Shareef et li fine lire:

 

« Wa inna min shii-at ihii la-Ibraahiim Iz jaa-a Rabbahuu bi qalbin saliim »

Parmi bane ki ti suivre li (Nuh a.s), ti éna Ibraahim. En effet, li ti approche so Maître avec ene lécoeur pur.

 

(As Swaffat – Ch.3,V.84,85)

 

Ça surah là fine révélé à la Mecque et li signifié « Bane en rangs ». Allah (swt) fine cause lors travail de bane anges même, ki zot (anges) diboute en rangs et zot pousse bane nuages avec la force et aussi zot récite le Message ki Allah, Li Unique.

 

Et ça surah là fine parle de l’enfer et de paradis aussi, lors Hazrat Nuh (a.s), Hazrat Ibrahim (a.s), Hazrat Moosa et Haroun (a.s), Hazrat Illias, lot, Yoonus, Dawood et Suleiman (a.s) aussi.

 

Dans ene la ville bien longtemps ti éna ene dimoune bien brave et bien reconnu ki so nom ti Azar. Li ti ene dimoune ki tous dimounes nti conne li, ki faire ? Parski li ti ene vendeur idoles.

 

Dans ene bâtiment dans centre de la ville, bane dimoune ti pé garde ene quantité idoles dans ça bâtiment là et zot ti pé vine prier et prosterner devant ça bane idoles là. Et ça vendeur idoles là (Azar) li aussi ti pé prier et prosterner devant ça bane idoles là. Azar ti éna ene garçon ki appelle Ibrahim ki ti bien intelligent.

 

Hazrat Ibrahim (a.s) fine né à Ur en Iraq et dans ça l’endroit là bane dimounes ti pé prier idoles et zot ti éna environs 5000 idoles. Zot plus grand idole ki zot ti éna c’est « Nannar » (dieu de la lune) et aussi zot ti pé prier z’étoiles, soleil, et les autres encore. Kan Hazrat Ibrahim (a.s) ti pé trouve ça bane dimounes là prosterner devant ça bane idoles là ; li (Ibrahim a.s) conne très bien ki ça bane idoles là fine fabriquer avec roche et zot pas capave ni causer, ni tender et aussi pas capave aide personne, ni capave faire nannié ; li trouve bane mouches vine pose lors zot et les rats vine mange bane manger ki fine quitte kot ça bane idoles là sans aucaine problème. Alors Hazrat Ibrahim (a.s) pose li-même question, qui faire bane dimounes fine prier ça bane idoles là ? Ki faire zot pé vine demande ça bane idoles là kitchose ? Alors, Hazrat Ibrahim (a.s) penser ki li bizin demande so papa et so peuple ki faire zot pé prier ça bane idoles là ? Li dire zot :

 

« Iz qaala li-abiihi wa qawmihii maa zaa ta’buduun ? »

(Eh bien, li ti dire à so papa et à so peuple :Qui ou adorer ?)

 

Hazrat Ibrahim (a.s) dire so papa : O papa, ki faire ou prier ça bane idoles là et ki faire to pé prosterner devant zot ? O papa ki faire to pé demande ça bane idoles là kitchose, kan zot pas capave causer ni tender ? Zot pas capave apporte aucaine aide pour toi et qui faire to mette et boire devant zot ? So papa (Azar) gagne bocoup colère et li pas pé comprend nannié et ni li pé capave répondre ça bane question de Hazrat Ibrahim (a.s) là et Hazrat Ibrahim (a.s) essaye donne même conseil à so peuple (à ça bane dimounes là) et bane là aussi fine gagne bocoup colère et zot pas pé comprend nannié et ki bizin répondre.

 

Hazrat Ibrahim (a.s) dire : « Mo pou craze tous ça bane idoles, kan zot pas pou là, l’heure là zot pour comprend moi (zot pou comprend ki mo fine dire zot). Ene jour de fête, bane dimounes pé faire zot fête ensemble avec zot bane zenfants. Hazrat Ibrahim (a.s) so papa li aussi pé alle dans ça célébration de fête là et li dire Hazrat Ibrahim (a.s) : « Ki faire to pas vine avec nous ? » Hazrat Ibrahim (a.s) fine répondre : « Non, mo pas pé senti moi bien » et kan zot tous fine alle dans célébration de fête, Hazrat Ibrahim (a.s) quite so la caze, li alle dans ça bâtiment là dans centre de ville zot éna ça bane idoles là. Li cause avec ça bane idoles là : « Ki faire zot pas causer, zot pas tender, éna manger, boire devant zot, ki faire zot pas manger et boire ? ». Bane idoles là reste tranquille, parski c’est l’homme ki fine fabrique zot et zot en roches, bien sûr, kot zot pour capave causer ?

Hazrat Ibrahim (a.s) dire zot : « Maa lakum laa tantiquun ? » Ki faire ou pas causer ? Bane idoles là reste tranquille, Hazrat Ibrahim (a.s) gagne pliss colère et « Faraaga alayhim zarbam bil yamiin » - Alors li tourne vers zot et li donne zot des coups avec so la main droite. Et li fine quitte zot pli grand grand idole. Kan li ti vini li ti éna ene hache avec li kot li fine craze ça bane idoles là, et après ki li fine fini faire ça, li fine prend ça hache là, li fine mette ça lors ça grand idole là so licou. Après zot célébration, bane dimounes fine retourner et zot fine alle kot ça grand bâtiment ki éna idoles là pour zot prosterner, parski ça célébration là ti ene grand fête pour zot. Kan zot fine choquer pour trouve ça ki fine arriver et zot fine bien en colère et zot fine dire : « Qui sanlà fine faire ça avec nous bondieu ? Ene parmi zot fine dire : « Sami-naa fatany-yaz kuruhum yaqaalu lahuuu Ibrahiim » - Nous fine tende ene jeune garçon ti pé cause avec zot, li appelle Ibrahim. Zot fine dire : « Amène li devant lizié tous dimounes, afin ki tout guette li. Kan Hazrat Ibrahim (a.s) fine vine devant zot, « Qaaluu a-anta fa’alta hazaa bi-aalihatinaa yaaa Ibraahim ? » zot dire li : « Eski c’est toi ki fine faire ça avec nous bon dieux, Ibrahim ? ». Hazrat Ibrahim (a.s) fine dire zot : « Mais non, c’est plus gros là parmi zot ki fine faire ça. Demande zot si zot capave causer ». Bane dimounes là conne très bien ki ça bane idoles là fine faire avec roches et zot pas capave bouger même, Alors couma li pour capave alle craze bane lézot idoles et zot dire à Hazrat Ibrahim (a.s) :

« Laqad alimta maa haa-ulaaa-i-yantiquun ! » - To cone très bien ki zot pas capave causer! Alors Hazrat Ibrahim (a.s) dire zot : « Eski ou adore ene bondieu ki pas capave faire ou aucaine du tort ? ». Li dire zot « couma ou imbécile et aussi, ou pé adore bane roche dans place Allah, Créateur de l’Univers, eski ou péna l’intelligence c’est ki ou pé faire ? Ene kitchose ki péna aucaine pouvoir pour faire du bien pour ou, pour aide ou dans ou bane problèmes ».

 

Kan li fine dire ça, zot fine emmène Hazrat Ibrahim (a.s) devant le roi Nemrod et ça bane dimoune là dire : « Ki nous bizin faire avec li, li fine craze et humilier nous bondieux (nous bane idoles) couma nous pour capave puni li, pour faire li paye séki li fine faire avec nous bondieux ? ». Et le roi Nemrod fine décide pour brûle Hazrat Ibrahim (a.s) vif. Zot allume du feu et zot dire : « Mette li dans difé et cherche secours ou bondieux, si ou envie faire kitchose ». Allah dire dans Quran surah Al-Anbiya : « Yaa naaru kuunii bardanwwa salaaman alaaa Ibrahim ! » Mais nous ti dire : « O difé, vine fraîcheur et sécurité pour Ibrahim.

 

Allah continuer dire ki « zot ti cherche ruser contre limais nous fine mette zot même dans la perte et Allah dire : « Wa Najjay-naahu » - Nous ti sape li (Ibrahim a.s).

 

Allah fine sauve So serviteur Ibrahim (a.s) et bane là ti comploter pour humilier et fini Hazrat Ibrahim (a.s), mais Allah fine donne zot ene grand humiliation. Hazrat Ibrahim (a.s) persécuter par so papa et so peuple, l’heure là même li dire « Inni zaahibun ilaa Rabbii sayahdiin ! » - Mo alle vers mo Maître. Li va guide moi et l’heure là li faire ça doah là : « Rabbi hab lii minas saalihiin » - O mo Maître, accorde moi ene (zenfant) qui pour parmi bane bon dimounes. Et l’heure là même li quitte so pays natal ensemble avec so madame sarah. Et plus tard Ibrahim (a.s) marier avec Hajrah, ene servante de sarah et c’est avec so madame Hajrah même ki Allah donne li ça bon nouvelle là : « Fabash sharnaahu bi gulaamin haliim » Alors Nous fine annonce li (naissance) ene garçon, avec ene tempéramment douce.

 

Après des années, Allah annonce Ibrahim (a.s) – kan li fine vine vieux –qui Sarah (vieille) pour donne naissance ene zenfant, Ishaaq. C’était le deuxième fils de Ibrahim (a.s) et l’heure là même ki Hazrat Ibrahim (a.s) faire ça doah là :

 

« Al Hamdu lillaahillazii wahaba lil alal kibari : Ismaaïla wa Is-haaq : Inna Rabbii la samii-ud-Du’aaa ! »

 

Louanges à Allah, qui fine donne moi dans mo vieillesse Ismaël et Issac. Mo sûr ki mo Maître fine écoute mo la prière.

Et aussi Hazrat Ibrahim (a.s) faire ça doahs là :

 

« Rabbij alnii muqiimas salaati wa min zur’riyyatii, Rabbana wa taqabbal du’aa.

Rabbanagh firlii wa li waa li dayya wa lil Mu’miniina yawma yaquu mul hisaab ! »

 

O mo Maître, faire moi régulier dans mo la prière, et aussi, ene partie mo descendants. O nous Maître, accepter l’appel ki mo pé faire Toi.

O nous Maître, accorde moi, mo papa, mo maman, et bane qui gagne la foi, To pardon le jour quand pour faire compte là. Ameen.