Bismillah-ir-Rahman-ir-Rahim

 

Khutba Jummah de Hazrat Amir’ul Momeneen Muhyi-ud-Din

 Vendredi 27 Décembre 2002

 

 

Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire surah Al Fatiha du Quran Shareef et li fine lire:

 

Surah Al Ahzaad Chapitre 33 Verset 41-48

 

41. Yaaa-ayyuhallazina aamanuz kurullaha zikran-kasira.

 

42. Wa sabbihuuhu bukratanwwa asiilaa.

 

43. Huwallazii yusallii alaykum wa malaaa-ikatuhuu liyukhrijakum-minaz-zulummati ilan-Nuur: wa kaana bil-Muminiina Rahiimaa.

 

44. Tahiyyatuhum yawma yalqawnahun salaam; wa aadda lahum Ajran-Kariimaa.

 

45. Yaaa-ayyuhan-Nabiyyu innaaa arsalnaaka shaahi danwwa Mubash-shiranwwa Naziiraa.

 

46. Wa Daariyan illallahi bi-iznihii wa siraajan Muniiraa.

 

47. Wa bashshiril-Mu-miniina bianna lahum-Minallaahi Fazlan-kabiiraa.

 

48. Wa laa tuti-il-kaafiriina wal Munaafiqiina wa da-azaahum wa tawakkal alallaah wa kafaa                                                                                

billaahi wakiilaa.

 

Traduction:

 

41. O croyants, rappelle Allah beaucoup.

 

42. Faire so louanges matin et après-midi (soir)   

             

43. C’est li qui envoye la paix lor ou, et banne anges aussi, pou tire ou de l’obscurité et emmène

ou vers la lumière. Li pardonne banne croyants.

 

44. Zotte salutation, le jour ki zotte pou joinde li, c’est ‘salaam’. Li fine prépare pour zotte ène

récompense généreux.

 

45. O Prophète, Nous fine envoye toi comme ène témoin, ène annonceur de bonne nouvelle et

ène avertisseur,

 

46. Qui appelle dimoune vers Allah, Par so grace, et comme ène la lampe éclatant.

 

47. Announce banne croyants qui zotte pou gagne de Allah ène grand grâce.

 

48. Pas obéir banne infidels et banne hypocrites. Pas prend compte zotte tracasserie. Place to

confiance en Allah. Allah suffit pou occupe to zaffaire.

 

 Juste après ça banne versets Quran là, pli devant mention Khattaman Nabiyyine et ça banne verset là, li bien lier avec le sujet de Khattaman Nabiyyine. Puisque le prophete  (s.a.w) ti vine pour l’univers en entier, alors li ene témoin pour tout le monde. Et ça fine prouver par banne les autres versets de Quran qui Mohammad (s.a.w) li ène témoin pour tout les autres Prophète. Done “Shahedan” veut dire ki nous fine envoye toi comme ene témoin pour tout le monde du Passé, du Présent et pour l’Avenir aussi. To témoin lors tout banne Prophete du Passé et aussi banne Prophete qui capave vini dans l’Avenir aussi. To aussi ene avertisseur pour zotte. Qui veut dire ene témoin lors banne dimoune avant et après, et couma le Saint Prophete   (s.a.w) capave ene témoin lors banne dimoune qui li pas fine trouver directement ? En fait li veut dire qui li pou couma ene  mesure pour tester les zotte, zotte imaan et zotte action. C’est le Saint Prophete (s.a.w) so témoignage qui pour déterminer si pas actions la correcte ou soi action la mauvais. Li pou aussi ene mesure pour tester les autres Prophete zotte travail, que ce soi du Passé ou du futur. Et maintenant ou capave trouver couma ça verset la, li lier avec le verset de Khatim. Khatim veut dire quelqu’un qui attester et l’attestation la, li faire à travers ene témoignage. Si li ene bon témoignage, ler la a travers ene seau, li encore pli grand preuve de ça attestation la. Donc Khatim li veut dire ene mesure qui capave donne ça témoignage la, pour tout le monde du Passé, du Présent et aussi de l’Avenir. Pour juge banne Prophète du Passé, zotte stage et zotte station par actions, mots et instruction du Saint Prophète  (s.a.w) Et pour tout banne qui présent et banne l’avenir aussi, c’est bien l’exemple du Saint Prophéte  (s.a.w) même ki pour agir comme ene moyen pour déterminer si pas zotte bisin être pardonner ou soi bisin être puni.

   

Donc “Shahedan” li ene affaire qui ena grand lien avec Khatim. Donc si li ene témoin dans ça sens la, lers la pour quelque personne, li pour ene warning et pour les autres li pour porteur bonne nouvelles. Ça ena deux significations. Ene c’est qui banne qui fine fini passé et pas ti ena aucun lien avec le Saint Prophéte (s.a.w), pour zotte ça avertissement et ça banne nouvelles la, referre à zotte la vie dans l’eau-dela zotte ça banne chanceux la, qui d’après le pratique du Saint Prophéte (s.a.w) ti digue pour le pardon, mais ena banne malchanceux qui pas fine reçus passe ça l’examen là, et ni la bonne nouvelle et ni avertissement fine profite zotte dans ça le monde la. Donc pour ena dimounes qui gagne le message, pour zotte avertissement et bonnes nouvelles li appliquer dans ça façon là, qui si zotte pratiquer lors la, a ce moment la ena bonne nouvelle pour zotte et si zotte pas agir lors la, lers là pour ena grand punition et humiliation pour zotte. Donc bonnes nouvelles et avertissement fine servi pour reforme nous banne actions dans ça le monde là, et aussi pour manifester et récompense le résultat de nous banne actions dans l’autre monde. Après Allah dire ki li fine faire toi ene quelqu’un qui appelle vers Allah, “d’après l‘ordres Allah”, et nous fine faire toi ene la lampe rayonnante, ene tel lampe qui capave illumine les autres la lampes.

 

Dai-illallah: Ene mot qui fine servi spécialement pour le Saint Prophéte Mohammad (s.a.w), pourtant chaque Prophète et zotte banne suivants, zotte Dai-illallah même. Nous trouve banne les autres mots pour banne terme qui O Prophète, to ene Dai-illallah sous l’ordre Allah. Donc mo pas fine trouve ça adresse directe, côte Allah dire ene Prophète directement qui mo nomme toi ene Dai-illallah qui nommer spécialement par Allah, comme ene titre spéciale, ça c’est juste Hazrat Mohammad (s.a.w) ki fine gagner.

 

Et ça li finne gagner à cause so grade et so l’honneur. « Beiznehi » finne souligne ène l’autre affaire, c’est qui éna beaucoup travail qui pas dans contrôle de l’homme, li en dehors le pouvoir de l’homme. Après ça même limite là, le sujet de miracle de la prière commencer. Et bannes pouvoirs qui bannes dimounes pena, Allah éna, ça même qui quelque fois Li dire bannes banda faire bannes travail qui apparemment impossible. Mais avec l’aide d’Allah, ça vinne possible et lers là, bannes dimounes croire qui guette ça dimounes là qui qualité extraordinaire li été. Mais seulement bannes Prophètes, zotte déclaré qui ça c’est pas nous ça mais c’est Allah qui finne faire ça. Par exemple cotte éna mention qui Jesus finne relève les morts, là bas chaque fois li mentionné par la commande d’ALLAH, par la commande d’Allah, moi mo pas finne faire narien la dans. Donc généralement, travail de appelle dimounes vers Allah paraître facile, mais quand éna pour analyse le en termes de résultats, li ène travail bien difficile. Parce qui li ène travail qui « faire revive le mort ». Pareil couma Jesus(A.S) ti ramène bannes dimounes à la vie sous la commande d’Allah, ici aussi le Saint Prophète (s.a.w) finne gagne ça mission de faire « revive ça bannes dimounes morts là ». Donc, c’était toujours par la commande d’Allah qui li ti faire ça, sinon li bien difficile pour ramène ène dimoune mort à la vie spirituellement et ça travail là, li ti pé faire à travers Dai-Illallah.

 

« Wassirajjan Munira » veut dire qui Li même Li ène lumière, mais Li éna ça capacité pou éclaire les autres lampes aussi. Et ça c’est le sujet qui lier profondément avec le mot khatim, li pas ène fin dans so bannes bénédictions. Mais li plutôt ène ouverture vers tout bannes bénédictions. Khatim veut dire ène dimoune qui capave crée so bannes qualités dans les autres. Qui capave exprime so bannes propre qualités dans les autres. Ça c’est la qualité d’ène homme. Puisque le background du verset « khattamman-Nabeeyin » c’est qui bannes l’ennemis ti pédire qui li ène papa qui pas ti éna aucun enfants homme et zotte ti pé dire li qui li ène perdant et qui c’est la fin de so génération. Zotte ti même servis bannes mots bien dur contre li qui finne aussi mentionné dans Qur’an. Quand ou lire le mot « khatim » avec sa background là, ou pou trouvé clairement qui allégations et background qui finne mentionné tous finne dissipé. Tous ça bannes accusations là finne disparaître dans le sens qui Allah dire, li vraie qui dans le sens mondaine, to pas papa aucun homme, mais O Mohammad (s.a.w), bannes qualités qui finne crée dans toi, to capave crée ça bannes qualités là dans les zotte dimounes aussi et pou éna beaucoup dimoune couma toi parmis to bannes suivants. Sa c’est le sujet  qui finne mentionné dans « Dai-Illallah » et « Sirajan Munira », qui ou ène tel la lampe allumée , qui ou capave allume zotte la lampe et zotte pou reste allumées continuellement et ou la lumière pou étalé partout dans le monde. Banne versets auparavant zotte suporte ça sujet là et couma le verset de « Khatam-an-Nabiyyin » vine tout de suite après qui Allah dire : « AyyohAllazina ammanouz kouroullaha zikran kasira » finne mentionne ène tel sujet qui finne vinne obligatoire lors bannes croyants qui zotte bizin mazine Allah beaucoup. Jours et nuits, zotte bizin glorifier Li. Ça sujet là li lier profondément avec descendance. Li éna connection avec ène tel descendant qui bizin miraculeux et signification du sujet « Khatam-an-Nabiyyin » finne mentionné au millieu de ça deux sujets là. Ene coté, éna allégation de bannes l’ennemis qui dire qui li pas papa de bannes hommes couma li. Mais Allah finne mentionne ça d’ène tel façon qui Li enraye ça bannes allégations là. Zotte dire qui li pas papa de bannes hommes, mais Allah dire : « Oui, li pas papa de bannes hommes couma zotte. Et pour être papa de bannes hommes couma zotte, ça li pas ène l’honneur ça, li plutôt ène déshonneur, ène humiliation. Et ène tel papa qui laisse bannes descendants couma zotte, péna aucun droit être fier. »

 

Et dans ène meilleur façon, mentionné qui : « Oui, Mohammad (s.a.w) li pas papa pou bannes couma zotte, mais bien sur li ène Prophète d’Allah et li capave ène être ène papa qui produire bannes Prophètes, bannes qui mérite bénédictions, ène papa qui finne produire et qui pou continué produire bannes dimounes qui pou arrive jusqu'à statut de bannes Prophètes. Ça sujet là aussi fine mentionné dans lotte verset dans ene plis joli façon et ça montrer clairement ki ici fine plitot mentionne ene grand et ene bon nouvel d’ene descendent spirituel. Ene, li reffere a naissance spirituel. Et ça ena ene grande quantité qui le Saint Prophète ti faire revivre spirituellement. Fine ena banne grand grand sahaba qui ti fine ena ça éclat de Nabbuwat la.

 

Et après ça ena aussi ene « descendant speciale » qui fine faire mention et pour éclaire ça, mo pou cite ene verset du sourah Al-Imran, c’est le verset 42, mais avant ça ena verset côte Hazrat Zacharia demande Allah pou donne li ene garçon couma ene signe. Li pé demande ça cotte li ti déjà dans ene l’âge cotte normalement ene homme pas capave produire zenfant parcequi so courage et so capacité pou produire, li diminué, so bannes les os fine faible et so cheveux ti vine gris et li ti bien vieux. Après ça li fine gagne la bonne nouvelle qui ‘Allah pou donne toi ene garçon’. Li fine surpris et li fine demande Allah pou donne li ‘ene signe pou mo conné et mo gagne ça certitude la qui ça li possible ça. Ene tel signe ki faire moi conner ki vraiment ça fils Promis la pour arriver’. Alors, Allah dire li, qui pendant 3 jours to bizin éloigne toi are tous dimounes et pas bizin cause are personne et faire signe are zotte ki pendant ça 3 jours là to fine dédié toi complètement pour la cause d’Allah. Mazine Allah, jour et nuit to bizin glorifié Li. Donc ou capave trouvé qui exactement le meme sujet qui finne mentionné juste après le verset de « Khattam-an Nabiyyin ». La bas pas ti ena la nouvelle de la cessession de Prophète, mais ene nouvelle d’ene grand Prophète qui ti pou levé de banne suivants du Saint Prophète (s.a.w). « Subhânâkâl-lahommâ wâbihâmdika. Ash-hâdo-Allah Ilaha-illa Aat. Astâghfirokâ-wâ atoobo Ilâyk ». « Yaayohallazina amanouz kouroullaha zikran kasira » qui juste après ça. C’est avec ça même Du’a ki Allah li même ti montré Hazrat Zacharia à travers révélation et comme signe de ça, toute de suite après Allah fine montrésigne d’ene descendant pieux.

 

Immédiatement après ça, Allah fine dire bane dimoune pou mazine li beaucoup et jour et nuit glorifié li. Et comme ene résultat de ça, Allah pou envoye so bénédiction lors ou, d’ailleurs li déjà pé envoyé même et so banne Anges, ça c’est ene plis grand abondance de bien de Hazrat Mohammad  (s.a.w), qui fine mentionné ici.

 

Kansar et Khattam zotte deux noms d’ene seul chose, mais ça veut dire qui la bénédiction du Saint Prophète  (s.a.w) li sans fin et li illimité. Alors c’est ene question au dessus de temps ou même de lieu et ça station là li pli haut et c’est ene bénédiction qui fine donné a banne, de so l’époque et à banne après li. Ça li pou bizin manifesté dans ene tel façon qui pou capave déclare qui li le fils spirituel de Saint Prophète (s.a.w).

 

Couma bénédiction du Saint Prophète (s.a.w) pou propagé à travers le monde ? Qui travail Jamaat Ahmadiyya Al-Mouslemeen bizin faire dans ça domaine là ? Ça fine expliqué dans ça façon là qui premièrement, Allah fine décrire banne responsabilités du Saint Prophète  (s.a.w) et fine dire qui c’est li le « Khattim » qui so banne bénédiction pérépanne à travers le monde et qui pou continué répanne. Et pli grand responsabilité pou répanne banne bénédiction de « Khattim » ti répose lors Hazrat Mohammad (s.a.w) et Allah dire qui to bizin augmente ça bénédiction là dans ça façon là qui nous fine envoye toi couma ene shahed, couma ene Mobassar et couma ene Nazir, c.à.d, couma ène témoin, comme ene porteur de bonne nouvel et couma ene avertisseur. To bizin donne ça message là à banne dimoune sinon le but de to mission pas pou accompli. Et en expliquant pli devant Allah dire li, nous fine faire toi vine ene dimoune qui faire l’appel vers Allah. Et ça trois qualités ki fine attribué toi là zotte banne qualités ki pou faire toi accompli ça banne objectifs là. Ene façon pour appelle dimoune vers Allah, c’est témoignage, ene lotte façon c’est à travers bane bonne nouvelles et ene troisième façon c’est par donne des avertissements et le Saint Prophète (s.a.w) fine servi ça tout le trois moyen là, dans ene excellent façon. Alors, en ce qui concerne stampe de Hazrat Mohammad  (s.a.w) li le meilleur et li complet et ena trois les zotte impression dans ça stampe là, qui fine mentionné ici qui chaque serviteur d’Allah (du Jamaat Ahmadiyya Al-Mouslemeen) bizin engrave ça pou toujours dans zotte, ene c’est Shahed, Mobasar et Nazir.

 

Mo fine envie faire ou maginé spécialement qui banne Prophètes, zotte donne banne bonnes nouvelles en premier et banne avertissement li vine après. Et dans Qur’an aussi côte fine mentionne Bashir et Nazir, Tous le temps fine mentionne porteur de bonne nouvel et après l’avertissement. C’est ene façon kot banne serviteur d’Allah, faire pour ki dimoune pas gagne peur avec li, et dimoune pas sauvé, donne zotte bon bon nouvelle avant, pour qui zotte mode de vie changer, zotte souffrance diminué, zotte problème effacer et zotte gagne tous sorte de bénéfice et zot fardeau allégé. Ici Mobassir ena ene lien directe avec ou shahadat ki couma dire fine ouvert ene nouveau chemin pou ou vine ene témoin. C.a.d. qui ou bizin dire oui, ena ene Dieu qui vivant et ou bizin apporte ça témoignage là dans ou même. Allah fine donne le pli grand preuve de so l’existence en la personne de Hazrat Mohammad (s.a.w). Aucun philosophe du monde dans aucun façon pas capave montré l’existence d’Allah pareil couma de so propre être Hazrat Mohammad (s.a.w) fine vine ene témoin pour l’existence d’Allah.

 

Le Jamaat Ahmadiyya Al-Mouslemeen bizin vine ene Mobassir et puis ene Nazir, c.a.d. vine ene porteur de bonne nouvel avant et ler là vine ene avertisseur. Et bizin averti zotte de tous qualités dangers qui pé guette zotte et ou bizin conseil zotte de bannes problèmes de la société. Donc, par la grâce d’Allah, (J.A.A.M), dans nous difficulté aussi éna ène tranquilité et éna ène jouissance de Jannat. Tandis qui zotte, zotte la paix li couma l’enfer.

 

Donne ène dimoune avertissement ça pas oulé dire qui « allé, toi, to pou rentre dans l’enfer toi ». Pas dans ça façon là, mais donne avetissement ça ou bizin donné dans ène tel façon qui ou aussi ou senti ou partage souffrance ou prochain. Et c’est dans ça façon parfait là même qui qui Hazrat Mohammad (s.a.w) ti pé averti banne dimounes, et pas couma banne moullahs ti pé dire : « Allé toi, to pou rentre dans l’enfer, toi ».

 

Hazrat Mohammad  (s.a.w) ti pé averti bannes dimoune, ensemble avec zotte, li ti pé senti zotte douleurs.

 

Et Allah ti dire li : « O Mohammad  (s.a.w), dans qui façon to pé averti zotte ? To pé donne zotte avertissement et to même to pé souffert zotte douleurs ? » Donc c’est dans ça façon purement Hazrat Mohammad (s.a.w) là, qui bizin averti et à ce moment là, avertissement là pou éna la vie et dimoune pas pou sauvé de ou, mais zotte pou vinne vers ou les bras ouverts.

 

Quand tous le monde entier finne attiré complètement par bannes adorations mondaines et qui zotte pé jouir bannes l’avantages de ça le monde là et qui ça pé amène zotte vers la destruction au lieu qui amène zotte vers la vie , cote éna la liberté. Donc, ou bizin invite zotte dans ça prison de bannes la loi qui finne révèlé au Saint Prophète (s.a.w), cote pou éna bannes restrictions jours et nuits. Pou ou invite dimounes lors ça chemin là, ça li pas ène travail facile ça et n’importe qui façon ou procédé, ou pas pou capave conquérir les cœurs dimoune parcequi ça li réalisé seulement avec Doahs ça. Hazrat Mohammad (s.a.w) finne amène la vie de bannes qui ti morts spirituellement avec Doahs et l’aide d’Allah. Alors nous aussi, le J.A.A.M, nous bizin faire ça doah là beaucoup « Rabbi aréni kaifa tohyi mowta », « O mo Rab, montré moi comment to faire revivre bannes dimounes qui finne morts ».

 

Si ou privé d’ène tel bénédiction, ça veut dire qui ou finne ratte ou la vie. Ou bizin guette ou fruit spirituel avec ou propre li yeux et jouir zotte. Et faire zotte propre la lampes qui pou capave allume les autres la lampes, Insha-Allah.

 

« Subhanakal-lahomma wabihamdika. Ash-hado-Allah Illaha-Illah Anta. Astaghfiroka-waatooboIlaik »