بسم الله الرحمن الرحيم

 

KHUTBA JUMMAH

 

DANS L’EST DE MAURICE

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

1^er Mai 2009

 

(Résumé du Khutba Jummah)

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:

 

 

 

Wa nuriidu ‘an-namunna ‘alallaziinas-tuz-‘ofuu fil ‘arzi wa naj’alahum ‘a-immataw wa naj’alahumul waarisiin

 

« Et Nous ti oulé faire ene faveur à bane ki ti affaibli dans pays là, faire zot vine bane dirigeants et héritiers, et donne zot l’autorité dans pays … » (Ch.28 Al-Qasas : 6-7)

 

Azordi c’est le premier Jummah dans le mois de Jamadal Awwal et aussi du mois de Mai et c’est aussi ene congé public à Maurice et aussi dans plusieurs lézot pays dans le monde kot azordi c’est aussi la fête du travail, kot bane travailleurs gagne ene l’occasion pour conne dans profondeur zot bane droits. 

 

La Fête du travail, c’est ene fête pour seulement bane travailleurs pour conne zot droit et Allah (swt) et So Rassool (saw) aussi fine enseigne l’homme zot droit lor ça la terre là. Chaque travailleur, chaque communauté, chaque peuple ena zot contribution de zot transpiration dans domaine développement d’ene pays. Chaque travailleur, ki ce sois so qualification, l’intelligence, compétence, so qualité travail, zot tous fine amène ene contribution dans zot pays, pas seulement ene groupe dimounes ou ene groupe communauté ki fine amène développement d’ene pays. Chaque citoyen ki trouve lor ça la terre d’Allah là ena zot droit et liberté expression. Personne pas pli supérieure ki so camarade dans lizié d’Allah. C’est ça ou trouver dans l’Islam, kan ou déboute pour faire Namaz, z’épaule costé avec l’autre z’épaule, et péna place reservé dans Masjid, sipa ene ministre, l’autre lé roi, l’autre lève saleté etc.

 

La fête du travail li pour seulement pour bane travailleur faire ene constate de zot propre contribution ki zot fine apporté pour le pays et aussi ene jour de réflexion ki bane foul play ena dans chaque secteur travail, couma pour améliore tous ça et couma pour aide bane ti travailleur pour zot capave joindre deux boute couma nous dire, et aussi bizin trouve bane solutions pour pas exploite bane travailleurs – surtout bane démuni, faible de connaissance, exploite bane jeunes filles et madames pour donne zot ene salaire moins – et ki bane grand grand patron pé faire des milliers roupies profit lor chaque la tête et lor là pé arrête dimoune brîte dans travail, mette dehors, pas paye zot et pou ki zot bane patrons là pas paye taxe et faire belle profit de zot business et après zot déclare faillite, ferme entreprise, mette travailleurs dehors.

 

Ena pé cause grand grand causer, zot prétendre zot même bane grand défenseur travailleurs, mais pé piétine bane travailleurs enba zot lipié. Ça pays là séki gagne bien l’argent, li gagne l’argent bien même, séki pauvre, bane ti salarié (ti travailleurs), tous les temps passe dans difficulté et problème, reste dans dette tous les temps.

 

Bane politiciens, surtout à Maurice fine faire le premier Mai vine ene tam-tam (Jalsa) pour zot. Bus gratuit partout côté pour embête ça bane travailleurs là et aussi embête ça lé pép là, pour faire zot oublier bane fraudes, corruption et la misère noire ki passé dans pays, embête bane travailleurs. L’Islam condamne ça bane kalité hypocrisie là et malhonnêteté. Chaque travailleur pas pé analyse et réalise zot dignité, pé laisse zot influencer par ça bane politicien ki nék critique zot camarade ki c’est zot ki fine faire ça, tous zot même ki fine faire, bé kot contribution bane travailleurs ? Et lor là le premier Mai népli fête du travail, fine vine fête politicien, sakaine pour dire ki li ki fine amène beaucoup dimoune dans zot meeting, zot pé marche lor cadavre travailleur pour zot gagne grandeur et boire disang travailleur pour zot rempli zot poche pou zot génération et génération. Ena pas ti ena nannié, couma vine au pouvoir zot propriétaire beaucoup kitchose. Li malheureux pour trouver, kan ou guette ene l’information, ou trouve ça commence, avec bane politicien au pouvoir et lor là ena sects dans tel communauté, trouve pour faire bane conférence de presse pour dire zot bane dimounes ki trouve dans zot religion alle dans meeting tel parti le premier Mai. Politicien pé gâte ça ti pays ki appelle l’Ile Maurice ki bane étrangers conne ça comme Maurice ene ti paradis. Politique à Maurice fine vine malpropre, kot péna pudeur. Pour gagne pouvoir sakaine la guerre contre l’autre partie, zot pas conné ki zot pour faire pour gagne pouvoir, ziska pé faire communaliste, lor zot la lèvre dire bizin ene seule lé pép ene seule nation, et de l’autre côté pé craze bane minorité. Liberté de la presse et ou l’opinion personnel pé bafoué et surtout bane musulmans ki péna l’unité entre nous, pé la guerre entre nous-même, sans ki nous pé réalise, kot l’enseignement de l’Islam fine aller ? Arrête rêver, fine l’heure pour arrête dormi ; lévé prend conscience de nous religion ki Allah fine parfaire et pas laisse nous bane musulman divisé à cause certain la tête brûler, nous tous tourne vers même Qibla, lire le même livre (le Quran), garde Roza dans le même mois de Ramadhan, ki faire nous pé divisé et nous pé la guerre entre nous-même et nous pé touye nous entre nous-même. Pense bien séki pé passé dans tous bane pays musulmans à travers le monde.

 

Le monde musulman azordi jour pé passe par ene de bane période pli critique, mais aussi pli créatif de so l’histoire. Malgré la liberté politique et facilité pour l’économie dréssé, malgré tous ça là, façon de vivre ki fine imposé lor bane musulmans pendant bane l’époque colonial, et après aussi, kot ça fine renforci impé, fine reste à peu près pareil. Azordi jour, l’expansion dans le monde musulman li démontrer bane musulmans zot répugnance envers bane système politique et économique ki pé impozé lor zot ki li directement à cause contrôle ki bane lézot pays ena lor zot ou sois à travers bane influences ki ça bane pays là ena lor bane catégorie de bane musulmans. Ça faire ça bane musulmans là éloigner avec zot propre dimounes et traditions et attiré plisse vers bane kitchoses de l’Ouest.

 

Le renouvo de l’Islam li symbolize l’échec de bane modèles majeures de l’ouest – démocratie matérialiste, autonomie de bane territoires ou de bane langues, capitalisme basé d’après sak individu, etc. – pou prend racine dans la société de bane musulmans et capture zot imagination. C’est pour ça ki tous z’éffort pou introduire ene système matérialiste de l’ouest dans bane térritoires musulmans fine faire avec précaution, sous ene contrôle bien sévère de bane dirigeants. En ce moment, bane musulmans pé essaye ré-établir zot comme bane vrai musulmans et pé rode débarasse zot de ça bane modèles de modernization ki l’ouest fine rode implanté dans zot pays, pour domine zot pour être plus précis. Zot envie aussi débarasse zot de ça bane dimounes locales (de zot propres pays) ki pé créer ça bane problèmes là.

 

« La révolution de l’Islam » ki symbolize ene pas sacré en avant vers ene nouvo civilization, li le but de l’Oummah, ki en fait ene rencontre secret avec le destin, pour n’importe ki pays musulman ki concerné par ça.

 

Islam – Maintenant ça bane musulmans là pé rode tous moyens pou réuni tous bane éléments de base de l’Islam, pour faire zot maryé piké avec bane problèmes ki pé faire face dans ça l’époque là et aussi pour trouve bane solutions à bane défi ki li pé faire face dans ça siècle moderne là. Malgré toutes sortes de tensions et de travail ki bane musulmans azordi jour pé faire face, zot pé rode établir avec difficulté, sans ene guide, pour établir ene nouvo l’ordre sociale bazé lor bane l’enseignements et valeurs de l’Islam. Zot souhaite par ça faire bane musulmans sorti de bane situations difficiles ki zot pé faire face dans ça siècle moderne là. Malgré bane difficultés et travail dure ki bane musulmans de nous l’époque bizin faire face, l’âme même de l’Oummah bizin engage zot pou produire ene bien bon réponse face à bane défi ki pé ena dans plusieurs l’aspé.

 

Bane musulmans azordi jour pé rode éssaye, sans ene guide, et vrai guidance pour faire ça grand travail pou établir ça nouvo l’ordre sociale là ki pou bazé lors bane targets et valeurs de l’Islam, ki zot espéré pou capave rétire bane musulmans de toutes sortes de difficultés ki zot pé faire face. Ça mouvement pour faire revivre ça bane valeurs là dans ene façon rapide li pas limité avec zis bane activists politiques ou bane restoration culturel. Au plus profond ena ene nouvo revivification dans pensée de bane musulmans et dans croyance de tous bane musulmans. Alors, dans ça siècle là, l’arrivée d’ene Khalifatullah li bien bien important, pour donne zot ça guidance là et dirige zot vers le droit chemin avec ene la force ki vine d’Allah seul.

 

Valeur de la croyance morale ki alle prend forme dans bane paroles ki forme partie de modèle de l’economie islamique ti pou accepté par la plupart de bane philosophes musulmans comme ene zaffaire essentiel pour le système islamique, malgré certains dimounes zot doutes à propos pou accepter ça comme ene nécéssité. Le Tawhid (l’unité) contenir dans li-même et amène vers concepte de Risâlah (l’apostola), Hidâyah (la Guidance) et Akhirâh (Rendre ene compte – envers Allah) mais détrois dimounes ti pou préfère ene place défini pou zot dans le système (islamique), peut-être comme ene groupes de valeurs ki pou faire le premier mot de ça set de mots là.

 

Sakaine de ça bane conceptes là ena so propre implications pour le système économique, et aussi ena certain influences ki changer en rapport avec so bane implications lor chacaine d’entre zot. Pareillement concepte de la liberté capave être formulé par bane lézot dimounes avec ene léger différence. La liberté de bane dimounes aussi bien ki la responsabilité de bane dimounes zot bizin basé lor la venue d’ene Serviteur Choisi de côté d’Allah.

Ena entre nous capave senti ki en corrigeant ça manque de balance ki ena dans bane conceptes de l’ouest lor l’individualisme et capitalisme, ça balance délicat ki fine établir par l’Islam à travers so bane conceptes comme Fard ‘alâ al-ain (Responsabilité individuel ki pas passe avec ene l’autre dimoune) et Fard alâ al-Kifayah (Responsabilité collectif par détrois dimounes) zot mérite d’être inclus dans le système. Al-Adl (La Justice) li centrale dans le système islamique mais li bizin être implimenté par Al-Ihsan (La bienfaisance).

 

En plisse de ça, bane implication inter-régionale d’Al’Adl li aussi important ki bane implications inter-personnel et inter-temporél. La question d’unité de l’Oummah, so consolidation économique, et so non dépendence lor le monde non-musulman zot au centre du système, par bane l’aspé essentiel de « Homme de Dieu » ki bane les autres capave attribué à ça valeur là ene place dans l’ensemble de bane paroles et vérité. Bizin mette l’emphase lor distribution équitable de bane revenues et bane richesses bizin partazé mais li pou bien difficile pour beaucoup d’entre nous pou d’accord avec rôle ki li donne à l’institution de bane propriété privé couma par example le fait ki ça inégalité là fine formé. Le fait ki l’Islam fine préconise l’égalité dans tous so aspé, mais malheureusement, ziska zordi bane musulmans pas pé comprend ça l’égalité. Zot pé pratique l’inégalité.

 

Ça propriété privé sans limite là li ene de ça bane facteurs là ki personne pas pou disputé pou ça. Mais pou présumé ki l’abolition majeure de bane propriétés privés c’est séki l’Islam ena en vue pou réussi atteindre équité social, li à l’encontre bane écoles de pensées dans l’Islam. Le concepte islamique d’amânah (la garde) pas exclure le droit pou possède ene zaffaire, ki ena limite dans servi li – bane limites fine établir par le Quran et le Sunnah. Ena bien tiguitte preuves, ki li logique ou approuvé pou suggéré ki « propriété collectif » li le norme islamic ou jamais li pas fine être le norme islamique.

 

Bizin ena ene pli bocoup précaution et rigeur pou differencié entre ene propriété privé ki bazé lor concepte d’Amânah (la garde) et entre bane propriété privé sans restrictions et aussi bane l’entreprise de capitalisme et aussi bien ki collectivité de bane propriété dans different variétés de socialisme. Pareillement bizin faire bien la distinction entre l’équité et égalité, pou pas dire « l’égalité absolu ». L’Islam so dévotion envers l’équité et ene partage équilibré de bane revenues et richesses li permette pou faire la justice dans la société, sans ki bizin impose bane égalité artificiel lor bane ki subire l’inégalité.

 

Regard de l’Islam lor la vie li ene regard de certitude, d’harmonies sociales et de dynamisme. L’emphase islamique lor l’unité, ki agir comme ene la force intégrant, li accorde à l’homme ene perspective de certitude parski guidance qui amène vers chemin pou trouve la vérité, li vine d’Allah, ki Li-même Li La Vérité. En plisse de ça, l’unité faire li vine « naturel » pou façon de faire économique de l’homme capave unir et renforci l’un à l’autre.

 

L’Équilibre (c’est-à-dire, Al-Adl), comme la force solide dans l’univers, li dicté ene telle philosophie ki guide dimoune vers le « droit chemin » de l’harmonie sociale, et commande li pou évite tous bane extrême, c’est-à-dire, commande li pou pas dépasse limites.

 

La liberté de bane dimounes li gagne ene nouvo définition dans cadre de la philosophie islamique kot ene dimoune, malgré ki li fine gagne capacité pour choisir so chemin, li pas gagne droit démontré ene manque de respect. Et pas tous so bane préférences ki bane guides infaillible vers action sociale. La liberté individuelle en particulier ki constitué d’ene refu d’unité et d’équilibre li pas reconnu dans l’Islam.

 

Dimounes bizin volontairement reduire so propre liberté pour ki li capave augmente liberté collectif. Ça capave mieux faire kan li pou augmente so conscience social. Ça c’est la vérité de responsabilité ki li ena, kot ça li ene la force ki à la fois rode empêche alle de l’avant et à la fois li ene la force ki capave libère li aussi. Li empêche (ou mette difficulté) dans liberté dimounes parski li faire l’homme vine responsable pas seulement de so propre actions mais aussi séki pé passé autour de li. En même temps, l’homme fine être ordonné par Allah pou casse la chain de bane traditions. Kan fine empêche li pou guette par derrière ou reste en place, l’Islam li pas ti l’esprit ni li attaché avec traditions. Alors péna aucaine option pour ça dimoune là excepté ki li guette pli de l’avant. Alors, contrairement à séki dimounes souvent dire à propos de la nature ‘en place’ de l’Islam lor so façon pour guette la vie, bane doctrines d’équilibre et de responsabilité fine établir dans système islamique ene dynamisme pas capave barrer, ki refuse pou tolère prédominance de bane la force obscur, ki ena tendance pou empêche le changement sociale.

 

Si ene groupe de bane exploiteurs social essaye dérange ça équilibre là c’est responsabilité de tous dimounes pou rétablir li. Dans perspective islamique, ça la lutte là continuer entre bane dimoune justes et bane ki injustes, malgré ki zot classes (social) ki zot appartenir.

 

Mo arrête mo Khutba ici-même, Insha-Allah mo pou contigne mo Khutba lor même topic.