Text Box: بسم الله الرحمن الرحيم Khutba Jummah HAZRAT AMIR’UL MOMENEEN MUHYI-UD-DIN AL KHALIFATULLAH Munir Ahmad Azim 02 Octobre 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  « Allah pou lève par plusieurs degrés banne parmi ou qui éna la foi et instruction (connaissance). » (Surah Al-Mujadilah Ch.58 V.12) Allah fine promette ki Li pou toujours présent pour So bane serviteurs, bane ki ena la crainte d’Allah et ki cherche Li à travers la connaissance ki zot fine recevoir, soit à travers la grâce d’Allah ou par zot propre z’éfforts, kan zot étudier en profondeur le Quran Shareef et kan zot mette en pratique bane pratiques (Sunnah) du Saint Prophète Hazrat Muhammad (saw). Ça verset Quran ki mo fine cité montrer l’importance de la connaissance et bane vertus ki Allah fine attribuer avec la connaissance. Pareil couma mo fine mentionné la semaine dernière dans mo Khutba, sak dimoune ena ene attribut spécial, ene talent spécial ki Allah fine introduire dans li, ki ça talent là li tout à fait naturel dans ça dimoune là, comme si ça talent li ene seconde nature pou li. Alors ça nture là li révélé kan Allah envie ki li manifester, mais malheureusement ena dimounes, surtout bane scientistes zot souvent attribué zot bane importants découvertes à zot propre z’éfforts sans glorifier Allah en premier et sans ki zot attribué zot bane découvertes au Créateur de ça bane kitchoses là, c-à-d, Allah. Le Saint Prophète Muhammad (saw) fine dire : « La recherche de la connaissance li obligatoire lors sak Musulman (male et femelle). » Dans l’époque du Saint Prophète (aw), bane madames ti considéré couma ene objet, et bane missiés ti pé traite zot couma ene kitchoses insignifiants. Zot pas ti ena aucaine droits pou recevoir l’éducation, ni zot ti ena droit pou hériter et pou prend zot propre décisions excepté ene ti kantité parmi zot ki sorti de bane familles nobles, pareil couma Hazrat Khadija (ra) ki ti ena l’éducation et pouvoir, parski li ene de bane madames de la haute société. Malheureusement ça pas ti le cas pou le reste de bane madames. Zot fine souffert toute sortes de tortures, et zot fine être privé de ça droit pou gagne même l’éducation ki bane missié et garçons recevoir. Ça ti zot l’état avant l’avènement de l’Islam et du Saint Prophète Hazrat Muhammad (saw). Malgré ki le Quran clairement dire ki bane madames zot du sexe inférieur, mais malgré ça zot ena bane même droits ki bane z’hommes en termes de bane droits spirituel, bane droits pou gagne ene la vie décent, pou gagne protection contre le mal de la société, pou être nourri correctement et pou gagne même opportunité couma bane garçons et missiés pou gagne ene bon l’éducation. Bane papa à ça l’époque là (période pré-Islamique) ti pé considère la naissance d’ene tifille couma ene malédiction et ene responsibilité ki zot pas envie prend. Mais avec l’arrivée du Saint Prophète de l’Islam, Allah fine change bane conditions de bane madames et fine donne zot zot droit pou vivre et pou être traité dans ene façon égal, avec respé, l’amour et affection. Li aussi vrai pou dire ki le corp de l’homme et de la femme zot pas pareil, et alors zot pas préparé pou faire face à même types de travails, but malgré ça zot tous les deux capave travail pou obtenir zot gagne-pain, et pou bane madames ça aussi li permette à condition ki zot ena l’autorisation de zot mari. L’éducation li bien important, et Allah dans plusieurs place dans Quran fine mette l’emphase lor nécessité ki sak croyant, ki li tifille, madames, garçons ou missié zot bizin alle à la recherche de la connaissance spécialement pou zot propre progrès spirituel. Kan ene servante d’Allah li gagne la connaissance, li apprécié encore plisse la création d’Allah, et li vine pli en contacte avec bane attributs et bane qualités d’Allah. En conséquence, li témoigne complètement ki so Créateur Li tousél Li mérité d’être adoré, et aprçs li soumette li complètement à Allah avec humilité. Ça, en retour crée ene crainte (d’Allah) dans so lécoeur ki faire li apprécié et content encore plisse so Créateur. Allah (twa) témoigné en faveur de So bane serviteurs savants ki zot possède bane telle qualités pareil, et Li (Allah) apprécié ki ça bane serviteurs là zot complètement attaché avec Li comme ene seul Bondié, et ki zot craindre Li. Kan ene madame apprane langage d’Allah, à travers bane Namaz et Zikr intense, alors ça bane fruits de so la prières là li récolté dans so la caze, kot so missié et so bane zenfants bénéficier de ça bane fruits là. Ça la caze ki construire et kot la connaissance d’Allah li présent li vine ene la caze ki illuminé et ki bon pou vivre ki li pou ça couple marrié là, ki li pou zot bane zenfants aussi. Ene croyant li bizin ena toutes sortes kalité connaissances pou affronte bane réalités de la vie. Allah fine donne li faculté pou assimile connaissance ki soit li bon pou li soit li pas bon, mais li dépanne lor ça croyant là pou reste loin de bane séki pas bon là et pou assimile ziska saki bon là et mette zot en pratique. La connaissance vine avant bane actions, parski Allah fine instruire So bien-aimé prophète (saw) ki li bizin conné avant tout ki Li, Allah, Li tousél mérité pou être adoré. C’est après ki li fine bien comprend ça fait là, ki Allah fine donne So prophète (saw) l’instruction pou demande Allah pardon pou li-même, pou so famille et so Ummah. Si bane Musulmans réalise vraiment l’importance ki l’Islam placé lors la recherche de la connaissance et so bane vertus, alors zot pou définitivement envie apprane plisse et enseigne bane lézot aussi. Zot ti pou commence avec zot-même, zot famille, zot bane voisins et la société en général. Ene fois Mu’awiyah Ibn Abu Sufyan (ra) fine dire dans ene so bane Khutba: “Mo fine entende le Messager d’Allah dire, “Si Allah envie ene bien pou ene kikaine, Li faire li gagne la connaissance de la religion (l’Islam).” (Bukhari et Muslim) Ça c’est parski la connaissance li la baze de tous bane bien ; li faire bane croyants faire bane actions ki bazé lors bane commandements d’Allah et aussi bane instructions ki So prophète (saw) fine donné. Alors, sak Musulman bizin encré dans so l’esprit ene désire pou cherche la connaissance, pou apprane. Allah (twa) fine donne So prophète Hazrat Muhammad (saw) – et de ce fait tous bane Musulmans – l’instruction pou demande Li (Allah) pou augmente zot connaissance. Le Messager d’Allah fine donne bon nouvelle à celui ki entreprendre ça travail pou alle recherche la connaissance. Abu Huraira (ra) rapporté ki le Saint Prophète (saw) fine dire, « Pour celui ki prend le chemin de la recherche de la connaissance, Allah pou facilite pou li le chemin vers le paradis. » (Muslim) Si pas ti ena ene l’autre Hadith excepté ça tousél ki démontrer l’importance de la connaissance, abé ça Hadith ki fine prononcé par nous Modèle Hazrat Muhammad (saw) là tousél ti pou suffit pour nous bane Musulmans. Mais seulement le Prophète fine prononce plisse ki ça ene Hadith là lors la connaissance. Li fine conforme li entièrement à bane instructions d’Allah concernant obtenir la connaissance, spécialement la connaissance de la religion (Deen-é-Islam). Li ti ena l’habitude pou encourage so bane Sahaba pou alle rode la connaissance : Ibn Mas’ud rapporté rapporté ki le Saint Prophète (saw) fine dire, « Zis deux dimounes zot mérité ki envié zot ; ene dimoune lors ki Allah fine accorde bane richesses et ki donne li pouvoir pou dépense li dans le droit chemin ; et ene dimoune lors ki Allah fine accorde la sagesse kot li jugé par ça (sagesse là) et kot li enseigne li (à bane les autres dimounes). » (Bukhari et Muslim) De ça Hadith là nous apprane ki la connaissance ki partager à bane les autres li ene connaissance utile. Ene kiakine ki ena bél connaissance, ki serti li ena ça connaissance là si li ni mette li en pratique ni li partage li à bane les autres ? Le Saint Prophète (saw) fine ordonne tous so bane companions, et aussi tous bane Musulmans ki possède ene tiguitte connaissance – même si li zis ene verset Quran – pou partage saki zot conné à bane les autres dimounes. Li fine dire : « Répande (séki zot fine apprane de moi) même si li zis ene verset... » (Bukhari) Hazrat Muhammad (saw) ti ena aussi l’habitude pou encourage so bane companion et félicite zot n’importe kan zot donne ene bon verdicte ou kan zot réponne ene question correctement. Hadith: Ene fois le Prophète (saw) fine demande Ubayy Ibn Ka’b, « Eski to conné ki verset dans le Livre d’Allah ki pli grand? » Ubayy fine réponne en récitant Ayat-ul-Kursi (Verset du Trône, c-à-d, Al-Baqara Ch.2 V.256) : « Allah, pas éna ène l’autre Bondieu à part Li. Li vivant. Li là pou toujours... » Le Messager d’Allah fine gentiment tappe li lor so l’estomac, et fine dire « Félicitations, Abul-Munthir pou ça connaissance là. » (Muslim) Hazrat Muhammad (saw) aussi ti ena ene grand desire pou trouve so Ummah progrésser spirituellement, et pour ça, la connaissance d’Allah, de l’Islam et même la connaissance de ça le monde là ti important pou atteindre ça bane objectifs là. Li ti habitué invoke Allah pou accorde zot la connaissance ki bizin et aussi compréhension de la religion de l’Islam. Hazrat Ibn Abbas (ra) fine rapporté, « Ene fois le Messager d’Allah fine maille moi et fine dire, « O Allah ! Accorde li la connaissance du Livre (Quran). » (Bukhari) Hazrat Muhammad (saw) ti pé encourage so bane Sahaba pou apprane so bane paroles et pou transmette zot correctement à bane les autres. Zaid Ibn Thabit fine rapport ki le Prophète (saw) fine dire: “Ki Allah illumine le visage de ça dimoune ki entende saki mo dire et rétenir li (dans so mémoire), et après distribuer ça à bane lézot dimounes, parski parfois celui ki entende (ça bane paroles là) d’ene l’autre dimoune pou rappelle li pli bien ki ça dimoune ki fine entende (ça parole là) directement de mo la bouche. » (Ahmad et Tirmidhi) Hazrat Muhammad (saw) fine dire encore : « Ene kakaine ki possède la connaissance li supérieur ki ene adorateur (ordinaire) pareil couma mo supérieur ki sakaine d’entre zot, et li fine ajouté : « Allah, So bane anges et tous bane ki dans le ciels et la terre, même bane fourmis dans zot trou et bane poissons dans de l’eau envoye bénédictions lors bane ki instruire bane dimounes de bane connaissances ki pou profite zot. » (Tirmidhi) Concernant ene kikaine so connaissance d’Allah, sak croyant bizin faire ene manière pou trouve Allah dans so la vie tous les jours, dans sakaine de so l’intention et action. Nous l’esprit pas capave comprend Allah dans So attribut et faculté éternel. Allah ena ene tel faculté, ene tel connaissance ki secret pou Li-même, et zis ene ti partie de ça connaissance là Li révèle à So bane créatures (So bane banda). Allah fine grâcié l’humanité avec la connaissance à travers So bane anges, So bane livres et prophètes pou ki l’humanité capave conne Allah, adore Li tousél, et dévoué ene partie de so la vie en servant la religion d’Allah. Allah fine créer bane léciels et la terre, mais malgré ça, Li fine reste toujours humble, et Li pas flatté et faire arrogant lors So pouvoir de créer. C’est l’homme tousél ki vine arrogant n’importe kan li gagne ene tiguitte connaissance et kan li découvert ene vérité concernant la création d’Allah, li faire arrogant lors so découverte et li faire fer bane plaques en or gravé avec so nom pou mette l’emphase lor le fait ki c’est « li » ki fine faire ene telle découverte. Vrai connaissance pou ene croyant c’est so connection bien intense ki li ena avec Allah, le Possesseur de la Connaissance. Li senti li incomplète sans Allah, li ressenti ene besoin pou ressenti li complète avec Allah dans So l’éternité. Vrai connaissance c’est ça connaissance ki existé entre les deux : Celui ki possède la Connaissance (Allah) et celui ki pé recherche Allah (Possesseur de la Connaissance). Pou ene kikaine réussi trouve Allah, Allah fine donne li bane différents sources de connaissance pou guide li vers so but finale (Allah). Pareil dans l’époque de bane prophètes, spécialement bane prophètes ki fine amène la loi, Allah fine envoye So bane livres sacrés comme ene moyen pou établir bane la loi nécéssaire ki pou servi comme ene directive pou guide So bane serviteurs dévoués vers Li. Malgré Allah pas fine et jamais pou révèle ene l’autre Quran, ou ene l’autre livre sacré pareil couma le Quran, mais seulement Allah pou toujours envoye connaissance en formes de bane révélations lors So bane humble serviteurs choisi de temps en temps pou guide l’humanité vers Li. Dans ça siècle là, Allah pé déverse So bane la rivières de la connaissances lors le cœur et l’âme de ça humble serviteur d’Allah là (So Muhyi-ud-Din Khalifatullah), et aussi lors le cœur et l’âmes de bane ki fine reconnaite le pouvoir de ça connaissance ki vine de l’Invisible (le Ghayb). Zot ki ici et zot tous ki fine reconnaite la véracité de la manifestation divine, zot fine mette zot confiance en Allah et fine gagne la foi dans ene connaissance ki dépasse zot compréhension, mais seulement avec létemps, avec beaucoup dua et Namaz, Allah fine révèle nous, ki à sak fois Li avec nous, et ki Li réponne nous bane la prières et ki Li accorde nous So la grâce et So Miséricorde immense, et Li ouvert pou nous So bane bénédictions illimité. Si ça pas ti ene manifestation d’Allah, ene révélateur de la connaissance ki c’est Allah Li-même ki Li ça connaissance là pou nous (dans nous lé cœur), abé ki li été alors ? Allah fine accorde nous bane Musulmans le Quran Shareef. Li nous devoir le plus important pou étudier li et analyse li couma bizin. Dans ça siècle là, Allah fine envoye moi, So humble serviteur comme ene kikaine pou faire revive la foi, pou faire revive l’Islam, pou faire revive le Quran, pou faire revive bane vrai sunnah du Saint Prophète Muhammad (saw). Mo connaissance mo recevoir li humblement de côté d’Allah (twa). Aucaine prophète ou Messager d’Allah pas conne le Ghayb ; zot conne seulement saki Allah faire zot conné. Hazrat Massih Maoud (as) Hazrat Mirza Ghulam Ahmad (as) fine témoigne de ça aussi, parski li aussi li vine de côté d’Allah. Dans ene seul la nuite, Allah fine enseigne li 40,000 racines de bane mots arabes. Dans ene l’autre l’occasion (Eid-ul-Adha), à travers le pouvoir d’Allah, li fine dirigé par Allah pou faire so discours en Arabe (révélation) et ça l’évènement là fine connu comme « Khutba Ilhamiyya » dans l’histoire de l’Ahmadiyyat. Maintenant O mo bane companions, ene nouvo page dans l’histoire fine écrire par la main d’Allah et de So bane anges. La connaissance li vine d’Allah seul, bane révélations vine de Li seul, et ça li ene la lumière ki vini comme ene faveur, ene guide et ene source de clarté pou retire tous bane obstables de nous chemin. Allah Li nous Connaissance. Nous envie Allah comme nous Connaissance. Celui ki réussi conne Allah (dépi saki Allah envie faire li conné), ça dimoune là li vraiment chanceux ! Ki Allah augmente nous connaissance ; spécialement ça connaissance ki vine de So être purifié, et Insha’Allah ki nous aussi nous réflécter ça pureté là ki vine de So pureté. Allah So connaissance pas capave défier ditout, et celui ki réussi gagne la clé de bane connaissances spirituels limité ressenti ki la porte fine ouvert lors ene océan de connaissance, mais malgré ça, ça connaissance ki vine d’Allah là, li bien tiguitte comparé à secret de connaissance ki Li Li-même réprésenté et ki cachiette dans So secret. Ki Allah aide nous pou pli comprend la connaissance d’Allah ki Li fine accorde nous azordi jours ; ensam avec le Quran Li fine faire dessane lors nous la révélation à travers So humble Muhyi-ud-Din Khalifatullah pou ki zot et l’humanité en entier recevoir ça message ki vine de Li, et Insha’Allah zot prend le bon chemin. Zot So bane serviteurs choisi, bane aides de So Khalifa, So représentant dans ça siècle là. Ki Allah avec zot tous et donne zot faveur pou trouve encore et encore preuve de So bane manifestations et de So bane signes pou ki la vérité de So Manifestation lors So humble Messager Khalifatullah reste vivant dans ça siècle là. Ameen.