|
بسم الله الرحمن الرحيم
KHUTBA JUMMAH
HAZRAT AMIR’UL MOMENEEN MUHYI-UD-DIN AL KHALIFATULLAH
MUNIR AHMAD AZIM
03 Juillet 2009
(Résumé du Khutba Jummah lors La Relation entre l’homme et Dieu (Allah))
Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:
Vrai religion dans lizié Allah, c’est Islam (soumission à Allah). Banne qui ti posséde zotte livre avant fine disputer entre zotte, après qui zotte ti fine gagne instruction, simplement par jalousie. Banne qui rejette verset Allah (besoin rappler) qui Allah vif pou dimane compte. (Ch.3 V.20)
La raison fondamentale pou ki nous discute lors la Relation entre l’homme et Allah c’est ki avant tout nous bizin rode la raison pour laquelle Allah fine créer l’homme. Dans So bane paroles sacrées, Allah fine créer l’homme pou ki l’homme prier et adore Allah et aussi pou ki l’homme li dévoué li complètement à Allah. De toute façon, l’homme jamais pou capave fixé ene but pour Lui-même car c’est Allah seule ki capave faire ça. L’homme pas fine vine dans ça le monde là par li-même et li pas pou quitte ça le monde là par li-même. La religion ki donne nous bane vrais explications lors Allah et ki prescrire la meilleure façon pou prier Allah, c’est l’Islam, couma ça verset Quran ki mo fine fek lire devant ou là (Ch.3 V.20). L’Islam li ene partie intégrante dans la nature humaine et Allah fine crée l’homme en accorité avec l’Islam. L’Islam c’est ene la foi éternelle.
Le Messie Promis (as) fine dire ki le moyen le plus éfficace pou ki l’homme capave atteindre so but c’est ki li reconnaîte Allah en premier. Le second moyen c’est ki nous bizin reconnaite la beauté parfaite d’Allah, à cause le cœur li normalement attiré par la beauté et c’est ça observation de la beauté (par le cœur) là ki génère l’Amour dans nous le cœur. Le 3ème moyen pou ki nous approche Allah, c’est par la connaissance de la bénédiction d’Allah. Et cela li constitué en li-même ene deuxième encouragement ki pou amène nous à l’Amour. Le 4ème moyen pou approche Allah c’est la supplication couma le Quran Shareef fine dire. Le 5ème c’est la lutte dans le chemin d’Allah. Le 6ème moyen c’est la loyauté envers Allah. Le 7ème moyen c’est ki nous bizin reste en compagnie de bane croyants (bane ki dans le droit chemin). Le 8ème moyen pou ki nous capave atteindre ça relation avec Allah là c’est par bane visions et bane rêves.
La question c’est eski nous ena ene exemple d’ene réussite parfait de ça relation là (c’est-à-dire la relation entre l’homme et Allah) – c’est-à-dire ene exemple ki ena trait avec tout bane conditions variées de la nature humaine et même si l’exemple là li de type humaine, alors eski nous capave dire ki li extrêmement proche avec Allah, l’Exalté ?
Nous capave pense lors la relation entre deux entités en termes de degrés de proximité. Le Messie Promis (as) fine dire ki ena 3 types ou 3 façons pou ki nous trouve nous proche avec Allah. Et ça 3 façons là, nous capave illustré zot par 3 ressemblances prenant en considération lors la façon ki nous capave interprète ça 3 grades de proximité là dans la réalité.
Nous capave illustré le premier type de proximité par so ressemblance avec la relation ki ena entre ene serviteur et so Maître. Pareil couma Allah fine dire dans Surah Al-Baqarah (Ch.2 V.166) :
« C’est bane ki croire, ki content Allah plus. »
Cela veut dire ki bane croyants (couma bane serviteurs obéissants) content Allah plus ki tout kitchoses. Et couma ene serviteur sincère et loyal, à mesure ki li pé témoigne la bonté et les kalités personnel de so Maître, nous pou capave trouvé ki l’amour et la sincérité ki serviteur là ena pou so Maître pou conne ene plus grand dimension ; dans ene tel façon ki serviteur là pou acquérir même tempérament de so Maître et li pou comporte li pareil couma so Maître.
Ici nous capave faire référence au hadith : « Kalifié ou-même avec bane kalités d’Allah » parski serviteur là fine adopté bane kalités de so Maître (Allah).
Et à cause de ça, serviteur là pou exauce bane vœux de so Maître pareil couma so Maître ti envie. C’est-à-dire ki serviteur là pou faire bane travail pou so Maître pareil couma so Maître ti pé attane de li. Et couma serviteur là pé progresser dans so sincérité et dans so fidélité, li pou arrive dans ene stage kot li pou perdi li-même complètement et li pou acquérir dans ene sens « la couleur » de so Maître.
Deuxième grade de proximité à Allah, nous capave compare li à la relation entre ene papa et so garçon. Pareil couma Allah fine dire :
« Puis, rappelle zot d’Allah pareil couma zot rappelle zot papa, mais rappelle Allah plus. » (Ch.2 V.201)
Cela veut dire ki nous bizin rappelle nous d’Allah avec plus de volonté et d’amour ki kan nous pé rappelle nous de nous papa. Nous bizin rappelle ki ene Maître li commence ressembler ene papa seulement kan l’amour pou Maître là vine extrêmement intense et kan péna aucaine trace d’égoïsme dans ça l’amour là, alors l’amour là li rentre dans le cœur pareil couma dire ki l’amour là li ti toujours là.
Pareil couma ene garçon li ressenti ene relation spirituel kan li pense so papa, de la même façon ene croyant bizin ressenti ça même relation là kan li pense Allah. Et pareil couma ene garçon li ressembler so papa dans bane manières et bane les autres façons, coumsa même ene croyant bizin ressembler so Rab.
Le troisième type de proximité li ressemblé ene dimoune so propre reflé. Pareil couma kan ene dimoune li guette so propre reflé dans ene mirroir et à partir de so reflé li capave guetté couma li été ; de la même façon, tout bane Attributs d’Allah bizin reflète lors ene croyant et ça reflé de bane Attributs d’Allah là li beaucoup plus complet et parfait ki bane les autres ressemblance ki fine mentionné avant. Li bien vraie ki ene reflé d’ene dimoune dans ene miroir pou en accorité avec dimoune là même. Et aucaine dimoune pas pou capave acquérir ene ressemblance aussi parfait dans ene autre kitchose autre ki miroir là, et même dans ene garçon nous pas pou trouve ene ressemblance aussi parfait. Ça degré de proximité là li pou bane ki place zot également entre la corde de la divinité et de la servitude. Et ene dimoune ki fine atteindre ça stage là, li relié tellement à la divinité tout comme à la servitude ki dimoune fine vine ça deux kitchoses là et si nous tire l’être de ça dimoune depuis au milieu, alors dimoune là pou capave agir comme ene miroir. Et ça miroir là li faire face à deux directions : dans ene direction nous gagne le reflé de la divinité et de l’autre direction, dimoune là émette la grâce dépendant de la capacité de bane tempérament ki fine ajusté are miroir là. Et cela li mentionné dans les paroles d’Allah concernant le Saint Prophète (saw) kot pé dire :
« Puis li (le Prophète) fine rapproché et ensuite li fine vine plus près encore, et li ti à deux longueurs arc ou plu près encore. » (Ch.53 An-Najm V.9-10)
Et lors-là, le Messie Promis (as) fine dire : Cela veut dire ki le fait ki le prophète (saw) fine atteindre ene haut grade, cela fine faire li (saw) vine extrêmement proche avec Allah dans ene tel façon kot pas ti ena aucaine voile entre le prophète (saw) et Allah. Et comme li ti complète et parfait dans so « l’ascension » vers Allah, cela fine donne li la place d’ene la corde entre deux arcs. Ça la corde là li entre le Bienfaisant (Allah) et celui ki pé jouir ça bienfaisance (d’Allah) là et la corde là ressemblé le centre d’ene cercle. Ça point là c’est le cœur de l’homme parfait (Exemple : Le Saint Prophète (saw)) et cela li relatif à bane arcs de la divinité et de la servitude. Et le nom de ça point central là c’est la réalité de Hazrat Muhammad (saw). Couma tout la vie zot gagne la grâce depuis « La Vie » d’Allah, et ki tous bane déterminations zot bane résultats de So (Allah) détermination ; dans la même façon le point de Hazrat Muhammad (saw) par l’ordre d’Allah, li affecté en degré dépendant à zot capacités et tempéraments ki variés... La réalité de Hazrat Muhammad (saw) c’est ene manifestation complète et parfait de tous bane attributs d’Allah. Et à cause de ça raison là ki bane livres saints fine compare Hazrat Muhammad (saw) couma le reflé de Dieu.
Nous en tant ki mortels, nous bizin ene l’exemple parfait ki nous bizin suive pou ki nous rapproche nous avec Allah. Le Saint Coran fine dire :
« Puis li (le Prophète) fine rapproché et ensuite li fine vine plus près encore, et li ti à deux longueurs arc ou plu près encore. » (Ch.53 An-Najm V.9-10)
Tous bane attributs d’Allah ti pé reflète dans la personne du Saint Prophète (saw) et en même temps, le Saint Prophète (saw) ti pé toujours tourne li vers l’amour et le bien-être de l’humanité et li ti pé prend compte « l’entraînement » de bane dimounes dans le droit chemin. Le Saint Prophète (saw) ti l’exemple parfait et idéale de la relation entre l’homme et Allah. Depuis le début, c’est-à-dire, prend depuis Hazrat Adam (as) jusqu’à Hazrat Issa (as), tous bane Prophètes et bane Messagers ki fine vini zot tous fine d’accord lors la grandeur et la majesté du Saint Prophète (saw) parski Hazrat Muhammad (saw) li le modèle parfait de la relation entre le Créateur et So bane créatures. Hazrat Moussa (as), kan li fine annoncé ki Allah fine vine de Sinaï et ki Allah fine élève li depuis « Seir » et fine alle Montagne Paran, cela indique clairement ki la manifestation de la majesté d’Allah fine atteindre so top (sommet) à Paran. Le Torah dire nous ki Paran c’est ene montagne de la Mecque kot Hazrat Ismaïl (as) – ki ti l’ancêtre de Hazrat Muhammad (saw) – ine établit. Et aucaine les autres prophètes pas fine vine depuis la Mecque.
Deuxième question c’est couma pou adresse Allah dans la relation ki existé entre Allah et l’homme ?
Le Messie Promis (as) fine faire ene distinction entre le mot « Rab » et le mot « papa ». Nous pas bizin guette Allah en tant ki ene Papa mais au contraire nous bizin guette li en tant ki nous « Rab ». Nous trouve ça mot là dans le Quran Shareef dans le deuxième verset du premier Chapitre (Surah Al-Fatiha) :
« Tout gloire pou Allah, Maître (Rab) entier l’univers » (Ch.1 V.2)
« Lisanul Arab » et « Tajul Urus » fine mentioné ki le mot « Rab » ena 7 connotations :
1. Le Maître 2. « Sayyad » (Le Maître ou Le Chef). 3. « Mudabbir » (Celui ki établit bane règles ou la lois). 4. « Murabbi » (Celui ki donne la nourriture) 5. « Qayyum » (Celui ki soutenir tout kitchoses). 6. « Mun’im » (Celui ki donne tout kitchoses). 7. « Mutammin » (Le Parfait).
Et le mot « Rab » li constitué de tous ça bane diverses connotations là. Dans zot vrai significations, nous pou trouvé ki nous pas pou capave servi ça bane connotations pou décrire ene l’autre kikaine aparte Allah, le Très Grand. La relation ki ena entre « le Rab » et So bane serviteurs Li complètement différent avec relation ki existé entre ene papa et so bane zenfants.
D’ene l’autre côté, ene relation humaine ki bazé lors le mot « papa » li pas ena même signification. Le mot « Papa » li applicable kan ene dimoune fine né d’ene l’autre dimoune, et apart la naissance péna aucaine l’autre connection ki existé. Ki faire ? Parski le papa, après ki li fine concevoir ene zenfant, li péna autre chose à faire pou la naissance de l’enfant en question. Et cela li pareil dans le monde de bane zanimeaux aussi.
Le Messie Promis (as) fine faire ressortir ki la religion ki gouverne la relation entre l’homme et Allah fine établi par Allah, le Très Haut, le Rab. Allah pas fine prend le Saint Prophète (saw) trop bonheur ou trop tard mais Allah fine appelle so l’âme seulement kan le Saint Prophète (saw) fine termine so mission. Et même le Saint Coran commente lor là : « Zordi Mo fine rende ou religion parfait et Mo fine complète Mo faveur lor ou et li donne Moi plaisir donne ou l’Islam comme réligion. » (Ch.5 V.4)
Par ça révélation du Saint Coran et par la réforme ki fine ena parmi bane dimounes, nous capave comprend ki Allah fine parfaire nous la religion et ki Allah fine complète So faveur lors nous et Allah fine choisir l’Islam pou vine nous religion. Et ça c’est ene signe de l’origine divine de la relation entre Allah et l’homme en Islam. Le Messie Promis (as) dire aussi ki : « Avant le Saint Prophète (saw), aucaine les autres vrai prophètes pas fine montré ça grand l’exemple de la perfection là, et dans l’autre côté nous trouvé ki le Livre d’Allah fine complété dans la paix et dans ene l’autre côté encore, nous trouve la réforme de bane dimounes vers la perfection et ki bane incroyants pou gagne la défaite et l’Islam pou sorti victorieux dans tous côtés. »
La relation entre Allah et l’homme pareil couma fine démontré par la prophétie du Saint Prophète (saw) ; li forme partie dans le code de l’enseignement de bane musulmans ki fine parfaire et concernant ça relation entre Allah et l’homme, nous capave trouvé ki Allah fine fini révèle au Saint Prophète (saw) les ordres pou ki l’humanité progréssé dans ça relation là.
De plus, le Saint Coran annoncé ki le soutient (support) d’Allah fine fini parfaire et ki bane dimounes en grande kantité fine accepté l’Islam.
La relation entre le Créateur et l’homme pas fine seulement révélé dans so entier mais ça texte révélé là fine préservé pour le reste de l’humanité et péna aucaine possibilité pou ki ena ene changement dans texte là même pas ene point pareil couma Allah fine promette dans le Saint Coran :
« Nahnu nazzalnaz zikra » (Nous fine envoye ça Exhortation là) et « inna lahu là hafizoon. » (C’est Nous ki pou so Gardien). Là-dans nous pas trouve seulement ene poignée de suivants mais nous trouve bane grands nations en grande kantité ki fine accepter l’Islam. Mais plus que ça, par bane l’exemple personnel de tout ene la vie, Allah fine remplit les cœurs de bane musulmans avec la foi et la droiture et Allah fine faire zot évite la désobéissance et le vice.
Le Messie Promis (as) fine dire ki péna ene seule façon ki nous trouve l’accomplissement des Enseignements à travers bane démonstrations de la relation entre Allah et bane hommes. Pendant so pèlerinage d’adieu, le Saint Prophète (saw) ti faire ene longue speech kot li fine dire bane dimounes témoigné ki li (saw) fine apporte tous bane commandements ki li (saw) ti bizin annonce bane dimounes. Et tous bane dimounes fine confirme cela en criant à haute voix ki le Saint Prophète (saw) fine donne zot le Message ki li ti bizin donné. L’heure là le Saint prophète fine lève so la mains vers le ciel et fine dire : « Témoigne ça, O Allah ! » Après le Saint Prophète (saw) fine cause avec zot pendant longtemps et li fine conseil zot aussi et li fine dire zot ki li capave pas avec zot l’année ensuite. L’Heure là le Saint Prophète (saw) fine retourne à Madina et li (saw) fine mort l’année ensuite. O Allah ! Envoye To bane bénédictions et To la paix lors le Saint Prophète (saw).
Maintenant laisse nous vine au sujet le plus important : Couma eski nous pou capave établir la relation entre Allah et l’homme ! Le Messie Promis (as) ki ti la 2ème venue de Hazrat Issa (as) et ki Allah fine envoyé, fine dire :
« La façon ki le Saint Coran fine enseigne-nous pou établir ene relation spirituel parfait avec Allah c’est l’Islam et aussi la prière ki ena dans Surah Fatiha :
« Avec nom Allah, Le Gracieux, Le Miséricordieux; Tout gloire pou Allah, Maitre entier l’univers, qui bien généreux envers nous et qui pardonne nous péchés, Chef jour jugement. C’est Toi-même qui nous adorer et c’est avec Toi-même qui nous dimane aide. Guide nous dans chemin droite, ça chemin qui banne qui gagne to faveurs suive, pas chemin banne qui mérite to colère ou bien banne qui égarer. »
A propos de ça, Le Messie Promis (as) fine dire ki ene dimoune li bizin premièrement dévoué so la vie dans la cause d’Allah et puis la personne bizin pratique la prière ki fine enseigne bane musulmans et ki trouve dans « Surah Fatiha ». C’est ça l’essence même de l’Islam. C’est la seule façon pou rapproche nous avec Allah et pou boire de l’eau du vraie salut. C’est la seule façon ki la loi de la nature fine choisir pour l’homme pour ki nous capave progresser et pour ki nous capave rencontre Allah. C’est seulement bane dimounes ki fine trouve Allah ki pou rentre dans le feu spirituel, c’est-à-dire l’essence de l’Islam et ça bane dimounes là pou tout les temps occupé dans la supplication ki fine enseigné dans le Surah Fatiha. L’Islam li couma ene feu brûlant ki brûle nous bane mauvais comportements et ki brûle nous bane fausses perceptions concernant Dieu et en brûlant tout ça là, l’Islam offert nous le sacrifice de nous la vie et aussi bane propriétés et l’honneur devant nous Allah. Pareil couma z’éclair, ene du feu sorti de nous intérieur et ene lotte du feu descend lors nous et par ça collision ki produire kan ça deux du feu joindre, nous passion et l’amour ki nous ena pour bane lotte kitchoses aparte Allah disparaîte et nous trouve la mort dans nous ancienne vie (c’est-à-dire nous la vie consacré au matérialisme). Et ça condition kot nous pé mort d’ene la vie matérielle pou renaître dans ene la vie spirituelle, nous appelle ça Islam. Parski à travers l’Islam, tous nous bane passions trouve la mort.
Mais ici, ene autre question faire surface : « Ki façon ki plus commun et ki plus meilleur pou ki nous développe ene relation entre Allah et l’homme dans nous la vie de tous les jours en Islam ? »
Lors ça question là, le Messie Promis (as) fine dire :
« Le Saint Coran faire mention de deux jardins : Nous gagne ene de ça deux jardins là dans nous la vie et jardin là, c’est le Salaat. Le Salaat c’est la prière islamique ki nous faire cinq fois par jour. Le Salaat c’est pas ene tax ki nous pé payé, mais c’est ene relation permanent entre la servitude de l’homme et la providence du Rab (Allah). Allah, Le Très Haut fine prescrire nous le Salaat pour l’établissement de ça relation là et Allah fine charge le Salaat de beaucoup de plaisir pou ki nous maintenir ça relation là. Par exemple, si ene couple marié, zot pas trouve aucaine plaisir dans zot relation, alors relation ki ena au sein de ça couple là pou ruiné. Dans la même façon, si péna aucaine plaisir dans Salaat, alors la relation entre le serviteur et le Maître pou détruire. La relation entre la servitude de l’homme et la providence du Rab (Allah) li rempli avec plaisir et ça relation là li bien profond. Et tant ki l’homme pas ressenti ça plaisir (spirituel) là, alors dans ça cas là, l’homme pou vivre à l’état de bane animaux. »
Le Messie Promis (as) ki fine vini comme la deuxième venue de Hazrat Issa (as), fine dire ki le Salaat li ene « instrument » ki pou délivrer nous du péché. C’est ene kalité du Salaat ki protège ene dimoune contre le vice et le péché. Et à travers le Salaat, nous gagne la grâce d’Allah, le Très Grand. Le Salaat c’est la soumission de l’humilité d’ene dimoune et la soumission des faiblesses d’ene dimoune à Allah. Et Salaat c’est ene moyen pou ki nous cherche nous bane besoins auprès d’Allah. Pendant le Salaat nous capave trouvé ki celui ki pé prié, li deboute les bras croisés devant Allah. Ça geste là li très significatif car li montré ki celui ki pé prié ki li conscient de la gloire d’Allah et ki li conscient ki li prêt pou suive Allah So commandements.
Parfois, celui ki pé prié li présente li comme ene mendiant devant Allah et li implore Allah en invoquant la grandeur et la gloire d’Allah pou ki Allah montrer Li Miséricordieux envers li. Et c’est de ça façon là ki certains dimounes prié Allah. Ene la foi, li vide si péna aucaine notion du Salaat. Le Salaat représente l’amour et la crainte d’Allah et le Salaat c’est aussi ene façon pou ki nous le cœur rappelle Allah. C’est ça la foi. Pou ene dimoune ki désire vine proche avec Allah et ki tracasser pour rapproche li d’Allah, alors le Salaat li vine couma ene opportunité par laquelle la personne capave atteindre so but plus vite et plus facilement. Ici le but c’est conne Allah et de se rapprocher d’Allah.
Le vrai Salaat c’est kan ene relation pieux et sincère fine établit entre Allah et So banda et le vrai Salaat c’est aussi kan banda là en question li dévoué li tellement dans le plaisir d’Allah et dans l’obéissance ki li prêt pou donne so la vie dans la cause d’Allah. Et tant ki ça condition là pas fine établi et tant ki celui ki pé prié pas vine ene modèle de la sincérité, et de la croyance, alors tous bane actions et so bane la prières pas pou ena aucaine effet.
Pour conclure, le Messie Promis (as) fine écrire :
« O tous bane habitants de la terre, et tous bane êtres humains de l’Est et de l’Ouest, mo annonce zot ki la vrai réalité de la terre c’est l’Islam seule, et le vrai Dieu c’est le Dieu ki fine décrire dans le Saint Coran, et le Prophète ki ena ene la vie spirituelle éternelle et ki assize lors le trône de la gloire et de la sainteté, c’est Hazrat Muhammad (saw), le Choisi (l’Élu) d’Allah. La preuve de so la vie spirituelle et de so majesté c’est ki kan nous suive li et nous vivre dans li, nous pou vine bane récipiendaire du Ruhil Qouddous (l’Esprit Saint) et nous pou capave gagne la faveur pour converse avec Allah et nous pou capave témoigne bane signes de la divinité. »
Le Messie Promis (as) fine aussi dire :
« La lumière d’ene grande intensité (divine) ki Allah fine mette dans ene dimoune parfait, li pas trouve même dans bane anges, li pas trouve dans bane étoiles, li pas trouve dans la lune, li pas trouve dans le soleil, li pas trouve dans l’océan ou dans bane fleuves, li pas trouve dans bane rubies ou bane émeraudes ou bane sapphires ou bane perles ; en bref, li pas trouve dans objet ki li de la terre ou de source divine. Ça lumière là ti dans l’homme parfait là, c’était nous Maître, le Chef des Prophètes, Hazrat Muhammad (saw), l’Élu d’Allah. Ça lumière là ti dessane lors ça dimoune là et dépendant de bane rangs, ça lumière là fine dessane lors bane ki fine suive ça exemple parfait là... Ça dignité là ti trouve dans le plus grand, la perfection de nous maître et guide, le prophète ki jamais fine faire erreur, le droit, Hazrat Muhammad (saw), l’Élu d’Allah. »
Subhanallahi amma yushrikuun
Gloire à Allah ; Allah bien loin avec bane associés ki zot donne Li. |
