Bismillah-ir-Rahman-ir-Rahim

 

KHUTBA JUMMAH

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

03 Octobre 2008

 

(Résumé du Khutba Jummah de 1½ hrs)

 

Après ki le Khalifatullah fine saluer zot tous avec la salutation de paix, li fine commence lire le Tashahhud, Taouz et Surah Al Fatiha et ensuite li fine dire:

 

Le mois de Ramadhan fine terminé et chaque rencontre ki fine ena avec Allah dans le mois béni (Ramadhan), zordi Allah fine récompense nous avec Eid, pou sa bane sacrifice ki ene croyant fine faire pendant ça mois béni la. Pou chaque croyant, à chaque fois li rencontre Allah, c’est ene Eid pou li et à vrai dire, pou celui ki fine établi ene lien permanent avec Allah, et c’est ene Eid permanent pou li. Ena ene lotte catégorie dimounes ki au cours du mois de Ramadhan zotte fine tire le maximum leçons et zotte fine prend ene ferme résolution pou zotte réforme zotte spirituellement, et pou zotte aujourd’hui zotte pé célébré Eid ki ene récompense de la part d’Allah. Si nous guette ça dans ene l’autre angle, c’est après Eid ki zotte pou vivre ene véritable Ramadhan pou ça banne bon entraînement ki zotte fine gagner le mois de Ramadhan la.

 

Dans ene Hadith ki trouve dans Muslim, chapitre Salatul-ul-Eid Hazrat Jabir bin Abdullah (ra) rapporter ki li ti accompagne Hazrat Mohammad (s.a.w) le jour Eid. Hazrat Mohammad (s.a.w) ti dirige Namaz Eid, avant ki li prononce so sermon. Pas ti ena ni Azaan, ni Ikhamat. Apres Namaz li fine appuye lors Bilal (ra), le Saint prophète (s.a.w) fine debouter pou prononce so Khutbah Eid, kot li fine donne conseil concernant le Taqwa (la droiture), l’obéissance, etc.

 

Apres li fine alle cote banne madame et li fine exhorte zotte pou faire l’aumône (Sadaqa) sinon la majorité parmi zotte pou transformées en combustible de l’enfer. Ça Hadith la trouve dans Bukhari kot Abu Saïd Khudri (ra) (et bane les autres compagnons aussi) fine raconté : « Le temps Eid-ul-Fitr ou Eid-ul-Adhaa, le prophète d’Allah (s.a.w) fine alle vers Musalla. Apres ki fine fini faire Namaz, li fine délivré Khutbah et li fine ordonne banne dimoune pou donne la charité. « Ensuite li fine alle vers banne madames et li fine dire : « O banes madames donne charité, parseki Mo ti fine trouve ki la majorité banes habitants de l’enfer c’est banes madames. » Banes madames fine demande : « O prophète d’Allah pou ki raison ça ? »

 

Li fine réponde : « O banes madames zotte maudit souvent et zotte ingrat envers zotte mari. Mo pas fine trouve personne pli ena manquement dans intelligence et dans la religion ki zotte. O banes madames ena parmi zotte capave maligne et prend précaution de zotte la foi, mais façon zotte agir avec zotte mari sa pou amène zotte dans chemin travers. »

 

Ça Hadith là ena ene grand leçon à tirer là-dans et surtout banes madames, couma zotte bizin azir envers zotte mari. Ça faire moi mazine ene Hadith kot Hazrat Mohammad (s.a.w) dire, « si mo ti capave ordonne banes madames pou prosterne devant zotte mari après avoir prosterné devant Allah, Dieu l’unique, Mo ti pou ordonne zotte faire ça, mais li pas permette de prosterner devant ene l’autre ki Allah. »

 

2^ème leçon ki nous tirer dans ça Hadith la, li claire et nette ki dans l’époque de Nabi Kareem (s.a.w) banes madames aussi ti pé alle Masjid, ti pé faire Namaz et le jour d’Eid zotte ti présent ça jour là, et kot zotte aussi zotte fine faire boucou de sacrifice durant le mois de Ramadhan et peut être plisse sacrifice ki banes missiers, kot zotte lever avant même banes missiers et prépare le sehri, dans la journée occupe banes travail la caze, Iftaar et dîner le soir et zotte pé garde zotte Roza, lire le Quran, faire le Namaz Faraz et Nawafil, Ittekaaf ; alors le jour de d’Eid zotte aussi zotte ena ça full droit célébré Eid pareil couma banes missiers, alle Eid Gah ou Masjeed pou faire ça 2 rakaat Namaz Eid la et écoute Khutba Eid, et rencontre tous banes sœurs avec ene contentement et la joie pou grandi sa l’amoure et l’amitié la entre banes sœurs, non plus le jour d’Eid kot bizin gagne ça grand grâce, bénédiction divine là. Ki faire zotte à part la-dans et kot zotte ene cote, kot zot pas pé gagne ça grâce et bénédictions divines là, kot zotte place juste dans la caze ?

 

Si nous analyse ça Hadice là bien, nous trouver ki nous Aka Hazrat Mohammad (s.a.w) pas ti prive banes madames de ça banes grâces et bénédiction divines là et ki nous trouve là-dans (hadice la), li ti pé accompagne avec Hazrat Bilal (ra) pou alle souhaite tous banes madames Eid Mubarak et ti pé donne zotte ça banes bon conseil la couma zotte bizin vivre avec zotte mari, couma zotte bizin comporte zotte bien envers zotte mari et zotte bizin faire la charité boucou pou ki zotte pas vine banes habitant de l’enfer. Et couma banes madames quand ti tende le prophète (s.a.w) dire ça, zotte ti montrer ene l’obéissance totale envers li et zotte ti pé tire zotte bijou pou donner en charité.

 

Alors, nous ki faire nous pé bizin empêche banes madames alle Masjeed pou gagne ça banes grâces et bénédictions divine la et nous dire madames alle Masjeed li haraam ça ? Hazrat Mohammad (s.a.w) fine vini comme le Libérateur de la femme et aussi pou donne banes madames zotte dignité. Est-ce-ki ça l’honneur là et dignité là seulment dans sa le monde ici-bas là ça ?

 

Banes madames et banes jeune filles capave alle partout et banes places mix et kot péna le Pardah eski ça li pas haraam ça ? Madames alle Masjeed pou gagne ene bon l’éducation Deen et pour zotte suivre le droit chemin, ça li haraam ? Kot musulman pé allé ? Kot l’enseignement Allah et So Rassool (s.a.w) fine aller ?

 

Mo demande tous mo bane frères de la foi islamique dans le monde en entier pour réfléchi lor là parceki chacaine parmi nous ena pour alle rendre compte de ça devant Allah.

 

Ensuite li fine alle. Et quand li (s.a.w) fine arrive so la caze, Zainab, la femme de Ibne Masud fine vini et fine demande permission pou rentrer. Alors Zainab fine dire : « O prophète d’Allah c’est Zainab ». Li (s.a.w) fine demander : « Qui Zainab ? »

 

La réponse c’était la femme d’Ibn Masud, li fine dire : «  Oui permette li rentrer. »

 

Et li fine rentre, ensuite li fine dire : « O prophète d’Allah, azordi to fine ordonne banes dimoune pou donne la charité et mo ti ena ene ornement et mo ti ena l’intention donne li en charité mais Ibn Masud dire ki li et so banes zenfants mérite li plis ki n’importe ki sanla. Le prophète (s.a.w) fine réponde : « Ibn Masud fine cause la vérité. To mari et to banes zenfants ena pli droit lor là ki n’importe ki sanla. »

 

Li étrange ki ene tel avertissement fine donner à ene jour de Eid et à vrai dire ça fine bien accueillir par certaines madames et ensuite ça ti ene l’expérience du vrai Eid. Ça problème concernant banes madames la, li lié à zotte nature kot zotte ena banes bon qualité aussi et banes qualité ki tipti zaffaire, zotte faire banes reproche à zotte mari ou parfois ena certain bane mal pense et bane doute ki zotte faire lors zotte mari.

 

Au cours du Ramadhan, fine apprend banes vertus de la patience, et Eid symbolise le temps de la gratitude. Donc ena ene leçon de gratitude, ki banes madames bizin tirer à l’occasion d’Eid et celui ki péna aucaine reconnaissance envers zotte époux (mari) pas pou ena aucaine reconnaissance à l’égard d’Allah. A la suite ça appelle ki Hazrat Mohammad (s.a.w) fine faire, banes madames fine donne en charité zotte bijoux.

 

Nous bizin ena ene obéissance totale à Allah et à So Prophète (s.a.w). Le Messie Promis (a.s) le 21 Avril 1899, li fine donne ene enseignement lors la nécessite ki observe strictement banes commandement d’Allah et So Messager (s.a.w).

 

Si ene dimoune fine choisi pou faire partie de ça Jamaat là et li fine adhérer ?

 

So banes mauvais conduite li projet ene mauvais l’image lors le Jamaat et lors la, zotte pas montrer aucaine respect pou zotte parent. Le Messie Promis dire, si quicaine parmi zotte ki pas montrer aucaine respect pou so parent, et ene madame ki pas montrer aucaine respect pou zotte mari jamais li pou béni lors ça la terre là.

 

Récompense ki Allah fine donne nous pou renforci nous la foi li énormé, en comparaison avec tous banes dibien matériels (tous sa là c’est Samanan Qalilan) c.à.d. des trivialités, des futilités, des bagatelles, banes kitchose peu d’importance. La vie lors sa la terre la so récompense li nannié ditout comparer à la vie éternelle et so récompense dans l’au dela. Faudé pas nous tourne le dos avec manifestation divine contre bane Samanan Qalilan. Quand à banes dimoune ti l’esprit ki capave faire ene zaffaire pareil, mais nous faudé pas nous laisse nous tente avec banes kitchose ici-bas car la vie de l’autre monde li pli meilleure et supérieure.

 

Allah dire zotte vine réconaite Mo Manifestation, faudé pas zotte tourne le dos, au contraire zotte bizin garde zotte la foi ferme au dessus de tout. Nous bizin sacrifier tous pou gagne le bon plaisir d’Allah. Tous c’est ki ou trouve lors sa la terre la pou disparaître ene jour, (tout pou fini) seul Allah l’éternel ki pou rester. Allah jamais pou manque So promesse. Banes récompense ki Allah fine promette nous, surement et certainement pou arriver.

 

Ene dimoune li capave faire boucou sacrifice et même donne so la vie de coté mondaine, et combien parmi nous faire sacrifice même si bizin donne nous la vie pou la cause Allah ?

 

Alors Allah pé faire comprendre cherche banes plaisirs durable, la vie éternelle et pas oublier pou ou gagne tous ça la nous bizin faire banes grand grand sacrifice l’heure la après le mois de Ramadhan ou gagne Eid et après ça banes grand sacrifice là ou pou gagne ene Eid éternelle. Insha-Allah