Text Box: بسم الله الرحمن الرحيم Khutba Jummah HAZRAT AMIR’UL MOMENEEN MUHYI-UD-DIN AL KHALIFATULLAH Munir Ahmad Azim 04 Décembre 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là: Dans le Chapitre 88, Versets 18-21, nous capave lire :  Afalaa yanzuruuna ‘ilal-‘ibili kayfa khuliqat ? Wa ilas-Samaaa-‘i kayfa rufi’at ? Wa ilal-Jibaali kayfa nusibat? Wa ilal Arzi kayfa sutihat? « Eski zot pas guette bane chameaux, ki manière ça fine créer ? Le ciel ki manière fine dresse zot ?Bane montagnes couma zot fixé fermement et La terre ki manière li fine étende ? » Et nous capave lire aussi dans le Chapitre 3, Versets 191-192 ki :  Inna fii khalqis samaawaati wal-arzi wakhtilaafil layli wan-nahaari la-Aayaatil-li ‘ulil-albaab. Allaziina yaz-kuruunal-laaha qiyaamaw qu’uu-daw-wa ‘alaa junuubihim wa yatafakkaruuna fii khalqis samaawaati wal-arz : Rabbana maa khalaqta haazaa baatila ! Sub-haanaka faqinaa ‘azaaban-Naar ! « En vérité dans création bane léciel et la terre et dans façon ki la nuite et li jour suive ene après l’autre, ena des signes pour dimounes ki ena intelligence. Qui pense à Allah, soit deboute soit assizé ou bien allongé lors zot côté, et ki faire ça réflexion là lors création bane léciel et la terre : O nous Maître, To pas fine créer tout ça pour nannié. Gloire à Toi et protège nous contre punition difé. » 750 versets du Quran (près 1/8 du Quran) – exhorte bane croyants pour étudier la Nature, pour réfléchi, pour faire ene bon usage de la raison dans zot quête de l’Ultime (Source de la création – Allah) et ça bane versets là aussi exhorte bane croyants pou faire de l’acquisition de la Connaissance et de la compréhension scientifique, ene parti de la vie de la communauté. Le Saint Prophète (saw) fine mette beaucoup l’emphase lors le fait ki la quête de la connaissance et des sciences zot obligatoire lors chaque musulmans, ki li ene homme ou ene madame. Li fine demande so bane suivants pou alle cherche la connaissance même si zot ena pou voyage à « Cathay » pou zot cherche la connaissance. Concernant la Chine, le Saint Prophète (saw) ti pé cause plus pour la connaissance scientifique ki la connaissance religieux, et dans le contexte de la Chine, le Saint Prophète (saw) ti pé mette plus l’emphase lors la quête d’ene connaissance scientifique internationale. Et le Saint Prophète (saw) ti pé habitué faire ça la prière là : « O Mo Souteneur ! Accorde-moi la connaissance de l’Ultime Réalité des choses. » C’est ça le premier pas de la connaissance scientifique par laquelle ene pensée fondamentaliste en Islam bizin commencé. La seconde limite c’est kan nous prend en considération du fait ki péna ene seule verset du Quran (kot pé décrire bane phénomène naturels) ki contradire c’est ki nous conné de bane découvertes scientifique. Si ou lire le Quran, ou pou trouvé ki pas pé demande ou pou croire dans ene kitchose ki ou conné ki ça kitchose là fausse (parski le Quran li contenir que la vérité). La troisième limite c’est ki dans tout l’histoire de l’Islam, pas fine ena ene incident couma celui de Galilée. Fine ena persécution, dénonciation, « takfeer », et même aujourd’hui, encore ena bane différences philosophiques et doctrinales (pareil couma dans le cas de Ibn Rushd) mais ena bane différences pour bane croyances scientifique. Astère laisse nous guetter combien l’importance bane musulmans fine donne ça bane injonctions ki sorti du Quran Shareef et du Saint Prophète (saw). C’est à peine 100 ans après la mort de nous bien-aimé Prophète (saw) ki bane musulmans fine prend ça couma ene devoir pour maîtrise bane sciences ki fine fini découvert dans ça l’époque là. C’est avec hâte, mais c’est dans ene manière bien systématique ki, zot fine traduire le corpus tout entier de la connaissance en zot propre langage religieux, c’est-à-dire, l’Arabe. En fondant bane instituts d’études avancé (Bait-ul-Hikma), zot fine acquérir ene ascendance absolu dans les sciences ki fine duré pour les prochains 250 ans. Ti ena deux raisons importants pour le succès de l’entreprise scientifique en Islam. Premièrement ti ena la tradition de la liberté scientifique ki fine suivre la tradition de la liberté au niveau de la religion ki fine institué par le Prophète de l’Islam, Hazrat Muhammad (saw). Et deuxièmement, ti ena le caractère international de l’entreprise scientifique en Islam. Le Commonwealth Islamique ti mette de côté bane différences de nations et de couleurs ; et bane musulmans, au début ti bien tolérants envers bane dimounes ki ti en dehors l’Islam, et envers bane perceptions de ça bane dimounes là. La tradition scientifique fine commence vine en déclin dans les environs de l’année 1100, et la tradition scientifique fine mort complètement 250 ans après. Donc nous bizin pose nous la question : Ki faire eski la science fine mort en Islam? L’Abandon de la science dans le Commonwealth Islamique fine causé premièrement à cause de l’isolation de nous l’entreprise scientifique et deuxièmement à cause découragement par rapport à l’innovation (ki nous appelle aussi ‘Jiddat’). Bane derniers parties du 11ème et 12ème siècles de l’Islam ti bane périodes kot ti ena bane la grèves politiques, sectaires et religieux ki ti bien intense. Et c’était la période kot ene orthodoxie bien rigide (avec ene manque de tolérance) par rapport à l’innovation (ki nous appelle aussi ‘ijtihad’) fine rentre dans l’Islam. Et c’est ça attitude orthodoxe là ki fine affecté tous bane domaines d’enseignements incluant la science. Couma tout dimounes conné, la restriction au niveau des sciences et la vénération de bane autorités ki cela engendré, cela amène ene la mort intéllectuelle. Dans nous bane grandes périodes, dans le 9ème et 10ème siècles, bane musulmans ti fonde bane instituts internationales de bane études avancés dans Baghdad et dans le Caire. Ti pé appelle ça bane instituts là « Bait-ul-Hikma » et ti pé ena bane concours de bane savants là-bas. Mais à partir de 1300 A.C tout cela fine disparaître. Tout bane types de sciences ki ti pé cultivé et étudié, ti fine commence concentré tout cela dans bane séminaires religieux kot bane traditions ti ena plu d’importance ki l’innovation. La nature encyclopédique de la connaissance et de la science en Islam ti vine couma dire ene zaffaire banale dans ene l’époque de la spécialisation. La faculté de critiquer pas ti pé tolérer et encourager dans bane Madrassa. Pas ti pé tolère et encourage ene jeune rechercheur si li ti pé commence pose questions lors c’est ki pé enseigne li, et plus encore si li pé ré-étudier c’est ki pé enseigne li et si li amène bane nouveau conceptes. Eski ça situation là pé persister ? Eski nous pé encourage bane recherche et la liberté dans la recherche ? Et eski nous pé faire bon provisions pou bane recherches dans bane pays islamiques ? Ça c’est bane questions ki nous bizin pose nous ! De tout bane grands civilisations lors ça planète là, la science li moins populaire et li plus faible dans le « Commonwealth Islamique ». Certains musulmans pensés ki pendant ki la technologie li pratiquement neutre et ki so bane excès capave contrôle zot par bane préceptes morales de l’Islam mais ça bane musulmans là, zot considère la science comme « value loaded » et ki la science modern pou mène à la rationalité et éventuellement à l’apostasie (renoncer à la foi islamique). Zot aussi pensé ki bane dimounes (ki ena ene formation scientifique) zot pou rejette bane pré-suppositions métaphysiques de nous cultures (islamique). Si nous laisse de côté le fait ki la haute technologie pas pou capave progresser sans la haute science et si nous laisse de côté aussi l’insulte à bane « pré-suppositions de nous culture » pour so fragilité, nous pou trouver ki ça kalité héritage de bane batailles du passé kot bane soi-disant philosophes rationel avec zot la foi irrationel et dogmatiques dans bane doctrines ki lié à la cosmologie (c-à-d, l’étude scientifique de l’univers) ki zot fine hérité depuis Aristote (ene Philosophe Grecque ki ti écrire lors plusieurs sujets de la science etc.), et kot ça bane soi-disants philosophes là zot fine gagne difficultés pour reconcilié ça bane doctrines là avec zot la foi. Mais nous bizin rappelle ki ça bane qualités batailles là ti plus féroce parmi bane savants Chrétiens dans le Moyen Age. Bane problèmes ki ça bane savants là ti confronté c’était bane problèmes concernant la cosmologie et la métaphysiques : « Eski le monde li trouve dans ene place immobile? Eski ena kitchoses plus loin ? Eski Allah Li agir directement pou ene cause éfficiente ou eski Allah Li prend bane décisions finales et pou bane causes ultimes ? Eski c’est ene seule être ki bouge bane léciels ou eski c’est plusieurs êtres ? Eski bane êtres ki bouge bane léciels zot expérience la fatigue ? Quel était la nature de bane matières céleste ? Eski zot ressembler bane matières terrestre avec bane qualités ki inné couma la chaleur, le froid et l’humidité ? Kan Galilée ti commence, premièrement pou éclaircir certains problèmes ki lié au domaine des physiques, et kan li fine essaye cherche bane réponses à ça bane problèmes là par bane expérience physiques, alors li fine vine victimes de bane persécutions. La restitution de cela fine faire 350 ans après. Dans ene cérémonie spéciale au Vatican ki ti ena lieu le 9 Mai 1983, le Pape ti déclaré : « L’Expérience de l’Église, pendant et après l’affaire Galilée, fine amène attitude plus mure... l’Église li-même li apprane par l’expérience et réflexion et maintenant l’Église comprend mieux l’importance ki la liberté de la Recherche ena... C’est ene de bane attributs les plus noble et chez l’homme... Et c’est à travers la recherche ki l’homme réussit atteindre La Vérité... C’est pour cela ki l’Église li maintenant convaincu ki péna aucaine contradiction réelle entre la science et la foi. Toutefois, c’est seulement à travers ene étude humble et assidue ki l’Église apprane pou dissocier l’essentiel de la foi par rapport à bane systèmes scientifiques d’ene certaine époque, spécialement kan ene lecture de la Bible (ki influencé par bane cultures) faire croire ki la Bible li lié à ene cosmogonie (l’étude de l’origine de l’univers) obligatoire. » Ici le Pape fine mette l’emphase plus lors la maturité ki l’Église fine atteindre par la science ; Li ti capave mette l’emphase aussi lors le fait ki bane scientifiques du temps de Galilée, zot disciplines ti limités, et aussi lors le fait ki ena bane questions ki au-delà de la connaissance scientifique actuelle et future et aussi ki « la science fine gagne le succès seulement parski fine restreindre la science lors bane certaines types d’enquêtes. » Nous capave spéculé lors quelques problèmes scientifiques, mais pas pou ena ene moyen par laquelle nous pou capave vérifié empiriquement (c’est-à-dire, par le moyen de bane expériences et non de la théorie) nous bane spéculations. Et c’est ça vérification empirique là ki est l’essence même de la science moderne. Aujourd’hui nous plus humble ki, par example Ibn Rushd. Ibn Rushd ti ene grand physicien avec ene grand originalité et li ti apporte bane grands contributions dans l’étude de la fièvre et de la rétine; et c’est ene de so bane déclarations concernant l’immoralité cientifique. Toutefois, dans ene discipline différent, c’est-à-dire, la cosmologie, li fine accepté bane spéculations d’Aristote sans reconnaître ki c’était seulement bane spéculations et sans aussi reconnaître ki bane expériences futures capave prouvé ki ça bane spéculations là fausses. Le scientifique d’aujourd’hui conné kan li pé spéculé ; et li pas pou déclare aucaine finalité par rapport à bane modes de pensées. Et même bane faits ki nous fine accepté nous pou reconnaîte ki capave découvert bane nouveaux faits ki capave mène à la généralisation, sans ki ça bane nouveaux faits là zot falsifié bane anciens faits, et aussi cela pou nécessite en retour bane changements révolutionnaires dans nous bane conceptes et dans nous bane opinions par rapport au monde. En physiques, cela fine arrivé 2 fois ; la première c’était suite à la découverte du temps et de l’espace, et la deuxième c’était suite à la découverte de la théorie des quantas. Et cela capave arrivé encore, avec nous bane constructions actuels ki paraître couma bane cas limité de bane nouveaux conceptes ki encore plus compréhensifs. Tout cela pour dire ki aujourd’hui nous pas bizin continuer bane batailles philosophiques du passé. Nous pas trouve aucaine dichotomie (contradiction) entre nous la foi et la science parski la foi li vine par le message éternel de l’Islam lors bane sujets ki la physique péna réponse. Et nous trouve cela dans le premier verset du Saint Coran (après l’introduction) kot pé dire : « C’est le Livre, dans lequel péna aucaine doute, C’est ene guide pour bane ki ena la crainte d’Allah, Et ki croire (et ena la foi) dans l’Invisible. » Et couma nous conné « L’Invisible » li au-delà de nous conception. Pour conclure, nous capave dire ki aussi longtemps ki bane Traditions Coraniques et Prophétiques concernant la liberté religieux et la tolérance continuer, alors la science en Islam pou aussi progresser et fructifier, parski les deux zot bien relatifs aussi longtemps ki nous la foi li concerné. « Mo ene croyant et mo aussi ene Musulman pratiquant. Mo ene Musulman parski mo croire dans le Message Spirituel du Saint Coran. Couma ene scientifique, le Saint Coran enseigne moi dans ene façon kot li mette beaucoup l’emphase lors bane la loi de la nature et de ce fait le Saint Coran incite moi pou faire bane reflections lors bane la loi de la nature et le Saint Coran démontré ça bane la lois là avec bane exemples de la cosmologie, des physiques, de la biologie et de la médecine ki en zot-même, zot bane signes pou tous bane dimounes. » C’est ça l’esprit ki le Musulman bizin cultiver et bizin ena ça reconnaissance ki c’est Allah ki donne la connaissance dans tous so façon. Insha-Allah. Ameen.