Text Box: Bismillah-ir-Rahman-ir-Rahim Khutba Jummah Hazrat Amir’ul Momeneen Muhyi-ud-Din Munir Ahmad Azim 4 Janvier 2008 (Ene Résumé du Khutba Jummah) Aujourd’hui comme Khutba Jummah, après le Salaam, Tashahhud, Taouz et Surah Al-Fatiha, le Muhyi-uddin fine lire: Surah Al-Ahzaab Ch.33 V. 4 Mette to confiance dans Allah. Allah suffit pou occupe to zaffaire. Li facile pou dire éne dimoune mette to confiance dans Allah. Ou conner Li même le Créateur de l’univers, et Li même Li control tous quitchose et nous la vie trouve dans So la main. Nous, l’homme, nous très faible. Parfois bane quitchose vine lors nous, nous abatte, parfois nous dire ki Allah pas pé trouve qui pé arriver, nous pé prend patience, nous pé faire doah, nous pé mette confiance dans Allah, nous pas trouve narien. Oui avec la bouche li facile pou dire mette confiance dans Allah. Li éne sujet très vaste. Mette confiance dans Allah li pas éne zaffaire facile, li pas éne kitchose ki ou prend ça à la légère, parce ki dans tous l’aspect de nous la vie, nous ena beaucoup de bane testes ki Allah faire avec nous pour guetter commié confiance nous capave metter lor Allah. Par exemple ; nous guette dans surah Al Ahzaab, premier verset même Allah dire le prophète (s.a.w), ‘suive chemin Allah et pas obéir bane infidèles et bane hypocrites’. Bane idolâtres zot, zot prend tous kitchose comme Dieu. Bane infidèles zot, zot bane non croyants, et zot pas reconnaite aucaine signes ki vine depuis Allah (swt). Si zot ti reconnaite bane Signes d’Allah, zot pas ti pou tourne lédos. Par contre zot, zot fine manifesté dans éne tel façon couma dire zot pas peur Allah. Sa montrer ou ki parmi le prophète (s.a.w) ena bane dimoune ki zot ti là (c.à.d, dans la Manifestations Divine), mais Allah ti conne zot lécoeur. C’est juste Allah ki conne zot lécoeur, si pas vraiment zot ti bane croyants, si pas vraiment zot ti fidèle avec Allah et So Rassool. Zot ti vini et zot ti paraite bane bon dimoune, mais en dehors, zot ti pé amène bane rôle infidèle. Allah vraiment li conne tous, pas penser ki Allah pas conner, ki sane la fidèle et ki sane la infidèles, Allah fine cause lors bane idolâtres. Bane idolatres zot associé bane le zot avec Allah; bane kitchoses ki pas Dieu, ki pas éna aucun pouvoir, Allah pé faire comprend, c’est Li ki conne tous et c’est Li ki Sage. Allah pé dire le prophète (s.a.w), ki ‘toi to bizin suive révélation ki vine depuis kot to maître. Toi to pas éna pou suive personne. To pas éna pou prend aucun directive avec personne. To gagne droit écouter mais ça pas veut dire to bizin suivre séki bane la pé dire toi. Toi to là, Allah ki fine envoye toi comme prophète, to bizin suive to Maître seulement, et obéir séki Li dire toi (suive révélation). Et to Maître li informer de tous kitchose séki ou faire.’ Et Allah pé dire le prophète (s.a.w), ki c’est zis Li ki conne tous et Li conner séki ou faire; c.à.d, ou, ou éna éne l’esprit pou ou dirige Mo prophète et ou pé montrer ou fidèle, ler guetter ou pas fidèle, en vérité ene infidèle li pas fidèle envers so Maître. Li pas ene vrai croyant envers so Maître. Ene vrai fidèle li bizin obéir so Maître, et kan li ti pou obéir Allah, li ti pou suive séki le prophète (s.a.w) dire zot faire, et séki Allah dire zot faire. Kan zot agir mal dans ça façon là, bé définitivement le prophète (s.a.w), couma tout dimoune - en même temps li ene prophète - parfois arriver ou comprend, ki kalité li affecté avec ça. Allah dire li, ‘O prophète (s.a.w) mette to confiance en Allah, Allah pou occupe tout kitchose. Necque simplement to ena pou mette to confiance.’ Ou trouver sa verset la li répéter dans plusieurs place dans le Quran, dans plusieurs chapitre. Ene dimoune, malgré avec boucoup de problèmes, Quraan Shareef dire ki nous bizin mette nous confiance en Allah, nous pas perdi l’espoir, nous pas reste assizé la, nous bizin lever avec ene détermination, nous prend le nom d’Allah nous dire ki ‘Nous bizin mette nous confiance en Toi Allah, Toi ki pou faire tout réussi. Nous, nous nek ena pou prend To nom et glorifier Toi, et Toi to pou envoye To ange pou aide nous faire nous bane travail, c’est Toi le Tout Puissant.’ N’importe dans ki kitchoses nous bizin mette nous confiance en Allah, que se soit persécution, accusation, bouffonnerie, blâme ; nous mette nous confiance en Allah. Kan nous place sa confiance la, c’est Allah ki pou occupe nous bane zaffaires. Astère si nous dire ‘Pas conner ki Allah pou faire, si pas Li pou occupe nous, ou pas.’ Ou couma dire ene dimoune ki na pas ena ene full certitude, et pou pas pé mette tout ou confiance lors Allah, le Tout Puissant. Ou pas conner ki ou pou faire. Définitivement ou pou alle manque confiance ; lerla même ou pou trouve tous bane difficulté la vini. Si ou dire non, ou prend ene détermination, ou dire ou bizin faire sa, faire sa. Que se soit ou propre travail, que se soit dans ou propre travail, dans ou lacase, dans le travail de Deen, que se soit avec ou bane voisin etc. Ou bizin prend ene détermination, ou mette ou confiance en Allah, ou dire ‘Arrive séki arrive mo pou faire sa travail la, mo pas pou zette zarmes’, définitivement ou pou trouve ou réussi ! Alors nous ena épreuve devant nous, nous ti dire ki pou ena ene l’autre l’étage, ene lotte bâtiment dans Rose-Hill. Si nous pas ti prend ene détermination, nous pas ti mette nous confiance en Allah, nous ti zéro sous, nous ti commence construire ene la caze complet; si sa pas faveur Allah, si nous pas ti mette nous confiance dans Allah, nous ti arrête la même ki ti pou arriver, ti pou reste coumme sa même, nous pas ti pou trouve ça bane manifestations d’Allah là. Allah fine donne nous ene l’exemple dans Rose-Hill et sa pas zis ene l’exemple mais aussi ene grand signe ki Allah fine montrer nous et aussi tous dimounes et couma Allah aide so humble serviteur. Petit-Raffray aussi ene l’exemple, nous ti dire pas pou capave construire la caze en béton, ti dire en di bois, bé est-ce ki li pas ene miracle d’Allah sa, sa même banes dimounes pose boucoup de questions. Ça même dire ou kan ou pas conne ene kitchoses de vérité, boucoup de doute vine dans ou l’esprit. Lerla même ou dire kotte li apé gagne l’argent, li pé faire banes transactions, li coume sa, li coume sa. Et vraiment ene construction li pas facile, li coûte boucoup l’argent azordi jour ; mais kan ou mette ou confiance en Allah, Allah faire li réussi monté. Kan fine fini en bas, Allah donne ene l’instruction pou monte le Bait Ul zikr ; péna l’argent ! l’argent fine fini ! L’instruction vine de coté Allah, nous obéir, nous dire ‘oui – Labbaik’. Azordi kot nous trouve nous pé faire Namaz, c’est ene très grand faveurs et miracles d’Allah. Et kan bane invités depuis dehors pou vini, ça aussi Allah fine faire provisions d’hebergement. Suive So l’instruction et mette confiance lors Allah, malgré toute sorte épreuve, mais kan ou ena full confiance et patience lors ou Rab et ou obéir So l’instruction, Allah même pose So la main lors So serviteur et voila, sa réussi dans ene façon miraculeux. Alhamdolillah. Ti ena toute sorte kalité l’enquête, recherche ; kot ena même ti pé dire, mo alle demande charité pour mo construire. Guette dans ki bassesses zot rentrer kot zot même zot fine dire ki ‘faudé pas nous faire Ribat, nous mette doute, nous épier lor kitchoses ki pas concerne nous. Et ça même bane dimounes fine montrer ki kalité bas zot bas. Et ça même bane dimounes fine faire bane bel bel déclaration couma zot fine témoigne bane grand grand miracles de ça humble serviteur là. Alors pas prend ça bane kalité dimounes là comme ou l’example. Nous l’example li trouve dans nous Aka Hazrat Muhammad (s.a.w), le modèle parfait. C’est sa ou bizin mette ou confiance dans Allah et ou bizin faire zefforts, si ou guetter malgré tout bane épreuves, travail la fine faire, parski nous fine mette nous confiance dans Allah, malgré bane causer dégelasse pour pas dire malpropretés. Couma dans Quran, Allah pé dire le prophète (s.a.w) dans sa verset la, ‘to pas bizin suive bane infidèles, bane infidèles zot dire ou banes kitchoses ki faire ou décourager zot péna ‘Tawakal’ dans Allah’, zot péna confiance en Allah, alors bane vrai croyants bizin faire attention ki nous rentre dans sa kalité groupe la, nous alle manque confiance dans Allah. Dans l’époque du prophète (s.a.w) ti ena bane dimounes zot agir pareil couma banes incroyants, le prophète (s.a.w) dire zot mette zot confiance dans Allah. Pourtant le prophète (s.a.w) ti bien pauvre, mais li ti pé aide bane dimounes dans n’importe ki kitchoses, mais li péna narien ; mais li ti ena ene confiance en Allah, et li dire, ‘Non, toi to pas capave pli fort ki mo Allah’. Alors, ça kalité confiance là li ti ena lor Allah. Zamais li ti pé désespérer. Kant même divant lizié bane dimounes li ti pé paraîte couma ene zéro, mais Allah fine montrer ki Li ene Héro. Alors bane frères et sœurs ki pé écoute moi azordi, place ou confiance dans Allah touseul afin ki ou gagne le succès. Et Allah li suffit pou occupe nous bane zaffaire. Nous bizin prend patience et faire zefforts et ou mette ou confiance en Allah. Ki Allah donne nous courage, nous pas jette zarmes et nous continuer mette nous confiance en Allah, dans tous kitchoses et dans chaque aspect de nous la vie. Mette confiance en Allah, et prend patience, c’est deux zaffaires ki pli important dans la vie ene croyant. Insha-Allah, Allah même donne nous sa confiance la et patience la. Ameen.