Text Box: بسم الله الرحمن الرحيم KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 04 Septembre 2009 RAMADHAN MUBARAK (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  Wa ‘izaa sa-alaka ‘ibaadii ‘annii fa-innii Qariib: ‘ujiibu da’-watad-daa-‘i ‘izaa da-aani fal yastajiibuu lii wal yu’minuu bii la-‘allahum yar-shuduun. « Quand Mo bane serviteurs pose toi question lor Moi (dire zot) qui Mo près avec zot. Mo réponde zot l’appel quand zot appel Moi. Mais zot aussi besoin écoute Mo l’appel et gagne la foi en Moi, afin qui zot trouve bon chemin. » (Ch. 2 V.187) Allah fine établir dans le Quran deux commandements ki alle par pair: Salaat (la prière obligatoire) et Zakaat (tax obligatoire). Ça deux là forme partie de bane cinq piliers de l’Islam. Et ensam avec Roza (Sawm), Allah fine faire ene appel à tous bane Musulmans pou pratique toutes sortes de bonnes actions dans le mois sacré de Ramadhan ; le mois kot le noble Quran fine révélé comme ene bénédiction pou l’humanité en entier. Aujourd’hui mo pou cause lor l’importance du Salaat et Zakaat, spécialement maintenant ki nous dans le mois de Ramadhan, ene telle mois sacré kot nous bizin faire tout nous possible pou faire le plus possible de bane actes d’Ibaadat ki pou faire nous vine de plus en plus près avec Allah Tabaarak Wa Ta’ala. Salaat li le véhicule ki amène ene croyant vers Allah dans ene soumission totale ; c’est-à-dire, corps et âme. Allah fine établir Namaz comme ene moyen pour ene croyant pou zoine Li souvent, et dans ça façon là li montrer ki li bizin Allah (et non l’inverse) et ki li content Allah Tabaarak Wa Ta’ala. Namaz li ene source de bien-être pou ene croyant kot ça Namaz là permette li pou être libéré de n’importe ki souffrance et difficulté ki li capave faire face. Salaat faire nous améliore nous spirituellement et aide nous pou atteindre bane haute degré morale et pou construire ene défense bien solide contre bane satans, bane mal ki exister autour de nous. Dans Quran fine dire ki Salaat protège ene croyant contre l’indécence et bane mal. C’est pour ça raison là ki Namaz fine décrire comme ene Zikr Allah, parceki tout au long, nous reste mazine Allah Tabaarak Wa Ta’ala même couma bizin. Hazrat Muhammad (saw) fine dire ki le serviteur d’Allah li vine pli près avec Allah Tabaarak Wa Ta’ala au moment kan li pé prosterner devant Allah ; li pé montrer li pli bas ki la terre, et ki li pé soumette li-même complètement à Allah. Salaat faire nous mazine Allah Tabaarak Wa Ta’ala bonheur gramatin kan nous lever, et encore trois fois kan nous occuper avec nous bane travails dans la journée, et ene dernier fois avant nous alle dormi. Kan mo dire Salaat, mo aussi pé réfère moi à tous bane types de Namaz ki ene croyant capae faire en plus de bane Namaz obligatoire. Dans le Quran Shareef Allah fine mentionne bane Namaz Tahajjud ki ene croyant li faire tard dans la nuit, avant ki soleil lever, ene telle Namaz ki celui ki attacher avec Allah pou rode faire afin ki li vine pli près encore avec Allah, et ki ena l’espoir dans so le cœur pou gagne l’amour d’Allah et So Miséricorde et Pardon pou tout so bane péchés. D’après Hazrat Abu Hurairah (ra), le Saint Prophète (saw) fine dire : « Nous Rab (Ki Li Glorifié et Exalté) dessane sak la nuite dépi leciel ziska la terre dans dernier tier de la nuit, et Li demandé : « Ki sanlà pé prié Moi pou ki Mo capave réponne (so la prière) ? Ki sanlà pé demande Moi pou ki Mo capave donne li (séki li pé rodé) ? Ki sanlà pé demande Moi pardon pou ki Mo capave pardonne li ? » Et de ça façon là Li (Allah) continuer dire ça ziska lizour commence paraîte. » (Bukhari, Muslim) A travers ça Hadith authentique (Qudsi) kot Allah Li-même Li pé causer, nous gagne l’assurance dépi Allah ki Li écoute l’appel de celui de So bane serviteurs dévoués ki prié Li afin ki li gagne Allah So miséricorde et So pardon. L’homme li d’ene nature faible et alors li à tout moment tenté pou faire li-même du tort et faire du tort à bane dimounes ki autour de li. Kan Allah fine institué le mois de Ramadhan comme le mois de Roza, ene mois de sacrifices, Allah donne au croyant l’opportunité approprié pou doublé so bane z’éfforts dans Namaz et duahs et sacrifier so létemps pou gagne le plaisir d’Allah. Hadith : Hazrat Abu Hurairah fine rapport: « Mo fine tende le Messager d’Allah dire concernant Ramadhan: “Celui ki prié dans la nuite (du mois de Ramadhan) avec la foi sincère et avec l’espoir pou gagne récompense de la part d’Allah, alors so bane péchés passé pou être pardonné. » (Bukhari) De ce fait, pendant ça mois béni là, nous, bane Musulmans nous être encourager pou faire bane Namaz Nafil, et pli spécifiquement le Tahajjud, kot, kan nous pou faire li, Allah pou bien content avec nous, et alors nous pou vine pli près avec Li (Allah). Allah content So bane serviteurs sincères, et Li envie ki nous appelle Li, ki nous bizin Li, ki nous dépende lors Li pou sak nécéssité ki nous bizin et ki nous envie. Allah envie rempli nous la vie avec ene bonheur parfait ki vine de Li, mais seulement faudé nous reste toujours sincère dans nous l’envie pou vine plus près avec Li, et ki nous rode par tous bane moyens (halal) pou plaire Li et arrive à nous but (Allah). Namaz, pli spécifiquement bane Namaz Nafil zot là comme ene moyen pour ene croyant pou rapproche li d’Allah, pou montrer ene soumission complète à So bane commandements. Nous bane Namaz Nafil pou ene adavantage pou nous, surtout kan ça bane actions là pou pézé lors balance Jour Qayamat. De plus, Hazrat Abu Hurairah fine rapporté ki Hazrat Muhammad (saw) fine dire : « Allah (Tabaarak Wa Ta’ala) fine dire : « Le premier de so bane actions ki ene serviteur d’Allah pou être questionné le Jour du Jugement c’est à propos de so bane Namaz. Si zot en ordre, alors li pou prospérer et gagne succès ; et si zot pas assez, alors li pou fail et perdi. » Si ena ene manquement dans so bane Namaz obligatoire, le Rab (Ki Li Glorifié et Exalté) pou dire : « Guetter si pas Mo serviteur ena bane Namaz Nafil avec quoi li capave complète saki manqué dans so bane Namaz obligatoire. Alors le reste de so bane actions ki pou jugé dans même façon. » (Tirmidhi) Maintenant, ene l’aspé important de Ramadhan c’est distribution Zakaat al fitr, ki li différent de Zakaat al-Maal, c’est-à-dire, Tax obligatoire ki ene musulman bizin tirer lor bane capital, di biens ki li posséder. Zakaat al-fitr li ene type de charité (Sadaqah) ki obligatoire au moment casse Roza dans mois de Ramadhan. Le fait ki le mot Zakaat li connecté avec le mot fitr ici li important parski li pé réfère au moment kot ene croyant li casse so Roza, et c’est ça ki faire ki ça Zakaat là vine obligatoire. Ibn Umar fine dire : « Le Messager d’Allah (saw) fine faire Zakaat al-fitr obligatoire. » Li vine obligatoire kan soleil couché dernier jour Ramadhan. N’importe ki sanlà marrié, gagne ene tibébé ou vine ene musulman avant ki soleil couché ça jour là, li bizin donne Zakaat al-fitr (en so nom, et/ou en nom so nouveau madame ou nouveau bébé), mais si ça arriver après le couché du soleil, li péna pou tire li... Alors Zakaat al-fitr vine obligatoire avant Namaz Eid. Ibn Abbas (ra) fine dire : « Le Messager d’Allah (saw) fine faire Zakaat al-fitr obligatoire comme ene moyen pou purifier ça dimoune ki pé garde Roza là dépi bane causé initile et bane mauvais langage ; et pou nourri bane pauvres. Celui ki paye li avant Namaz (Eid), li ene Zakaat ki acceptable, et celui ki paye li après Namaz, li vine ene act de charité normale. » (Abu Dawood) Li ene pratique commun aussi ki bane musulmans croyants zot distribuer zot Zakaat normale, c’est-à-dire dépi zot bane di biens dans ça mois là kot Allah fine mette beaucoup bénédictions. Mais le Zakaat al Maal li pas zis pou le mois de Ramadhan. Li capave être distribuer dans bane lézot mois aussi d’après bane prescriptions ki Allah fine metté dans Quran. Allah et So Rassool béni Hazrat Muhammad (saw) fine mette beaucoup l’emphase lor distribution de Zakaat. Zakaat li pas seulement pou bane pauvres et bane ki dan le besoin, mais aussi pou bane voyageurs et bane ki travail pou ça fonds là et pou le Deen-é-Islam. Ibn Abbas (ra) fine dire : « Le Prophète (saw) ti le plus charitable parmi bane dimounes, et li ti ena l’habitude (pou être plisse charitable) dans mois Ramadhan kan Jibraeel ti pé souvent vine zoine li sak la nuite de Ramadhan ziska la fin de ça mois là. Le Prophète (saw) ti ena l’habitude récite le Quran Shareef devant Jibraeel. » (Bukhari) A travers ça Hadith là, nous gagne ene l’idée à propos de générosité du Saint Prophète (saw), et plisse ki ça encore durant le mois de Ramadhan kot Allah fine doublé, et même triblé bane bénédictions pou bane simple acts d’Ibaadat, pou sak bien ki So serviteur faire durant ça mois là. Le Messager d’Allah (saw) fine sacrifié beaucoup kitchoses pour l’amour d’Allah et pour le progrès de l’Islam. Li fine même reste sans mangé pendant plusieurs jours. Le Prophète (saw) fine dire : « Celui ki donne manger à ene Rozédaar pou casse so Roza, li pou gagne même récompense ki li, sans ki nannié diminué de récompense de ça Rozédaar là. » (Tirmidhi) Alors, li nous devoir primordiale pou distribuer tout saki Allah fine donne nous l’ordre pou distribuer durant ça mois là, pou ki Li capave content avec nous. Kan nous sacrifié nous mangé et boire, et nous bane routines ki d’habitude ti halal pou nous ; kan nous sacrifié tout ça là zis pou Allah, alors nous gagne Allah même comme nous récompense ; Nous, bane Sahih Al Islam, bane dimounes ki Allah fine choisir pour la réforme de l’humanité, pour la réforme de l’Islam, nous bizin faire li ene devoir ki nous refléter bane l’enseignements pure de l’Islam, dans so beauté et so la foi pure. Durant le mois de Ramadhan ki nous pé vivre, li nous priorité pou faire encore plisse bane bon actions kot là-dans Allah fine mette bien beaucoup bénédictions ki reste augmenter même à sak seconde de ça mois là ; ene telle mois kot le Quran Shareef fine révélé à le Saint Prophète Hazrat Muhammad (saw) pou ki li répande ça message là à toute l’humanité. Nous devoir comme bane vrai croyants musulmans et bane dimounes choisi d’Allah c’est ki nous bizin prend compte l’Islam de nous l’âme, l’Islam de nous famille ki content Allah and ki Allah content en retour, et nous prend compte nous bane frères, sœurs et enfants ki assoiffé de la lumière d’Allah ; ki assoiffés de la spiritualité, assoiffé pou conne l’Islam et pou vive li ziska la fin de zot la vie lors la terre. Salaat et Zakaat zot deux de bane piliers ki pli fondamentale dans l’Islam ki bizin mette en pratique régulièrement dans nous la vie de tous les jours et plisse encore dans ça mois béni ki nous pé vive là. Ramadhan li ene mois d’entrainement, de partage et de sacrifice. Nous générosité et l’amour capave amène ene sourire lors la lèvre de nous frère, sœur ou zenfant, que ce soit zot la foi. Nous role c’est pou enseigne la beauté de l’Islam à bane les autres, pou ki zot réalise la beauté d’Allah, et trouve Li (Allah) à travers lizié de zot le cœur. Du moment ki ene dimoune vine ene Musulman par le cœur kan li accepté ki péna aucaine bondié pou adoré excepté Allah et ki Muhammad (saw) li So Messager, alors ça dimoune là li gagne droit pou ressenti le plaisir dans Namaz et pou contribuer avec ene le cœur content dans contentement de bane les autres dimounes en partageant ene partie de so richesse couma Allah fine établir pou li dans Chapitre 9 Surah At-Tauba. Alors, c’est mo duah ki nous dans Jamaat Ul Sahih Al Islam, jeune ou moins jeune, nous zamais néglige nous devoir envers Allah (à travers Namaz) et nous devoir à nous bane frères et sœurs dans le Deen-é-Islam (à travers distribution de Zakaat couma Allah fine imposé). Nous devoir primordiale c’est ki nous bizin montrer nous l’obéissance envers bane commandements d’Allah dans tous façons. Nous soumission à Allah li nous la lumière, nous guidance pou ene meilleure la vie, ki li dans ça la vie là, ki li dans Aakhérat. Nous content Allah, et Allah content nous beaucoup. Li béni nous dans bane telle façons ki nous pas pou capave décrire par bane simples mots, mais ça l’amour là li être ressenti par sakaine d’entre nous comme ene lien spéciale avec Allah. Ki Allah faire de ça Ramadhan là ene mois rempli de So présence et So l’amour. Ki Allah pardonne nous pour tous nous bane faiblesses parski la race humaine fine créer faible ; ene longue la route de la perfection excepté pou nous Aka et prophète bien-aimé Hazrat Muhammad (saw). Ameen. Allahoumma anta rabbi laa ilaaha illa anta khalaqtani wa ana abduka wa ana ‘alaa ahdika wa wa’dika mastatagh’tou ‘aouzubika min sharri maa sana’t abu-u bini’matika ‘alayya wa abu’u bi zhambi faghfirli innahu laa yaghfiruz-zhunuuba illaa anta. O Allah! To mo Seigneur. Péna aucaine les autres bondié excepté Toi. To fine créer moi et mo To serviteur, et mo faire de mo mieux pou rempli promesse et pacte ferme ki mo tip rend avec Toi. Mo rode To protection contre bane conséquences de mo bane mauvais actions. Mo reconnaite complètement la grâce ki To fine faire lor moi et mo confesse mo bane péchés. Alors pardonne-moi ! Ameen.