Text Box: بسم الله الرحمن الرحيم KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 05 Juin 2009 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:  Fabimaa Rahmatim-minallaahi lina lahum. Wa law kunta fazzan galiizal-qalbi lanfazzuu min haw-lik : Fa-fu anhum wastagfir lahum wa shaawirhum fil amr. Fa-izza azamta fatawakkal alallah. Innallaha yuhibbul-mutawakkiliin. (O Prophète) C’est par la grâce d’Allah ki to traite zot avec douceur. Si to ti traite zot avec ene lécoeur dur, zot ti pou quitte to l’encourage bien vite. Alors pardonne zot et demande Allah zot grâce. Et même prend zot conseil lors ça question là. Mais kan to fine prend décision, mette to confiance en Allah. Allah content bane ki mette zot confiance en Li. (Chapitre 3 Al’ Imraan Verset 160) Par la grâce d’Allah, le Jamaat Ul Sahih Al Islam ena plusieurs so bane branches à Maurice et aussi dans bane les autres l’îles avoisinantes et dans bane les autres pays, tel couma Maroc, l’Inde, Indonésie, Belgique, la France, l’Amérique, Madagascar, Mayotte, Seychelles etc. La Jamaat Ul Sahih Al Islam ena bane organisations auxiliaires par la grâce d’Allah, dans Maurice et dans tous ça bane les autres pays là. Ça c’est ene grand faveur ki Allah (swt) fine faire lors le Jamaat Ul Sahih Al Islam, kot bane jeunes, madames, et missiés zot travail dans zot propre organisations auxiliaires et mo bizin attire zot l’attention ki l’organisation centrale ki ena précédence lors tout ça bane organisations auxiliaires là. Et zot tous travail en collaboration ensemble avec le Muhyi-ud-Din Khalifatullah de ça l’époque là, et ça c’est ene très grand faveur et grâce d’Allah, kot ou travail ensemble avec ene Choisi d’Allah, et par la grâce d’Allah mo bizin dire, jusqu’à maintenant, mo pas gagne aucaine problèmes avec bane organisations centrale ou même organisations auxiliaires ki trouve dans n’importe ki pays et même à Maurice. Alhamdolillah. Zot travail avec amour et amitié et ki zot gagne ene relation d’amour personelle avec le Calife d’Allah et zot montrer ene l’obéissance complète concernant bane l’instruction ki zot gagné dépi Allah So Serviteur Choisi. Et ça pas veut dire ki mo pas bizin mette zot en garde couma zot bizin agir avec bane nouveau convertis. Comme ene Calife d’Allah, c’est mo devoir et responsabilité ki malgré tous pé alle bien par la grâce d’Allah, ki mo bizin cause lors là ; c’est ene grand précaution ki nous bizin prend, nous tous ensemble dans Jamaat Ul Sahih Al Islam, pou ki nous pas vine pareil couma bane les autres groupes musulmans, ni couma Ahmadiyya Muslim Association kot zot fine fail dans ça travail là. Li pas du tout mo l’intention ça pour faire zot Ribat lors mimbar Hazrat Muhammad (saw) et alle tombe dans même bassesses ki zot. Pour l’instant, malgré ki péna li et mo pas oulé ki ena ça aussi, ki bane responsables du Jamaat ki so Président Centrale et so bane sécrétaires, ou même bane organisation auxiliaires, zot pas assizé nek donne l’ordre à bane ki en bas zot, ou sois montrer zot fierté ou l’arrogance avec bane dimounes moyen, faible de connaissance et même avec nous bane frères et sœurs (nouveaux convertis). Ça c’est ene zaffaire ki mo detesté ça terriblement. Au contraire, kan ou vine ene responsable dans le Jamaat Ul Sahih Al Islam, n’importe kot zot été, dans ki pays zot trouve zot, ou bizin créer ene douceur dans ou caractère, couma dans ça verset ki mo fine fek récité devant ou là, et bane responsables du Jamaat Ul Sahih Al Islam bizin porte plisse attention vers zot responsabilité et retire tous zot ego et zot bane désire personelle complètement et apporte ene l’attention spéciale couma zot pou accompli zot travail. Ça li beaucoup plus important avant tous et nous bizin délaisse ça l’habitude faire colère lor chaque tipti zaffaire là. C’est vrai chaque dimoune ena ene caractère, et moi aussi mo admette lor mo caractère, mais nous bizin faire duah avec Allah, pour ki Allah même aide moi et nous tous bane responsables du Jamaat Ul Sahih Al Islam contre bane tel mauvais caractère, sinon Shaytaan pour prend le dessus lors nous et bane ki pé rentre dans le Jamaat Ul Sahih Al Islam à cause la Manifestation Divine, capave éloigner avec le Jamaat. Par la grâce d’Allah, ça pas encore arriver jusqu’à maintenant et mo faire duah ki ça pas arrivé du tout ici dans le Jamaat Ul Sahih Al Islam. Chaque membre responsable dans Jamaat Ul Sahih Al Islam bizin augmente zot l’amour et l’amitié avec bane membres du Jamaat dans n’importe ki pays zot trouve zot, et aussi cultive ça l’habitude de faire Zikr Allah, récitation Quran tous les jours avec traduction, et demande beaucoup pardon et aussi donne ene bon tarbiyyat (l’éducation Deen) à zot bane zenfants n’importe ki l’âge li été. Li pas du tout ene l’honneur pour trouve papa dans comité centrale ou sois ene membre organisation auxiliaire, ou sois li pé faire grand grand discours devant bane dimounes, li pé causer couma dire li près pou casse micro, mais so zenfant lor l’internet pé faire toute sorte kalité acting indécent, malpropre. Mo pé dire ça, mo pas oulé ki ça arrive dans le Jamaat Ul Sahih Al Islam ici avec nous. Ou bizin surveille ou bane zenfants et donne zot bane bon l’éducation de côté Deen. C’est vrai parfois ou bane zenfants bizin servi l’internet pour faire zot projé ou zot bane travail, mais seulement ou bizin surveille zot de près et ene contrôle absolue. Nous bane zenfant ici dans le Jamaat Ul Sahih Al Islam bizin ena respect pour séki pli grand et même séki pli petit, et ça bizin montrer zot dépi dans la caze même, et faudé pas entre bane jeunes même kan zot pé causer entre zot, ena bane causer vantard, l’arrogance, déclare plus supérieur ki lotte, lerlà même ki pou ena ça bane clash là dans ene Jamaat, kot sakaine pour ena so groupe ou sois family feeling. Faudé pas le Jamaat Ul Sahih Al Islam vine pareil couma les autres Jamaat et surtout Jamaat Ahmadiyya. Kan ou guette ki ça bane jeunes garçons et filles pé faire lors bane tel site internet couma Facebook, Hi5 etc. et zot parent, bane sois-disant ténor dans Amila Jamaat là-bas et zot pé prend zot même bane grand intellectuel et Muttaki dans Jamaat Ahmadiyya, mais si ou conne zot-même zot zistoire personelles et zot zenfants séki pé faire lors internet, c’est ene la honte ça pour l’Islam en générale et en particulier la honte ça bane kalité dimounes là encore prétendre zot ki zot bane Ahmadis et zot déclare ki zot dans Jamaat Massih Ma’oud (as). Ena zot zenfant pé prend bane masque indecent pé mette lor zot la tête accompagné avec plusieurs tifilles et les autres camarades étrangers dans pays étrangers, cigarette dans la main accompagné avec ça bane filles étrangers là kot zot aussi indécent et cigarette dans zot la main. Et lors là, zot pé dancé. Ça bane qualité zenfant là zot parent dans comité centrale pé assizé lors stage (podium), kan ene personnalité (pé recevoir ministre dans Banquet Khilafat et pé faire discours lor micro, pena bonnet lors la tête et bane les autre madames parlementaire pé assizé, manger et boire ensam avec zot – Kot le Pardah ?) ou sois Khalifa vini, zot mette zot masque bon zenfant divant le Khalifa et zot ti bonnet lor la tête. Mais seulement le Khalifa li pas Alim’oul Ghayb li ! C’est ziss Allah ki conne ou très bien. Au lieu ou gagne peur Allah, ki compte ou pour alle render, ou pé gagne peur plisse le Khalifa. Khalifa li aussi ene dimoune couma ou-même. Chaque parent bizin conne zot zenfant, kantemême li pas conne zenfant là à 100% (cent pourcent) mais li bizin conne un peu so zenfant, si vraiment li ene dimoune ki ena la crainte d’Allah dans so le cœur. Li ti bizin démissioné de ça poste ki li pé occupé là, li faire tarbiyyat so zenfant, so famille en premier ; li commence avec so la caze même avant tous. Li malheureux pour trouve ça qualité membres comité centrale là dans ene Jamaat (surtout couma Maurice) et à la tête ena ene soi-disant Amir. Ki travail zot pé faire avec ça bane jeunes Khuddam et Lajna là et aussi bane Atfal et Nasirat. Emplace zot pé veille zaffaires zot camarade et ki pas concerne zot, alle faire l’éducation de ça bane jeunes là. Ena tifilles pé prend leçon violon, violon lor z’épaule, ena tifille mo conné, Deen pas conne du tout, mais pé prend leçon danser et karaté. Si ou alle lors internet, lors bane site couma Facebook et Hi5, ou guette zot ça, ena mette zot nom pas mette photo, mais dire ki li content tel acteur ou actrice préféré. Ena même bane madames Lajna pé mette zot nom et mette bane photo ti comic indécent. Eski ou penser ki Allah pour laisse ça situation là coumsa ? Eski ou penser ki Li pas pou envoye ene Avertisseur avant ki Li envoye So punition divine ? Mo pé addresse moi avec tous ça bane « ministres » (bane soi-disant membres comité centrale) là, bane secrétaire Talim, Tarbiyyat, zot Amir et bane les autres organisations auxiliaires, pas nek assize lors stage ou soi pour marcher avec vanité et donne l’ordre, vine bane vrai responsables ; avec ça l’esprit là ki ou vine ene vrai serviteur d’Allah dans le Jamaat et aussi pour le pays. Dans ça verset ki mo fine réciter devant ou là, Allah (swt) fine donne ene principe de base comment pour garde l’Oummah de Hazrat Muhammad (saw) et aussi Jamaat Hazrat Massih Ma’oud (as) uni. Pas fine dire faire palabre contre un tel, envoye rapport contre li pour humilier li, et mette li dehors dans Jamaat. En 2001 kan ti mette moi et bye Zafrullah Domun dehors dans Jamaat Ahmadiyya, prend dépi le 01 Janvier 2001, tous zot programme bane causer ti lors nous même, et d’après zot – le soi-disant Amir et so bane soi-disant Mullah – nous ti pé faire fitna (désordre), créer la haine dans le cœur bane dimounes. Lors là, zot ti pé mette tous bane dimounes ki ti pé croire dans révélation ki mo recevoir en dehors du Jamaat. Et aussi bane ki fréquente nous ou cause avec nous gagne Avertissement sévère, si pas mette boycott lors nous, monsieur pour envoye rapport kot Khalifa et pour mette ça bane dimounes là dehors. Le soi-disant Amir et so bane soi-disant Mullah ti pé présente Khalifa couma ene bonhomme loulou et bane dimounes dans Jamaat Ahmadiyya fine gagne peur Khalifa et zot Amir pliss ki Allah (swt). Azordi zot souffert, et mo aussi mo souffert de ça parce ki li pas Islamic ferme Masjeed dans Malaysie empêche faire Jummah et les zot activités Jamaat, mais seulement pour faire réfléchi, et en même temps comme ene avertissement, couma nous fine souffert kan fine mette nous dehors à cause révélation ki dessane de côté d’Allah et en plus ene soi-disant Amir, faire ferme Masjeed New Grove en 2001 dans le sud de Maurice pour nous pas faire Namaz Eid-Ul-Adha. Eski ça Khalifa conné ça ou sois bane Ahmadi ki trouve dans les autres pays conné ça, dans ki bassesse ene soi-disant Amir et so alentours fine tombé ? Li Islamic ça ? Khalifa à ça l’époque là (Hazrat Mirza Tahir Ahmad), ki Allah pardonne li, ti pé donne so Amir raison séki li ti pé faire. Eski ça kalité Amir là capave uni ene Jamaat ? – Hazrat Muhammad (saw) nous l’exemple parfait et li ene modèle là-dans. Si bane dimounes ti attacher et ti pé reste autour du Saint Prophète Muhammad (saw) à cause de so l’amour et l’amitié ki li ti ena pour zot, alors toi (soi-disant Amir) ki to été toi pour to pas montrer l’amour envers bane dimoune et surtout (bane dimounes ki fine travail beaucoup pou Deen) ? Li malheureux pou trouver et pou conné ki zot pas même paye la sueur d’ene pauvre madame ki pé nettoye ene Masjeed dans Rodrigues et zot pas paye li so salaire des mois et des mois et faire so le cœur faire mal! Malgré ki zot pas fine paye li so l’argent pendant des mois et des mois, ça soi-disant missionaire de Rodrigues là-bas fine alle kot ça madame là pou rasse la clé Masjeed avec li, mais kan madame là fine demande li so kasse, li fine dire couma li ena l’habitude de faire pendant tous ça bane mois là, ki kan li pou retourne Maurice li pou faire envoye so kasse. Ça soi-disant missionaire là pas fine guetter couma ça madame là ti pé vivre sans l’argent pendant tous ça bane mois là, et couma li ti pé trace so la vie. En plus de ça, ça soi-disant missionaire là pas fine hesiter pour alle espionner kot ene nous bane membre Jamaat Ul Sahih Al Islam à Rodrigues et fine demande li limons et piments pou li amène Maurice. Li fine cause menti lor menti kan li fine vine Maurice pou dire ki ça dimoune Jamaat Ul Sahih Al Islam là li avec zot dans l’Association, mais la vérité fine éclater par la grâce d’Allah kan li fine quitte Rodrigues pou vine Maurice et so menti ki li fine causer fine tombe dans de l’eau ! Dans ki bassesse ça kalité soi-disant missionaire là fine tombé kot li pas fine capave guette le progrès du Jamaat Ul Sahih Al Islam dans Rodrigues ! Quel la honte pou li et so bane magouilles ki li fine faire ! La honte ça ! Pé ramasse chanda par millions pour faire banquet dans l’hôtel, et aussi zot faire programme dans grand grand la salle couma Vivekananda ki so location li énorme et tous ça là tire dans chanda kot bane dimounes faire sacrifice dans le chemin d’Allah. Bane missié là zot bizin faire majacaro (amizié avec l’argent chanda) ; mais seulement pou paye travailleurs Jamaat, zot la main lourd et tremblé pou payer. O bane membres du Jamaat Ul Sahih Al Islam ici, à Maurice et à travers le monde entier, si ou demande moi ki mo tracasser, c’est ça ki mo grand tracas, nous bizin faire beaucoup duah et tire beaucoup sadqua, ki Allah guide nous tous, dans tous nous bane décisions ki nous prend, bane bon decision ki nous pas blesse personne zot le cœur, nous pas faire zot souffert malgré ki kalité grand erreur li faire, nous alle vers li avec l’amour, l’amitié, sans aucaine boycott, nous cause avec li, faire so tarbiyyat, et aussi faire duah pour li et faudé pas Jamaat Ul Sahih Al Islam vine ene Jamaat mette dimoune dehors, humilier zot, si pas faire mette boycott, pas faire salaam, pas invite li dans ene programme ou mariage. Ki été ça ! C’est ça l’Islam ? C’est ça l’enseignement de Hazrat Muhammad (saw) ? Au contraire nous bizin suivre nous maître Hazrat Muhammad (saw), nous bizin montrer beaucoup plus humilité et l’amour envers nous bane frères et sœurs, bane nouveau convertis et à tous dimounes aussi. Ki Allah (swt) faire ki aucaine office-bearers du Jamaat Ul Sahih Al Islam péna aucaine l’ennemité pour personne dans le Jamaat et zot établi ene l’amour profond et ene l’amitié ki jamais pas pour séparé. C’est ça mo grand tracas, ki par la grâce d’Allah ça l’année 2009 là kot ena beaucoup dimounes dans plusieurs pays pé rentre dans Jamaat Ul Sahih Al Islam. Là-même nous bizin prend beaucoup précaution et surtout éna ti dans l’Association Ahmadiyya et maintenant zot dans Jamaat Ul Sahih Al Islam, ici, faudé pas zot gagne bane même traitement, couma zot ti été là-bas – zot bizin trouve ça différence là et là kot zot pour constaté ki ici c’est ene Jamaat d’Allah et ki li fonctionner sous l’instruction d’Allah. C’est vrai ki pour moi comme le Calife d’Allah et Muhyi-ud-Din, li pas possible pour moi pour alle dans chaque pays, chaque la ville ou chaque quartier pour conne l’état et situation de chaque dimounes. Alors c’est ene très grand grâce d’Allah ki conseil, l’éducation, tarbiyyat de tous bane membres du Jamaat Ul Sahih Al Islam pé faire à travers bane Khutba même, Study Circle et même par bane E-mail ki mo envoye zot. Mo na pas oulé ki l’autre rapporte l’autre, ou sois le président centrale avec so bane secretaire envoye moi bane rapport contre un tel, ki bizin prend sanction contre li, ça c’est pas mo travail comme ene Calife d’Allah, prend sanction, mette li dehors dans Jamaat ou bien mette boycott. Mo travail c’est pour répare bane chemins ki pas bon, ki fine cassé, ré-construire li, non pli abandonne li ou sois mette ene pancarte ‘NO ENTRY’, éloigne li avec ene Jamaat, kot li capave éloigner complètement avec Allah. Et c’est moi et ou aussi pou responsable devant Allah pour séki nous fine faire. Kan ou trouve ça bane faveur d’Allah là arriver kot dans plusieurs pays et aussi Maurice dimounes pé rentre dans Jamaat Ul Sahih Al Islam, au contraire nous bizin faire pli beaucoup louange d’Allah et demande beaucoup pardon avec Allah, non plus nous réjouir avec vantardize ou l’arrogance ki nous fine gagne tan Ba’iats, tan pays fine rentré. Non, au contraire, nous bizin montrer nous humilité plisse et tourne vers Allah, cherche Allah So l’aide couma nous pou capave amène ça bane dimounes là lors le droit chemin et si zot fine quitte zot religion pour vine ici, séki zot bizin gagne plisse satisfaction de côté la spiritualité dans tous so aspé. Couma Allah fine révèle ça chapitre là à nous bien-aimé prophète (saw) Surah Al-Nasr Chapitre 110 (Le Secours) :  « Izaa jaaa-a Nasrullaahi wal fathu, wara aytan-naasa yad-khuluuna fii diinillahi afwaajaa, fa-sabbih bi-hamdi Rabbika wastagfirh. Innahuu kaana Tawwabaa. » Traduction : Kan secours Allah vini et aussi la victoire et kan to trouve dimoune entre dans religion Allah en foules, alors chante gloire to Maître et demande Allah So pardon, car c’est Li, Le Grand Pardonneur. Ça chapitre là attire l’attention de bane vrai croyant (bane Muttaki) couma zot bizin faire kan la victoire d’Allah arriver. Ki ça victoire ki Allah fine dire ici là ? Séki to pou trouve dimoune pour rentre dans la religion d’Allah en groupes. Eski coumsa même zot pour rentre dans la religion d’Allah ? Eski coumsa même zot pour quitte zot idole ? Eski coumsa même zot pou quitte séki zot bane ancêtre ti pé faire ? La réponse c’est simple ki avec l’arrivée d’ene Messager d’Allah, kot ena ene révolution spirituel et tous séki ena ene le cœur pure et sincère, Allah même ouvert zot le cœur pour reconnaite ça serviteur d’Allah là et c’est ça bane dimounes ki ouler reste attacher avec zot Créateur, ki zot envie quitte zot bane désire mondaines et zot bane faux dieux pour reconnaître le Dieu Unique, le Tout Puissant et tout pouvoir ki trouve dans So la main. Zot délaisse tous ça là kot zot cherche le chemin ki pou amène zot vers zot Créateur universel et couma zot pour reconnaite ça Créateur là ? C’est avec l’arrivée ene Messager d’Allah, c’est pour ça ki Allah adresse So Messager et bane vrai croyant Muttaki, kan trouve dimoune entre dans religion Allah en groupes, alors chante So gloire (glorifié Allah beaucoup et demande Allah So pardon) pour ki ou capave à la hauteur pour amène ça bane dimounes dans le droit chemin, aussi nous capave dire nous demande Allah So pardon pour ki nous capave réforme nous complètement en premier avant ki nous alle réforme ça bane dimounes ki pé rentre en groupe dans la religion d’Allah. Ki Allah donne nous tawfiq pour comprend ça khutba là bien et mette li en pratique Insha-Allah. Faute de temps mo pour arrête là-même. Insha-Allah, mo pou continué dans prochain Khutba. Insha-Allah.