بسم الله الرحمن الرحيم

 

KHUTBA JUMMAH

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

06 Mars 2009

 

SIRAT UN NABI صلى الله عليه وسلم

 

(Résumé de Khutba Jummah)

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire:

 

Etant donné ki nous dans le mois de Rabi-ul-Awwal, beaucoup de bane musulmans zot pou célébrer Insha-Allah Mardi le 10 Mars à Maurice, ena pou célébrer l’anniversaire du Prophète, ena pou célébrer naissance du prophète et ena aussi pou explik lor le Sirât (caractère) de nous bien-aimé prophète (saw). Et mo bizin mentionné aussi ki le 10 Mars, pou faire 1 an ki nous Jamaat fine enregistrer officiellement, par la grâce d’Allah.

 

Pour aujourd’hui, mo Khutba li pou consacrer lor ça révolution spirituelle ki ti ena dans l’Arabie plisse ki 1429 ans de cela.

 

Nous, bane membres du Jamaat Ul Sahih Al Islam, si nous pense ça, ki plisse ki 1429 ans de cela kot dans le désert d’Arabie ti ena ça grand révolution spirituelle avec la venue de nous bien-aimé prophète Hazrat Muhammad (saw). Et ça l’heure là, Allah pé faire li ça promesse là ki li pou gagne le dessus lor tout le monde. Et ça l’heure là, li tousel li ti isolé. Dans ene tel moment pour cause bane victoires dans le monde entier, ti ene zaffaire vraiment extraordinaire. Li ti ene zaffaire ki pas capave même concevoir. Celui ki même dans Makka ti gagne sitant maltraiter, li ti victime de toute sorte de mauvaises traitements ki bane dimounes ti penser ki ça li ene nannié ditout. Zot ti pé penser ki « N’importe kan, nous capave fini li ! » et si zot pas ti faire li nannié, zot ti pé penser ki c’est zot ki fine tini zot la main, c’est zot ki pas pé faire li nannié à cause bane traditions du peuple. A cause tout ça là, donc, zot ti penser ki c’est zot ki pas pé agir. Mais kan zot ti fine décider pour largue la main lor Hazrat Muhammad (saw), lerlà guette ene coup couma Allah fine sape le Prophète Hazrat Muhammad (saw) de tout zot bane cercles. Allah fine déjouer tout zot bane complots. Et avant ki zot la main arrive kot Hazrat Muhammad (saw), bé zot la main ti vine couma dire bane la mains inservable.

 

Anecdote de ‘Cave de Thorr’ pou reste toujours comme ene grand miracle dans l’histoire du monde. Aucaine dimoune pas capave penser couma fine arrive ça. Et si ça pas ti arriver, et si li pas ti vine ene partie de l’histoire, bé jamais bane dimounes ti pou croire ki ene telle chose capave arriver. Dans ene place si désert ki ça, kot péna aucaine place pou cassiette, ene place ki si ena bane traces de pas, bé bane traces là ti pou reste toujours là. C’est seulement ene tempête ki capave efface ça pas là. Dans ene telle place kan li ti pé émigrer pou Madina, Hazrat Muhammad (saw) fine alle prend refuge dans ene ti cave ki trouve lor ene ti colline, et parmi so bane l’ennemis ki ti pé suivre li, ti ena aussi bane grands grands experts de traces. Dans ene telle situation bane là fine dire ki péna ene lotte place pou li allé. Hazrat Muhammad (saw), d’après zot fine bizin monte lor ça ti colline là et là-bas ti ena ene sel cave. Et kan bane l’ennemi ti pé causer kot cave là, bé dépi endans ti pé capave trouve zot bane lipié.

 

Et dans ene telle l’occasion, bane araignées fine arrange zot la caze en file à l’ouverture de ça cave là et zot (bane l’ennemis) dire, ki sois ene pigeon ou sois ene lotte z’oiseaux ti fine pondre ene ti dizef lor ça toile d’araignée là. Ça ti ene ti anecdote.

 

Et Quran dire ki parmi tout bane la caze, c’est la toile d’araignées même ki pli fragile. Mais ça l’heure là li ti vine la caze le plus solide et bane l’ennemis pas fine gagne l’occasion pou casse ça zaffaire fragile là et alle découvert celui ki ti pé prend refuge là-dans.

 

Donc, li ene anecdote extraordinaire. Alors dans bane telle situations et avec ene telle dimoune ki physiquement ti faible, Allah fine faire bane promesses extraordinaire. C’est bane promesses ki Allah fine faire avec li, c’est bane promesses ki concerne l’avenir aussi.

 

Ti ena ene létemps kot Hazrat Muhammad (saw) ti engager dans fouille bane tranchées, li ti ene tel situation ki zot, bane Sahaba,  ti pé penser ki si bane l’ennemis approcher avec zot, ki zot bizin faire ? Alors bane Sahaba fine faire bane zefforts nuite et jour pou ouvert bane tranchées, mais difficultés ki zot ti fine gagner c’est ki zot ti fine zoine avec ene gros roche et si pas ti réussi casse ça roche là, bé li pas ti pou possible pou fouille bane tranchées.

 

Donc, zot tous fine faire z’éfforts et zot pas fine capave casse ça roche là. A ce moment là, zot fine dire Hazrat Muhammad (saw) : « O Prophète d’Allah, tappe lor ça roche là ». La situation de faiblesse physique de Hazrat Muhammad (saw) ti telle, ki bane Sahaba ti pé attache ene roche lor zot l’estomac pou faire face à la faim. Ene quelqu’un fine dire : « O Prophète d’Allah ! Guette ki la situation été, ki nous pé bizin attache roche lor nous l’estomac pou supporte ça la faim là. » A ce moment là, Hazrat Muhammad (saw) fine lève so chemise et fine montrer ki li, li ti ena deux roches ki ti attacher lor so l’estomac, ce ki veut dire, c’est Hazrat Muhammad (saw) ki ti pé faire face pli sévèrement avec la faim.

 

Donc, Hazrat Muhammad (saw) fine tappe ene coup la masse lor ça roche là et fine ena ene étincelle ki fine lévé, et Hazrat Muhammad (saw) fine dire : « Allah O Akbar ». Li fine tappe ene second coup et là aussi ene étincelle fine jaillir, et là-aussi li fine dire : « Allah O Akbar ». Li fine tappe ene troisième coup et encore ene étincelle fine lever et là-aussi li fine dire : « Allah O Akbar » et roche là fine casser.

 

Bane Sahaba fine demande li, ki faire à chaque fois ou ti pé dire « Allah O Akbar » ?  Le Saint Prophète (saw) fine dire ki : « Lor chaque étincelle, Allah ti pé montrer moi la victoire lor bane empires ; Fine donne moi la clé de palais de la Syrie. Deuxième coup, ti pé donne moi la clé de palais Perse. Troisième coup, ti pé donne moi la clé de palais de Yémen. »

 

Donc, dans ene moment de telle faiblesse physique, Allah pé montrer li bane victoires lor tous ça bane empires là. Si dans ene tel situations ene dimoune cause bane telle victoire bé li normal ki bane l’ennemis appelle li ene fou. Parceki c’est seulement soi ene fou, soi ene dimoune ki ena ene certitude complète lor Allah ki capave dire bane telle choses. Donc, bane-là (bane l’ennemis) pas fine trouve le vrai statut de Hazrat Muhammad (saw). Mais fatwa ki zot fine donner, li ti applicable lor seulement ça deux kalité dimounes là. Kan dans ene tel situation ene dimoune dire ki « Mo pé trouve la clé de royaume de Yémen », ou soi pé donne li la victoire lor la Syrie, bé bane dimounes, normalement, pou dire li ki li ene fou. Ou soi zot pou dire ki li ene Choisi d’Allah !

 

Li, li ene prophète ki ena bocoup l’Amour d’Allah et li pé gagne ça bane messages là du ciel. Péna aucaine autre zaffaire ki capave dire pou ene tel dimoune pareil. Donc, de par zot réaction, zot fine montrer ki ça c’est ene zaffaire impossible. Mais le fait même ki zot ti trouve ça impossible, li montrer encore plisse la vérité de ça, li faire li gagne encore pli poids. Parski devant zot lizié même, ene par ene, ça bane zaffaire ki zot ti pé kalifié comme rêves d’ene fou là, fine réalisé. Et ti ena certains bane promesses ki ti ena connexion avec l’époque de bane Aakhéreen. Li ena connexion avec nous aussi, parski c’est nous (Jamaat Ul Sahih Al Islam) ki Allah fine choisir pour être ene esclave de Hazrat Muhammad (saw), nous faire la victoire lor le monde en entier, et ramène zot tout sous Hazrat Muhammad (saw). Nous, nous beaucoup pli simple, pli faible, ki bane compagnons ki ti avec le Saint Prophète (saw). Zot la force, ti ene l’autre, parski zot ti pé prend tarbiyyat directement de Hazrat Muhammad (saw) li-même.

 

Entre zot et nous, ena ene distance de plisse ki 1429 ans, mais malgré ça, li ene très grand faveur d’Allah ki à travers le Darood et dua de Hazrat Muhammad (saw) ki pou faire rassemblement de bane Aakhéreen et bane Awwaleen. Et Quran ena ça bonne nouvelle là ki bane Aakhéreen pou bane telle dimounes ki pou lié avec bane Awwaleen. Li vraiment li ene très grand l’époque ; non seulement nous pé trouve ça bane zaffaire là accompli devant nous lizié, mais ça pé vine ene tel partie de l’histoire ki li pé forme l’histoire, li pas le fruit de l’histoire mais li formation de l’histoire.

 

A travers Jamaat Ul Sahih Al Islam l’histoire pé faire. Donc, l’histoire ki pé faire à travers Jamaat Ul Sahih Al Islam c’est toujours l’histoire de Hazrat Muhammad (saw). Donc, garde ça vérité là en vue, kan nous garde ça en vue, bé tout nous bane succès ki nous pou gagner, nous pou trouver ki en fait nous pas mérite bane telle succès. Nous pou trouver ki c’est bane bénédictions de bane ki avant nous ki fine faire nous gagne bane telle récompense et succès.

 

En vérité, nous, nous pas en droit pour bane telle succès. Ça c’est ene telle vérité ki tout létemps mo-même mo fine senti pou moi, et là-dans péna aucaine exagération. Mo conne très bien ça vérité là, et là-dans péna aucaine doute ki c’est bane bénédictions et bane fruits de bane Awwaleen même ki pé faire bane telle succès. Et ça c’est bane succès ki ti destiné pour Hazrat Massih Maoud (as). Nous, nous seulement ene moyen pour atteindre ça bane succès là et ça même tout. Donc, nous bizin dépasse tout limites dans reconnaissance. Alors, vine tellement reconnaissant ki ou casse tout ou bane limites et là-aussi ou pas pou capave accompli droit de reconnaissance.

 

Nous bizin explik nous bane frères et sœurs, ki bane zaffaires ki fine arriver, et ki fine déjà arriver dans le passé et séki pour arriver dans l’avenir, faudé pas nous jouir ça bane zaffaires là comme bane spectacles, sinon nous pou subir bane grands perte. Si nous fine prend plaisir avec ça bane évènement là extérieurement seulement, alors ça bane mouvements là pour alle dans vide, parski pas fine faire ça pour le plaisir d’Allah seulement. Demain le monde capave dire ki « Ça ti poigné dimounes là ki pou change nous destin (c-à-dire amène zot vers l’Unicité d’Allah) ? » ;  zot capave dire alors, « bé ki grand zaffaire li été ça ? » Si pour zot ça li ene ti zaffaire, mais pour nous dans lizié d’Allah, c’est ene grand zaffaire, parski nous fine obéir nous Rab, nous Créateur de séki Li fine ordonne nous pour faire. Séki mo oulé faire ou comprend ça vérité là dans so profondeur, li vraiment ene image extraordinaire, li ene image d’obéissance totale envers nous Créateur. Même si demain nous bizin mette nous licou enba couteau pou ki l’unicité d’Allah capave propager dans le monde, nous pour dire « Labbaik » et chaque goutte disang ki pou couler, pou arrose ça l’univers là avec « Laa-Ilaaha Illallah ». Ça évènement là émergé avec ene nouvo gloire. Li non seulement étaler lor ça l’époque actuelle là, mais li lié avec le passé aussi, et ça pou continuer augmenter dans l’avenir.

 

Donc, nous, nous ene être spirituelle et nous bane plaisirs bizin reste tout les temps spirituelles même. Et pou garde ça spiritualité là, nous pour bizin continuellement amène ene la lutte. Sinon ena beaucoup de succès pour nous dans l’avenir. Zot bane tel succès, ki capave faire ou nek content follement et ou, ou oubliyer tombe devant Allah et remercier Li.

 

Nous capave tire le mauvais conclusion de ça bane succès là. Alors gagne peur ça bane zaffaires là. Et kan dans ou la caze aussi ou cause ça bane plaisirs là, ou bizin cause li toujours en référence avec Allah et Hazrat Muhammad (saw). Montrer nous simplicité, nous humilité. Montrer ki nous pas digne de ça, mais c’est Allah ki fine choisir nous pour accomplissement de ça bane promesses là et nous pé trouve ça avec nous propre lizié.

 

Donc, kan ou pou protège ça bane humilité là, bé Allah fine faire ça promesse là à Hazrat Massih Maoud (as) ki Li fine content so humilité, so simplicité. Et ça c’est ene promesse ki pou accomplir dans nous faveur. Et ça c’est ene vrai humilité, péna aucaine exagération là-dans. Si ou reconnaître ça simplicité là, ki vraiment nous, nous ene nannié ditout, pour pas dire ki nous ene zéro ! Lerlà ou guetter couma Allah So faveur, So grâce pour continuer augmenter. Et nous même nous pou étonner avec ça ! Li pou sitant puissant ki li pou gagne le dessus lor nous bane raisonnement, lor nous éclat etc…

 

Parfois kan ena grand manifestation extraordinaire bé li couma dire lizié pas trouver même. Ou pas capave guetter même, li gagne dessus lor ou mémoire temporairement, ou pas capave assimile li et comprend li. Donc, dans ça aspect là, mo espérer et mo ena la certitude ki le Jamaat Ul Sahih Al Islam pou protège so humilité et lerlà Allah pour faire encore beaucoup de faveurs lor nous. Si nous péna ça humilité là, Allah capave rasse ça faveur là avec nous pareil couma Li fine rasser avec les autres. Dans ça contexte là, mo envie attire ou l’attention pou reste uni, saki ou ti trouver là li ti ene collectivité, li ti ene rassemblement. Et l’image de ça collectivité là, li ti déjà dans ou la tête, mais jamais ou pas ti trouve ça are ou lizié séki ou pé témoigner azordi. Azordi, avec manifestation divine, ou pé vivre ça et ou pé trouve ça avec ou lizié et ou pou bien comprend ça bien ki appelle unir lor ene seul la main (la main du serviteur d’Allah).

 

Et ou fine conné ki kalité plaisir spirituelles ki ena là-dans, et de ça façon là ki doucement doucement pou ena ça grand révolution spirituelle là ; ene révolution ki pou change le destin du monde en entier, Insha-Allah. Nous dans ene telle l’époque kot pé ré-éna bane révolution spirituelle ki Hazrat Muhammad (saw) ti améné, et ça revolution là pour ena lieu Insha-Allah. Personne pas pou capave change ça, excepté si Allah envie.

 

Ki Allah donne nous l’occasion pou préserve pour tout létemps ça bane benedictions de nous l’époque. En fait, li ene bénédiction de l’époque avant même ki fine vini sous ene nouvo visage. Zot dire ki bane vié la boissons dans bane nouvo bouteilles. Bé ça, c’est la même la boisson et même faveur, grâce ki ti dessane lor Hazrat Muhammad (saw). Maintenant li pé dessane sous bane autres formes. Ki Allah donne nous l’occasion pour garde li toujours pur et propre et sans aucaine mélange et partage ça la boisson pur là dans le monde en entier. Insha-Allah, Ki Allah faire li coumsa même. Ameen

 

En terminant so Khutba, le Khalifatullah fine faire ça duah là sous inspiration divine :

 

O Allah donne succès dans mo bane demandes,

Et montrer moi,

Mo bane jour de contentements.

O mo Seigneur,

Vine pour moi,

Et O Celui Qui conne mo la peine et mo tristesse,

O Celui Qui bane faibles adoré,

Purifier-moi et adopter ene l’attitude de laisse passer avec moi,

 

Tous bane opposants fine dénier moi et zot fine humilier moi dans toutes sortes façons,

Mo pas fine ena aucaine autres solution ki mo présente moi devant Toi,

Et mo cherche To aide et support.

O Celui Qui accompli bane demande, mo ena full l’espoir ki To pou retourne moi mo bane jours.

Kan mo soleil pé préparer pou couché et mo lékaire fine fatiguer avec inquiétude,

Et mo faire serment lor Allah ki mo bane supplications là li pas à cause mo pé cherche éclat et gloire pour moi.

Non ! Mais li pou Islam lor lequel l’ennemi pé attaquer.

 

Soleil fine coucher lor l’Islam et Ahmadiyyat et ena de l’obscurité.

O mo Seigneur ! Faire pitié et accepter mo bane duah.

 

C’est avec Toi-même ki nous demander et c’est devant Toi-même ki nous présente nous bane la peine.

Bane là dire ki zot bane connaisseurs de la religion, et zot bane piliers.

Mais ene aussi mo pas trouver de zot pour lequel capave dire ki li ene telle serviteur de la religion de nous bien-aimé Prophète (saw) et ki ene amoureux du Prophète et ene camarade du Prophète.

Pour personne pas capave dire ça,

Au contraire zot fine plonger dans zot bane désire,

Dans bane mal,

Dans hypocrisie.

 

Moi mo trouve la majorité d’entre zot comme bane mécréants.

Ene temps kan mo ti parmi zot, mo ti pé penser ki tout ça bane là ou soi la majorité d’entre zot pour mo bane aide,

Mais à l’heure des tests, zot fine tourne zot lédos.

Et ça ti décréter pour être coumsa.

Donc mo la force pé affaibli et zot fine apercevoir mo faiblesse.

 

O Maître de l’Univers, tout la force et tout courage lié avec To tousel.

Mo courber vers Toi seulement et mo fine faire confiance à Toi seulement,

Et mo contente moi de Toi seulement,

Donc, couvert mo bane faiblesse et donne confort et tranquillité à mo bane inquiétudes.

Pas quitte moi tousél. To même meilleur de bane héritiers.

 

Dans To la main même ena l’honneur, dignité et valeurs.

Kan Toi To vini, bé à ce moment problèmes et testes pas vini.

 

Mo témoigner ki pena personne pour être adorer à part Toi et pena personne ki donne grandeur à part Toi.

Pena personne à part Toi ki défendre, Mo fine faire To-même confiance et mo fine soumette devant To-même,

To-même To le refuge de bane dimounes ki ena confiance lor Toi,

 

O mo Maître, faire bane traitement de faveurs lor moi,

Aparte Toi mo pas conne aucaine l’autre maître,

Et envoye mo Darood et Salaam lor To prophète Hazrat Muhammad (saw),

Donne so grandeur à so l’éclat et montrer so bane preuves à bane dimounes.

 

O Allah, zordi nous Jamaat Ul Sahih Al Islam nous soumette nous devant Toi à cause Ummat de Hazrat Muhammad (saw) et Ahmadiyyat dans grand problèmes,

Accepter nous bane duahs, nous bane Ibaadat,

Nous bane Roza et nous bane sacrifices,

Tous ça là c’est pour Toi ki nous faire ça,

 

Et Toi certainement To conne tout et To trouve tout séki ena dans mo lékaire.

Nous entièrement et avec contentement avec Toi et tout séki nous faire seulement pour Toi,

Nous faire li avec vérité,

Si To pas ti guide nous,

Bé jamais nous ti pou capave gagne le droit chemin.

 

Nous fine gagne tout séki Toi To fine donne nous.

Nous seulement pour Toi,

Et nous pour retourne vers To-même,

 

To le Très Miséricordieux et Le Très Grand.

Donc, tous séki fine vine vers Toi,

Et fine accepter Toi comme Maître et fine content Toi,

Et ki fine faire zot exclusivement pour Toi,

Pas décevoir zot.

 

Donc, bonne nouvelle à bane peuples pour laquelle Toi, To le Maître, To la grâce fine gagne le dessus lor To punition et To pas laisse bane créatures sincères tomber.

Et To louanges le commencement et la fin aussi.

 

 

« Alhamdolillah Awwalahou Wa Aakhérahou Wa Zaherawn Wa Baatenawn Houwahali Fidunya Wal Aakhira Mawla Nimal Mawla Wanimmal Nassir. » Ameen