Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 07 Novembre 2008 (Résumé du Khutba Jummah lor Assalamoulaikum) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire le verset suivant: ASSALAMOUALAIKUM  Wa izaa huyyiitum bi tahiyyatin fahayyuu bi’ahsana minhaaa aw rudduuhaa. Innallaaha kaana ‘alaa kulli shay’in Hasiibaa. « Kan dimoune faire ou ene Salaam, soit faire zot ene plus joli Salaam encore, ou bien rétourne zot ene Salaam pareil. Allah surement prend compte de tout kitchose. » (Ch.4 V.87) Nous besoin cultive sa l’habitude là pou dire : ASSALAMOUALAIKUM WARAHMATULLAHÉ WABARAKAATUHU. Nous pé vivre dans ene le monde si matérialiste kot parfois ene frère joinde so l’autre frère pas même dire Assalamoualaikum… Bonne manière (akhlaaqé) pé disparaître ou bien même fine fini disparaître (parce ki astère dimoune pé cause Boycott ; pas faire Salaam ; pas réponde Salaam). Dimoune pé vivre couma robot, péna sentiment pour humain couma zot-même, pé touille dimoune couma nous-même couma nous pé trouver dans nous pays et dans Pakistan dans ene grand mois Ramadhan, kot trois frère fine Shaheed – Dr. Abdul Manaan Siddiqui ; Janaab Saeed Ahmad ; Seth Mohammad Yousuf à cause, zot la foi en Islam. Sa montrer ou couma l’enseignement de l’Islam fine piétiné enba lipié de bane Mullahs. Et li malheureux pou constater ki dans le Jamaat de Hazrat Massih Maoud (a.s) aussi, ki nous ti bizin ene l’example parmi tous sa bane groupes de musulmans là, mais nous aussi nous fine vine couma sa bane soi-disant Mullahs là, kot dans le Jamaat Hazrat Massih Maoud (a.s), bane soi-disant Amirs et bane Mullahs ki ena là, et zot bane comité centrale et président branch, pé faire mette boycott, pas faire Salaam, et pas réponde Salaam, et pas invite bane ki pas fine d’accord avec Nizam-é-Jamaat so façon de faire ou de gère le Jamaat, kot fine expulsé sa bane dimounes là. Alors, Allah conne mieux kot l’instruction là vraiment vini, sipas li vine de côté Khalifa même ou bien sa bane soi-disant chefs là kot zot fine piétine non-seulement l’enseignement de Hazrat Massih Maoud (a.s) mais aussi l’enseignement de l’islam et de nous bien-aimé prophète Muhammad (s.a.w). QUEL HONTE POUR ENE TEL JAMAAT KI SUPPOSER AMENE BANE LES AUTRES RELIGIONS VERS L’UNICITÉ D’ALLAH ! Est-ce ki sa c’est Akhlaaqé pour le Khalifa, bane soi-disant Amirs et bane membres Jamaat Ahmadiyya ? AVEC TOUT LE RESPECT KI MO ENA POUR LE CINQUIEME KHALIFA, MO DEMANDE LI SIPA SA L’INSTRUCTIONS LA VINE DE COTE LI. LI REPONDE MOI LI LE PLUS VITE POSSIBLE SOIT PAR ENE KHUTBA JUMMAH, EMAIL OU PAR MO L’ADDRESSE KI LI TRES BIEN CONNE ! Maintenant kan nous guette dans sa société ki nous pé vivre là, respect mutuel fine disparaître. Parent péna respect pou zenfant et à son tour zenfant péna respect pou parent. Grand péna respect pou tipti et tipti péna respect pou grand. Akhlaaq (Bonne manière) fine disparaître complètement dans ene lemonde soi-disant développé kot partout ena bane intéllectuel; pluto c’est la bassesse de l’animal ki dimoune pé tomber. Hazrat Mohammad (s.a.w) fine enseigne nous bout par bout sa kitchose la ; c’est sa bonne manière la ki reflète sa beauté de sa créature d’Allah là (l’homme). L’Islam, étant ene religion ki sorti dépi Allah, pas pou capave ena la moindre manquement dans sa coté là (Akhlaaq). Le prophète Mohammad (s.a.w) fine dire : « Meilleur parmi zotte c’est bane ki ena bonne manière » et ene parmi sa bane bonne maniere ki nous besoin développer parmi nous c’est faire Salaam ene à l’autre. Si ena ene kitchose ki capave réservé, c’est le lien d’amitié et fraternité parmi bane dimoune, et c’est Akhlaaq ki le pivot de nous la vie sociale. Sans Akhlaaq dimoune ti pou vine couma zanimaux, et même pli bas ki zanimaux. Bonne maniere li englobe boucou l’aspect de nous la vie et Salaam li ene parmi sa bane aspect la. La vie ene croyant li bizin ene exemple pou les autres. Si ena ene kitchose ki pou capave augmente nous l’amitié c’est le Salaam. SALAAM L’islam enseigne nous faire Salaam dans sa façon la. As Salaamou Alaikum Wa Rahmatullaahi Wa Barakatuhu. Et la réponse : Wa Alaikum Salaam Wa Rahmatullaahi Wa Barakatuhu. LE MOT SALAAM VEUT DIRE LA PAIX. Quand nous pé faire Salaam, nous pé envoye la paix lors sa dimoune la. Et en retour la personne aussi li envoye la paix, la miséricorde et la bénédiction d’Allah lors sa personne ki fine faire li Salaam la. Quand nous pé faire Salaam, c’est ene Do’a ki nous pé faire pou la personne concerner. Cote nous pé dire Allah garde sa personne la en paix. Imraan, garçon de Hussain (r.a) pé raconte ki ene dimoune fine vine kot le prophète d’Allah (s.a.w) et dire « As Salaamu Alaikum » (la paix lors zotte). Li (s.a.w) fine réponde a so Salaam et fine assizé. Le prophète (s.a.w) fine dire: “dix” (du bien fine écrire pou li). Ensuite ene l’autre personne fine vini et fine dire : « As Salaamu Alaikum Wa Rahmatullah » (la paix lors zotte et la bénédiction Allah). Ensuite Li le prophète (s.a.w) fine dire « vingt » (récompense fine écrire pou li). Apres ene troisième personne fine vini et dire : « As salaamo Alaikum Wa Rahmatullaahi Wa Barakaatuhu » (la paix et la grâce d’Allah et So Bénédiction lors zotte). Le prophète (s.a.w) fine réponde à so Salaam. Dimoune là fine assizé et Li (s.a.w) fine dire : « trente » (vertus fine donne li). (Tirmizi & Abu Dawud) Alors moral derrière sa Hadith là, c’est ki pli ou faire ene Salaam complete, pli ou pou gagne bane récompense de côté d’Allah. Et li pas seulement ene Salaam. Couma ou trouver, l’Islam ene religion parfait dans tous so aspects, kot ena dua (la prière) là-dans. Alors sa Salaam ki ou pé faire à ou frère et sœur là, li ene dua ki ou pé faire pou li, et li aussi en retournant le Salaam, li pé faire ene dua pou ou aussi. C’est-à-dire, les deux côté pé faire dua pou so camarade, et en même temps pé retire tous la haine ki ena dans chakaine so lécoeur. Sa kalité Salaam là ou pas pou trouver dans aucaine les autres religion àparte Islam. Et li malheureux ki dans l’Islam même zot fine piétine et faire mette boycott pour pas faire Salaam à zot frères et sœurs. Par contre, dans les autres religions, malgré ki zot pena sa kalité Salaam là, mais ou pas trouver sa kalité la haine, boycott là. PRONONCIATION DU MOT SALAAM. Boucou parmi nous pas conne prononce le mot Salaam bien. Souvent de fois ou pou tende dire : « Salamualékom ». Pas conne même ki veut dire sa mot là ! Le mot Salaam dériver du mot Salaam ki ena trois lettres : Sin, Lam et Mim. Le mot Salaam ena trois lettre plus ene Zabar, Alif dans Lam. Alors quand nous prononce mot la, nous tarde ene peu lors Lam Alif. Nous dire : « As Salaam ». BANE PRINCIPES FAIRE SALAAM. Abu Hurairah (r.a) pé raconter ki le Messager d’Allah (s.a.w) fine dire : « Tipti faire Salaam bane ki grand et séki pé passer faire Salaam séki pé assizé et ene ti groupe faire Salaam ene grand groupes. » (Sahih Bukhari) Abu Hurairah (r.a) pé rapporter ki le Messager d’Allah (s.a.w) fine dire : « Ene cavalier faire Salaam à celui ki pé marcher et celui ki pé marcher faire Salaam à celui ki pé assizé et ene ti groupe faire Salaam à ene grand groupe. (Sahih Bukhari) Dans sa bane principe Salaam là, ena boucou sagesse la dans. Ene tipti faire grand Salaam. Là dans l’Islam enseigne respect et bonne maniere ki ene tipti besoin ena envers séki pli grand. Salaam ene kitchose ki quand ou pratique li, li casse la fierté. Quand ene dimoune dans ene hauteur (satan) faire la fierté rentre dans li, le Salaam, li enlève sa fierté la ! PREND L’HABITUDE FAIRE SALAAM KAN RENTRE DANS OU LA CAZE ET KAN OU SORTI ! A la lumière de sa, ena ene verset dans Quran kot Allah (twa) pé dire :  « Mais quand ou rentre dans ou la caze, faire ene à l’autre Salaam, Salut ki vine de Allah, béni et agréable. » (24:62) Anas (r.a) pé raconter ki le prophète (s.a.w) fine conseil li : « Mo garçon, quand to rentre dans la caze faire Salaam à to bane famille. C’est ene acte de bonté et bénédiction pou toi et to famille. » (Tirmizi) Quand rentre dans la caze après ki sorte l’école ou travail, l’Islam enseigne nous pratique Salaam et quand nous pé quitte la caze aussi certainement sa acte la pou emmène la joie et la gaîté dans la caze. FAIRE SALAAM QUAND RENTRE DANS LA CAZE LES AUTRES.  « O bane ki gagne la foi, pas rentre dans la caze ki pas pou ou, avant dimande permission et faire Salaam bane dimoune ki la dans. Sa meilleur pou ou. Peut être ou va rapplez ! » (24:28) Qatadah (r.a) pé raconter ki le prophète (s.a.w) fine dire : « Quand zotte rentre (dans la caze) faire Salaam à so bane habitants et quand zotte sorti, quitte so bane habitant avec Salaam. » Quand deux musulmans joindre besoin avant ki commence tini conversation, faire Salaam. Non pas mette boycott ! FAIRE SALAAM A CELUI KI TO CONNÉ OU TO PAS CONNÉ Abdullah Bin Umar (r.a) pé raconter ki ene dimoune fine demande le prophète (s.a.w) pour donne li ene conseil concernant Bonne manière. Le prophète (s.a.w) fine réponde : « Nourri bane pauvres et faire Salaam a celui ki to conner ou celui ki to pas conner. » (Sahih Bukhari et Muslim) Sa Hadith la pé enseigne nous faire Salaam à n’importe ki musulman, ou conne li ou bien ou pas conne li. Nous à Maurice nous faire Salaam seulement a nous familles ou camarade ; les autres musulman ki nous joindre nous pas faire Salaam. Et pourtant Allah pé dire dans Quran Ch.49 V.11.  « Bane croyants, zot vraiment bane frères. Alors faire la paix entre ou deux frères et craindre Allah, pou ki ou gagne So Miséricorde » L’ISLAM FINE ENSEIGNE NOUS AUSSI KI ENA BANE PLACE KI NOUS PAS BIZIN FAIRE SALAAM TEL KI DANS TOILET Alors li pas permettre pou ene croyant, dans ene place impure tel couma toilet pou faire Salaam ni pou répond Salaam. SALAAM RENFORCE LA FRATERNITÉ Le prophète Mohammad (s.a.w) fine dire : « Li pas permettre pou ene musulman désert (pas cause) à so frère (musulman) pou plus ki trois nuits. Quand zotte joindre chacune tourne le dos à so prochain. Meilleur parmi sa deux la, c’est celui ki faire Salaam premier. » (Sahih Bukhari) Dans ene l’autre Hadith réciter par Abu Hurairah (r.a), le prophète (s.a.w) fine dire : « Zotte pas pou rentre dans paradis a moins ki zotte ena la foi (Iman) et zotte pas pou ena Iman aussi longtemps ki zotte pas content ene a l’autre. Mo pou montrer zotte ene kitchose et si zotte faire li, zotte pou content l’un a l’autre. Fanne Salaam parmi zotte. » (Sahih Muslim & Tirmizi) MEILLEURE DEVANT ALLAH. Abu Hurairah (r.a) pé raconter ki le prophète d’Allah (s.a.w) fine dire : « Meilleur parmi bane dimoune auprès d’Allah c’est celui ki faire Salaam premier. » (Ahmad, Tirmizi & Abu Dawud) SALAAM DÉTRUIRE VANTARDISE. Abdullah (r.a) pé raconter ki le prophète d’Allah (s.a.w) fine dire : « Celui ki faire Salaam premier li loin avec la vantardise. » DROITS BANE PASSANTS. Abu Saïd Al Kudri (r.a) pé raconter ki le prophète Mohammad (s.a.w) fine dire : « Faire attention bane ki assizé lors chemin. » Bane la (dimoune) fine dire : « O prophète d’Allah ! Péna les autres places pou ki nous capave tini nous conversation. » Li dire : « Si zotte assizé, alors donne la rue so droit. » Alors Zotte demander ki été la rue so droit. Alors le prophète (s.a.w) fine dire : « Baisse li yeux, enlève bane kitchose ki cause du tort, répond Salaam et ordonne le bien et empêche le mal. » (Sahih Bukhari & Muslim) Si ene dimoune conne ki responsabilité ena quand assizé lors trottoir ou chemin, casse pose, alors jamais li ti pou faire li. So responsabilité trop grand. Ena trop boucou compte pou alle render. Pou nous même trop boucou, astere prend les autres so responsabilité. Prend note bane jeunes ki content casse pose ou bien guette le passant. 1er besoin baisse li yeux et pas guette kitchose ki fine défend. Nous besoin enlève bane kitchose ki pou cause du tort les autres. Par example, si nous trouve bouteille cassées, piquant, la peau banane etc… Ensuite ena la question répond Salaam bane passants. Et aussi li besoin ordonne faire bon travail et défanne faire mauvais travail. Répond Salaam ene façon plus polie :  « Quand dimoune faire ou ene Salaam soit faire zotte ene joli Salaam encore, ou bien retourne zotte ene Salaam pareil. Allah surement prend compte de tous kitchose. » (4:87) Abu Hurairah (r.a) pé raconter ki le prophète (s.a.w) fine dire : « Devoir ene musulman envers ene l’autre musulman c’est 5 (cinq). Répond Salaam, accepter l’invitation, répond a celui ki fine éterné, visite malade, et suive Janaza. » (Bukhari & Muslim) SALAAM FINE GAGNE ENE TEL VALEUR DANS LIZIÉ DE BANE SAHABA KI ZOT TI PÉ FAIRE TOUT ZOT POSSIBLE POUR ALLE CHERCHE DIMOUNE POU ADDRESSE ZOT SALAAM. AUJOURD’HUI LI MALHEUREUX KI ENE L’ENSEIGNEMENT FONDAMENTAL DE L’ISLAM FINE ETRE BAFOUÉ KOT ENTRE FRERE ET FRERE, SŒUR ET SŒUR SATAN FINE PREND PLACE A CAUSE PENA FAIRE SALAAM ENTRE ZOT. AU LIEU DE L’AMOUR POUR TOUS – LA HAINE POUR PERSONNE, FINE ENA PLITO LA HAINE POUR TOUS – L’AMOUR POUR PERSONNE. ANOU PREND L’EXEMPLE EXTRAORDINAIRE DE BANE SAHABA, KI PAS TI FAIRE HYPOCRITES ENVERS L’INSTRUCTIONS DE ZOT RAB, ET DE SO RASSOOL. KI ZOT PAS FINE SACRIFIER POUR KI L’ISLAM BRILLER DANS TOUS COINS ? AZORDI, KAN SALAAM FINE DISPARAITE DEPI LECOEUR BANE DIMOUNE, LA MÉFIANCE FINE RENTRE AUSSI DANS LÉCOEUR BANE FRERES ET SŒURS A L’ENCONTRE DE ZOT PROCHAIN. Tufail Bin Ubayy Bin Ka’b (r.a) ena l’habitude alle cote Abdullah Bin Umar et accompagne li tôt le matin pou alle bazar. Tufail (r.a) dire : « Le temps fine arrive bazar, Abdullah Bin Umar ena l’habitude faire Salaam a chaque vendeur, chaque boutiquier et tout bane pauvres ». Ene jour Abdullah Bin Umar fine dire Tufail accompagne li pou alle bazar. Tufail (r.a) fine dire li : «  ki to pou alle faire bazar ? To pas pou acheter narien ni pou conne bane prix. Li ti pou bon si nous ti assizé pou causer nous deux. » Abdullah Bin Umar fine dire : « O Abu Batan, (la-bas) mo joindre bane dimounes et mo faire zot faire Salaam. » L’example sa Sahaba la ti extraordinaire kot li quitte so la caze seulement pou joindre bane dimounes afin ki li capave faire zot Salaam. Quand ene dimoune fine conne valeur Salaam après ki Allah et So Rassool fine enseigne zot so valeur, li pou rode tout l’occasion pou faire Salaam. Dans contexte ki nous pé vivre aujourd’hui, jamais ou fine tende dire ki kikaine fine sorti pou zis alle faire kikaine Salaam ! Au contraire pé faire mette boycott, pas faire Salaam ! Salaam rentre dans Masjid, péna dans aucaine place, mais li pas mauvais ; doah rentre dans Masjid pli important ki ou faire Salaam. Si faire Salaam pas dérange dimoune ki pé faire Namaz. Pli important quand rentre dans Masjid joindre ou bane frère et ou faire zot faire Salaam. Salaam quand pé faire wuzu, ou capave pas répond toute suite, après ou répond, parceki wuzu c’est ene Ibaadat. D’après Quran Shareef, bane croyant pou rentre dans paradis kot pou adresse zotte Salaam. Sa montrer nouski kalité l’importance Salaam ena lor la terre couma fine mentionner plus en haut, pendant Sakraat kot ene croyant so dernier moment dans sa le monde là, avant ki l’ange de la mort retire so l’âme, addresse li par Salaam, et kan sa croyant là quitte sa le monde là, alle dans l’au-delà, là-bas aussi, zot addresse li Salaam. Par contre ici lor la terre, bane soi-disant grands savants zot vine pli royaliste ki léroi pou empêche dimounes faire Salaam à ene l’autre en appliquant le Boycott. Zot pas pé pense so conséquance ki compte zot pou alle render devant Allah (twa) ki zotte mêmes zot responsable pour interdit bane dimounes faire Salaam l’un à l’autre. Ki Allah donne chaque membre du Jamaat Ul Sahih Al Islam le Tawfeeq pou comprend bien sa sujet de Salaam là pou ki zot pas rentre dans bane telle bassesses ki bane les autres, et nous faire duah ki Allah le Tout-Puissant garde nous toujours lor sa droit chemin là et mette dans nous le cœur : L’AMOUR POUR TOUS ET LA HAINE POUR PERSONNE. Insha-Allah – Ameen.