|
بسم الله الرحمن الرحيم
KHUTBA JUMMAH
HAZRAT AMIR’UL MOMENEEN MUHYI-UD-DIN AL KHALIFATULLAH
MUNIR AHMAD AZIM
08 Mai 2009
(Résumé du Khutba Jummah)
Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:
Qul Kul’luyy’ ya’malu ‘alaa shaakilatih : fa Rabbukum ‘a-lama biman huwa ahdaa sabiilaa
« Dire zot : ‘Tout dimoune agir dans so façon. Mais c’est ou Maître ki pli conné ki sanlà suivre bon chemin.’ » (Chapitre 17 Verset 85)
Mo contigné mo Khutba ki mo ti commence le premier Mai.
L’argument à propos condition ki pé passé dans bane pays Musulmans donne ene fausse l’impression ki ene tel révendication li totalement pas applicable, si nous capave dire. En fait, c’est zot systèmes injuste, intolérable et « en place » ki la cause approximatif de ça renouvo de l’Islam dans bane pays Musulmans.
Nous bizin bien compran ki ça tradition là pas relié avec la pauvreté ki dimounes zot volontairement adopté, kot zot accepter renonce à bane confort matériels. C’est dans ça sens là ki nous bizin comprend ene lotte tradition de Hazrat Muhammad (saw) : « Mo pauvreté li mo fierté. » Ça c’est ene pauvreté ki vine dépi endans ene dimoune, kot li réalizé ki l’homme li pauvre devant Allah, parski en vérité, tout kitchoses appartenir à Li (c-à-d, Allah). Dans ça sens là ki l’Islam li référé comme ene « culte/religion de pauvreté », ki donne li bane qualités couma l’ardeur, courage, ténacité et générosité.
Condition de la philosophie Islamique – C’est l’éthique ki domine l’économie et non pas l’économie ki domine l’éthique. L’éthique c’est quoi ? Ici ça pé réfère à ene croyance morale, kot ena transparence et ene bon code de conduit surtout dans le système Islamique, parski mo Khutba li pé bazé lor là.
Alors, de ce fait, le système Islamique li différent de tous bane les autres systèmes économique à cause zis ene seul factaire, c’est-à-dire, l’éthique. Ça différence là li bien important parski bane code morales caractérize bane valeurs commun d’ene société et zot détermine bane structures ki bane membres de ça société là préféré. La clé pou comprend en profondaire l’aspé originale du système économique de l’Islam li trouve de ce fait dans so système ki encourage mette en pratique l’éthique.
Mais seulement, ça domination de l’éthique dans « l’univers » de la pensée Islamique li pas exclure la possibilité ki bane conditions économique capave, dans bane cas extrêmes, influence bane comportements éthique de bane dimounes. En fait, le Saint Prophète (saw) fine rapporté ki li fine averti so bane disciples contre l’extrême pauvreté ki pas sous zot contrôle, en d’autres mots, li fine mette zot en garde contre ene pauvreté involontaire et ki bien extrême, parski ça capave éloigne bane dimounes d’Allah.
Séki l’Islam mette l’emphase, c’est ki l’éthique li indépendant de bane conditions économique ki ena dans n’importe ki l’époque ou dans n’importe ki société. Et de ce fait ça l’éthique là bizin guide bane comportements dimounes pour ki zot arrive à gagne ene contentement au niveau social et pour ki zot réussi gagne le salut spirituelle. Lor niveau de la philosophie, ça regard lor l’étude de bane valeurs li complètement lé contraire de bane théories de Karl Marx, ene politicien ki prêche le communisme, kot c’est l’économie ki domine bane éthique, non seulement au niveau de bane comportements mais aussi comme ene règle générale. L’Islam aussi rénié mentalité capitaliste ki so but principale c’est pour attrape tous bane bien matériels comme ene la clé pour ouvert la porte du succès de ça lémonde temporaire là.
En comparaison avec ça (avec théorie de Karl Marx), l’Islam so l’approche à bane problèmes économiques li bien simple, kot tous dimounes capave comprend. Définition de Contentement social (bane groupes dimounes dans la société) li inclure tous les deux, c’est-à-dire, l’amélioration de l’économie et l’ascension spirituelle, et tous les deux zot bane éléments d’ene regard lor l’aspé central du système Islamique en séki concerne contentement de l’homme.
Le système Islamique « exister » dans le sens ki li logiquement, socialement et économiquement viable. Li ni capitaliste, ni socialiste, et ni ene copy parfait d’ene État moderne. Nous pas capave dénié ki capave ena impé similarités superficiel entre bane systèmes par respect de zot élément, ki ça li inévitable parski tous bane systèmes socio-économiques zot faire face même « réalité » sociale, c’est-à-dire, bane problèmes de longue date couma bane dimounes zot l’envie pour gagne ene kitchose, bane problèmes de maladies et bane privations économique – malgré le fait ki li sous différent l’angles. Mais seulement, ça bane tél similarités là pas prive aucaine système sociale (humaine) de so proclamation ki li même li originale.
Bane versets ki mo fine réciter au commencement de mo Khutba, kot Allah dire:
Qul Kul’luyy’ ya’malu ‘alaa shaakilatih : fa Rabbukum ‘a-lama biman huwa ahdaa sabiilaa
« Dire zot : ‘Tout dimoune agir dans so façon. Mais c’est ou Maître ki pli conné ki sanlà suivre bon chemin.’ » (Chapitre 17 Verset 85)
Contradiction de la vie de l’homme concernant so préoccupations pou galoupe derrière bane kitchoses mondaines, et aussi so bane désires et l’envie fine grandement contribué à ça confusion extrême ki pé prévaloir dans le monde moderne.
Bane cultures dualistiques, c’est-à-dire ki zot complètement à l’opposé de zot camarades, zot rempli de bane contradictions ki pas visible extérieurement, mais ki trouve à l’intérieure. Alors ça bane cultures dualistique là fine commence prend l’ampleur et zot fine sème bane tensions sociales. La solution Islamique c’est pou détruire ça division artificiel là par accorde zot la philosophie central de la vie, kot d’après ça philosophie là, aucaine « vide morale » pas pou exister lor le niveau de l’existence sociale. Au contraire zot tous pou ena ene sel philosophie lor ki zot pou concentré. Alors, dans le contexte de ça vision de l’unité Islamique là, différence entre bane kitchoses séculaire (de ça le monde là) et bane kitchoses spirituelle pou vine tous les deux sans aucaine signification et sans l’importance. Le Quran Shareef fine conseille tout l’humanité pou rode la miséricorde d’Allah dans tous les deux aspects, c’est-à-dire, ki li mondaines, ki li spirituelle :
Rabbanaaa ‘aatinaa fid-dunyaa hasanataw’ wa fil ‘Aakhirati hasanataw’
« O nou Maitre, donne nou le bien lor ça la terre là et le bien dans la vie future … » (Chapitre 2 Verset 202)
Ça philosophie là li agréable pou tendé, et li aussi éveil ene contentement, et li atteindre non seulement nous bane émotions mais aussi nous faculté de raizonnement. L’homme, par vertu de so caractère ki semblable à bane qualités et attributs d’Allah, li occupe ene place unique dans so philosophie, ki garantie li so liberté et impoze lor li en même temps ene responsabilité sociale. C’est vrai ki ene certain zèle autoritaire li trouve dans tous bane groupes sociale ki ena ene mission et vision pou vine et reste bane groupes ki promouvoir l’éthique (codes et conduite morale), mais ça l’entourage stricte ki l’Islam accordé li fine établi dans ene tel façon ki en même temps l’intélligence li renforcé.
Ça li coumsa parski l’attitude de l’Islam vis-à-vis bane procès de la vie li bazé lor le qualité d’Al-Adl (c-à-d, l’Équilibre). Ene sérénité (trankilité et harmonie) divin li vine couma ene la lumière ki ni li trop fort kot ça capave aveuglé dimounes, ni li trop faible. Ça sérénité divin li répande à travers la vision Islamique de bane sociétés de l’homme. Le « droit chemin » ki l’Islam prêché li balancé lor boute ene couteau, et tout tipti ou grand déviation de ça chemin là pou plonge l’humanité dans ene noirté kot li pou condamné pour l’éternité. Toutefois, le fait ki l’humanité li tout létemps ena tendance pou dévié dépi le « droit chemin », alors li obligatoire lor l’homme, ki li individuellement ou collectivement en groupe pou rétourne lor ça « chemin droite » là. Alors, l’Équilibre li ene kitchose normale ki bizin atteindre arrive séki arrive. Et ça l’Équilibre là li atteindre zis kan ene Messager vini dépi côte Allah pou ré-amène l’humanité vers le même « droit chemin » ki bane prophètes dans le passé fine montré zot peuples et l’humanité.
Dans perspective Islamique, l’obligation pou rempli ça besoin pou atteindre ça l’Équilibre là li renforcé par faire l’homme vine directement responsable, pas seulement de séki li faire li-même, mais aussi faire li vine responsable de so l’environnement autour de li. Le fait ki zamais l’homme li vine étranger de ça l’univers ki entoure li là, alors li-même li faire so propre destin. Ça c’est ene travail difficile, parski ena ene traalé tentations ki cachiette pour rode dévié li de ça chemin de salut là. Alors, dimoune fine conseillé pou prié Allah beaucoup et régulièrement et dire :
Ihdinas-Siraatal Mustaqiim’ Siraatal laziina ‘an amta ‘alayhim – ‘Gayril magzuubi ‘alayhim wa laz-zaaalliiin.
« Guide nous dans chemin droite, ça chemin qui bane qui gagne to faveurs suive, pas chemin banne qui mérite To colère ou bien banne qui égarer. » (Chapitre 1 Versets 6-7)
A l’intérieur de bane limites de code morales (bane éthiques) ki fine prescrire par l’Islam, même la recherche de bien-être économique li béni. Le chemin ki amène vers paradis li passe par la terre (le monde ici-bas); en fait, le Quran Shareef condamne ene renonciation de ça le monde, ki mal placé et extrême. Allah dire dans Quran :
Wabtagi fiimaaa ‘aataakal laahud’Daaral ‘Aaakhirata wa laa tansa nasiibaka minad-dunyaa
« Travaille pou la vie future avec séki Allah fine donne toi. Pas oublier to part dans ça la vie ici là. » (Chapitre 28 Verset 78)
En résultat de ça, bane éthiques (codes morales) et l’économie intégré ensam, c’est-à-dire, zot fine ene sél, ki li horizontalement ou verticalement, et zot forme ene équation bien important dans ene système Islamique homogène (ki pareil), kot li pas tolère aucaine difficultés mineures ni aucaine lézot formes de problèmes couma ene stop lor bon démarche de ça système là.
Ça l’entente divin entre le désire de l’homme pou agrippe li à bane biens matériels et so désire aussi fort pou atteindre l’ascension spirituelle li garanti ene « complet », ene l’achèvement du système Islamique, kot li concorde (joinde ensam) bane poursuites derrières bane biens de ça lé monde là avec ene sens sacré, c’est-à-dire, kot tous les deux désires de l’hommes, pou gagne bane biens de ça le monde là et so désires pou obtenir la spiritualité ki pou guide li vers le salut, vine possible pou li pou réaliser, couma ça verset Quran ki mo fine mentionné avant là faire nous comprend. Mais seulement, li bien important pou garde dans nous l’esprit ki, en même temps ki la façon de vivre dans l’Islam li ene l’orbite ki suffizant, ki li au niveau de bane valeurs sociales, économiques et morales, mais li à aucaine moment ‘ti l’esprit’. Au contraire, l’Islam li ouvert d’esprit, ouvert avec bane l’idées pou rafraichi et pou faire le progrès, dans tous bane l’aspects, ki li économique, morale, sociales etc. C’est ça ki assure le dynamisme du système économique en Islam. En fait, « l’Islam fine gagne bane pouvoir nécessaire pou co-ordonner (faire vine ensam), pou intégrer et absorbe séki ti en conformité avec so perspective dépi bane civilizations anciens. » Comme ene religion vivant, l’Islam pas capave manquer pou absorbe dépi so l’environnement séki pou faire li conforme à so l’intelligence première (ki Allah fine accorde li). Le fait ki si arriver dire ki tout kitchoses en séki concerne l’économie Islamique fine fini dire, alors ça pas pou vrai et ça pou arrête tous bane possibilités d’ene avancement intéllectuelle dans ça domaine de connaissance là. L’Histoire souvent répète li-même, mais rarement dans domaine de bane l’idées. Sinon, la vie d’ene intéllectuel pas ti pou aussi difficile ou, si nous capave dire, li pas ti pou aussi intéréssant.
Le monde fine faire beaucoup l’avancement dépi bane Moyens Ages (l’Époque bien bien longtemps). Li fine vine bien pli compliqué ki li ti été avant. Dans ça bane l’époques longtemps là, kot bane dimounes ti satisfait avec le peu ki zot ti ena, bane simples solutions ti suffit, mais astère là dans nous l’époque moderne, ça bane solutions là pas pou assez pou résourdre bane problèmes kot l’argent et confort matériels fine prend le dessus. Même pli pire, nous péna à aucaine part, dans aucaine pays, ki pé mette en pratique à 100% ene système économique Islamique ki ti pou prend l’example de zot camarade afin pou forme la base de l’économie Islamique.
Travail de bane économistes musulmans modernes li bien pli difficile ki pou faire revivre le passé dans ene façon mécanique et systématique. Travail là consister pou faire revivre et rédécouvert bane baze fondamentales de l’Islam dans ça la vie compliqué ki nous pé vivre azordi jour, avec ene l’intention pou améliore saki ti déza exister, c’est-à-dire, en intégrant n’importe ki connaissances ki ena so l’importance dans ça siècle là et ki déza disponible et transforme zot dans ene nouvo cadre de pensées. En fait, c’est coumsa ki l’originalité dans le domaine de bane l’idées zot être défini dans perspective Islamique.
La connaissance de l’homme, malgré n’importe kot ça so source été, li l’héritage commun de toute l’humanité. Nennié pas pou servi – en effet, pou ena grand ditort – si la sagesse économique ki existant (ki trouve so l’origine dépi ene longue procès de bane rencontre intéllectuelle) li trouve li ignoré dans bane formulation de nous bane l’opinions lor l’économie Islamique. La perspective Islamique de bane éthiques domine l’économie. Le premier étape en direction pou identifier bane caractéristiques de bases d’ene système économique Islamique, ki bien différent de bane lézot systèmes économiques ki exister, c’est pou recherche ene séries de bane principles éthique morales, ki zot définitivement Islamique.
Bane caractéristiques d’ene vrai système c’est ene de bane mission fondamentales de ça analyse ki nous pé faire azordi. Mais selment, ene tel système, pour ki li crédible and ena signification, li bizin satisfaire bane critères suivants : (i) bane déclaration de vérités bizin ene représentation « suffisant » et légitime de bane vues éthiques Islamique ; (ii) bane séries de ça bane déclarations de vérité là bizin pli petit ki possible ; (iii) bane éléments de ça séries là bizin pas changer intérieurement et (iv) ça système de ça séries de déclaration de vérité là bizin ena ene « pouvoir prédominant ».
Suffizance d’ene système ki bazé lor l’éthique et la faculté pour déclare la vérité, li réflécté dans l’Unité, l’Équilibre, Libarbite (kot Allah fine donne sak humain le choix libre pour prend chemin ki li content avec certain conditions fondamentales) et Responsabilité, ki ensam zot forme ene groupe ki sakaine garde so distance (en séparation) entre zot. Ça groupe là li pas nécessairement unique dans le sens ki li le seul ki possible comme ene baze de généralizations valide à propos du système économique Islamique.
Li ti bizin vine claire maintenant ki ene système Islamique ki éthique et bazé lor la vérité, kan li servi comme ene instrument pou analyse et explore la nature du système Islamique, li vine ene cadre suffizant pou élimine tous bane tipti fautes et différences ki capave lévé entre l’homme so bane aspirations spirituelle et so bane désires légitimes pou gagne bane biens matériels. Contentement spirituelle et contentement matériels zot vine ensam dans la vision d’unité de l’Islam, et ça l’unité là li amène ene l’équilibre ki parfait, et balancé, et li assure la liberté interne de l’homme, mais en même temps li mette ene limit lor ça dimoune là pou ki li maximize la liberté collectif (en groupes) et pou atteindre contentement sociale (de tous dimounes dans la société en générale).
A ene niveau philosophique, beaucoup de bane utilités ki dérivé de bane sciences humaines li vine d’ene haut degré de sensibilité de bane ki pratique li pou résolve bane problèmes de ça monde réelle là. Ça prise de conscience là li réflecter dans types de questions ki zot demandé. C’est précisément l’abilité pou pose bane « bons » types de questions ki détermine la qualité de bane sciences humaines. Toutefois, dans faire ça, aucaine grand scientiste humaine pas pou capave ignore bane valeurs de baze de la société ki li fine entreprendre pour étudier. Bane Musulmans à travers le monde zot pé passe par ene période unique dans l’histoire, ki pé faire zot cherche ene guidance afin ki zot gagne ene système Islamique ki vaut vivre là-dans, et ki pou révendique li comme ene système Islamique « complet », kot li suivre pleinement bane enseignements de l’Islam et en même temps li résoudre tous bane problème actuels ki le monde, surtout le monde musulman, pé faire face.
Alors li pas pou scientifique si zot étudier zot comportements économique seulement, et zot ignore le contexte de l’environnement éthique actuel dans ki bane musulmans pé faire face. Bane comportements économique dans ene société Islamique pou rentre en action seulement dans la limite ki li dicté par bane normes éthiques (morales) ki bane musulmans adopté. Personne pas bizin alors regrétté à propos type de questions ki capave posé, par example, « Ki le système Islamique de bane valeurs éthiques (morales), et couma ça bane comportements économique là été ? »
Si ça bane scientistes humaines là ignore ene tel question, ça li pou couma ene la honte pou zot, et de ce fait zot pas capave prend le risque pou gagne ene tel déshonneur, même si ça bane questions là li ti pou nourri zot la santé intellectuels.
Mo termine mo Khutba ici même lor ça verset Quran là ; Chapitre 41 Verset 54, kot Allah dire :
Sa-nuriihim ‘Aayaatinaa fil ‘afaqi wa fiii anfusihim hattaa yatabayyana lahum ‘anna hul Haqq
« Nous pou montrer zot Nous signes dans toutes les directions et dans zot propre lécorps, ziska ki li va paraîte clair à zot ki c’est la vérité. »
Insha-Allah, si Allah donne moi ça tawfiq, mo pou continuer lor le même sujet dans l’autre Jummah. Ki Allah donne moi ene connaissance pli profond encore afin ki mo donne ça à tous bane Musulmans et toute l’humanité en entier. Insha-Allah, Ameen |
