Bismillah-ir-Rahman-ir-Rahim

 

KHUTBA JUMMAH

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

MUNIR AHMAD AZIM

 

9 Janvier 2009

 

(Résumé du Khutba Jummah)

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire:

 

Mo Khutba pour consacrer lor le mois Islamique et surtout 10^ème jour du mois Muharram, premier mois de l’année Islamique, signifie Yaum-e-Ashurah. C’est ene date historique et mémorable dans l’Islam kot beaucoup événements, à part celui de Karbala, fine ena lieu dans le passé et aussi kot d’autres événements pour ena dans le future. C’est ene jour ki ena beaucoup de bénédiction et Allah (swt) faire bane duahs Qaboul (acceptable). Li recommandé garde Roza ça jour là avec ene Roza la veille ou sois le lendemain.

 

Le jour d’Ashurah, faire Ghusl (prend ene grand bain) ; taille ou z’ongles, mette vêtement propre et rentre dans l’état de Ibaadat. Ça jour là, à part ou bane Namaz Farz, ou faire Tilawaté Quran, puis lire deux Rakaat Namaz Nafil en recitant, dans chaque Rakaat après Surah Fatiha, 10 fois Surah Al-Ikhlaas (Qul Huwallaaho Ahad…). Après Salaam, lire 1 fois Ayatul Qursi et 9 fois Darood Ibrahim (ki nous habituer lire dans Namaz) ; ensuite demande duah.

 

Hazrat Muhammad (s.a.w) fine dire : « Jour Ashurah, celui ki lire 4 Rakaat Nafil, dans chaque Rakaat, après Surah Al-Fatiha, li lire 11 fois Surah Al-Ikhlaas, Allah pour pardonne tous so bane péchés et pour construire mimbar Lumineux (en lumière).

 

Ça Ibaadat là purifié ene croyant de tous so bane péchés, élève li dans so Imaan et attire lor li la bénédiction d’Allah.

 

Li recommander pour garde deux Roza, c-à-d, le 9^ème et 10^ème jour Muharram. Hazrat Muhammad (s.a.w) fine dire : « Après Fazilaat Roza Ramadhan vine grandeur Roza Ashurah et Ashurah so Roza li lave péché pendant un an. »

 

Et aussi li hautement recommander ça jour-là pour faire bane les autres Ibaadat pour cherche le plaisir d’Allah par exemple : Aide bane malheureux dans n’importe ki façon, nourri bane pauvres, tire sadqua, etc.

 

10^ème Muharram reste toujours gravé dans l’esprit de chaque Musulman pour prend conscience lor ça situation drastique de Hazrat Imaam Hussein. Avant mo vine lor la vie et martyre de Hazrat Imaam Hussein, mo pou donne ene bref aperçu ki fine arrivé avant ça.

 

Hazrat Ameer Muawiya ti gouverneur de la Syrie dans Khilaafat Hazrat Abu Bakr Siddiq (r.a), Hazrat Umar (r.a) jusqu’à Hazrat Ali (r.a). Bane Khulafaa-e-Rashideen ti conne so grandeur et c’est pourquoi zot fine laisse Muawiya diriger dans la Syrie. Quand fine arrive le tour de Hazrat Imaam Hassan pour prend Khilafat, c’est à ce moment là ki fine ena certaines problèmes fine lever, kot certains bane hypocrites fine saisir ça même l’occasion pour mette beaucoup désordre parmi bane Musulmans. Mais Hazrat Imaam Hassan ti bien intelligent, li fine préfère donne Khilafat dans la main Hazrat Ameer Muawiya (r.a) afin pour calmer bane situations ki ti pour amène ene grand bataille entre Musulmans. Hazrat Ameer Muawiya (r.a) fine prend Khilaafat en 42^ème Hijri et li fine reigné jusqu’à so la mort en 60^ème Hijri, ceki fait ki li fine reste couma Khalifa pendant dix-huit ans. Pendant so reign, beaucoup travaux fine être accompli. Étant donné ki li ene Sahabi de nous Bien-Aimé Prophète (s.a.w), li fine faire tout so mieux possible ki so Khilaafat passe dans la façon pour plaisir Allah et So Rassool (s.a.w).

 

Et nous bizin conne ça aussi bien, ki après la mort de Hazrat Ali (r.a) bane musulmans fine accepter Imaam Hassan (r.a) comme zot Calife. Li fine vine le Chef et le commandant des forces Musulman à Kufa. Mais dans ça même l’époque Hazrat Ameer Muawiya (r.a) fine prend ene l’armée Musulmans sous so commandement et li fine vine à Kufa. Là-bas li fine envoye ene message à Imaam Hassan pour dire li accepter li (Hazrat Muawiya) comme Calife jusqu’à ki li reste en vie, et après li, c’est Imaam Hassan ki pour vine Calife. Imaam Hassan ti ene personnage bien intelligent ; pour évite ene confrontation entre deux groupes Musulman, Imaam Hassan fine signe ene accord avec Muawiya.

 

Ça décision ki Imaam Hassan fine prend là, certain dans so groupe fine bien en colère avec li et Imaam Hassan fine explique zot la situation, ki pour évite ene confrontation entre deux groupes musulmans ki mo fine signe ça l’accord là.

 

Imaam Hassan (r.a) so Khilafat fine duré pendant seulement 6 mois. Dans ça 6 mois là, li fine faire bane travail ki fine vine ene l’exemple pour chaque musulman et surtout ça bane sois-disant Ulemah là. Tous kitchose ti à so disposition et li ti pé contrôle tous bane l’argent. Li ti ene grand et brave guerrier et même so bane soldats ti bien brave et zot tous le temps prêt pour sacrifier zot la vie.

 

Couma nous tous conné, bane l’homme véridique, pieux et zot travail seulement pour plaisir d’Allah c’est zot même ki ena bane l’ennemi.

 

C’est bane l’ennemi même ki fine faire complot pour mette poison dans gargoulette Imaam Hassan. Ça poison là ti tellement violent ki kan Imaam Hassan fine boire ça, li senti ki so partie intérieur pé déchiré en morceau. C’est à ça moment là ki li faire appelle à so frère Imaam Hussein (r.a). Kan Imaam Hussein (r.a) fine trouve so grand frère dans ça situation là, li fine tout de suite comprend ki li pas pour vivre. Alors Imaam Hussein fine console li et dire li ki « félicitations, bientôt ou pour alle rejoindre Rassoollullah (s.a.w), Hazrat Ali (r.a), Hazrat Bibi Fatima (r.a), Hazrat Hamza (r.a) etc. » Imaam Hassan réponde Imaam Hussein : « O mo frère, mo pé trouve bane créatures ki jamais mo fine trouver. » Après li demande so ti frère (Imaam Hussein) pour ena beaucoup patience kan so tour pour arriver kot bane habitants de Kufa pour martyrise li à Karbala. Imaam Hassan (r.a) fine souffert beaucoup jours. Li fine mort le 5 Rabi’ul Awwal 49^ème Hijri à l’âge de 45 ans 6 mois et quelques jours.

 

Hazrat Imaam Hussein (r.a) ti né 5^ème Shabaan l’an 4^ème Hijri à Madina Shareef. D’après Hadith, ene fois Chachi de Rassoollullah (s.a.w), Hazrat Ummal Fazal (r.a) fine faire ene rêve et li fine vine kot Hazrat Muhammad (s.a.w) pour raconte so rêve. Li dire : « Ya Rassoollullah (s.a.w), mo fine faire ene mauvais rêve ; mo fine trouve ene morceau de ou lécorps détaché et ça fine tombe dans mo lébra. » Hazrat Muhammad (s.a.w) dire li : « O Chachi, ou fine faire ene bon rêve. Cela pé indique ou ki mo tifille Fatima (r.a) pour donne naissance ene garçon et ça zenfant là pour grandi dans ou lébra.

 

Ummul Fazal (r.a) raconté ki vraiment Hazrat Fatima (r.a) fine donne naissance à Imaam Hussein (r.a) et quelques temps après mo fine vine rendre visite au Prophète (s.a.w). Li fine prend Imaam Hussein (r.a) et li fine dépose li dans mo lébra mais mo fine remarqué ki larmes pé couler dépi lizié de Rassoollullah (s.a.w). À ce moment là, mo fine demande li : « Ya Rassoollullah (s.a.w) ! Pour ki raison ou pé pleurer ? » A ça moment là, Rassoollullah (s.a.w) fine réponde : « Hazrat Jibreel (a.s) fine vine informe moi ki mo Ummat pour assassine ça zenfant là et Jibreel (a.s) fine apporte un peu la terre kot Hussein (r.a) pour être assassiné. » Ça Hadith là pé clairement montrer nous ki Allah Ta’ala fine donne la connaissance invisible (Ilmé Ghaib) à Rassoollullah (s.a.w) pour ki li conné ki Hazrat Fatima (r.a) pour donne naissance à ene garçon.

 

Hazrat Ameer Muawiya couma zot fine fec tende de li ki kalité dimoune li ti été, mais parmi so bane zenfants, li ti ena ene ki ti connu comme « Yazid ». Mais Yazid li le contraire de so papa. Li ti ene dimoune ki ti possède toutes sortes mauvaises manières, conduites et so la vie fine gravé dans l’histoire comme ene grand cruel envers l’Islam.

 

Dans ene Hadith, Hazrat Muhammad (s.a.w) fine dire : « Premier dimoune dans mo Ummat ki pour détruire mo Sunnat ce sera ene dimoune de Banu Ummayya. »

 

Ça prédiction ki Hazrat Muhammad (s.a.w) fine faire, c’est sans aucaine doute, concernant Yazid. Li ti dans la famille Ummayyah. Yazid fine prend naissance dans 25^ème Hijri.

 

Après la mort de Ameer Muawiya (so papa) dans le mois de Rajab 60 Hijri à Damas, à l’âge de 70 ans, Yazid fine prend pouvoir comme Calife et dans so lettre, li dire gouverneur là, faire tous bane dimounes prête serment (Baiat) ki zot accepté Yazid comme zot Calife, et aussi Yazid fine précisé ki ça bane dimounes tel couma Imaam Hussein, Abdur Rahman bin Abu Bakr, Abdullah bin Umar, Abdullah bin Zubeir obliger prend Baiat avec li parski ça bane dimounes là ti à la hauteur pour vine chef parceki zot bien éduqué et zot ena bon caractère et zot pas arrogants.

 

Sous l’ordre de Yazid, Walid bin Uqba fine appel Imaam Hussein (r.a) dans la caze gouverneur kot li fine lire lettre là devant Imaam Hussein.

 

Imaam Hussein (r.a) fine refuse prend Baiat pour faire Yazid fine so Calife, alors gouverneur Madina fine appelle Marwaan bin Hakam pour prend conseil. Marwaan fine dire si zot pas prend Baiat touye zot.

 

Imaam Hussein (r.a) ti conne très bien, si li refuse accepter Yazid comme Calife, ki danger Yazid et so bane groupes représenté pour li et so famille, li pas fine hésiter pour refuse accepter Yazid comme chef ; même gouverneur là fine dire li ki, si li pas accepter Yazid comme chef, alors li capave prend bane sanction sévères contre li.

 

Kan gouverneur Madina fine informe Yazid, à propos Imaam Hussein so refu, Yazid fine vine rouge de colère et li fine ordonne gouverneur pour assassine Imaam Hussein (r.a). Gouverneur fine informe Imaam Hussein (r.a) ki Yazid fine dire, Imaam Hussein fine reste lor so position même et refuse accepter Yazid comme chef catégoriquement. Entre temps li fine contacter bane Sahaba pour quitte Madina pour alle Makka et bane habitants Madina ti bien triste kan zot fine gagne nouvelle ki Imaam Hussein pé quitte Madina et c’est ene Vendredi le 4 Shabaan 60 Hijri ki Imaam Hussein et so famille quitte Madina, et kan zot ti rentre Makka, pour quelques temps zot fine vivre en paix, la joie avec bane habitants de Makka.

 

Après Imaam Hussein (r.a) fine recevoir lettre de Hazrat Imaam Muslim, li fine informe li et so famille et bane habitants de Makka ki situation dans Kufa bien correcte et zot décider pour alle à Kufa. En tout ti ena 82 personnes ti alle ensemble avec Imaam Hussein (r.a), ti ena bane vieux dimounes, jeunes filles, madames, enfants, ti baba et jeunes garçons.

 

En chemin, ti caravane de Imaam Hussein (r.a) fine rencontre plusieurs personnages ki sorti Kufa pé alle Makka pé déconseille Imaam Hussein pour pas alle Kufa, retourne Makka, mais Imaam Hussein fine insister parski li peur ki bane Kufi perdi Imaan par le reign de Yazid, et même en route Imaam Hussein fine appranne la triste nouvelle ki Imaam Muslim et so deux garçons fine Shaheed et ça ti ene nouvelle bien choquant et bien triste pour Imaam Hussein, so famille et les autres. Mais quant même ça zot fine contigne zot voyage et kot zot fine finalement arrive au bord de Kufa et en arrivant là-bas, Ubaidullah bin Ziyaad fine déjà fini envoye ene l’armée pour barre la route et empêche Imaam Hussein (r.a) rentre dans Kufa. Ene chef l’armée de Yazid ki appelle Hoor avec ene l’armée de 1000 soldats fine présente devant Imaam Hussein (r.a). C’était le 1^er Muharram l’an 61 Hijri.

 

Imaam Hussein fine addresse avec Hoor kot plusieurs dimounes de Kufa fine envoye li lettres et pé dire li vine Kufa pour zot pas perdi zot la foi et kan pé montrer ça bane lettres là à Hoor et pé cite certains noms, parmi ti dans l’armées de Hoor kot zot baisse zot la tête avec la honte et Hoor dire li pas au courant de ça bane lettres là. L’ordre séki li fine gagner ki pas laisse Imaam Hussein rentre dans Kufa.

 

Kan Imaam Hussein et so caravane fine continuer zot la route et finalement zot fine arrive à Karbala – Hoor recevoir ene lettre dépi Ibné Ziyaad ki pas laisse Imaam Hussein et so caravane alle pli devant et oblige zot pour arrête lor ene la plaine kot péna aucaine nourriture, ni de l’eau, ni protection.

 

Kan la famille et bane compagnes de Imaam Hussein (r.a) fine tende ça, zot fine commence pleuré car zot conné ki dans ça même l’endroit Rassoollullah (s.a.w) fine prédire ki Imaam Hussein pour Shaheed.

 

Kan Imaam Hussein fine trouver ki la guerre li inévitable, le 10^ème Muharram en 61 Hijri ki ti ene jour Vendredi, après ki zot tous fine acomplir Salaat’ul Fajr en Jamaat, dans so discours li fine dire ; sans doute, nous Shahadat fine écrire dans la main de bane l’ennemi. Avec tout sincérité mo donne zot permission pour zot retourne chez zot, de mo côté pas pour ena aucaine blâme, car bane l’ennemi là pé bizin mo tousél, pas zot et après mo Shahadat, zot pas pour rode personne.

 

A ce moment là, Hazrat Abbas et so frères dans ene seul la voix fine dire : « Eski nous capave aller et après ou Shahadat, nous reste vivant ? Non ! Allah Ta’ala, pas montrer nous ça kalité jour-là ! Nous faire serment lor Allah nous pour la guerre avec bane l’ennemi jusqu’à nous pour donne nous la vie.

 

Bane compagnons Imaam Hussein (r.a) fine la guerre jusqu’à ki zot tous ki ti ensemble avec Imaam Hussein fine Shaheed (excepté « Zainul Abedeen » (Ali bin Hussein) ki ti malade, pas ti capave la guerre). Zot aussi zot fine touye beaucoup soldats de l’armée Yazid.

 

Après ki plusieurs fine fini Shaheed, fine arrive tour de Hazrat Imaam Hussein (r.a). Li fine attache Amaama Rassoollullah (s.a.w) lors so la tête, li fine prend sabre Hazrat Ali (r.a) et aussi bouclier Hazrat Hamza (r.a), li fine habiller et bien brave pour alle Shaheed.

 

Ibn Ziyyad fine envoye ene grand soldat Syrien ki rempli d’orgueil pour touye Imaam Hussein. Li ti prend so sabre dans so la main, li pas ti attane ki Imaam Hussein attaque li comme ene z’éclair et fine décapite so lécorps et jette li dans la boue. Plusieurs grand soldats fine vini mais Hazrat Imaam Hussein, malgré li fine reste sans manger et sans boire plusieurs jours, li fine la guerre avec zot jusqu’à ki li fine touye ene par ene.

 

Ibn Sa’ad fine observe le courage de Imaam Hussein, ki si la guerre ene par ene pas pour capave avec Imaam Hussein. Ibn Sa’ad et les autres fine trouver ki bizin encercler Imaam Hussein et zot fine lance ene la pluie flèche lor li et li fine blesser entier so lécorps et dans ene souffrance pareil, ene malfaiteur vini et lance ene flèche lor so front. Baigné de sang et Imaam Hussein (r.a) fine gagne 72 blessures dans so lécorps et li tombe par terre. Dans ça moment là, ene l’autre soldat enterre ene pique dans so l’estomac.

 

Imaam Hussein tombe dans Sijda et dans ça moment là même ene soldat surnommé Nadhir Ibn Kharshah fine approché pour sépare la tête et le corps Imaam Hussein (r.a). So la main tremblé et so sabre sape dépi so la main tombé et finalement, la tête Imaam Hussein (r.a) fine être décapité par Khouli bin Yazid, Shabil bin Yazid ou Shimr.

 

Hazrat Imaam Hussein (r.a) vine le dernier Shaheed lor la terre Karbala. C’était ene Vendredi 10^ème Muharram et Imaam Hussein ti âgé de 56 ans, 5 mois et 5 jours.

 

Inna lillahé wa inna ilayhi raajioune

 

Zot fine mette la tête bane Shaheed dans bane piques et commence tape tambour pour manifester contentement ki Yazid fine gagne ça bataille là. Et zot fine mette la tête Imaam Hussein (r.a) dans ene plateau et fine présente ça à Ibn Ziyaad et li fine prend ene bâton, li fine tape lor la lèvres Imaam Hussein Shaheed.

 

Hazrat Imaam Hussein (r.a) et so la famille et so bane compagnons fine Shaheed dans Karbala jour Ashurah, mais zot fine arrose l’Islam avec zot du sang et à travers zot sacrifice ki zordi Islam fine répandre dans 4 coins du monde et Allah fine béni ça Ummat là et zot bane noms fine graver dans l’histoire comme bane héros de l’Islam, et Insha-Allah, Islam pour continuer répandre dans 4 coins du monde malgré bane complots de bane opposants de l’Islam et mo dire zot, continuer faire tant de dominaire avec bane vrai croyants Musulmans (Islam) mais c’est Allah et So bane serviteurs sincères ki pour sorti victorieux, pas zot ! Mais destruction lor destruction divine pour tombe lor zot. Ameen.

 

Et surtout séki zot pé faire avec nous bane frères et sœurs dans Palestine là, ene warning  mo pé donne Israël et so bane comploteurs, zot pas pour capave fini la religion d’Allah. Allah So punition pour tombe lor zot bien vite. Insha-Allah.